#شهوة_حب💗19/الجزء التاسع عشر
..
#زينه_الزنزونه@
...
بما اني صرت جزء من حسام وعرفت طبعه وسوالفه حفظتهن وعرفت كل همه اطيعه وارضي رغبته وشهوته المريضه بديت أقدم تنازلات وانفذ كل طلباته واوامره بدون اي مقابل بس حتى يكف لسانه عن اهلي ومايذكرهم بالسوء ويحسن التصرف وياي ومايضربني
مر أسبوع تقريبا مااعرف شيء عن اهلي بس جنت اوصي رنا من تطلع من المدرسه تمر لبيتنه وتتطمن ماما عليه وتكلها اني بخير حتى لاتصير مشاكل وادري بابا وإخواني ميسكتون ع الإهانة اللي راحت
وقتي اقضي بين شغل البيت والمطبخ ومن اخلص ادخل الغرفه ارتاح علما يجي حسام ساعتين الضهر ويرجع للمحل وبليل يرجع للبيت
اسامه بيوم اللي اجه بابا اخذ سوسن وراح للبصره وبعد ماشفناه
ابو اسامه يغط بره البيت ومن يرجع يكضيها بين تلفزيون ونوم واكيد مخلصها شرب وسكر
وبيوم الصبح طلع حسام صرت نادره نظفت غرفتي وطلعت غراضها بره بالممر جان محد بالبيت نزعت الدشداشه احتريت وبقيت بفانيله تعلاكه فوك الملابس الداخلية وبجامه ستريج وشلت شعري لفوك وغسلت الغرفه ونشفتها وفتحت الشبابيك وباب السطح رجعت بالممر تزحلكت بباب الغرفه التوت رجلي مكدرت اتحرك اتشنجت ودشداشتي بعيده عني كعدت بالكاع ادلكها حسيت بألم بيها صحت خاله ام اسامه.. خاله..
سمعت حركه بالدرج صوت حذاء خالتي متلبس حذاء بس لا أبو اسامه جايني سكران متت من الخوف
زحفت لداخل الغرفه شفت أسامة لابس ملابس عسكريه وبوت جلد آمنت شوية
هو هم ركض ورفعني
سلامات زينه شبيج !
أسامة ساعدني تزحلكت ورجلي التوت وتوجعني هسه
لزميني زين لاتخافين حضنته شالني للجربايه مددني صعد الستريج ودلك رجلي عضيت المخده وصرخت اااخ
شفته شلون متوتر أيديه يرجفن حتى عرك رفع رجلي وباسها
أسامة شدا تسوي !!
عيونه حمر ودمعت وحسيت بي عده رغبه تجاههي سحبت رجلي
وتغطيت بالفرشه
اطلع بره أسامه اشرلته للباب اطلع ماسمعتني !
هز برأسه ورجع لوره تنحنح
خليني ادخلج الميز والغراض
ماريد منك شيء اطلع بسرعة
اسف اسف زينه دنك وطلع
ما استغربت من تصرفه لأن شيختلف عنهم كلهم مخابيل وماعدهم رحمه وكل همهم الشهوه واسامه وراه سر من البداية
نظراته وتصرفاته وهسه اللي سواه خلاني اتحذر منه أكثر وأكثر
تحملت الألم ولبست دشداشتي ودخلت الغراض ودفعت الميز كوه ودخلت للحمام سبحت وطلعت لافه نفسي بالروب القديفه ومنشفه شفته طالع من غرفته مشيت سريع لحكني بس صرت أسرع منه وقفلت الباب بقى يدفع بيها ويهمس زينه فتحي نتفاهم
نتفاهم !؟
على شنو !
شتريد أسامه روح الله يخليك
بقيت خايفه ياربي شسوي بدلت ع السريع ماكو صوت بره نزلت شفت ام اسامه جايبه مسواك ساعدتها وماذكرت شيء من اللي صار خفت توصل كلمه لحسام واني اوكع بيها كملت الغده عرفت أسامة موصل سوسن لأهلها ابوها مريض ومشتغل بحماية المنشآت العسكرية وجاي بإجازة اسبوع وراجع للبصره
ياربي أسبوع هنا يبقى شلون اتحمله هذا
بقيت حذره منه واحس بنظراته وشهوته تزداد من يقترب مني والغريب غيرته الواضحة من يقترب مني حسام
لحد الآن مصاير شيء منه غير التصرفات هاي وحسام مثل ما هو ماتغير بالعكس مجنون بيه وكل همه يشبع رغبته وشهوته ويأكل وينام
ثاني يوم من طلع حسام نزلت وراه بدقايق سمعت أسامة يتعارك وي أمه مافهمت الكلام زين اتصنتت أكثر سمعته يكلها كلها منج انتي بنت ال.. كلكم كلاب وحقراء اخذتوها مني اني اللي شفتها اول مره اني اللي ردتها عجبتج وخذتيها للخبل ابنج بنت ال..
ويحجي بصوت مخنوك واسمعها تبجي وتهدأ بي وتكله يوم اخطبلك احلى منها عوفها الله يرضى عليك
الله لايرضى عليج لاانتي ولاابنج وظل يدعي عليهم وطلع
كعدت بالكاع وبقت تبجي بصوت اني كعدت على الدرج ولزمت صدري گلبي ح يوكف
شنو هالحجي السمعته !
من أسامة اجه طلب نفط وشافني وعجبته وره كم يوم أجت أمه وتعرفت علينه يعني هو دزها تخطبني اله ومن شافتني صغيرة عجبتها وخطبتني لحسام !
وأسامة ظلت بنفسه
أسامة يحبني !
أسامة يريدني إلي !
اريد استوعب هالكلام
انصدمت وهذا فسرلي تصرفات أسامه وياي وحسام أكثر من مرة كلي مالج شغل باسامه ومرته ورادنه نعوفهم ونعيش وحدنه ببيتهم القديم بمدينه الثوره بعيد عن الكل يمكن لهالسبب
يعني حسام يعرف ؟
أخذت نفس وعدلت نفسي ونزلت سويت روحي ماسمعت شيء لأن شسوي ماعندي حل ولااكدر اتصرف اي تصرف
مر اليوم بخوف وقلق حتى من حسام كمت اتحسس من يقترب مني واتضايق
اخاف من أي حركه قريبه توترني وخاصة إذا اسامه موجود بالبيت
الظهر بعد ماطلع حسام للشغل نسيت
اقفل الباب وراه غفيت دايره وجهي
حسيت بلمس بجسمي
تعودت على حركات حسام من يلمسني اني ونايمه ومرات اسوي نفسي نايمه وتعبانه حتى اخلص منه فزيت فتحت عيوني وانتبهت هذا أسامه مو حسام شهكت صم حلكي بيده
اششش
نزل على صدري ويبوس خفيف ويتلمس
جسمي كله تشنج وخرت ايده وحجيت بصعوبة
أسامة اني محرمه عليك عوفني الله يخليك ابتسم وباسني بشفايفي بوسه طويله تلذذ بيها جانت تختلف عن بوسات حسام المتوحشة
كلشي يختلف أنفاسه ولمساته والرقه اللي عاملني بيها حتى احساسي تجاهه يختلف
فقدت السيطرة واستسلمت إله من كمل البوسه كلي احبج واخذج منه وغمزلي كام عدل ملابسه وطلع من الغرفة
طفرت وراه وقفلت الباب ولطمت على خدي يمه شسوه هسه !
ياربي ساعدني دخيلك
ماطلعت من الغرفة ابد حتى للحمام مارحت ولانزلت جوه للظهر
تغيرت تصرفاتي وي الكل حتى حسام مالي نفس بي ولا إلى خلك حتى صوته ينرفزني ويضايقني وهو هم أخلاقه تلعب النفس وأيده والضرب والغلط والشتايم ثلاث أيام على هالحال جزعت ومليت حتى شعري تهلس من كثر ما يسحلني ويملخني واسامه ماشفته هو موجود اسمع صوته جوه وبالممر فوك بس ماطلعت من الغرفة عمدا
ماريد اشوفه واي واحد يسألني أكول مالي خلك ونفسي تلعب حتى ام اسامه فرحت كالت يالله بلكي حامل وتوسلت لحسام نروح للمستشفى احلل ماقبل ع اساس زعلان مني يريدني اتوسله وأراضي اليوم الرابع اضطريت اطلع من الغرفه وجان اشوفه كبالي بالباب واكف منتظرني ...
...
استطلاع الكاتبه :- ماهو رأيكم بالأحداث الحاصله؟
وبنظركم منو يستحق زينه أكثر وتختم حياتها وياه وشنو اللي ح يصير بالنهاية؟
توقعاتكم وانتقاداتكم للقصه 😉
يتبع /19
أنت تقرأ
#شهوة_حب@
Romanceقصه حب حقيقيه زينه الزنزونه جميلة لم تحصل على حب حياتها الا بعد تضحيات وخسارة كبيرة
