الكاتبه ام زهراء
11. والاخيررر
مسلم ينتظر ردي وطلب مني افكر ...
فعلاا جاي افكر
وفكرت بعقلي موو بكلبي
لان اعرف ... كلبي كله المسلم
وماانسه لمن عافني وراح باحلئ يوم بحياتي
وماانسه لمن اتوسل بيه
اتذكر مره كتله ...(ابوس ايدك جاوبني ولاتعوفني.))والله دزيتله هاي رساله ومارف كلبه عليه
ومره كتله مسلم راح انتحر بسببك لان عفتني
وفعلااا كنت ناويه اموت نفسي
من كد لوم ابوي واخوتي عليه وعلئ امي
كنت ادزله رساله واكوله راح انتحر ومع ذالك ولا اهتم لكلامي ماكال اطيب خاطرها بكلمه خطيه... او اهديها
كل هذا الي سواه بيه
بس مع ذاك احبه
الحب مو كلمه احبك واحبج.. الحب الحقيقي يخلي الانسان مدمر وهلكان ... الحب شعور لايوصف .... الحب دمر حياتي بسببه ردت اخسر حياتي واخسر اخرتي علموده
بس الحمدلله ماتسرعت.... وعدت ذيج المرحله
وهسه احسن
بقيت اسبوع ماانطيت قراري لمسلم
افكر ومحتاره
عقلي يكول شئ.... وكلبي يكول شئ
مو بيدي احبه لهسه
اتمنه ارجعله ...
مسلم متغير كلش..... كلساع يتصل ورسائل يدز
ومسجات اشعار
مستغربه من طريقته
معقووله تغير هجي .... مااصدك انو نسه بسمه
وحبه الها....
كلساع يسالني علئ قراره وكنت اكوله بعدني
كنت دوم اعاتبه
واشلع كلبه الا اجاوبه
بعد مرور اسبوعين.....كتله اليوم قراري
بس بعد تفكير قوووي قررت قرار يريح كلبي وحياتي
اتصلت بيه
الووو
هلاو يمعوده وينج الصبيحيه كلها اتصل ماكو
كنت مشغوله
شوك ليش هجي تسوين
شسويت
تشلعين الكلب الا تفتحين خط
مو كتلك مشغوله
انتي جاي تعاقبيني علئ الي سويته وياج
لا طبعا
لا مبين....بس اعتذرت منج ....وبس اشوفج ابوسج بكصتج واكرر اسفي ..... انسي
اني نسيت مسلم
مامبين نسيتي
ليش
انتي متغيره كلش
بيمن متغيره
بكلشي....معقوله حياة لمعهد غيرتج
لا محد غيرني مسلم...بس ضروف عدنه
شنو قررتي هس
متلهف تعرف جوابي
اكيد
هو قرررت خلاص
قبل لاتقررين شوك. بس ثقي بالله راح اعوضج كلشي وادللج واخليج تاج علئ راسي.... وشرف اخواتي ياشوك اوديج لعالم غير عالمج بس لاتتخذين قرار يعذبج ويعذبني... واعرف بيج لهس تحبيني
ههههه منو كالك
اعرف ... من عينج الي لمعت لمن شافتني هذاك ليوم
شنو لمعت
لمعت شوك ومحبه واشتياق
مسلم
عيونه
خلص اني موافقه نرجع سوه.......
صدك شوكتي
اي مسلم
حبيبتي انتي ماراح تندمين اوعدج
انشاءالله ماتخذلني نفس ذيج المره
شوك مو كتلج انسي الماضي... لاتجرحين بكلامج
هس شراح تسوي
باعي حبيبتي راح اكلج شسوي
ايي
راح اروح لعمي لجبير وافهمه لسالفه واخليه يجي لابوج ويحاجيه
مسلم والدي واخواني مستحيل يقبلون
انتي ماعليج بس خليها عليه
منو راح تجيب ...
راح اروح اجيب شخص عزيز علئ والدج واقنعه واخليه هو يروح لابوج اووك يروحي
اووك
سمعيني كلمه حلوووه
مثل شنو
نفس قبل حبي وحياتي وحبيبي
(((تذكرت قبل كنت اكوله هذا الكلام وشحصلت بس عافني وراح وخلاني وحيده))
شوك الوووو
وياك
يلا فاتحي امج واختج... واني هم راح احاجي اهلي
اووك
يلا بليل نتخابر
اووك
باي
باي.........
