فاطمه:لا طبعا،،،ماما❤ماما اميره💜
نور:🌚دا شنو التغير دا... في شنو بحصل من وراي👋
اميره:انتي خليك في حالك👊😒
فاطمه:ايووه بالظبط كده😂،،،على العموم انا مبسوطه انك رجعتي❤
اميره:لو ما انتي ما كان فكرتا ارجع اساسا،،،تقولي شنو.... عقل طفله بس😂
فاطمه:نورتي بيتك... كان مضلم من غيرك
نور:توته👊😒بطلي تكبري لي ماما راسا😂😂💔
اميره:امشي ياسجم.. اصلا شكلك مافقدتيني😒
نور:لا ياخ.. وربي فقدتك... بس لمن اخواتك جوو هنا صرفتا نظر🌚
اميره:عهههه...ابوكم كيف ومازن
نور:كويسين،،،اسي بابا طلع مالاقيتيهو؟؟ومازن نايم
اميره:لالا مالاقيتو،،،ع العموم انا كمان تعبانه ونعسانه ....نور جيبي لي مويهه،،وانتي ياتوته تعالي معاي
فاطمه:طيب،،،
((طلعت معاها الغرفه فوق،،،ورتبت معاها ملابسا في الدولاب،،،،))
اميره:انتي نعمهه من السماء على فكره❤،،،،فتحتي عيني على حاجات كتيره
فاطمه:لا انا بس...
أميره:خليني اكمل،،،بالجد انتي عاقله شديد ،،،حتى انا لمن قعدتا مع نفسي،،،وحسبتا الحكايه صاح،،،عرفتا اني ماح استفيد شي لمن اكرهك،،،واساسا امك الله يرحمها،،،فاحيحصل شنو لو قابلتك بحنيهه وطيبه بدل كره واذى،،،كل العاوزاهو منك،، تعتبريني امك،،،وانا والله مابقصر منك،،،وانتي ونور من الليله عندي واحد❤
((فاطمه تاني حضنتا❤وكأنها مامصدقه البحصل معاها دا،،،يعني ربنا كريم بالجد في اللحظه البتفكر فيها انو حياتك انتهت💔بظهر ليك بصيص من الامل❤،،،،،،مرت الايام وتعامل اميره مع فاطمه حلو شديد،،واي زول يشووفهم يقول بالجد ام وبتها😻واميره مامقصره كل يوم مطلعه نور وفاطمه حته،،،حتى الاسواق دي كملوها😂😂💔مر الشهر وكان عرس اروى😻وفاطمه اصرت على نور واميره يمشوا معاها ويحضروا))
فاطمه:عليك الله ياماما.. ماعاوزه امشي براي.....حتى نور ابت😒👊
اميره:طيب هي عرسها وين؟؟
فاطمه:في صاله()...وربي بس ح اشوفا واسلم عليها ونرجع...
اميره:طيب...ح امشي معاكم بس ماح اقعد كتير،،،المشكله الح يودينا منو
فاطمه:عبدالله طبعا
نور:توته😒انتي عبدالله دا راجلك وانا ماعارفه😂💔
فاطمه:بطلي حركاتك دي😒بس اساسا لو قلتا ليهو ح يودينا،،،مش كفايه اني مامشيت الحنه،،،اكيد بتكون زعلانه مني،،،
اميره:طيب ياستي،،اضربي لي عبدالله،،،والمساء يجي يودينا،،،،بس يابنات ماعاوزين تمشوا الكوفير،،،انا غايتو عن نفسي عاوزه ارسم❤
نور:نمشي طوالي،،،وانا كمان عاوزه ارسم بس خليجي😻
اميره:طيب يلا ارح اسي لانو ماف زمن... ح نمشي بالعربيه الصغيره.. وانتي يافاطمه كلمي عبدالله علشان لو مشغول نتصرف
فاطمه:طيب
((ومشت فاطمه غرفتها واتصلت على عبدالله،،،طبعا لقتو مسجل الرقم عندها بي الغياظ😂👋،،،،،اتصلت عليهو،،،وهو كان في اجتماع مع دكاتره،،،اتصلت5 مكالمات،،،لمن طلع رجع ليها))
عبدالله:5مكالمات يابطتي.. مابالغتي😒
فاطمه:اعمل ليك شنو... كنت مشغول بي شنو👊😒
عبدالله:والله في اجتماع،،،بس فيهو دكتوره مزه جابوها الليله في المجمع،،،اسمها نغم😻👋
فاطمه:مزه في عينك😒اسمعني نحنا بعدين ماشين عرس اروى وماف زول يودينا،،،ممكن تجي توصلنا بعدين،،،
عبدالله:زي الساعه كم كده،،،لانو عاوز افرج نغم على الاقسام،،،،
فاطمه:طيب ياعبدالله،،،فرجها بي راحتك،،،وماتجي زاتو
((وقفلت الخط في وشو😂💔بعديها طلعت مع اميره ونور ومشوا الكوفير يرسموا،،،،،،،رسموا ليهم اشكال فظييعهه😻❤وبعدها فاطمه طلبت تكوي شعرا،،،،،كوتو وطلع فظيع😻لونو اسود ونازل على ضهرها))
نور:وااي ماشاء الله،،،طالعه خطييره يا انتي😻
اميره:مبالغه ربنا يحفظك😘،،،
فاطمه:تسلموا لي😙
((بعدها طلعوا،،،واساسا الدنيا مغربت،،،مشوا البيت،،،،،اميره لبست ليها توب اسود وكسرتو بي فضي💜ونور لبست فستان اسود ساده وفكت شعرا❤اما فاطمه لبست ليها فستان اسود يدينو ¾😻وجزمه كعب عالي بالاحمر،،،وجابت شعرا كلو بالجمبه،،،،كانت مبالغه❤))
اميره:ياتوته اضربي لي عبدالله دا شوفيهو وين
فاطمه:هو قال انو..
((وقبل تتم كلاما،،،عربيه عبدالله وقفت،،،،نزل سلم عليهم،،،كان لابس بنطلون جينز ازرق وتشيرت اسود،،،ولابس نظاره نظر😻❤وحلاقتو جديده،،،كان فظيع بمعنى الكلمه🌚❤))
اميره:اتأخرتا يا ولدي
عبدالله:معليش بس كان عندي شويهه شغل في المجمع..
((فاطمه عاينت ليهو بغيظ،،،وركبت هي ونور وراء،،،واميره ركبت قدام،،،،،كان مشغل اغاني غربيه ونور بترقص لحدي ما وصلوا😂💔وهو بعاين لي فاطمه بالمرايه،،نور واميره نزلو،،،،لمن فاطمه نزلت مسكا من يدها))
عبدالله:انتو واصلوا،،،ثواني وفاطمه ح تحصلكم،،،
اميره:طيب،،يلا يانور
فاطمه:دي شنو الحركه البايخه دي😒
عبدالله:وانتي حركتك ما كانت بايخه يعني😒قافله الخط في وشي لي؟؟
فاطمه:مزااج
عبدالله:مزاج ولا بتغيري😉
فاطمه:اغير على شنو😒👊وبعدين فك يدي
عبدالله:لا أساسا ماتحلمي اني افكها،،،انا مامصدق اني مسكتها❤،،،،
فاطمه:عبدالله ياخ انت...
عبدالله:انا بحبك...والنعمهه بحبك❤... حبيتك من اول يوم شفتك فيهو في المستشفى جمب الاستقبال،،،،متذكره؟؟من وقتها انا حبيتك،،،يمكن دا الحب من النظره الاولى زي مابقولوا،،،حتى لما جيتي ونزلتي بجلبابك القصيره داك😒👊في اللحظه ديك كان نفسي امسكك واخنقكك واقول ليك انا بغير ياخ🔥بس ماكان من حقي،،،حبيت كل تصرفاتك ومزاجياتك،،،حتى غيرتك علي حبيتا❤🔥...وانا حلفت على نفسي ما اعترف ليك بالحب دا الا لمن اكون قادر اعلنو قدام الناس كلها وتبقي حلالي❤
((عبدالله ضغط على يدها شديد وهي كانت بتعاين ليهو ومصدومه.،،،،))
عبدالله:تتزوجيني❤على العموم لو وافقتي او لا،،،انا ح اتزوجك بالغصب😌👋
فاطمه:😂😂مجنون وبتعملا يا نانسي،،،
عبدالله:انا ح اجي يوم الجمعه دور الليله واطلبك من ابوك،،،وبعد شهر ح تكوني حلالي❤
فاطمه:انت اسي اديتني فرصه علشان ارد ليك😒👊
عبدالله:عارفك مكسره فيني😌
فاطمه:لا واثق شديد كمان😂ع العموم صاح❤وانا ح استنى اليوم الح ابقى فيهو حلالك❤
((وفكت يدو وقامت جاريه😂💔قبل يتم كلامو معاها،،،،،،دخلت الصاله ومن الفرحه حست الناس دي كلها بتعاين ليها ومركزه معاها😂مشت لي اميره ونور،،،وقعدت معاهم،،،وهي ماقادره تدس ابتسامتا وفرحتا❤شويهه اروى ورامي جوا داخلين،،،كانو حلوين حلا تهبل❤😻،،،مشوا قعدوا في الكوشه،،،والناس مشت باركت ليهم،،،بعدين ربووها💃💃ونياز وشهد حتو حت😂👋💃💃،،،بعدين فاطمه مشت باركت لي اروى،،،ومن بعدها طلعت هي ونور و اميره لقوا عبدالله مستنيهم))
نور:انت مامشيت
عبدالله:لا طبعا.. لو مشيت ح ترجعو مع منو👊😒ارح يلا
((طبعا فاطمه ماقادره ترفع وشها وتعاين ليهو،،،،وصلوا البيت،،،فاطمه قبل تنزل عبدالله غمز ليها بالمرايه😂❤))
أميره:تعبنااك معانا يا ولدي
عبدالله:لالا ماف تعب،،،تصبحوا على خير
اميره:ووانت من اهل الخير
((فاطمه اول مادخلت غرفتها بقت تصررخ😂😂😂💔لي درجه نور جات وضربت ليها الباب))
نور:توته انتي كويسه؟؟
فاطمه:اا..اي كويسه.. امشي نومي
((بعدها غيرت ملابسا،،،واول مارقدت عبدالله اتصل))
فاطمه:اي يا غياظي
عبدالله:افتكرتك ماح تردي علي
فاطمه:ليي؟?
عبدالله:فاكرك لسه غيرانه من نغم😂
فاطمه:نغم في عينك،،،بقفل والله
عبدالله:لاا اوعك،،،انا بس بغيظك💜
فاطمه:غياظ😒👊
عبدالله:ايووه غياظ،،،بس وربي بحبك❤
فاطمه:احم..اا عبدالله عاوزه انوم... تصبح على خير
عبدالله:ههه طيب.. وانتي من اهلي💜
((مر اسبوع وهم بتكلموا كده،،،،وكل يوم فاطمه بتكتشف جانب جديد في عبدالله❤وكلمت اميره انو عبدالله ح يجي يفاتح ابوها يوم الجمعه،،،واميره كلمت طارق😂👋وجاا يوم الجمعه،،،عبدالله اتصل لي فاطمه بالصباح،،،صبح عليها وقعد بتونس معاها))
عبدالله:عارفه يابطتي،،،شكلي كده ح اعقد عليك الليله❤واسووقك ونمشي
فاطمه:لا اووعك😂انا لسه ما اخدتا قرار نهائي😌
عبدالله:قلته ليك رايك مامهم شديد😂،،،يلا عاوز اجهز جلابيه الصلاه،،،علشان بعد الصلاه اجي لي ابوك...
فاطمه:عقبال اجهز ليك الجلابيه انا🙈❤
عبدالله:قريب ان شاء الله يا بايره😂😂💔
يتبع
✏ننس🎀
