انا و ضرتي ...

البارت التالت

مشيت للافاك دخلت دوزت الحصص غار بزز و زيد عليها عندنا واحد البروف👹 الله يخليها سلعة ...تفو راسو قد السدرة يييخ و زيد عليها منفخ و عزيز عليه يقمع ......رجعت للدار للقيت مي عادا دخلات و كاتغوت 👻
ماما: وا للحمرا و هبطي عاونيني فالغدا
دارين: رآه مامسالياش 😖
ماما: والله وما هبطتي 😤
دارين: لا لا لا لا ماتحلفييييش هانا غانهبط والحلفان لا 😱
انا: سلام عليكم ...نتوما مالكم😲
ماما: يلله نتي عاونيني فالغدا و فدار😫
انا : علاه شكون جاي؟؟؟؟؟🤓
ماما: ايهم و مو 😏
انا: واخا ......عاونتها جاو انا مانزلتش للعندهم مابغيتش نشوف حد كانت الگانة زيرو 😑جات عندي المصطية ديال دارين
دارسن: مالكي اختي ياك لاباس علاش ماباغاش تنزلس 😮
انا: ماكاين لاش
دارين: كيفاش ماكاين لاش لوجين واش دار ليك شي حد شي حاجة
انا: ماباغاش نزل عندو 😒
دارين: تي مال مك مصطية نزلي و گلسي و ضحكي مالو هو شكون گاع يكون 😝
انا: زعما😯
دارين: نزلي دفعي هلا مو كبير كاعما تسوقس ليه يالهبيبا بيني ليه بلي الا هو منفخ عليك نتي گاعما كايبان ليك 😪
انا: عندك الحق ...ناااري ياختي 😮
دارين: اااااااااش كاين تاني🙁
انا: حسن عواااان داك لي غايديك ...😜
دارين: هههه يحسن لو شرف 😋
انا: ايييه والله ياباباه حتا تعوجي ليه ليدين و رجلين غار بالفقصة 😂
......نزلت كيفما قالت ليا دايرن مادرت لا ماكياح لا والو لحت عليا البينوار و لحت عليا زيف غار شوية راكم عارفين كيكاندير ليه ...و لبست البانطوفا و نزلت .....سلمت علا خالتي و علا عمي و نورا ختو هو گاعما حاشيتها ليه كالس تاني بدوك الكتاف العراض قداشناهوما الحلوف لاخر ...و گلست شبعنا ضحك ....

#عند دارين
تكيت فوق الناموسية  و كانرض سيناريو لور و بتحديد لليسي ....دخلت و كولشي كايشوف فيا كولشي تايقول : شوف جات ....واو شحال كاتعجبني ديك البنت 🙈 ..و انا غادية و دافعة كبير تاوصلت عند المصطية د ريما و لقيتها واقفة مع اكتر واحد كانكرهو امين اووووف شحال متكبر و عاجبو راسو و عند بالو هو اوسم رجل في العالم ...هو بصح انه زوين و طويل و الفورمة دلاصال ولكن انا ماحاملاهش ...تفو ريم مسكينة طايحة فيه حيت هيا وياه اصدقاء من طفولة و ولاد شركاء يعني وليديهم شركاء فالمشارع ....المهم
انا: ريم الحلوفة اجي لهنا
امين: ريم بقاي هنا
انا: شنو زعما كادير ليا ضد اولا ؟؟؟؟
امين: كيما بغيتي تحسبيها حسبيها
انا: (شديت فريم ) ريم يالاه
امين:شد فيها تاهو و قال لا ريم غاتبقا معايا
انا: لا غاتمشب معايا
امين: لا غاتبقا معايا ...بقيت كانجبد و هو كايجبد حتا غوتات ريم و جمعات علينا گاع لي فليسي
ريم: وااااااااااااااااااااااااااااااااخلووووووونيييي
ماغانبقا مع تاواحد فيكم اوووف بعدو مني بجوج تبرهيش😤😤😤
انا: ريم وقفي سمحي ليا راه
ريم: راه عطيوني تيساع بجوج طلعتو ليا فراس بجوج طناشر عام وانا صابرة للهبالكم بجوج صافي هادا جهظي عييت عيتوووني
انا: اوووف والله لا بقات فيك اامين
.
.
.
نرجعو عند لوجين
شبعنا ضحك ...كلينا نشطنا ...ماخلينا مادرنا ...مشاو و قالو لنا بلي غايجيو   نهار لتنين علا قبل عقد القران المهم بدينا كانوجدو للداك النهار ...كانضل خارجة انا و ماما كانضورو فسوق قالك تايوجدو دهازي ...ها تواب هاتكشيطة خديت تكشيطة فالحكل و دهبي مغموق (ماعرفتش داك للون شنو تايسميوه مي لينو دهبي غادي للحكل ) واخا ماما عيااات معايا مي هيا لي بغيت حلفت لا خديت غيرها ...واخا هكاك شرات ليا وحدا اخرا فالخضر ملكي سامبل بلا زواق حيت انا ماكانبغيش قوت لوان و زواق خديت ليها معايا طالون فدهبي و ساك فنفس لون دصباط
....اوا و مشيت خديت ميك اب جديد سبايغ دضفار جداد كولشي من (البرايمر حتا للعكر ) كولشي خديت منو عشرة عشرة من الحاجة هههههه تقول غايتقادا الميك اب من دنيا ....و فاش كنا كانتقداو فديك يوماين للخرة قالك خالتي عيشة (اه واحد القضية غاتلقاو بزاف سميت عيشة فالقصص ديولي حيت كانحمااااق علا هاد السمية بلاقياس بزاااف هيا و خديجة و ان شااء الله الا ولدت زوج بنيتات ماشية نسمي وحدة عيشة و وحدة يجة هادو هوما الاسامي اما خادشي لي دابا ولا تايخلع مانعرفهم اسامي بشار ولا جنون )
قالت لك خالتي عيشة ماشية تجي هيا و ايهم باش نشريو الخواتم و داكشي ......
.
.
.
.
خالتي عيشة: يالاه اوليداتي ختاىو دابا الخواتم علا دوقكم انا و مامك ابنتي نختارو لك الطقم لي غايناسبك ..🤗
انا: واخا اخالتي 😊
ابهم: عافاك الحاج جبد لبنا هادو نشوفوهم ...جبد داك الراجل دوك الخواتم
الحاج: هانتا امولاي الحاجة مزيانة و عامرة
انا: لالالالالا اسيدي حنا مابغيناش هادشي
ايهم: وشنو بغيتي ؟؟؟😒
انا: شوف اسيدي بغينا شي حاجة ساااامبل و كلاس ماشي ضاروري قوة الزواق و نقش لا لا بغيت شي حاحة تكون بسيييطة بزاف و زوينة فنفس الوقت متلا هادو لي لهيه غزالين و خفاف
ايهم: واخا عطينا هادو😪...جبد لينا داك الراجل داكشي لي بغينا ختاريت للراسي مي بان ليا سي ايهم گاعما مهتم
انا : ايهم
ايهم:وي
انا:  ختار شي حاجة واش ماعجبك والو ؟؟؟
ايهم: لا ماشي هكاك
انا: نختار لك انا
ايهم: لي بان ليك
انا: سيدي عطيني هاداك ...ايهم ارا صبعك نقيسو ليك ...عطاني يدو قيستو لو جا قدو عطيناهم لو قالينا تبغيو نحفر ليكم فيه الاسامي
انا: اه اسيدي
الحاج : عطيوني الاسامي
ايهم: ايهم و ااا و ااا
انا: ايهم و لوجين شكرا اسييدي ..خرجت و خليتو تما
ماما: صافي خديتو شنو بغيتو ...انا سكت ماكانش عندي گانا ندوي
ايهم: اه اخالتي و راه عطيناه الاسامي قالين من هنا للساعة نلقاوهم واجدين
ماما: و بشحال طاحو عليكم
انا: الف و خمسمية درهم
خالتي: اويلي رخاص بزاف
انا: اه اخالتي حيت سامبل و عجبوني
خالتي : اوا صافي ملي عجبوك ماعندي مانقول
انا: اخالتي جالوق لي تايتركب فصبع ماكايزيد ماكاينقص ارا بنادم اش هاز فقلبو اما الخاتم ماكايهمش ناس زمان كايتزوجو غااار بالفاتحة و كايبغيو بعضياتهم و يحتارمو بعضياتهم حتا كايدخلو للقبر
خالتي: كلامك معقول ابنتي الله يكملك بعقلك الحبيبة
ايهم: اوك اشنو باقي مازال
خالتي : اوا يالاه نتمشاو و نشوفو ...بقينا غاديين حتا وصلنا للحدا واحد مول لي شوميز دونوي و هوما يدخلونا دوك جوج شارفات قالك سيرو خودو داكشي علا دوقكم
انا : ماماااا🤐
خالتي: دخل اولدي شوف للمراتك شي حاجة زوينة تعجبك و تجي معاها
ايهم: الوليدااا😰
خالتي: مالك مالك دخل قالاك الهدرة😒
انا: خالتي ماكاين لاش 😳
ماما؛ لا كاين دخلو يالاه 😼
...دخلنا و بقؤنا كانضورو تما حشمت و تما المعري كتر من المستور وتقول واش تلقا شي حاحة مستورة
...بقيت واقفة حتا بان ليا ايهم جاي و هاز معاه طارشمة ديال لي شوميز بمختلف الالوان و الاشكال
انا: 😵😵😵
ايهم: مالك
انا: اااا😳😳😳😳😳
ايهم: انا عجبوني هادو خوديهم

#يتبع