4
لمن مشو اهل مسلم وصار الليل
امي فاتحت والدي ومصطفئ بالموضوع
طبعا وجه ابوي مايتفسر صار وعوج حلكه
امي افتهمت السالفه.... وراح تنعاد الاسطوانه
يجوون ناس.. وتفاتحهم امي.... ووالدي يغلدب ويعصب كلش
وامي تقتنع بيه
دوم هجي اني واختي وسن
مااعرف الئ متئ هجي يسوي ...
هس اني عادي زغيره بس وسن خطيه كبرت
طبعا امي عرفت عن اهل مسلم
هنا بيتهم... وعشيرتهم.... واعمامه
وكلشي عني
وطبعا هنا ابوي مسوي نفسه يباوع عالتلفزيون
واعرف طبعه يعني لااا
ومامقتنع
كنت اباوع عليه من بعيد
وعرفت جوابه.... مسلم كلساع يراسلني
ها بشري وشصار.......
كنت اجاوبه.. ماكو شئ لهسه
بابا كال لامي ... الله كريم نسال ونشوف
يوم الثاني اجه ابوي من السوك .... وعصبي طبعا
وصاح لامي بغرفته... وكال كولي للناس ماقابل ابوها
امي.... ليش
شنو ليش.... 7 ولد هم .. ومسلم هو معيش اهله
بنتج باجر ويامن تعيش.... وي سبع شباب
وامهم موضفه... وتبقئ شوك تكرف وحدها بالبيت
اي ياابومصطفئ اثنين مزوجين وطالعين...
والباقي كل واحد شايل نفسه... وهم كالت امهم ازوجهم بس اخلص مسلم
لااا ماكوو كتلج .. وسدي الموضوع
هنا اني دمعتي بعيني بقت
معقووله كل احلامي ... تروح بلاش
طبعا امي اجت وكالتلي
وطلبت من وسن تساعدني ... وقنعت امي ماتخابرهم هسه.... بلكي والدي يغير كلامه
مرن يوميه... وامي كلساع تقنع ابوي
ويرفض
رفض كلش... ماكوو مجال
مسلم كلش ضايج
وكلساع يتصل ويسال.... ونفس الشئ
وضايجه كلش ومالي خلك لاي شئ
وتعبانه
الكل حسوو عليه
مرن اسبوع... وجاب عمه الجبير .... واجانه للبيت
