انا و ضرتي ...

البارت السابع

فاش سمعتها كادوي حسيت بالعافيه شاعلة فيا و غادي باغي نفرشخ مها حتا سمعتها كاتقول
لوجين: واخا القلب ياالاه بسلامة الهبيلة و سلمي علا ماما و بابا حيت توحشتكم بلا قياص يالاه بسلامة حتا تجيو غدا ...
ايهم: احم لوجين معا من تادوي
انا: مع دايرين ..علاش ؟؟
ايهم : لا غار سولتك و صاف ياكما مقلقة من شي حاجة ....بقات كاتشوووف فيا و وجها غالي من تعابير زادت و خلاتني وااقف كنتسنا منها جواب ......نزلات لوجين و للداخل ديالها نااار شاعلة مايقدر يطفيها حد ...بركان كاتسكت فيه ولكن معرفاتش امتا غادي يغلبها و ينفاجر فوجه الجميع و وجها ايضا كاتحس بالعيا كاتحس بلي تحطمات مابقاتش قاردة طلع نفس و تنزلها ولات كتحس بلي غادي تفارق الحياة فأي للحضة ....
نزلت عندهم للقيتهوم گالسن و عاجبهم الحال و تايديرو تصاروفات ديال دار دارنا ولي ماعجبو حال ينطح راسو مع الحيط ....بقيت غار كانشوف و ساكتة ...تحط للعشا مشيت نگلس حدا ايهم و هيا تقول ليا
امل : ممكن تنوضي من هنا بغيت نگلس كدا راااجلي ....ضورت وجهي و ماجاوبتهاش
امل: واش صمكة ؟؟
انا: كيفاش واش بعقلك تنوضيني من بلاصتي
امل: هادي بلاصتي انا حدا راجلي انا
انا: هادشي باقي گاعما درتو العقد الا درتيه اش غاديري ؟؟
امل: هههه تيقي بيا غاندمك علاش فكرتي تحدايني
ايهم: بليز الوجين غار نوضي خليها تگلس علا وجهي ...نضت من حداه و خرجت للجردة بقيت گالسة حتا جا شي حد و حط يدو علا كتفي..ضرت للقيتو ايهم
ايهم: علاش نضتي من العشاء
انا: شبعانة (كاندوي و عاطياه بضهر )
ايهم : واش مقلقك شي حد ...بقيت كانشوووف فسما تنهدت و مشيت و خليتو بلا مانجاوبو ...طلعت للبيتي للقيت فيه الخدم
انا: اييييه اش كاديرو فبيتي بلا خباري😡
الخدمة: انا الآلة قال لينا سيدي ايهم  نهزو حوايجو نديوهم للبيت لي حداك لي غايولي بيتو و بيت لالة امل
انا: هااكااك واخا عفاكم سربيو راه باغا نعس
الخدامة : واخا الآلة غانسربيو ....جمعو داكشي و داوه ...انا طحت فوق ناموسية ...مابغاش يديني نعاس ...هزيت تيليفوني حليت الانستغرام لي شحاال عديني ...لقيت بزااف ديال المتابعين زادو و كبر الكونت ديالي ولا فيه 750k  followers لقيت بزااف ديال لي مساج و من ضمن ناس لي تابعوني فالانستا ايهم دخلت الكونت ديالو لقيت عندو 1,5m followers
عندو بزااف دالمتابعين ...شفت صورو تايعرف يتصور و غالب الصور ديالو مع امل معانقين وحدة فيهم مصورين و هوما فقبلة 💋 طفيت تيليفون و نعست ..
اصبحنا واصبح الملك لله
فقت و شي حد كايلعب ليا فشعري هاد للمسة ماغريباش عليا فقت لقيتها دارين عنقتها بجهد بكل ما أتاني الله من قوة ...بقينا معانقين
انا: توحشتك توحشتك توحشتك توحشتك بزاااف بززاف
دارين: انا كتر الهبيلة انا كتر
انا: امتا جيتو
دارين: شي ساعتين دابا
انا: علاش مافيقتونيش
دارين: باينة فيك عيانة بزاف و مابغيتش نوضك 😔
.
.
..
نزلت للتحت كانجري حفيانة و بالبيجامة دالنعاس قصيرة و خفيفة و بلا زيف شعري مطلوق  للقيتهوم گالسين شافوني و ناضو الا امال و مها لي كانو غايموووتو بالفقصة ...شفت بابا نقزت عليه بحال شي دري صغير بدا كايضور بيا و شي عينين مراقبيني و فقلبهم العافيه و عينين آخرين ماعارفينش شعور لي حسو بيه ملي شافوني و كأنهم اول مرة يشوفوني ...عنقت ماما و حيدنا وحشنا من بعضنا ....گلسنا كانجمعو و نسييت راسي راه مالابسا والو حتا نغزاتني ختي ....نضت طالعة و هيا تجرني واحد اليد كبيرة ....
انا: طلق مني
ايهم: زبدي للبيت بغيت نهضر معاك ...دخلنا للبيتي و هو يسورت الباب
ايهم: اش هاد للبس ؟؟😡
انا: راه فاش عرفت بلي ماما و بابا جاو ماعقلتش علا راسي واش لابسا ولا عريانة
... و زايدون ماشي صوقك ..ويلا باغي تحكم سير حكم فديك شاطة ماطا ديالك ماشي انا اما انا عاارفة حدودي كاتسمع
ايهم: علاش وليتي كاتصرفي معايا هكا واش درت ليك شي حاجة ...قلقتك مني ...بقيت كانشوووف فيه بغيت نزيد و نخليه كيما ديما و هو يشدني من يدي لاحني فوق ناموسية و طلع موازي معايا غوت  : واش كاتبقاي كاتنخليني و تزيدي
انا: حيد عليا
ايهم : لا ..دوي مالك
انا: واش ضاروري تعرف مالي ...ضاروري نقولك خصوصياتي ...متنساش اشنو الاتفاق ويلا نسيتي انا نفكرك بلي نتا لي درتيه😑
...ناض كايضرب بعضامو خرج و هرس الباب ماشي سدو حيوان لاخر ....انا دزت علا كرامتي و دزت علا حبي ليه و فضلت سعادتو علا كووولشي وفالخر هااادشي باش يجازيني ......علاااش علاااش اربي
.
.
.
.
لبست گانضورة فالخضر الملكي و زيف فضيگراضي(طريقة ديال زهرة ساهر)  ديالها و بلغة كحلة ..درت ميك اب  لي ركزت فيه علا ابراز عيوني الزرقين ...لي كان بالكحل .. كونتوريت وجهي و درت عكر حمر بحال دم الغزال المهم جبت نهبل ...درت الاكسيسوارات ديالي 💙 🙈 هزيت اعلى عطر عندي درتو ...هزيت تيليفوني لي عاد وصلني هاد الصباح خديتو iphone x فالكري ياااي يهبل يجنن هههههه.....هبطت بكل تيقة صوت خطواتي و العطر ديالي خلا كولشي لي گالس فالصالة يدور يشوف شكون لي جاي و انا نازلة كانشوف عوينات كايشوفو فيا بكل اشتياق و حب و فخر بيا و فالمقابل عيون حااتقدة غايرة مني ..كاتقلب ليا غار علا سبة لي يلوحوني للشارع بيها ....و عيون كاتشوف فيا بطريقة انا صارحة ماقدرتش نفسرها ولا نعرف علاش كادير فيا دوك شوفات ...
ماما: تبارك الله عليك ابنتي غزاالة مشاء الله عليك
عيشة : سي نوغمال بحال خالتها ههههههه
بابا: هادي راه بنت باباها ضاروري ماتكون غزالة
انا: زين كاامل هو الحبيبة ديالي ختي 🖤
دارين : اححح ناس لي تيفهمو فزين ماشي بحال غار لي جاي و دافع سنطيحة فيه (كاتقصد امل)
الكل: ههههههههههه (طبعا الا امل غاتموووت بالحقد ) ....
انا: ماما هانتي راه البيوت ديالكم راه وجدو هانتي بيتك هو لي حدا ديالي عاليسر و لي عالييمن ديال دارين
امال: لا هاداك لي عطيتي للماماك راه بغيتو للماما
انا: ماما راه البنات طلعو ليك الحوايج طلعي ترتاحي
امل: واش ماسمعتيش شنو قلت ليك
ماما: صافي ابنتي غار خليه ليها
انا: ماما راكي فدار ببنتك و ايضا دار لالة عيشة لي هيا ختك مولات دار كبيرة و ري   شوار لي عجبو حال مرحبا لي ماعجبوش الباب يدخل جمل .....حمر فيا ايهم عينيه بان ليا تعصب و طلع للبيتو
خالتي : حبيبتي غمضي عويناتك
انا: واخا ....
خالتي : فتحيهم
انا: اااااااااااللله غزال اخالتي ولكن علاش عدبتي راسك
خالتي : تاحجة ماتغلا علا مرت ولدي حبيبتي (كاتقلي سم فامال و مها )
دارين : بصاااحتك كوليي ديال دياموند
انا: الله يعطيك الصحه الحبيبة العقبة ليك تانتي ...
#يتبع
هههههههههه كيجاتكم حرب نسا 🤷😂😂😂