((عبدالله جهز نفسو ودخل غرفه العمليات،،،،وقبل يبدوا العمليه ويخدروا صفاء... كانت بتحاول تتكلم... ولسانا كان تقيل))
عبدالله:عاوزه حاجه...عاوزه تقولي شنو طيب؟؟
صفاء:ف...فاطمه.. فاطمه
عبدالله:عاوزه تشووفيها؟؟طيب... ح اخليك تشوفيها بعدين نبدا العمليه...
((عبدالله طلع ولقى فاطمه واقعه في الارض وبتبكي،،،،))
عبدالله:فاطمه
((عاينت ليهو وماردت.... ))
عبدالله:امك عاوزه تشوفك قبل نبدا العمليه💔
فاطمه:ماما...
((وقامت جاريه.. دخلت الغرفه ومسكت يدين امها.. ))
فاطمه:ماما...انتي ح تبقي كويسه😭...م تخافي....
صفاء:ف..فاطمه.. سامحيني... سامحيني
فاطمه:على شنو....انتي السامحيني.. لاني م انتبهت لي مرضك😭😭صفاء:خلي بالك من نفسك💔واتذكري،،انا حبيتك زي بتي😭💔
فاطمه:ماما م تتكلمي خلاص😭انا واثقه انك ح تتعافي
((فاطمه م ركزت في كلام صفاء كويس.. لانو كل همها كان انو هي تبقى كويسه....عبدالله طلع فاطمه برا،،،ودخل وبدوا العمليه💔💔...فاطمه بقت تستغفر وتدعي لي امها))
فاطمه:يارب..يارب انت عارف اني وحيده وماعندي غيرها😭يارب م تشيلا مني يارب😭يارب قومها لي بالسلامه.... 😭
((وبعد مرور كذا ساعه،،،،طلع عبدالله ومعاهو وسيم،،،،فاطمه اول م شافتهم جرت عليهم،،،،))
فاطمه:اها طمنوني،،،،بقت كويسه صاح😃،،،
عبدالله:ااا...فاطمه انا...
فاطمه:انت شنو....
وسيم:فاطمه..طبعا زي ماعارفه كل زول اتولد واتحدد ليهو اليوم الح يفارق فيهو الدنيا صاح....للاسف امك ادتك عمرها
((فاطمه الكلمات دي وقعت علي مسمعها زي الصاعقه،،،وختت يدينا على راسا،،،ودموعا وقفت،،،وحست حيلا ماشايلا،،،،ومن غير تحس لزت عبدالله ووسيم من قداما وجرت الغرفه الكانت فيها صفاء،،،لقت الممرضه قافله ليها وشها بالملايه البيضاء،،،،،لزت الممرضه وفتحت وش امها))
فاطمه:ماما...انا عارفه انك بتستهبلي عليهم.. بس مستحيل تستهبلي علي... انا لسه م امتحنتا الشهاده... ولسه ماصرعتا راسك زي الناس،،،حتى لسه م اتعلمتا البس الطرحه زي الناس انتي فاهماني💔مش انتي قلتي ح تعلميني كيف اعمل البيتزا في البيت،،،وقلتي لي ح تخليني اسافر ماليزا صاح💔طيب طيب انتي مش حذرتيني ما اطلع بدون طرحه من البيت😢.. عايني لي
((ورمت الطرحه من راسا ))
فاطمه:انا مالابسه طرحه اسي،،،يلا قومي،،،اضربيني اعملي اي شي😭😭بس م تسكتي لي كده😭،،،،انتي ح تمشي تخليني براي في الدنيا دي،،،طيب لي منو،،،انا مالي زول غيرك💔😭،،،،طيب مش وعدتيني ح تفضلي معاي😭يااخ قوومي
((وبقت تكفت رووحا،،،،بعدها قامت باست راس صفاء ويدينا ووشها ورجولا💔))
فاطمه:وربي لا.. مابقدر اعيش بدوونك😭😭ماماااااا
((عبدالله ووسيم جو جارين لقوا فاطمه اغمى عليها،،،،رفعوها واخدوها غرفه تانيه،،عبدالله طلب من الممرضات ياخدوا،صفاء المشرحه،مؤقتا لحدي يطلعوا ليها شهاده الوفاه،،،،،،بعدها عبدالله مشى الغرفه لي فاطمه،،،كانت لسه نايمه بسبب المخدر ))
عبدالله:يمكن لو كان كلمتك بي مرضا.. كنتي اقنعتيها.. وماكان حصل الحصل💔انا السبب،،،كان لازم احاول اكلمك،،،،بس انا حتى ماحاولتا💔
فاطمه:ماما،،،
عبدالله:فاطمه
فاطمه:عاوزه ماما،،،ماما،،،
((وكانت بتفتح عيونا شويه شويه،،،ورجعت غمضتهم شديد واتذكرت الحصل كلوو💔،،،،،))
فاطمه:لالالا ماما.. ما ماتت صااح💔،،،،
عبدالله:اهدي
فاطمه:اهدى😡انت القتلتها😡ايوا انت.....كنت عارف بي مرضا.. وماكلمتني،،،ولاحاولتا تنقذ حياتا،،،انت السبب،،،
عبدالله:هي الطلبت مني ما اكلمك،،،،
فاطمه:انا عاوزه امي،،،عاوزه امي😭😭جيبا لي،،،انا تاني منو الح يقول لي ياتوته م تعملي كده،،وياتوته البسي كويس،،وياتوته م تتأخري،،،منو تاني ح تصحيني علشان اصلي رغم اني بتكاسل،،،منو تاني ح يبقى لي سند💔😭،،،،اااه...
((عبدالله اتأثر شديد بالحكايه دي.. ويمكن ذكرتو بي موتة امو💔،،،،فاطمه بعد الكلام دا،،،بقت م بتتكلم خالص،،،،حتى دموعا م نزلوا نهائي تاني،،،عبدالله اخدا بيت ناس اروى وكلمهم بالحصل💔اروى مسكت فاطمه وبقت تبكي،،،وام اروى برضو،،،بس هي كانت سرحاانه،،،دموع م عندها،،،المساء جابوا الجنازه،،،طبعا طارق عرف واتأثر شديد،،،،،،،فاطمه دخلت شالت العفو وطلعت وبرضو م كانت واعيه بي اي شي،،،،،مروا تلاته يوم بتاعت العزاء وكانت في بيت ناس اروى،،وجوا نياز وشهد عزوا فاطمه ومديره المدرسه كذلك💔،،،،واول كلمه نطقتا فاطمه بعد التلاته يوم دي...طلبت من اروى توديها شقتهم))
اروى:عايزه تمشي لي شنو؟؟
فاطمه:وديني بس يا اروى ممكن
اروى:طيب
((وساقتا ومشوا،،،اول م وصلوا عند الباب فاطمه دموعا نزلوا بس مسحتهم،))
فاطمه:انتي ارجعي،،،انا شويه وبجيك
اروى:لا طبعا م ح اخليك براك،،الدنيا ليل
فاطمه:اروى،،،خليني،،، ساعه لو م جيت تعالي
اروى:طيب
((فاطمه فتحت باب الشقه ودخلت💔اول حته وقعت عينا عليها السفره،،،اتذكرت كل تفاصيل قعدتهم فيها💔،،،دخلت ومشت المطبخ،،واتخيلت امها وهي واقفه بتعمل ليها في الفطاير💔،،،،ومشت غرفتا وطلعت ملابسا وبقت تشمهم،،،،وشالت الساعه بتاعتا ولبستا💔بعد طلعت مشت غرفتا هي واتذكرت لمن جابت ليها هديه عيد ميلادا،،وكان عندهم صوره مع بعض شالتا وبقت تتكلم معاها،،،،))
فاطمه:طيب انتي قايله اني بقدر اقعد بدوونك💔انا حتى النفس في غيابك بالنسبه لي صعب💔،،،،ربنا يرحمك،،،بس والله م بقدر بدونك💔انا جاياك،،،
((ومشت المطبخ،،،وفتحت انبوبه ألغاز ،،،،وكانت بتبتسم براها،،،طبعا شكلها اتغير ووشها بقى شاحب وفي سواد تحت عيونا،،،،،عبدالله كان طالع شقتو شاف باب شقه ناس فاطمه مفتوح))
عبدالله:ياربي الفتح الباب منو،،،،
((ودخل الشقه،،،وبقى ماشي شويه شويه،،،عاين في المطبخ شاف فاطمه واقفه وماسكه الكبريت في يدها ))
عبدالله:😳😳فاطمه
فاطمه:لو قربتا مني ح احرقك معاي،،خليك بعيد،،،م تقرب مني
عبدالله:طيب..طيب انتي لي عاوزه تعملي كده
فاطمه(بي صرخه وعصبيه):عاوزني اعمل شنو،،،،،انا م بقدر بدونا،،،
عبدالله:فاطمه اسمعيني حتى لو عملتي كده ماح تمشي ليها
فاطمه:صاح ماح امشي ليها بس ح اكون مرتاحه💔،،،،
((كانت بتتكلم بهستريه وعبدالله ماشي عليها،،،،لحدي م حصلا وشال منها الكبريت ))
فاطمه:رجع لي الكبريت،،،رجعو لي
((أمن الانبوبه،،،،،وفاطمه بقت تضرب فيهو))
فاطمه:انت مالك ومالي.. اموت ولا اتحرق.. بخصك في شنو،،،خليني في حالي،،،انا عاوزه اموت،،،ساامعني
((عبدالله كان بعاين ليها في عيونا،،وعرف انها ما واعيه،،،وطاااخ ادها كف في وشها👋🏻،،،،طوالي فاطمه بقت تبكي وتصرخ ،،،عبدالله بدون ما يخس ضماها عليهو))
عبدالله:ابكي،،،،طلعي كل الجوواك
فاطمه:عاوزه امييي😭اااه يااا قلبي،،،حاسه وكانو في نار،،نار يا عبدالله في قلبي،،،اااه
((فاطمه كانت ماسكه في عبدالله قوي..وبتصرخ بي طول حسها،،،،لحدي ماعبدالله حسى بيها هدأت شويهه نزلا ووداها بيت ناس اروى،،وقال ليهم مايخلوها تتطلع تاني،بس ماحكى ليهم انو هي حاولت تحرق نفسها،،،،اليوم التاني طارق مشى لي عبدالله شقتو وقعدوا يتكلموا عن موضوع صفاء))
عبدالله:انا حاسس اني السبب في موتا💔
طارق:لا ياعبدالله م تقول كده،،،دا يوما،،،والسبب كان المرض،،وعنادا،،،،انت ماليك ذنب،،،استغفر
عبدالله:استغفر الله،،والحمد لله على كل شي
طارق:اا،،طيب بتها وين؟؟
عبدالله:مع الجيران،،،هم م عندهم اهل تصدق ياعمي
طارق:ايووه عارف،،،انا حتى نسيت اقول ليك انو انا وصفاء كنا عشرة عمر،،صفاء دي كانت صديقه والدتك الله يرحما
عبدالله:اي كلمتني،،،انت برضو كنت بتعرفا؟؟
طارق:اي،،،انت عارف لمن جيت معاك هنا تتذكر؟؟
عبدالله:ايوه متذكر
طارق:وقتها صفاء وصتني على بتها،،،وامنتني عليها،،،في حالة حصلت ليها حاجه
عبدالله:معقووله!!
طارق:اي..وانا وعدتها اني ح ابقيها زي نور بالظبط
عبدالله:طيب فاطمه بتعرفك؟!
طارق:لا...ماكان في وقت عشان نتعرف،،،بس يا ولدي انا حاليا عاوز اشوفا واتكلم معاها
عبدالله:طيب...انت خليك هنا انا ح امشي اجيبا من بيت الجيران واجي
طارق:طيب
((عبدالله طلع ومشى بيت ناس اروى،،،وكلم فاطمه انو في زول عاوز يعزيها في الاول رفضت،،،بس اروى اقنعتا،،،وطلعت مع عبدالله))
فاطمه:ودا منو ان شاء الله
عبدالله:عمي،،ابو مازن،،،كان صديق امك زمان
فاطمه:ابو مازن،،،طيب وعلاقتو بي ماما شنو
عبدالله:حتى انا ماعارف،،،لمن نصل اسألي؟
((ووصلوا العماره،،،دخلوا جوا،،،فاطمه لمن شافت شقتهم حاولت تتماسك،،،بعدها دخلت مع عبدالله شقتو))
فاطمه:سلام
طارق:وعليكم السلام... البركه فيك يابتي
فاطمه:البركه في الجميع،،،،مش انت الجيت عندنا البيت قبل كده؟
طارق:ايوه،،،انتي م بتعرفيني،،،،بس عاوز اقول ليك انا وامك كنا عشره عمر،،،،،كانت الممرضه بتاعت ابوي الله يرحمو،،،وصحبه البت الانا كنت ناوي اتزوجا،،،
فاطمه:اهاا،،،،،
طارق:طبعا يابتي. في اليوم الانا جيتكم فيهو،،،امك طلبت مني طلب بخصوصك
فاطمه:بخصوصي انا!! طلب شنو؟؟
طارق:قالت لي لو حصلت ليها اي حاجه،،،انا اخدك واهتم بيك،،،يعني بالمختصر وصتني بيك.
فاطمه:عههههه..يعني حتى انت كنت عارف انها عيانه وح تموت،،،يعني انا بس الماكنت عارفه صاح
طارق:امك م كانت عاوزاك تعرفي،،عشان خايفه عليك من الصدمه
فاطمه:وعلى اساس اني اسي مامصدومه😊،،،ع العموم انا م عاوزه زول يتوصى او يتسئل مني،،،بعرف ادبر اموري براي،،،عن اذنك
((وطلعت من الشقه وهي بتبكي... ))
عبدالله:انا لازم اقنعا تمشي معاك... لانو م معقول تعيش براها،،،،
طارق:طيب لو وافقت،،،اضرب لي
عبدالله:حاضر
((طارق طلع،،،وهو بيدعي انو بتو توافق تعيش معاهو❤،،،،مرر اسبوع وفاطمه حالتا ماشه لي أسوأ،،،،وكل مره عبدالله كان بقنعا انها تمشي تعيش مع عمو،،،بس بدون فايده،،،،لحدي مافي يوم سمعت ام اروى بتتكلم مع ابو اروى عنها💔))
رشا:انت ياعثمان البت دي ح تفضل لمتين معانا
عثمان:بت منو؟
رشا:فاطمه بت صفاء
عثمان:والله ماعارف،،،هي اهل امها وابوها وين
رشا:بري..مما صفاء دي جات سكنت هنا.. ماشفنا ليهم اهل،،،،غايتو نحنا م بنقدر نتحمل مسؤوليه بت ساي
عثمان:اي والله معاك حق،،،والزمن زاتو بقى كعب،،،بكره تحصل ليها مصيبه نبقى نحنا السبب،،،.
رشا:بسأل اروى،،،واشوفها هي ناويه تقعد معانا لي متين
((فاطمه سمعت كلامهم دا.. وبقت ماقادره تستوعب واتصدمت بالجد،،،،طلعت وهي ماعارفه روحا ماشه وين،،،بس رجولا ودوها لحدي شقه عبدالله،،،ضربت الجرس،،،،فتح ليها،،،وكانت بالجلباب بس))
عبدالله:مالك يافاطمه
فاطمه:اتصل بي عمك،،،وقول ليهو اني موافقه اعيش معاهو حسب وصيه امي😊💔،،،،،،
يتبع
✏ننس🎀
