#شهوة_حب@

شهوه_حب 💗4

#شهوة_حب💗4/الجزء الرابع
#زينه_الزنزونه@
...
أول مرة نظرة الحزن والانكسار أشوفها بعيون فراس
واضح انه يحبها للبنيه كلش وماما رافضتها
راواني صورهم بالتخرج كلش حلوه ومرتبه احلى من عبير بت خالتي وانيقه عجبتني ملابسها كأنما عارضه ازياء بالاضافه لكلامه عنها شوقني اتعرف عليها
صعدت ماما قطعت كلامنه رفعت حواجبها تفاجأت من شافت الصور
فراس گلها جنت اشوف زنزون صور تخرجي اشرتلي انزل وبقت بغرفه فراس سمعتها تقنعه بزواجه من عبير
ماما كانت متسلطه وفارضه شخصيتها ع الكل رغم ما اخواني كبروا بس مالهم رأي مستقل وبابا كان منطيها السلطه ويوافقها بالقرارات
فراس تخرج من كليه الصيدله وتوضف واستقل عنها ونبراس تخرج من كليه القانون وتعين بالمحكمه واخواني تفوقوا وكملوا دراسه احمد ومحمد كليه أداب انكليزي وحيدر بالخامس علمي ومقرر يروح طب
بدت التحضيرات لزواج فراس الصبح اجوا عمال يشدون الاخشاب الجديدة بغرفته بالطابق الفوگ اني جنت اساعد ماما بشغل البيت لأن بيتنا جبير ومرات بالمطبخ دخلو العمال صعدوا وبابا وياهم انتبهت أركان ورة بابا
ماما اشرتلي وخزرتني ادخل جوة دخلت بالمطبخ وماما سوت چاي وخذته لفوگ بقيت اغسل بالمواعين وبالي يم اركان
تمنيت اشوفه واحچي وياه بس خفت من ماما
بقوا للظهر كملوا وطلعوا تعمدت اطلع للحديقه ورة بابا جنت لابسه دشداشة نيلي قديفه طويله وبدون حجاب ردته يشوفني بس مالحگت رجعت لكيت ماما عصبيه
زنزون شعدج لحكتيهم ؟
هاا ..ردت احاچي بابا اوصي يجيبلي حلويات
عفتها وصعدت فوگ شفت اخشاب فراس تجنن والغرفه صارت غير شكل باركتله
مبروك فراس
حچه بصوت مخنوك قهرني
شبيك متشائم ياعيني بلكي سعادتك ويه عبير
زنزون انتي بعدج صغيره مراح تفهميني
بقت حچايته ببالي ومافهمته بوقتها انقهرت عليه لأن مچان فرحان وتمنى البنيه اللي حبها من الجامعه تكون زوجته وماتحققت هالامنيه
من رجع بابا تغدينه بالصاله كلنه سوة انتبهت جان بينه وبين ماما كلام بالاشارات مافهمت عليهم من كملنه شلت قسم من المواعين ورحت للمطبخ تعمدت اوف قريب اتصنت وعرفت انه ضايج من ماما لان رفضت اركان واللي صدمني أن اركان جان جاي حتى يتفق ويه بابا يكون عرسه وعرس فراس بنفس الفندق ونفس اليوم وانهم خاطبيله ومكملين كلشي
كلش ضجت بس مابينت لاحد كتمت بداخلي
مااعرف اذا جان يسوة انقهر لو لا !
لو جان يحبني جان صبر وخطبني مرتين وثلاثه واربعه مو من اول مره يروح
ماما جانت مامهتمه بالعكس فرحانه بزواج فراس ابنها البكر وبنت اختها بعد شتريد اكثر من هالفرحه
المهم بدت التحضيرات وخالاتي شرفن  ببيتنه وبناتهن هم وبليل يطلعن يشترن النيشان والتجهيزات اني بقيت بالبيت مارحت وياهم كضيتها ع التلفزيون وبشغل البيت من رجعت ماما انطتني ملابس جابتهن وبدله البسهن بالعرس ووصتني ارتب نفسي بعد اخت العريس لازم اهتم بنفسي..
بيوم العرس بنات خالتي رتبن شعري ولبست البدله ورديه ستن تلمع قصيره
كلش حلوه لاكتلي وحذاء مذهبه عاليه طلعت فد شي طلعنه كلنه صعدنه بسيارات من باب بيتنه للفندق لبست حجاب وشال ع البدله وكفنه بالمقدمه استقبلنه العرسان فراس ماشاء الله يجنن ومرتب كلش وأركان هم انيق ختلت ورة بنات خالتي ماردته يشوفني رغم ما الكل يدري بي رادني وخطبني ولو ماما موافقه جان هسه اني عروسه
دخلو للقاعه وبعدين أجت العرايس ماركزت بشكل عروس اركان هالكد لان بالمكياج غير شكل طالعه شكد مجان الكل فرحان بس اني اتحسر كل شويه
رگصوا وصفگوا وهلاهل وچكليت وكيك
والكل يسأل عني وين زنزون وين اخت العريس ووين زينه!
رجعنه لبيتنه والعرسان بقوا بالفندق
دخلت لغرفتي بالطابق الارضي چانت بصف غرفة ماما وبابا
قفلت الباب حسيت بضيق اريد ابچي مااكدر اختنكت نزعت البدله ولبست تراك بجامه وتمددت تمنيت اعرف رقم نور صديقتي واخابرها واحجيلها  غفيت للصبح حيدر كسر باب الغرفة
يردون ريوك وماما بايته بالفندق ويه العرسان كعدت بسرعه سويتلهم ريوگ بابا جانت عينه وراي يمكن حس او راد يكول شي وخجل
مو هالكد علاقتي بي ولا ميانه چنت احترمه واخاف منه
شفت الموضوع ميسوة وبعدني صغيرة على شنو اضوج بعد المستقبل كدامي واكمل دراستي واتعرف ع شباب بالمستقبل وانسه
خلصت عطله نص السنه وجانت كلش طويله هالمرة بالنسبه الي لان صارت بيها هواي احداث وتغيرات بالعائله
وصلني فراس كالعاده للمدرسه بسيارته وبقى يحجيلي عن عبير بالطريق
و من سألته عن صديقته عرفت بزواجه گلي دا يحاول يتجنبها وينساهه ويبدي حياة جديده وي عبير
معقوله الحب يتنسى بهالسرعه !
وصلت للمدرسه شكد مشتاقه لنور لمدرساتي ولكلشي نور مجانت احسن حظ مني لان ابن خالتها طلع مصاحب عليها بنات وتعاركت وياه وقطعت علاقتها بي واني هم حجيتلها عن اركان وعن فراس اخويه اللي ماگدر يرتبط باللي حبها وتزوج غيرها ..
هذا هو حال العشاگ وللاسف بمجتمعنه اللي يحب يضطر يضحي حتى يرضي الاخرين
طلعت من المدرسه انتظرت يم الباب حيدر تاخر عليه انتبهت للحارس جديد شو هذا عيونه كلتني أكل ويبتسم ويغمز ويحرك بحواجبه !
اني البس قميص ردان طويله وصدريه سودة وحجاب ولان شته وباردة جاكيته صوف طويله فوكها
وصل حيدر ورحنه للبيت الحمد لله ماما مشغوله بالخطار وبخالتي وبناتها والعروسه عبير شويه قللت من مراقبتي
ومرت الايام بالمدرسه ماكو شي جديد عدا نظرات الحارس اللي اسمه خليل اللي زادت من اول ماادخل للمدرسه لحد ما اطلع منها
...
يتبع /ج ٤