#شهوة_حب@

#شهوة_حب💗12/الجزء الثاني عشر

#شهوة_حب💗12/الجزء الثاني عشر
#زينه_الزنزونه@
...
طول ال ١٤ سنه الراحت من عمري محد تجرأ وزمخ بيه ومحد جان يهيني ولا يعاملني بقسوة دائما جنت المدلله المحبوبه وماحسيت بيوم من الايام بمذله مثل ماحسيت باول يوم قضيته ويه حسام
يعني سنين حياتي الراحت بكفه واليوم اللي عشته ويه حسام بكفه ...
من البدايه ضبط امورة وعاملني بنظام رغم ضعفه من يمارس حقه وياي بالفراش وياخذ اللي يكفي وزيادة بدون حتى مااسمع منه كلمه حلوه لااحبج ولا اي كلمه غزل وحب كأنما متفضل عليه وهو صاحب الفضل والمنه
الليله الثانيه اللي قضيتها ويه حسام اضعاف الليله الاولى من القسوة والوحشيه كمل حاجته مني بعد مااكتفى وشبع شمرني وطلع للحمام بقيت ارجف بمكاني ياربي دخيلك خلصني اموت ولاابقى على هالحال طلعت روحي
بقيت متمددة رجع ورة ربع ساعه زمخ بيه گومي لج عزلي الغرفه وسبحي ونزلي جيبي العشه
سويت نفسي مااسمع اجه سحب الفرشه وسحبني طيحني بالكاع صرخت وجان يجيني راشدي ترس وجهي شهكت
حرام عليك حسام ليش هيج تسوي شسويتلك !
نزلت دموعي حسيته انقهر عليه گومني من الگاع ارتبك يمكن تندم نصه صوته
زينه لاتعاندين صيري مطيعه وبعد ماامد ايدي عليج
دفعت بي بصدرة وخر اصلا انته حيوان مو بشر قشمرتني قبل الزواج شكد جنت مؤدب وهسه طلعت وحش وخر اكرهك عوفني مخبل سد حلگي بكل قوته بكف ايدة اختنكت وهمس بأذاني
هالمرة اسامحج لان توج ماكله راشدي وبعدج عروس وماريد احد يتشمت بينه والله العظيم اگطعج مرة الثانيه شمرني على الچربايه
بقيت ارجف گلبي وگف من الخوف
مد راسه من باب الغرفة وصاح رنا جيبي العشه صعدي بسرعه وطبك باب الغرفة حييل كل قوته
بقيت انشغ اشرلي أششش وگعد بالكاع شغل التلفزيون وعله الصوت على قنوات الرياضه كمت اخذت منشفه وطلعت للحمام بقيت هناك جوة الدوش شبعت بچي ماحسيت بالوقت اندكت باب الحمام سديت المي وصحت منو
اني حسام يلا منتظرج نتعشه
مكدرت أرفض خفت منه استسلمت كتله دقايق واطلع
نشفت نفسي بسرعه وبدلت بس شفت عيوني شكبرها من البجي انفخت
دخلت للغرفه حضنني من الباب وباسني بشفايفي دقايق استسلمت بين ايديه
زينه خلي مكياج وتعاي نتعشه بسرعه يلا جوعان واذا تأخرتي اكلج وعضني بخدي ودفعني يلا يلا استعجلي
رغم الحسرة والرعب اللي بداخلي نفذت طلبه مجبوره
لفيت شعري بقراصه وتمكيجت واجيت يمه تعشينه انتبهت لتصرفاته متناقضه مااعرف من صحت بي وكتله مخبل صحى !
كملنه عشه
لبست روب و اخذت الصينيه ونزلت للمطبخ تلكتني ام اسامه ليش خاله جان صحتيني ابو اسامه موجود يعاين صفح سلمت عليه شلونك عمو
هز ايدة وطلع
ام اسامه ضحكت وجرتني وشاورتني خاله منا للسابع يوم يلا تنزلين بعد قلبي واذا تريدين شي بس صيحي من الدرج لرناوي تجيج ركض
ليش خاله ماعدي شي
هاا .. لا مو ابو اسامه مخبوص واسامه اجه اليوم وباجر يروح يجيب زوجته من البصرة
صدك ؟
اي خاله بعدين احجيلج صعدي هسه لرجالج بنيتي فدوة اروح لج
خاله بس حسام رايد چاي
اي خاله هسه رناوي تصعدة
صعدت وانتبهت لابو اسامه مالابس دشداشة لعد اللي الصبح لمحت طرف دشداشته الرصاصي منو !
خاف اسامه !
ليش ميقبلون انزل وشكو !
كملت الدرج فوگ سمعت صوت بالغرفه ماافتهمت شنو طلع منها اسامه جان لابس الدشداشه الرصاصي شافني دنگ بالكاع وراح لغرفته
طلعت غرفته بصف غرفتي رجعت شفت حسام كلش مقهور
وين صرتي !
شبيك يم امك يا عيني
سدي الباب وتعاي
اي سديتها
بقينه بعيدين من بعض اخاف أساله اي سؤال وهواي امور غامضه عدهم
ثاني يوم نفس اللي صار بالقبله وثالث يوم والرابع والخامس والسادس بالليل ليله السبعه حزن حسام وخبصني عرفت بابا موصي يجيبني من الصبح وابقه عد اهلي ابات لثاني يوم حسيت بي مثل الطفل اللي تعوفه امه كل شويه يحضني ويشمني ويبوس بيه بكل مكان ببوجهي نهاني وماخلصت منه ولاشبع ابد
حسام دخيلك اختنكت
عصر بلعومي بيديه الاثنين اني اريدج تختنكين وتموتين بين ايديه وادفنج بنص الغرفه ولاتروحين
ضحكت هاي شبيك حسام اعوفك يوم واحد وارجع بس اذا موتتني اعوفك للدوم
تغير لون وجهه وشبگني حييل
زينه تعودت عليج رجع يبوس ويشم بشعري يلف بي بيدة وعلى ذراعه
حسام تريدني ماروح ؟
تأأفف ياريت بس انطيت كلمه لابوج لان راح يسافر واخوانج مشتاقيلج
اني هم اشتاقيتلهم والله كأنما سنه مشايفتهم
بقيت ملهوفه كلش على شوفت اخواني وماما وبابا وشهودة اتخيلهم واتحلم بشوفتهم باجر ... الله ... شيجيب باجر الساعات تمشي ببطء وحسام موتني تبوس وعاصرني على صدرة ميقبل اتحرك ولا اوخر عنه يسحبني على صدرة طول الليل حتى مكدرت انام راسي تشنج للصبح من وكت سبحنه وبدلت ولبست الذهب وأخذت كم شغله بجنطه وتحضرت حتى حسام ياخذني لاهلي نزلنه للصاله ام اسامه محضرة ريوگ اسامه گاعد يقرة جريدة وابو اسامه مشغل التلفزيون على الاخبار سلمت عليهم ورنا شبكتني شنو هالجمال زنزون ديري بالج لاتنحسدين
سمعت صوت بالمطبخ يمكن زوجة اسامه بس محد عرفني عليها
گعدنه نتريك ريوكهم جبن معلبات وجاي
حسام وجهه اصفر ولونه مخطوف
ابو اسامه گله بعصبيه توديها وتروح تفتح المحل افتهمت
صار يابه ع امرك
استغربت شلون هيج يحجي وياه !
اسامه عين على الجريدة وعين عليه
كملت ريوك بسرعه وكمت ودعتهم وطلعنه اني وحسام وام اسامه لحكتني مو تتاخرين خاله راح نشتاقلج زنزونه سلميلي ع الماما بوستني ورجعت
حسام لزم ايدي عصرها كل قوته
حسيت بانفاسه وتوتره
اهلي مسافه مقابيل بيتهم تمشينه ماحجه ولاكلمه وصلنه للباب بعدة عاصر ايدي حسام ايدي !!
ابتسم وهدها
.. ديري بالج ع نفسج وسلميلي على الكل دار وجهه وراح
حسيت بنفسي طير وشارد من القفص
دكيت الباب فتحها حيدر شبكته وبجيت لزمت قميصه بكل قوتي هو هم شبكني الله شكد طيبه ريحته ..
.. يتبع /١٢

تفاعل أكثر حتى نكمل
#العاشقه@