5
مرت شهر وامي تقنع بابويه يقبل
طبعاا امي عرفت بالسالفه ... وضلت ترزل بيه
وتغلط
بس لمن شافت نيه مسلم وياي
قبلت شويه.. وواعداتني تساعدني
اني تعبت كلش
مسلم كلساع يسالني ... ,ينتظر مني الاوكي حته يجي مره ثانيه
مرت عليه ايام حزن وقهر وضووجه
ماكملت فرحتي
كنت اشتاق المسلم كلش
كنت ابسط شئ اسوويه اخلي عطره علئ المخده واغفه
اتذكر عطر صدره.... واشتمه بالمخده
مسلم كان حلمي.... وطلبته من ربي
يصير من قسمتي
بس بابا ضيع فرحتي
وبابا الا يريد 10 ملايين بيدي
فكرت بشئ
لازم اسويه... بلكي تصير .....اجيب شخص يقنع بابا
توادعنه اني ومسلم
وسد الموبايل
وكالعاده..... خليت عطر عالمخده
وغفيت عليه.......
اتمنئ احلم بيه واشووفه.... فديته
غفيت
شفت مسلم....كبالي
الله .... فدوه لكلبك
مسلم يجنن وعطره بكل مكان اشتمه بس بعيد عليه
شووك
نعم
راح اروح اني
وين....
بعدين اجيج..... واخذج
حبيبي لاتعوفني
اني مااحبج انتي....
اني ابجي وصوتي ضايع بالمنام.... ليش ماتحبني مسلم
اني احبك
اني احب بسمه ... شوك انتي مااريدج
مسلم راح
اني اصرخ وراه ... وصوتي ضايع
مسلم يمشي وره مره
والمره .... تمشي لكدام
وحته ماتلتفت عليه... مسلم اني احبك لاتروح
بسمه عافتك... اني ماعوفك واوكف ضد الدنيا كلها
اصرخ ماكوو .... مسلم راح وره لمره الي تمشي
علئ الرغم .... هاي المره ماتباوعله ابد وتمشي كبل
اصرخ وصوتي ضايع .... شعور صعب
صرخت صرخه طويله
لحد ما فزيت... وضليت اصرخ بعلو صوتي
حته اتاكد صوتي مابيه شئ
اهلي كلهم اجوو اليه
واني مرعووبه
كله تصرخ اسم الله .... اني مامنتبه
اهلي... اطمئنو عليه وكل واحد راح لغرفته
اني.... وسن مسلم عافني وراح
وين عافج.. وليش
شفته راح وره وحده
شوكت
هس بالحلم.. واني احجي لوسن وابجي
والدموع تصب... واشهق
ولج هذا كابووس. ههههه مخبله
لا صحيح مو كابوووس....مسلم راح
ولج قبل ساعه كنتم تتخابرون
اني تذكرت صحيح .... ماكووو شئ
تعوذت من لشيطان.... وقريت كم ايه ورجعت للمخده
الي كلها عطر مسلم
الحمدلله... ماقصر ربي
طايره فرح
واجه باجر وامي انطت خبر لابوي
كأنما النسوان خابرن
واستعديت لباجر.... وكلبي مااوصف الكم شعوووره
وسعادتي لاتوصف.....
للحكايه بقيه
يتتبع
