انا و ضرتي ...

البارت رابع عشر

وصلت لأكادير مامشيتش للدار مشيت للوطيل بت فيه حيت ماقانعاش للصداع ماما و قوت الأسئلة نعست بحالا عمري مانعست فحياتي كنت عيانة بزاف سمعت تيليفوني كايصوني هزيتو للقيت 280 ابيل من عند ايهم 50 ميساج كانقراهم كانلقا : لوجين حط جاوبيني راكي ضالماني راه تاحجة من داكشي لي شفتي ماصحيحة / لوجين راه غانتصطا جاوبيني طمنيني عليك فين كاينة / لوجين ماتهوريش فين وراق طلاق لي عطيتك ماتوقعيش كانترجاك / لوجين والله حتا كانبغيك راه امل هيا لي تقربات مني /جاوبيني راني غانحماق عافاك علا ود العشرة لي بيناتنا
وعلاه خليتي فيها شي عشرة ..صونيت للخالتي
انا: الو خالتي
خالتي (بلهفة) : الو بنتي الله يابنتي الله خلعتينا عليك فينك صونيت للماماك و قالت ليا كيدايرة بنتي فين كاين نتي
انا: كاينة فأكادير نيت فواحد لوطيل قلت مانمشي حتا للصباح غار تهناي
خالتي : من فين غايجيني الهنا وونتي تما و ايهم هرس دار كاملا و خرج معارفتو فين زاد
انا: المهم بسلاما
خالتي : واخا ابنتي (دخل ايهم شافها كادوي فتيليفون و حيدو للماماه)
ايهم:(كايدوي و هو كيبكي) لوجين عافاك كانطلبك رجعي ليا ماندقر نعيش بلا بيك
انا: راني وقعت على وراق طلاق غاندفعهم غدا للمحكمة
ايهم طاح علا ركابيه كايبكي مو تقطع قلبها عليه و بقات تصبر فيه و لوجين كانت مازالة كاتسمع
عيشة: صافي اولدي ماتبكيش نتا لي درتيها للراسك
ايهم: مي راه كانبغيها وا كانبغيها
عيشة : كون كنت كابغيها گاع ماتخسرها

اصبحنا واصبح الملك لله
فقت مشيت للدارنا صارحة ماما استغربات كيفاش و علاش جيت و هيا غار البارح دورات مع خالتي و ماقالت ليها والو ..دخلت عاودت ليهم كولشي من طاق طاق تالسلام عليكم بقاو غار كايشوفو فيا ماعارفو مايقولو
انا: ماما تشهيت رفيسة شحال هادي ماكليتها
ماما. بابا بقاو غار كايشوفو فيا ماعارفو مايقولو
انا: وصافي قضاء الله وقدره شنو نمشي نقتل راسي عييت من الهم والحزن و الغم بغيت نسا دابا كولشي واش ماباغينيش نعيش سعيدة
ماما: ههههه لا بالعكس ابنتي سعادتك هيا كولشي صافي انا نايضة نوجد
انا: حقا فين هيا دايرين
ماما: عند ريم تايحفضو غدا الوطني
انا: اه اوا هانا طلعت لبيتي
دلو داك نهار غار بضحك بغاو يفوجو عليا تانا تجاوبت معاهم حيت صافي شحال قدني نبكي و ندب علا حضي غانحاول نتناساه حيت صعيب نساه
بعد مرور اسبوعين
خدمت فواحد المدرسة تيتشر ديال الانجليزيه
دارين مسكينة اليوم غايعلقو نتائج و غاتموت بالخلعة خرج ليا طلاقي من ايهم دابا وليت حرة
نمشيو عند مسيو ايهم
كان ناعس اصلا مابقاش كايخرجو من البيت من بعد ماطلقو ديالو ديما كايمشي كايهز حوايجها لي بقاو كايعنقهم و يشم ريحتهم و ينعس ...كان ناعس حتا سمع الباب كايتردخ مو كاتغوت و ختو
ايهم: ياك لاباس
عيشة : نزل تشوف اشنو كاين ...غسل ايهم وجهو و نزل بان ليه البوليس
ايهم: ياك لاباس
البوليسي : صارحة اسيدي تم القبض على مراتك بتهمت دعارة متلبسة (ايهم تصدم ماضنش انها توصل بيها الحقارة للهاد الرجة )
ايهم: كيفاش تفضل معانا و غاتعرف كولشي
مشا معاهم بلا مايبدل حوايجو دخل للكوميسارية كاتبان ليه گالسة و لاية عليها غار ليزار و كاتبكي حتاقرها ديك ساعة و حتاقر راسو حيت تزوج وحدة قحبة
دخل عند للمكتب و هو يجي عند. المسؤول
المسؤول : مرتك تقبض عليها فدار هيا و واحد الراجل متزوج كايمارسو دعارة
ايهم: اه وانا شنو المطلوب مني
المسؤول: واش غاتسامح ليها يعني واش غاتنازل
ايهم: وجد ليا وراق طلاق بغيتهم يكونو عندي هاد العشية ناض و خرج
امل: ايهم الله يخليك خرجني من هنا
ايهم: دفل عليها و مشا
.
.
عند لوجين
كنت راجعة للدار فطريق ساعة ضربني واحد بطوموبيل و عوج ليا طوموبيل من لور
نزلت كانشوف فيها حتا خرج داك السيد لي ضربني ويلي با اشمن طولة و اشمن اناقة و زين تايقطر
الشخص: سمحي ليا اختي ممكن نقادها لك تصليح السيارات راه غار قريب
انا : واخا
مشينا للتصليح سيارات گلست كانتسناها تقاد جا گلس حدايا
الشخص: انا ادهم مقاول عندي 28 عام
انا : انا لوجين تيتشر عندي 24 عام
الشخص: متشرفين اختي
انا: ربي يخليك .. كايصوني تيليفوني
انا: الو وي دارين اشنو درتي مبرووووك حبيبتي مبرووك عليك عقبا للتخرج ...اوك انا ف*** جي عندي مع وقعات ليا اكسيدون
دازت شي عشرين دقيقة جات دارين كاتجري
دارين : ختي ياك ماوقع ليك والو
انا: لا (شفت شكون گالس معاها ) نتا نتا فين كاتعرف ختي
ادهم: علاه هادي ختك هههه سبحان الله
انا: كاتعرفو بعضياتكم
دارين : لا ماتانعرفش بحال هاد الاشكال
ادهم: ياك ابنتي
دارين: خالتك انا
ادهم : واقبيييحة مع راسك
لوجين : صااافي حبسو اويلي ...انا عارضة عليك نتا مالين دار عندنا فدارنا اليوم العشاء كشكر علا طوموبيل لي قاديتي ليا
ادهم : اه ان شاء الله عطيني نمرتك و العنوان
انا: اه هاك قيد ********
دارين: دخليه معانا فالحالة المدنية حسن 😑
لوجين : داااااارين 😤
دارين: هانا زاماه 😩
ادهم: متشرفين أنسة دايرن ( باس يديها )
دارين :(تصدمت ) ااا شرف ليا هربت للطوموبيل دختي و قلبي غايخرج من بلاصتو

.
.
#يتبع