انا و ضرتي ...

البارت الخامس عشر

هربت للطوموبيل دختي و قلبي غايخرج من بلاصتو 🤤
انا: اديك البرهوشة اش هاد طريقة باش تصرفتي مع سيد
دايرن : راه (عاودت ليها شنو وقع )
انا: ااااه ولكين ماكايعنيش تصرفي هكاك حشومة عليك سيد كبر منك
دايرن: واهانتي شارف و مازال مضاد معايا
انا: اليوم بالعشية مانبغي حتا تصرف خايب منك
دايرن؛ غانمشي عند صاحبتي اصلا
انا : غاتشدي الارض غاتعاونيني راه كبرتي حيدي منك هاد تبرهيش 
دارين: ياك اختي يااااااك زديني سري انا سريييي
انا: اه نزيدك تستاهلي حيت كبرتي كاتبرهشي شوفي دابا كيف كايتعامل معاك و شوفي نضرة لي وااخد عليك كبري عقلك
دارين سكنات بقا فيها الحال علا هضرت ختها الجارحة
.
.
.
في الامس
كولشي واجد كولشي مقاد انا لبست جلابتي و زيفي مادرت تاحاجة لوجهي خليتو هكاك ولكن دايرن مابانتش ليا
انا؛ ماما فين دايرن
ماما: راها كاتقاد لي كلاس و الحلوة فطباسل ..مانعرف مالها قدات كولشي و حتا من الرجدة صقاتها مي بانت ليا كاعية و معصبة
انا: غانمشي نشوف مالها ...طلعت لعندها لبيت لقيتها كادوش
انا: دارين
دارين: فدوووووووش
انا: واخا هانا كانتسنى ...خرجات من دوش بدات كاتقلب شنو تلبس 
انا: هاد الگندورة الخضرة تجي معاك
دايرن: واخا ..هزاتها لبساتها دارت للشعرها كودشوفال دارت گلوس و هايلايت صافي لبسات شي اكسيسوارات خفاف و شيك و بلغة سامبل فالخزي
.
.
.
دق دق دق
بابا: مرحبا مرحبا اهلان اهلان بسي محمد كيدرتي لاباس
محمد: اهلا اهلا واش اوا نتا هدا
انا : كاتعرفو بعضياتكم
بابا: اه هذا زميل ديالي فالجامعة
انا : مرحبا خالتي تفضلي ..مرحبا خويا ادهم مرحبا ....رحبنا بيهم دخلو للصالة صارحة ناس لله يعمرها ضار ولكن لي لفت الانتباه ديالي هو سلوك ختي متبتة و ماكاتهضر حتا كيسولها شي حد حتا ادهم تعجب اما ماماه نساجمات مع دارين فالهضرة
ام ادهم: تبارك الله عليك ابنتي غزالة تمنيت لو كان كانت عندي شي بنت بحالك
دارين : شكرا اخالتي دوزات شعر دالگصا مور ودنيها و حمارو خدودها
ام ادهم : بنتي (كاتوجه كلامها للوجين) شكرا علا العراضة لهلا يخطيك
انا: الله اودي مرحبا
ام ادهم: ربي يخليك ابنتي و يحفضك ...تبارك الرحمان اختي بناتك شهييوة منهم الله يحفظهم
ماما: ربي يخليك اختي (بقات ماما و ام ادهم تايدويو ..بابا و باباه انا تاندوي مع ادهم )
ادهم: هههههههههههههه والله احتا بصح اش غاديري هادا هو بنادم اجي نسولك مال ختك بانت ليا ماشي علا طبيعتها ياكما واقعة ليها شي حاجة؟
انا: داكشي لي لقيتيني كانقول مع راسي
ماعرفتش مالها يمكن حيت غوت عليها فصباح
ادهم: شنو قولتي ليها
انا: قلت ليها تنقص من دوك تصرفات ديال الدراري صغار وتكبر عقلها
ادهم: يمكن دارت لكلامك
انا: يمكن
.
.
#تسريع الاحدات
بعد مرور تلاتة اشهر .
.
.
.

لوجين و ادهم فهاد المدة لي دازت تقربوا من بعضياتهم ولاو كتر من الاصدقاء والدين لوجين مشغولين مع واليدين ادهم فتوجاد للعرس ديال اخ ادهم الكبير عصام لي غايتزوج گاوريه مسلمة ....اما ايهم فحالتو ولات اكتر سوء ولا كل وقتو فلاصال كايخوي فيه الغضب ديالو عضلاتو كبرو كتر و عروقو ولاو بارزين بكترة التمرينات تحت عينيه كحال ولا بحال المدمنين بلادروگ فهاد المدة لي دازت كان بليل كايصوني للوجين و كايبقا كايسمع هضرتها و نفسها فالاول كانت كاتعاير و تسب حتا للواحد نهار صونا ليها جاوبات و بقات ساكتا كان قلبو غايخرج من بلاصتو حط تيليفون علا قلبو غار شمعات دقات قلبو شرسة عرفات بأنه ايهم ....رغم انها تلاقات مع اصدقاء جدد لي من بينهم ادهم الا انه باقي نبض قلبها كايدق علا اسم ايهم ماقدراتش تنساه ماكرهاتش كون ترجع بزمان لور و تبقا معاه مي ماباليد حيلة .
.
.
.

دارين كانت فهاد المدة كاتقلب علا شي ايكول دخل ليها تكمل دراستها الجامعية فيه ولات اغلبية الاوقات فبيتها كولا مرة شنو كادير مرة كاتخوي ماريوها و تعاود تشري حوايج جداد قررات تبدل ديزاين دبيتها خواتو و بدلات ليه صباغا صبغاتو بوحدها كاتحاول تلاهي راسها صبغاتو بالبيض اما لوان لي ستعملاتهم فبيتها هوما الصفر و البيض و الگري   ....وصل نهار عرس ديال اخ ادهم الكبير عصام ...كولا واحد كايوجد راسو للعرس لوجين لبسات قفطان فالحمر و الابيض مع زيف فالاسود و كعب عالي فالاسود و ماماها قفطان فالبلون كاسي
مخيط بالخضر بارد ...اما دارين فلبسات قفطان سامبل فالزرق سماوي غزاااال مخيط بالبيض و فيه تدرج دالالوان بين شيبي و البيض دارت ميك اب خفيف و غزااال
....العرس ملي بدا و ادهم تايشوف غار فدارين شي حاجة جدباتو فيها و خصوصا و انها ولات بعقلها تغيرت بنسبة 180 درجة سبحان الخالق و فالمقابل كانت مو لي كاتشوف غار فلوجين ولي قررات انها تولي عروستها ان شاء الله من مور هاد العرس ...
.
.
.
ماهذا يا هذا كل واحد كايلغي بلغاه لاكن عشاقنا ان شاء الله غايلقاو الحل

.
.

#يتبع