فاطمة:انتي اخت مازن😳
نور(بي استغراب):ايوه.. بس انتي بتعرفي من وين؟؟!
فاطمة:اا..هو حبيب اروى... البت العرفتك بيها الاسبوع الفات😅
نور:المززه دييك😍ااي ااي عرفتها.. مازن طلع ما هين....
فاطمه:سبحان الله م بتشبهيو
نور:امم..مازن طالع لي بابا.. طبعا بابا وسيم شديد...اما ماما😷😂المهم انا طالعه ليها..وانتي طالعه لي منو لانك نار منقد😍
فاطمه:اممم.....ماما احلى مني وبابا ما شفتا ليهو صور كتيره علشان احكم😅..
نور:المهم شكلك خليط من اتنين مزز😍❤
فاطمه:هععه كلك زوق.
((وعدا اليوم عادي... وفاطمه ونياز وشهد طلعوا.. اما نور مشت مع السواق....واثناء ماهم ماشين لقوا مازن واحمد... احمد ونياز مشوا مع بعض.. ومازن وقف مع شهد وفاطمه))
مازن:اروى لي ماقاعده تجي؟؟ومابترد على اتصالاتي؟؟الحاصل شنو؟؟
فاطمه:عيانه شويهه بس.. وشايله هم التجريبي الكبير.. اهو باقي عليهو اقل من اسبوعين..
مازن:امم.عااوزه تفهميني انو دا السبب البخليها م تجي.. وماترد على اتصالاتي
فاطمه:ااي..بس كده
مازن:امم.تمام طيب امشوا عشان ما أأخركم..
فاطمه:يلا يا شهد...
شهد:لي يا توته كذبتي عليهو..
فاطمه:اذا ست الامر عاوزه كده.. انا ذنبي شنو
شهد:بس حرام مازن شكلو بحبها ياخ😥❤
فاطمه:والله يا شهد الحاجة دي مافي يدنا.. في يد رب العالمين✋...وصلنا المحطه يلا سلام..
شهد:سلام
((فاطمه ما مشت بيتهم.. مشت لي اروى... ضربت الباب فتحت ليها.. فاطمه عاينت ليها وهي مخلوعه ..وشها مورمه وعيونا حمر من البكا))
فاطمه:يابت مالك. انتي الله جاعل ليك بس تبكي💔😳
((وطوالي اروى حضنتا.. وبقت تبكي بصوت💔))
اروى:ياخ انا بحبو والله ياتام.. مابقدر اعيش من دونو😭😭
فاطمه:خلاص حبيبتي اهدي.. وان شاء الله.. ربنا ح يجبر بي خاطرك.. اهدي
((ودخلتا غرفتهاومشت جابت ليها مويهه.. وفضلت تهديها.. بعدين طلعت... مشت بيتهم.. وهي طالعه..اتلاقوا هي وعبدالله في الباب... طبعا فاطمه خاتا الطرحه في اكتافا.. ولابسه الجكت بتاع البرد))
عبدالله:ارفعي طرحتكك
فاطمه:😳...دقيقهه بخصك😒ارفعا ما ارفعا م بخصك فهمتا
((عبدالله كان بعاين للساعه وبتكلم معاها...))
عبدالله:ارفعيها
فاطمه:دكتور م بخصك
((وطقشتو في كتفو ودخلت العماره😷👊💔....دخلت الشقه وهي بتبز فيهو وبتحاكي في صوتو...))
فاطمه:ارفعي طرحتكك😒😒👊غبي متخلف.. الدخلو فيني شنو.. اووف اهبل🤦🏻♀
((اما عبدالله ركب عربيتو..وقعد يتكلم مع نفسو😷💔))
عبدالله:صح كلاما انا مالي بيها.. اووف اساسا الخلاني اقول ليها كده شنو🤦🏻♂
((ودور عربيتو ومشى المستشفى... لما وصل مشى لي عمو وسلم عليهو))
طارق:اها اتأقلمتا ولا لسه😅
عبدالله:ههعه..ما طوالي كده بس مصيري اتأقلم..
طارق:عندك مقابلات كتيره الليله ولاشنو.
عبدالله:لالا جلسه كيماوي واحده.. وطوالي طالع.. الدنيا بقت تبرد سرعه.. بزات الايامات دي
طارق:اي والله.. وانت بزات لوو جاتك الجيوب الانفيه.. كعبه معاك
عبدالله:ااي بتبهدلني والله... طيب بعد اذنك لانو الجلسه بعد نص ساعه
طارق:تمام..بالتوفيق
((وطلع عبدالله واتجه لي مكتبو.. لقى صفاء مستنياهو))
عبدالله:جيتي بدري قبل نص ساعه من الجلسه لي؟
صفاء:هعه..جيت ادردش معاك...
عبدالله:لي الشرف..اها ماشه كيف صحتك.. رغم اني متأكده انها متدهوره.
صفاء:الحمد لله على كل حال... دا تخليص ذنوب
عبدالله:مافهمتك...انتي لي مصره انو البحصل ليك دا تخليص ذنوب.. عملتي جريمه مثلا علشان بتعاقبي نفسكك بالطريقه الوحشيه دي؟
صفاء:ماعارفه اذا هي جريمه او لا.. بس متأكده انو كان ذنب.. وذنب عظيم كمان.
عبدالله:والله يا خاله حيرتيني معاك...
صفاء:م تحتار.. وماتفكر كتير..لو لي عمر باقي بعيش...
((قعدت مع عبدالله وكلاما كان مبهم ومامفهوم... الفهمو عبدالله انها بتعاقب نفسها على غلط...بس هو ماعرفو شنو💔...بعد شويهه الممرضه جهزتا للجلسهه.... اما فاطمه كانت في البيت عملت ليها شاي وقعدت تذاكر.... ))
فاطمه:اوووف غرفتي دي بارده شديد.. احسن شي امشي غرفه ماما... ع الاقل شويهه دافيه
((وشالت كتبها...ومشت غرفه امها....تذاكر شويهه وتعاين للساعه شويهه... ))
فاطمه:يادووب الساعة 5....زهجتا من المذاكره.. اقوم اكوي شعري احسن😃
((ومشت دولابا طلعت المكوه.. ورجعت غرفه امها وبدت تكوي شعرا.. وتغني بي صوت عالي🤦♀👊😂😂.....خلصت بعد نص ساعه.. لانو اساسا شعرها خفيف...عاوزه تفصل المكوه حست ليها بي شي م طبيعي في الارض... رفعتوا لقتو كوم بتاع شعر آدمي حست بيهو زي حق افلام الرعب.وبقت تصرخ..وتصرخ))
فاطمه:يارب..دا شنو...
((وجدعتو وقامت جاريه...نزلت تحت.. وهي بتصرخ... وكان عبدالله ح يدقشها بالعربيه بس عمل فرامل..فاطمه كانت بي جلباب قصير وجكت البرد وخاتا شعرا بالجمبه.. ))
صفاء:فاطمه😳
فاطمه:وااي...دا شنو
((ونزلوا عبدالله وصفاء
من العربيه))
صفاء:يابت مالك خير
فاطمه:يا ماما.. في.. في جنيه في غرفتك😭😭
صفاء:شنو. يابت قولي بسم الله
فاطمه:ياخ انا شفتا شعرها 😭😭
عبدالله:اكيد كنتي بتتخيلي بس....
فاطمه:م بتخيل يووخ شفتا شعرا والله جد😭
صفاء:طيب تعالي نشوفا
فاطمه:لا..
عبدالله:م تخافي يلاا...،
فاطمه:لا م عاوزه😭
صفاء:يابت يلا..
عبدالله:طيب خليها هنا.. يمكن الجنيه تنزل وتجيها هنا..
فاطمه:😳لالا😭
((وطوالي مسكت يد عبدالله... وطلعوا فوق وصلوا الشقهه...))
صفاء:كان وين شعرا..
فاطمه:في..في غرفتك تحت الكوبس طوالي..
صفاء:طيب..
((وصفاء بقت تفتش لحدي مالقت الشعر... طبعا دا شعرا بدا يتساقط بي طريقه مبالغه فيها...صفاء اتوترت شديد..بعدين رفعت ليهم الشعر))
صفاء:دا هو
فاطمه:وواااي..زحيهو😭
((وبقت تصرخ وغمضت عيونا وبقت شبه في حضن عبدالله.....صفاء شالت الشعر ورمتو في السله....وجات راجعه لقت فاطمه لسه ماسكه يد عبدالله😷😂😂😂👊💔))
صفاء:خلاص يا توته فكي يد دكتور عبدالله..
عبدالله:اي ممكن😒👊💔
((وهنا فاطمه انتبهت لي روحا طوالي فكتو😷😂💔👊))
عبدالله:طيب يا خالتو صفاء انا استاذن.. ولو الجنيه ظهرت تاني.. ناديني بس
صفاء:خعههه طيب...
فاطمه:غياظ بي شكل😒💔👊
((بعد عبدالله مشى..فاطمه قعدت في الكرسي.ونفسها متقطع..))
فاطمه:اووف قلبي كان ح يطلع..
صفاء:دي بتكون البت الجات نضفت الاسبوع الفات رمتو وما انتبهت
فاطمه:تاني مره خليها تنتبه...
صفاء:طيب حبيبتي.. اسي خشي غرفتكك ذاكري شويهه وانا ح اجهز الغداء تمام
فاطمه:تمام...
((فاطمه دخلت غرفتها.. وعبدالله مشى شقتو وغير ملابسو وشال مفاتيحو.. ومشى الدكان.. اشترى ليهو زبادي وطحنيه.. وكيس عيش.....اما صفاء عملت صينيه بطاطس وكان عندها كبسه سخنتا❤))
فاطمه:😍اكل يفتح النفس...
صفاء:بالاول شيلي الصينيه دي وديها للدكتور.. وبعدين تعالي اكلي
فاطمه:ماما نحنا مسؤولين منو.. ولا نحنا القلنا ليهو يخلي بيت اهلو ويجي هنا😒
صفاء:يابت النبي وصى على ساابع جار..ماحكايه مسؤولين منو او لا.. دا اجر.. فهمتي.. يلا من غير نقاش.... وشيلي السيرمس دا معاك
فاطمه:طيب
((ومشت فاطمه وهي متنرفزه... وضربت الجرس.. عبدالله كان في المطبخ.. ويدينو اتملوا زبادي😷💔👊...طلع وفتح لي فاطمه الباب))
فاطمه:دي صينيه الغداء وسيرمس الشاي
عبدالله:ممكن تدخليهم المطبخ...
فاطمع:عاوزني اخش كمان😳اساسا انا من شفتك قلتا عليك بتاع بنات..وو..
((قام رفع ليها يدينو... لقتهم مليانات زبادي...اتحرجت💔😷😷👊))
فاطمه:ادخلها وين قلتا😢
عبدالله:المطبخ😒
((فاطمه دخلت الصينيه جوا المطبخ وهي طالعه لقتو في وشها😷💔قرب منها👊💔😷))
عبدالله:قولي لي خالتو صفاء شكرا ع الاكل والشاي
فاطمه:طططيب..
((طلعت وقبل تخش الشقه قلبها كان بدق بي قوه.. وونفسها عالي. . وجسمها عرق))
فاطمه:اووف دا شنو دا.. ع قدر ماعيونو حلوة❤... ع قدر ماهي مخيفه ومرعبه💔
(( دخلت الشقهه واتغدت مع امها...وعبدالله اتغدا وشرب الشاي ومرا اليوم عادي.... لحدي بليل ما جاا... فاطمه كانت بتحاول تنوم... مره يجيها الشعر.. ومره تجيها عيون عبدالله))
فاطمه:اووف دي ما حاله دي... اما شعر الجنيه.. او عيون الوحش😣😣
((طارق كان قاعد في مكتبو وماسك صوره ناهد... ودموعو تلقائيا نازله💔))
طارق:ااخ بس لو اعرف طريقكك... عارف اني ظلمتك واي شي... بس عاوزه اعرف الحته الجوواك مني..عايشه ولالا💔
يتبع
✏ننس🎀
