الكاتبه ام زهراء
8
راسلني مسلم الصبح
شوك اريدج بشغله ضروري
خابرت عليه مرتين ماجاوب
دزيتله رساله.... شكو حبيبي
شوك ماعرف شكولج.......
كول حبيبي شكوو.... راح اخابرك جاوبني
لاا... ماكدر احجي
خيرك كلبي.... طبعا كلبي كلش احس انقبض اكيد اكو شئ مو
زين
خوفتني مسلم كلش.. بيك شئ
لا ماكو شئ شوك... بس اريد افهمج بشغله
شنو الشغله كولي حبيبي
شوك انتي ماكو منج وخوش بنيه بس بصراحه مااكدر اكمل وياج
شنو مسلم وكت شقه هسه شنو السالفه
مااشاقه شوك والله.. بس ماريد اضلمج وياي
مسلم شجاي تحجي انت .. لاتخبلني
هو كتلج شئ لان مااريد اضلمج ولا اتعبج وياي
مسلم شبيك .....شنو يعني
يعني كولي الاهلج ماكو قسمه بينه
شنو ماكو قسمه ..... عود تحجي صدك
((اتصلت عليه فوك 10مكالمات بس مايجاوب
مسلم جاوب فدوووه.. لاتخوفني
شوك لاتتصلين... مااجاوبج
ليش ماتجاوبني فدووه كولي انت جاي تشاقه
لا شوم مااكدر اكولج هذا شقه هذا صدك
مسلم شنو اكول الاهلي
كولي ماكوو قسمه وخلص
شنو ماكو قسمه ... واعمامي واخوالي راح يجون للغده بعد ساعه علمود المشيه... شكول لبنات عمي وبنات خالي الي من لصبح عدنه. ....مسلم شكول لابوي الي بالكوه وافق عليك
شوك لاتلوميني .... كتلح الله ماقاسم
مسلم هذا مقلب صح
لا والله مو مقلب بس ماكدر ازوج
ليش
ماااكدر وخلص
شنو ماتكدر مسلم... وين حبك اليه
انتي والله عزيزه عليه .... وماكو منج
بس ماكدرت احبج حب
يعني شنو ماحبيتني
اي ماحبيتج.... كنت اعزج وكنت اصور راح احبج بمرور الايام بس بصراحه ماكدرت والله
ليش ماكدرت ... بيمن قصرت وياك
لا والله حشاج ماقصرتي
لعد شنو سبب ... سمعت عني شئ
لا والله ماسمعت شئ..
خاف واحد كالك عني شئ مو زين... ترئ والله ماعندي شئ وانت اول واخر حب بحياتي
وكولها تشهد بسمعتي واخلاقي
شوك كتلج مو انتي لسبب بس اني ماتقبلتج
ليش
شوك والله ماكدرت احبج كلبي ماتقبلج ...كلبي وعقلي مو الج
كلبي وروحي وي بسمه... احبها ماكدرت احبج انتي
اشوف الدنيا كلها بسمه... كنت اتوقعج نفسها... بس مالكيت بيج صفات بسمه
مسلم ليش هجي تحجي
جاي احجي لصالحج مااريد اضلمج وياي ... شوك انا احب بسمه وبس ....ماكدر اخونها واتزوج
مسلم كافي حرام عليك
اسف
علئ شنو اسف ...
علئ كلشي
لو تتاسف بعد قرون ماراح اسامحك .... مسلم شكول لاهلي حرام عليك.. . ابوي شراح يسوي بينه
ليش تخلي اعمامي يشمتون بيه... واني فضلتك عليهم
شوم بعد انتي فهمي اهلج
شنو انا اروح اكول الاهلي ....هالدرجه ماعندك ذوق ولا احترام
لاتجاوزين شوك
لا مااجاوزت انا..... انت خابر علئ ابوي وفهمه
لا مااكدر احجي
صدك طلعت ماتستحي ... لعبت وتسليت ورحت وحته ماتتعذر من رجال ومن شيباته روح الله ينتقم منك
وحسبي الله ونعم الوكيل
مسلم كسر كلبي.... كالي حبيبتي وكالي احبج
لا اني بحلم
مسلم
اني حبيته كلش ... ماكدر
اريد ابجي مااكدر .... مصدومه
يااارب لا تجرح كلبي...يارب انا تعبانه ساعدني
كمت مااشوف شئ بس ضباب ... اريد ابجي حته ارتاح
بس مااكدر
مخنوووكه
مسلم عافني وراح
شكوول الاهلي.... اكول الولد بطل ......شكول للناس
شيقنع الناس انو اني مابيه صوج. هو طلع حقير
مسلم لاتعوفني والله اموت بدونك
كلبي كسرته مسلم
اتصلت عليه ماجاوب
دزيت رساله... (( مسلم فدوه جاوب بس احاجيك كلمتين
خابرني
هله شووك شلونج
يالون مسلم.... خليت بيه لون لو صحه انت
شوك فدوه لاتعذبيني كتلج مااكدر ازوجج . ماكدرت احبج
مسلم لاتعوفني والله اني احبك .... ماكدر بدونك
شوك الف شخص يتمناج اسبوع وتنسين
لا ماانساك مسلم...
لاتنسين
ليش انت نسيت مسلم
لااااا
اني هم ماكدر انساك
بسمه حب طفولتي صارلي 15سنه احبه
مسلم لاتعوفنيي .....ارجووك
شوك لاتضوجيني ....كتلج ماكو قسمه
مسلم ....
نعم
مستعده انتظرك طول عمري بس لاتعوفني
شوك خلص.... كتلج احب بسمه وراح انتظرها لمن تتطلق واتزوجها
