خديجة : ورباعة البايرات نوضو الله يتبعك البلا ...(متفتح فشراجم ) نوضو تگعدو
دارين: مامااااا واش حتا فالويكاند مانعسوش
خديجة: الغمة نوضو تگعدو الدار غاتهرب بالوسخ
انا: ماما حبيبتي ياك غسلت للماعن و للميت دار ...و دارين مسيكينة سيقات واخا عندها الامتحانات
دارين: قوليها ليها اختي
خديجة: عاااارفة الله يرضي عليكم...رآه حيتاش جاية عندنا خالتك عيشة و ولدها و بنتها ......
بلاتي بلاتي گاعما تعرفنا عليكم اوووك انا اسيدنا اسمي لوجين و هادي ختي دارين و ماما خديجة واخة قاصحة شوية مي حنينة ....انا عندي 21 عام كانقرا فلافاك العم تالت عندي دايرة ليكونومي للقتيصاد حنا كاينين بأكادير المدينة الساحلية لي الجو ديالها كيجيب ناس من فيييين المهم هادي ختي دارين كاتقرا فالباك هادي ...مابقا واالو و تدوز الوطني الله يعينها ...حنا من عائلة متوسطة ماعندنا و ماخصناش ....بابا استاذ بالجامعة ...ماما حارسه عامة فالليسي فاش كاتقرا ختي ....انا يالالياتي مربوعة الطول ماطويلة ما قصيرة طايتي حوتة هههه ماغليضة مارقيقة كولشي كايقولي فرمتك طوووب ..انا بيضة و عنيا زورق .. كانلوح عليا زيف مي ماكانغطيش شعري كامل تقدرو تقولو ستيل ماشي دايراه اي ملتزمة بيه .....ندوزو للختي ههههههههههه ختي عكسييي ختي قصيرة و طبوزة ههههه مي زويييينة بيضة حتا هيا مي عينيها ماشي بحالنا عندها عين فالزرق و عين فالدهبي هاد نوع دالعينين نااادر شي لي كايخلي ليشافها يتزعط فيها هيا صارحة ماشي غليضة الكرش و داكشي لااااااااا الكرش لاسقة علا ضهر مي واااحد مولاتي ترمة عندها تبارك الله و صدر وااقف و نقاد و رجيلات بيضين شهيييوة منهم تاع غار الحنة ههههههههه شعرها طويل و شقر مفتوح داير بحال ديال مريام فارس و كانلبس هيا غار جلالب و كاتطلق شعرها كاتجيب فهو ومع ديك تيرمة ههههه لي شافها كايقييم انا ديالي قهوي .....انا وياها مفاهمين وخا كانتسابو و نتعايرو سرها عندي و سري عندها ..... اوا دابا عرفتونا
انا: بصاح اماما غايجيك امتا (نااااااري مي غاتجي هيا و تيتيز ويلي مي عندها واحد الولد شهوة منو مزعوطة فيه ملي كنت فالكاطريام حتا للدابا ....قرصاتني ختي حيت طريقة باش قلتها مفروشة ...)
خديجة: اه مالكي قفزتي
دارين: (عتقات الموقف) حيت رآه بغينا نعسو و نتي جايبة لينا هاد الخبار لي مافيها مايتشاف
خديجة: و توما نوووضوووووو بلاتي نجيب صمطة هيا لي غاتفكني .....ناضت مشات تجيب ديك الصمطة للمعلومة لي كاناكلو بيها العصا من الصغر .....مشات جابتها و جات ...مابغيتوش تنوضو ابنات الحرام ياك اوا هاكو ...كاضرب فينا و حنا كانقزو من ناموسية للوحدة خرا و عريانات حيت صيف بدأ شهر خمسة هادا ....هربنا لليها للتحت غسلنا وجهنا و مسكنا شعرنا و حنا وقيمة شغل انا كانسوس فالعجاج و نشر زرابي و ختي كاتجفف و تسيق دروج سالينا صالات....دخلنا للبيوت الضياف هويناهم و شمشنا الوسائد و لليزور و شطبناهم خرجنا للكوزينة وحدة تطيب وحدة تعجن ماكلينا مادرنا المسن البغرير الكيكات اتاي و القهوة جابت ختي كرواصة و الحرشة ......الخ وصلات ديك الربعة لقانا سالينا طلعنا دوشنا و نعسنا وصلات ستة و نص طلعات ماما كاتهرس فالباب
خديجة: رباعة البايرات نوضو رآه ناس قربو يجيو
دارين: واخا
انا: اوووكي ....نضنا للبسنا حوايجنا انا للبست جلابة فالماغون و دارين لبسات جلابة فالزرق و البيض للحت عليا شال و درت ماكياج خفيف ماسكارة و عكر علا طريقة الكورية و ركزة علا الهايلايتر خفيف و حتا للعوجة ددارين حتا هيا بحالي ...
و نزلنا للقيناهم جاو ......ختي مشات عنقات ريتاج بنت خالتي عيشة(خالتي عيشة خت ماما برضاعة) حيت ماصاحبات و عنقات خالتي عيشة و سلمان علا ايهم (حبوبي جا كيهبل بلاتي نقربكم منو شوية) ايهم شاب عندو 28سنة الوريت للوحيد للمجموعة افخر الفنادق فالعالم و بالاخص دبي و لندن مريشييين بالبيان مي متواضعين كانهضر علا ختو و مو و باه اما هو انطوائي ماكايهدرش مع حد ولا يمكن غار معانا المهم وسيييييييييييم جدا جدا جدا الفورمة اح داكشي دالعضلات و داكشي ...لونو حنطي عينيه فاللخضر و اللحية مطراسية طويل و انيق فهضرتو واعي ومسؤول لي قالها يديرها ولو علا قطيع راسو .....
اوا دخلت تسالمو مع خالتي شحال عزيزة عليا .....گلسنا كانضحكو ونجمعو الا هو بطبيعة الحال غار مخنزر وماحاملش الوضع ....
خالتي : لي نطولوه نقصروه انا جاية طالبة يد بنتك لوجين للولدي ايهم
ماما(فرحات) : مرحبا علاه انا غانلقا ما حسن من ولدي ايهم للبنتي لوجين ...اوا إش غانقوليك خلي حتا يجي رجال و هوما يتافقو
انا فرحت بزااااف مي كايبان ليا ايهم مزير ماباغيش باينة فيه غار بزز المشكلة انا مانقدرش نقول لا للماما تاكلني سكت و نزلت راسي مروا ما ودن العشا جا بابا و عمي ابراهيم (اب ايهم) داخلين ضاحكين ناشطين ....حطينا ليهم اتاي
ماما: سي زياد(بابا) رآه ختي عيشة و ...مازال ماكملات هضرتها
بابا: عااارف و انا موافق مانزيدهم غار الله يكمل بالخير
ماما: اوا بلاتي العرسان گاع ما هضرو ...اشنو قلتي اولدي
ايهم(طلق يدو و شاف فيهم و هو مبتاسم) انا موافق مي بشروط
ريتاج: اويلي علا شروط رآه لوجين لي خصها تشرط ماشي نتا .....حمر فيها عينيه و هيا تكرش
ايهم: نبغي ندير العقد و مدي مرتي بلا عرس بلا هايلالة ماكانحملش دوك الأجواء ...و عقد القران انشاء الله للتنين جاي ..صافي
دارين،: زربتييي عليها اعشيري(دارين موالفة هيا وياه ضحك و تقشاب)
ريتاج: هههههه ضربي هنا (تصافحو لليدين)
عيشة: براكة سكتو ياللبرهوشات ...بنتتي شنو قلتي
تا: طلعت عيني فبابا و ماما لقيتهوم فرحانين و مابغيتش نقرحهم
اناا: موافقة ....ناض عمي ابراهيم كايهنئ بابا و بابا كدالك ....المهم تعشاو و باتو عندنا الا هو ماعرفت فين مشا ...
هاااااي الفتيات نبغيكم تفاعلو مع القصة رآها واااااعرة غاتعجبكم يالاه دمتم في رعاية الله
أنت تقرأ
انا و ضرتي ...
Humorسلام الحبوبات دياولي انا جئتكم اليوم بقصة مختلفة عن القصص لآخرين شوية مي زوينة الله يرضي عليكم نوصيكم بالتفاعل اولئ ..المهم القصة مقودة فيها جوج دالاجزاء انا لي كاتباها يعني من كتاباتي بطبيعة الحال الخاصة ..لي بغات أتهزها مرحبا مي تكتب اسمي لي هو af...
