الكاتبه ام زهراء
9
مرت شهر مسلم لاخبر منه
ولا شئ
خابرت عليه هواي..... ماكو فايده
اتصلت بيه.. دزيتله كون مسجات ولا خبر منه....
دزيتله مسج....
((مسلم فدوه جاوبني والله راح اموت بدونك))
دزيتله
((بس جاوبني وكولي شبيك ليش ماجاوبني..... والله تعذبت بفراقك... بس خل اسمع صوتك ارجووووك))
..
..
..
.....
..
مسلم وينك
تعذبت بدونك.... مااحس طعم بالحياة
جسمي كله تعبان..... روحي مو يمي
كلبي عنده.. حياتي ماتسوه شئ بدونه
الحب صعب
الفراق اصعب
اتمنئ بس اسمع صوته
مايجاوب .....فقدت كرامتي علموده
كل مره اكول بعد ماخابره... ,وخلص خيولي
بس بعد ساعه احن ... واتذكر سوالفه وكلامه... اتذكر وجها
اتذكر حبه . قبل
ههه ياحب وهو عافني بنص الطريق
عافني بأحلئ يوم بحياتي
عافني وخلا وتشمتوو بيه اهلي واعمامي
حته امي تشمتت بيه..... مسلم افتقده كلش
مفتقده كلشئ بيه.....مشتاقه الك
العطر يخلص بسرعه.... كل وقت اخلي منه
هوو غالي كلش
بس مع ذالك اجمع فلس فلس واشتري نفس العطر
اه يامسلم وينك
يوميه انام ودمعتي بعيني
دموعي تترس لمخده... ومحد يحس بيه
مااكدر انساه.....
احبه مو بيدي
مسلم حلم حياتي.....
الضحكه بوجهي.... اختفت
الشقه مالتي راح..... كلشي ضاع مني
ضاع كلشي وياه....... كلشي اختفه وياه
كنت احسب الحب حلوووو........كنت اتوقع كلشي من الحب حلووووو... بس ماكنت اعرف الحب بس الم وقهر
...
....
....
...
انتهئ كلامنه اني ومسلم
احترك كلبي .... كلامه قاسي
مااعرف شسويت...... وربي ليش هجي عاقبني بيه
عقاب مسلم اكبر من الموت... كسرني
كسر كلشي بيه
كلها نايمه.... المن احجي ...المن اشتكي همي
اريد اسوي شئ ماعرف شنوو.....
اريد ابجي
طلعت بره... يم الحديقه... ?اريد اتنفس ضاع عليه الهوئ
ضليت ابجي بكل قوتي.....
اريد ارتاح احس هم وعلئ كلبي
مرن شهر شهرين 3اربع
مانسيت مسلم لحضه
احس الي صار امس مو عبالك اشهر
مسلم بكلبي وعيوني ... كل وقت هو كدامي
حاولت انساه ماكدرت
تعرفت علئ شخص بنفس البرنامج
شخص كلش زين
وبقينه شهرين نتواصل..... حجالي كلشي عن حياته
اسمه محمد .... نفس محافضتي.......
كلبه طيب كلش...
عنده سبع اخوات وهو شايل مسؤليه البيت لان هو ابن الوحيد الهم
طلعت القبولات وقدمت جامعه.... وطلعلي معهد تقني
نفس محافضتي وباشرت بيه
اعتنيت بنفسي كلش....
كل العيون عليه.....
محمد علاقته قوت وياي.... بس ماكنت احبه ابد
كنت اشوف نفسي احب مسلم....
احس نفسي جاي اخونه....
سويت نفس الجات الي تعرفت بيها علئ مسلم
وغيرت الاسم..... ودزيت صداقه لمسلم
وتعرفت عليه ...ومايعرف بيه اني شوك
ونفس الشي.. كال اني كنت احب بنيه قبل وتزوجت وعافتني
وسالته هم حبيت غيرها...... كال ماحبيت غيرها ابد
يقصد بسمه
وكال تعرفت علئ بنات هواي وكلهن ماعجبني
وكالي ماكو نفس بسمه..... ومااحب نفسها ابد ولا احب غيرها ولا تعرفت علئ غيرها
ههههه يعني كنت ولا شئ بالنسبه اله
كنت انجرح من كلامه
نفس الوقت افرح من اراسله....
داومت معهد.........وتخرجت سنه اولئ....
وكنت مرتاحه..... كلش
عندي خط ياخذني ويرجعني
كنت ملتزمه بالمعهد والبس جبب اسلاميه
ومن اطلع..... البس عبايه راس
وكل المعهد يحترمني ويقدرني..... ومعروفه بأخلاقي بالمعهد
محمد راد يتقدملي ورفضت ... لان عائلته جبيره ومايوالمني ابد...... كانت دائما يسال ويلح عليه علئ موضوع الزواج وارفض
طلعت اخته اداوم وي بنت عمي نفس الكليه
وهم تعرفت عليه وشافتني .. وعرفت مراسلتي وي محمد
وفاتحتني بموضوع الخطوبه
وهم رفضت كنت متردده كلش
يوم من الايام كان عدنه امتحان كورس اول
امتحنه ورجعنه
ابو الخط رجعني للبيت... ينزل البنات كل وحده قريب عالفرع مالتهم
لان تعرفون افرع العراق العظيم بس طسات ومجاري
فكان السايق مايكدر يدخلني لجوه بسيارته
ينزلني بعيد شوي علئ اهلي
نزلنه من سياره اني وصديقتي صبا
كنت لابسه عبايه راس ومحتشمه.... مكياج خفيف
طبعا مرن سنه ونص وتغيرت.... وصرت احلئ
وحياة المعهد ولبنات غيرتني للاحسن
واهتم بنفس كلش
بقينه نحجي ونمشي اني وصبا هيه وصلت لبيتهم واني كملت طريقي
احس شخص يمشي وراي
ضليت خايفه وامشي
كلما ادخل فرع
احسه وراي... ارتبكت كلش
وضليت امشي سريع
صاحلي;;;;;
