انا و ضرتي ...

البارت الخامس

انا : تكلاشيت تبلوكيت ...صافي الباتري سالا واااه للهاد الدرجة نتا قاسي حسيت براسي رخيصة زبالة عاهرة ماتليتش حملتو و لا حملت نشوف وجهو
....هزيت دوك الحوايج مشيت لماريو هزيت عباية و زيف للبستهم فالحمام و خرجت مشيت حدا البحر بقيت كانتمشا بانت ليا واحد المرة هازة بنتها وكاضحك مع راجلها نفاجرت بالبكا بقيت كانبكي حتا شفيت الغدايد طلعت للشالي لي خدينا علا دخلة
ايهم : فين كنتي ماخليت تابلاصة ماقلبت عليك فيها 👿👿👿👿
انا: مشيت نتمشا شوية
ايهم: (مشيت ركعت علا رجلي و شديت يديها بين يديا ) سنحي ليا ولكن ماقدرتش نضحك علييك ...
انا: عاود ليا كولشي من لول
ايهم : واخا انا كانبغي واحد البنت اسمها امل ...ربع سنين دابا ديتها للعند الوليدة و الوليد عرفتهم عليها مي مابغاوهاش حيت هيا فشي شكل و كاتلبس المقزب و كاتماكي بزااف مابغاوهاش و طريقتها فالهضرة ماشي بحالك حشومية لا لي كاين كاتقولو صريحة
انا: اوا وشنو دابا غادير معايا ..و اصلا علاااااش علاااااش تزوجتي بيا
ايهم: مانقضرش نقوليهم لا ...و علاااااش نتي لي ماترفضينيش
انا: حيت مابغيتش نعصى لي ربوني
.
.

وعليك حسدوني ضنوني مرتاحة
و لو كان عرفوني فين انا و فين راحة
فرضوك عليا و عليك فرضوني
و ماشي بيديا نعصى لي ربوني
انا معاك حبيبة وهمية
انا معاك في مهمة رسمية
قدام ناس تبغيني و من ريح دفيني
ولما يدور الباب علينا كأنك ماعرفتيني
انا معاك ..انا معاك حبيبة وهمية
انا معاك في مهمة رسمية قدام ناس
تبغيني و من ريح دفيني و لما الباب دار علينا
كأنك ماعرفتيني ....

و الحال يتبدل مايتبدل حالي انا و اليوم نمتل درو العاشقة الولهانة ...و لمحت بعينيك اعجابك بيا صدقت نضرة و مديت ليك ايديا ...
و فجأة غااب اعجابك بيا رجعتيني للمهمة رسمية....
لكان قولي علاش حضنتيني قدام ناس لمستيني ... و لما الباب ضار علينا كأنك ماعرفتيني ...
انا معاك في مهمة رسمية
.
.
.
#بعد مرور عشرة اشهر ⏳
دازت عشرة ديال الشهور علا زواجي من ايهم لي هو زواج علا ورق قدام العائلة كانمتلة بلي سعداء ..مي بيناتنا غار اصدقاء صافي هادا هو الاتفاق لي درنا داك نهار صارحة عايشة معاه مزيان فجو دضحك و نشاط مي عمرنا ماخرجنا بجوج اليد فاليد حتا ليوما قالك بغاني ندوز اتا وياه نهار علا برا وجدت راسي لبست جلابة صيفية فالصفر و فيها الخياطة بالزرق و سنيديلة بالابيض و بزطام بالزرق زيف ملون بزرق و صفر و البيربل ...ميك اب خفيف علا طريقة الكورية ...خرجت للعندو للقيتو گالس فطوموبيل لابس سروال ديال الكيطمة گري و تيشرت بيض كايبان كايهبل طلعت معاه
ايهم: هاديك علا المرا مفركسة علينا ...خفت يخطفوك ليا فطريق
انا: هههه صافي سكت حشمتيني 😊😊😊
ايهم: ههه حشمتي مني يالاه نمشيو علا بركة الله ....مشينا للحدا البحر و گلسنا فواحد القهوة بسيطة فيها ناس البسطاء و غزالة دخلنا
ايهم: هانتي هاد البلاصة كيجاتك هيا بسيطة مي (ماخليتزش يكمل )
انا: كاتهبل😋😋😋
ايهم : ب ب بصاح عجباتك😮
انا: اه ...اوا طلب لينا ماناكلو
ايهم: اوك ...گاغسون اجي عفاك
دري: نعام سيدي اشنو حب الخاطر
ايهم: شنو بغيتي الوجين
انا: اممم خويا بغيت طبسيل ديال بيض و ماطيشا بالحار و جوج مسمنات و براد اتاي ...اجي كاين العدس
الدري: اه الالة
انا: اوكي دير ليا منو شي طبسيل الله يعطيك الستر اخويا (كانهضر و انا فرحاااانة حيت خرجت معاه) ...
ايهم: بحالها (كايشوف فيا و كايضحك )/
انا: مالك
ايهم: والو غار كانضحك علا هادشي لي طلبتي
انا: ماالو؟؟؟
ايهم : صدمتيني
انا: ههه عااش كووولنا ولاد الشعب الحمد لله
.
.
.
كلينا و حنا كانموووتو بضحك ...خرجنا من داك القهوة شادين يدين بعضياتنا ..و حنا كانتمشاو حدا البحر بانت لينا واحد المرا هيا و راجلها و وليد صغير كايعلموه يتمشى  ايهم بقا كايشوف فيهم و كايضحك واحد الةقيتة نزلات دمعة من عينيه و مسحها دغيا باش مانشوفهاش مي شفتها ...درت فراسي واحد القرار غانتاخدو ضروري واخا علا حساب كرامتي و مشاعري
.
.
.
.
وصلنا للدار بليل دخلنا دوشنا و نعسنا فصباح بكىي نضت قبل من ايهم مشيت خرجت ..مشيت عند واحد الطبيبة كانعرفها من يامات ليسي توضفات هنايا
.
.
.
انا: عفاك ا حكمة ماترفضيش ليل طلبي
حكمة : ولكن علاش باغا تهدمي حياتك بيديك
انا: حكمتتت علا اساس ان حياتي مقادة راه اصلا مخسرة
حكمة: واش هو لي طلب منك هادشي
انا: لا ولكن هو قلبو معاها
حكمة: ادن عندك فرصة
انا: حكمة لله يخليك عفاك
حكمة: واخا واخا نتي تحملي مسؤليتك هاهيا هاكي
انا: شكرا بزاااف
حكمة: عافاك ماتصرعيش فقرارك
انا : بلعكس هاد للقرار هو الصح
.
.
.
.
وصلت للدار طلعت للبيتي نعست ماعرفتش شحال ديال الوقت ولكن نعست معدبة ماحسلش براحة فقت شفت ساعة للقيتها تمنية و نص ...سمعت الحمام فيه الما غايكون كايدوش  مشيت نغسل وجهي فاش شفت وجهي تصدمت وجهي صفر تحت عينيا منفوخ و زرق فمي بيض تقول داخلاني للموت مادرت لا مكياج لا والو لبست زيفي هزيت ورقتي و نضت للبست بيجانة طويلة ..بغيت نخرج
ايهم: تسناي تانزل انا وياك
انا:(عاطياه ضهر) واخا
ايهم: ضوري عندي
انا: تاوكان تلبس
ايهم: لبست ضوريييي
انا: اا يالاه نمشيو الا لبستي
ايهم: (ضرب يدو مع الطبلة و غوت ) وا قلت ليك ضووورييي😤😤😤😤
انا(قفزت ): واخا ...ضرت عندو
ايهم: (جا كايجري عندي شد وجهي بين يديه ) مال وجهك مالكي شنو بيك واش مريضة
انا: لا نعست و نضت للقيت وجهي هكا
ايهم(صغر فيا عينيه ) بالمعقول 😑
انا: اه والله ....
نزلنا گلسنا فطبلة دالماكلة كما العادة و ايهم و باباه تايدويو غلا الخدمة كما العادة و خالتي كادةي هيا و ريتاج و الخدم كايحطو الماكلة و انا غار ساهية ...كلينا و كان صمت سيد الموقف ...ساليت ماكلتي و وقفت
انا: عفاكم الا ساليتو عشاكم بغيت ندوي معاكم فواحد موضوع ...كنت مترضضة فهادشي لي كاندير ولكن صافي انا قررت

.
.
.
نمشيو للبلاصة اخرا و بضبط عند دارين
دارين : شوووف مية مرا ا عتمان قلت ليك بعد مني و خود هاد المونيكات ديالك و سير فحالك راه اخر حاجة نقدر نديرها هيا نرطابط معاك نتا كاتفهم
عتمان : ههههههه انا ماكنطلبش منك بخاطرك انا كانأمرك باش انك ترطابطي معايا ...
دارين : حيد من قدامي ...
عتمان(شدها من شعرها و قربها ليه ) انتي ليا
امين : حيد يدك عليها ولا نهرسهم ليك ..نسيت سلخة تاع ديك نهار ولا نكرها لك
...نساحب عتمان بلا مشاكيل
امين : نتي بخير
انا: اااه شكرا

#يتبع
واش العلاقة بين دارين و امين غاتصلح و تطور للحب ؟؟؟؟؟
اشنو هي الحاجة لي غاتكون لوجين بغات تقول للعائلة
كلشي هادشي غاتعرفوه الا تفاعلتو مع القصة و تبعتوها