3
مسلم•••• راح احجيلكم عني بالتفصيل
اني مسلم كنت زغير وامي موضفه وكنت دائما اشوف والدي سكران ويشرب ويشبع امي كتل
احنه 7 ولد وبنات 2
حته من نحاول نحمي امي من هذا السكران
يدفعنه ويضربنه بحزامه
بحيث ايدنه تصير زرك
اخووي الجبير بطل من المدرسه علمودنه
كان يشتغل عربانه دفع ويجيب اله مسواك
ابوي عافنه واحنه كوومه لحم
وتزووج
واستقر بعيد عنه.... خلانه وحدنه بحسره وبرد بشته وحر بالصيف
كلشي مانعرف نسوي
امي موضفه وتروح وتجي ب2 وراتبه مايجاوز 400 واحنه عشر نفرات.. يادوب يكفن كم يوم بالشهر
كبرنه وحدنه...... بجووع وحسره والم
اختي الجبيره هي النه من تروح امي كان عمرها 16 ولازمه بيت كله ......اتحسر عليها
حاولت اعوض مستقبل اختي الزغيره واخليها تكمل
والحمدلله طلعت وتخرجت وصار معيده بالكليه
وتزوجت وياها معيد
واختي الاكبر تزوجت بالبصره
اني من كنت بالخامس ابتدائي..... اني وفطومه اختي نروح للمدرسه سوه.. وكانت جيرانه بسمه تروح وي فطومه
واني بالخامس ابتدائي زاحف .... واحب بسمه
وهي دوم تضحكلي واضحك الها كانت حلووه كلش دبدوبه والكصيبه مالتها تنزل جوه ضهرها.... تخبل
واغار عليها كلش... دوم اضرب جماعتي من اشوفهم يحاجونها او يغثوونها
مره بالسادس ابتدائي ضربت واحد براسه بسجينه و7 اخياطات....وشكوه وابوي شبعني كتل بيومها
بس عادي ... اتحمل كلشي علمودها
كبرنه وحبنه كبر ويانه... صرت متوسطه
وهم احبها وتعلقت بيها كلش... بس كبرت وصارت حلوه كلش واخوانها بطلوها من المدرسه....
كمت اشوفها بالسنه حسنه
بس كلبي دوم يمها ... ونشاوف بالباب واحجي وياها عالطاير
وصلت اعداديه وخلص و وصلت وجامعه بغداد .....' وشفت اشكال بنات بس محد ملت عيني او لفتت انتباهي غير بسمه
حبي الها ماله مثل... مستعد اموت علمودها بس تأمرني
كملت كليه وتخرجت كليه ضباط
ودوم التقي وياها ابيت خالتها لان رجل خالتها صديقي
واشوف الدنيا بيها واثق بيها كلش
وقررت اخطبها لبسمه بعدما تخرجت...
ودزيت اهلي
مره مرتين عشره ... يرفضونه
حته رحت دزيت اعمامي اقاربي ورفضوو
لان مسمايه من زمان لابن عمها....
ومايطونها ابد شما يصير
دزيت شيوخ ساده . ماقبلووو
سويت كلشي.... مستعد حته اقتل ابن عمها
بس مستحيل اخليها تاخذه
وحاولت كل طرق... تخابرني تبجي
كتلها خل ننهزم والله نروح للخارج لجوء واعيشج اميره
بس ماقبلت
ترفض تنزل راس اهلها....
سويت كلشي بيدي.. حته من اشوفها اضل ابجي مثل لطفل كدامها ....
وره اسبوع سمعت عرس بسمه اليوم فجاه من جيرانه
خابرت بسمه ..... كتلها ماتاخذينه لو اني لو تموتين بسمه
خابرتني تتوسل ارجوك لاتسوي شئ
ولا تاذيني مسلم
ليش بسمه عفتيني
ماعفتك مسلم بس مجبوره.. خليني اشوف حياتي ارجووك
ولاتوصلي بعد اذا تحبني.... الخاطر العشره والايام الحلووه الي كانت بينه..... ولخاطر حبك اليه عوفني ولاتسوي شئ
خلص هذا قدرنه
سدتنه مني بسمه
وكلشي نسد بحياتي
عشت اسوء ايام حياتي.... ابجي الليل كله
ضليت اشرب حته انسئ شوي.... تعودت علئ الشرب سنتين كاملات
اشوفها مرات من تجي الاهلها يجيبها زوجها بسياره قديمه
ليش بسمه كنت راح ادللج اكثر منه
مااكدر انساها
ولا اكدر احب غيرها
تعرفت علئ بنات هووواي.... وتعينت بالموصل
وشفت بنات احلئ منها الف مره ... بس مو مثل بسمه ابد
طلعت وي بنات.... وطلعات وكلشي سويت
ماخليت شئ بنفسي ومانسيتها
بنات الموصل... هنه الي ينعجبن بيه
حته تعرفت علئ بنيه جمال الله ... وكلشي متوفر عدها
بس ماكدرت احبها ابد......
حياتي بسمه وبس
تعودت سنتين ثلاثه ..... وصار عدها طفلين
واني مشتت كلشي ماسويت بحياته
وبعد مرور فتره تعرفت علئ بنيه نفس منطقتي
خوش بنيه .... متوسطه الجمال...... هادئه.....
ثكيله.... فاهمه .... عاقله
كلشي بيها حلوووو
اسمها
وقررت اتقدم الها بعد ما سالت عنها
وطلعووو خوش وادم هيه واهلها... الكل يحمد بيهم
وجاي انتظر خبر من اهلها ... موافقين لولا
للحكايه بقيه
يتتبببع
