#شهوة_حب@

شهوه_حب 22 والاخير

#شهوة_حب💗/22 الجزء الثاني والعشرون والأخير
المحطة الأخيرة
الكاتبة #العاشقه@ملكه
..

بعام 2014 تخرجت من كليه الهندسه وبابا توسطلي معارفه تعينت عقد بشركه والحمد لله بكامل اناقتي وشخصيتي المستقله والكل يعاملني بإحترام
واجهت صعوبات بسنوات الدراسه وبالكليه أكثر لأنها مختلطه بس الحمد لله كدرت اعبرها واخلصها على خير لأن حرة ومحد يتحكم بيه والفخر لبابا واخواني ماعافوني ابد وساندوني وقدمولي كل الدعم وماما من كثر ماندمت على زواجي تابت وكل اللي يتقدملي ترفضه ومتتدخل بحياتي بعد بالعكس انطتني الحرية المطلقه
شفت الكل مخبوص بالفيس بوك فسويت صفحة  وتواصلت وي كل اقاربنه ومعارفنه وزملاء العمل واخواني وزوجاتهم
بيوم تفاجأت بأركان دزلي طلب وصار من اصدقاءي بالصفحة وبده يتواصل وياي ونبقى ساعات بالخاص نتراسل ونحجي ونتذكر ايام الطفوله وتقربنه من بعض نفتح كاميرا بالموبايل ومرات بالابتوب ونسولف بكل وقت حتى مرة استغربت حجالي عن فاتحه جدو ابو بابا من جننه صغار نلعب بالحديقه وعدهم شجره نبگ صعدوا اخواني يشلعون النبگ واني شايله ثوبي اجمع النبگات وطالعه رجليه جان عمري خمس سنوات گلي زنزون مو رجلين گيمر لسه اتذكر منظرهن
كلش حرجني وخجلت منه بس حسيته بده يتقرب مني ويتغزل بيه
أركان من تخرج من دوره الضباط طلق زوجته مارتاح وياهها وبعدها سافر ايفادات واشتغل بأكثر من وضيفه وحاليا يشتغل وي عمو بالمحل باعتبار الابن الأكبر والوحيد وعمو وبابا معتمدين عليه بالشغل
المهم من عرف أني بديت اميل إله وتعودت على مراسلاتنه وتواصلنه سوه فاتحني بموضوع الزواج وخاصة من عرف بزملاءي بالعمل أكثر من واحد حاولو يتقربون مني ورفضت ومن حجيتله ثارت غيرته ورفض وتشجع يخطبني
بعد كل هالسنين المرت واللي راح وخوفي المستمر من حسام يرجع لأن اختفى بعد الحادث ومحد يعرف عنه شيء وتوقعت بأي وقت يرجع ويدمرلي حياتي بس بعد ظهور أركان تغيرت حياتي فعلا نقذني لأنه إبن عمي ومستحيل يأذيني ويخدعني لو يفكر يعاملني بقسوه
اتفقنه وقررنه نفاتح اهلنه بالموضوع والحمد لله الكل وافق وطلعنه اني وياه اشترينه بدله العرس وجهزنه من كل محلات الكراده والكاظميه وزيونه وشارع فلسطين والمنصور وكل مكان ببغداد افترينه بالسياره
بقينه ايام نتحجج بنواقص ونطلع مشاوير سوه حتى نتعرف ع بعض ونعيش اللي ماعشناه من البداية
حسيت بالأمان وياه بدفو بحنان من لمسه ايده الرقيقه
وكلامه الأرق
اكتشفت أنه خجول وحنون كلش وأخلاقه حلوه وغرگني بالهدايا كل مرة يفاجئني بهديه احلى ..
حددنه موعد الزواج ع اجازه فراس بابا اتصل بي واجبره يرجع ويحضر زواجي ...
انشغلت بنفسي ونسيت اكلكم شهوده كبرت وصارت بالسادس الابتدائي واخواني نبراس زوجته منار ولدت ثلاث اولاد ذكور
وأحمد زوجته الدلوعه رؤى ولدت بنت وولد ومحمد سافر لزوجته بالامارات واستقر هناك وحيدر تخرج من كليه الطب  وفتح عياده وخطب دكتوره زميلته
اما فراس رجع قبل بكم يوم من زواجنه وبعد معاناه وصعوبة قنع يبقى بس يرتب نقله وجانت فرحتنه جبيره برجوعه والتم شمله بزوجته وبنته بعد سنوات طويلة
محمد وزوجته رجعوا بس زياره كم يوم علمود العرس وفرحونه بخبر حملها الأول
عرسنه كلش مميز صار لأنه جمع شمل أكثر من عائله
وصار بقاعه اجرناهه بفندق
حسيت بنفسي أميره واركان الأمير والزواج ملكي اسطوري الكل مبهور ومتعجب بينه وبالمصاريف اللي صرفوها بابا وعمو
ليله من العمر كلنه ركصنه وفرحنه وأخذت صور وي الكل وبعد الحفله صعدنه وحدنه بالمصعد اني واركان دخلنه للغرفه أركان طول المده الراحت مالمسني ولاحتى باسني لأن حجيتله اللي صار بالماضي والصدمه اللي عانيتها واكيد لازم يعرف كلشي صار بحياتي بأدق التفاصيل وهذا من حقه لهذا السبب خاف يتقرب مني ومن رده فعلي وماضغط عليه ابد
تعشينه بغرفتنه بملابسنه وبالبدله بقيت وبعدين بدلنه ملابسنه كل واحد بمكان معزول
عاينت نفسي بالمرايه حاسه بتشويق وفرحه متنوصف
أركان لبس قميص ابيض وبجامه بيضه وتمدد على الجربايه واني هم لبست سيت نوم ابيض تقربت وتمددت بصفه بدون منتحرك دقايق
تنحنح ..
ابتسمت
تنحنح مره لخ ..
التفتت ولزمت ايده خليتها على صدري
التفتلي وابتسم
زنزون
عيون زنزون
تدرين شكد حلوه انتي
لا ماادري كول انته شكد
بجمال الورده البيضه اللي بيها شوك يجرح كل اللي يتجرأ يقطفها
اقتربت منه شفته توتر
لمسته .. لمست وجهه وشواربه
خدوده .. غمض عيونه وارتبك حتى تفاحه آدم تتحرك من كثر ما توتر
اقتربت أكثر وبسته كلبني ونام فوكي ماتحمل
زنزون
عيوني انته
تسمحيلي اقطف هالورده
هزيت براسي بخجل
هجم عليه بس برقه ماحسسني بألم
حسيت بنفسي أسعد بنيه بالدنيا بين أيديه وع صدره وتحت أنفاسه ولمساته الرقيقه وعشنه أجمل أيام سوه والله عوضني الحمدلله وصار عندي حمل من ليلتها واركان فرحان بالحمل مامصدك كل يوم يصور بطني بالموبايل ويراقب حجمها
عانيت بالحمل اكيد مثل كل بنت وجبت بنوته حلوه سميتها ورده ع اول وصف وصفني بي أركان بليله زواجنه
...
النهاية //
قصة زينه قصة حقيقية منقوله مع تغيير الأسماء والأماكن والأحداث الدقيقة من وحيي وخيالي
شكرا لكل من تابع وانتقد
الكاتبة #العاشقه@ملكه
...