((صباح اليوم التاني... فاطمه جهزت نفسها للمدرسه... 1/1/2015....طبعا من الله خلقها ما بتعرف تلبس طرحه😂ولوو لبستا بتكون في اكتافا.... المهم عملت ليها نسكافي... ومشت باست راس امها وشالت القروش والمفاتيح وطلعت...... وصلت المدرسه لقت نياز وشهد مستنينها❤))
فاطمه:صباااحكم خير.. وسنه سعيده عليكم
شهد ونياز:وعليك كمان يارب❤
فاطمه:أروى وين؟؟
شهد:ناسيه انها ادبيه😂👊عندهم حصه صباحيه...
فاطمه:اها طيب...اها امبارح روستو وين وعملتوا شنو...
نياز:انا تحت البطانيه😂✋🏻
شهد:انا طلعتا مع اخواتي محل ايسكريم وجينا راجعين
فاطمه:في البرد دا اكلتي ايسكريم ياسجماانه😂
شهد:اها وانتي...
فاطمه:انا...مشيت مطعم ظريف مع ماما...ورجعنا البيت...
نياز:كويس حظكم.. اها رايكم شنو الليله نطلع مع ناس احمد
فاطمه:الولد السمين دااك😒👊
نياز:☹
شهد:😂توتة راعي لي مشااعر البت دي شوويهه..
فاطمه:ماعارفه حاباهو على شنو😂اسفه اسفه.. نياازي م تزعلي بمزح معاك... طيب يا ستي نطلع معاهم... بس مانتأخر عاوزه اقرأ الرياضيات💔
نياز:طيب يعمري😍
((شويه والجرس ضرب.... مشوا على حصصهم.. زمن الفطور... جاات اروى جاريه على فاطمه وبتصرخ😍😂✋🏻))
اروى:تااامي😍
فاطمه:😒مش حذرتك من الاسم دا يا متخلفه انتي
اروى:☹اسي الاسم دا مالو.. تام😍تام يا حب
شهد:تام ولا ناقص😂
نياز:ناقص ولا زايد😂
شهد:زايد ولا في😂
نياز:في ولا على😂
فاطمه واروى:😒😒
فاطمه:بايخات ديل👊😂
اروى:مازن قال عاوز يشووفني الليله🙈❤
فاطمه:ماكل يوم قاعد يشووفك الجده شنو😒وشو المربع دا
شهد:😂والله يا توته بشبهك شبه التقول اخووان من ام وابو😂
فاطمه:😒انا وشي مربع😂✋🏻
اروى:ملاحظين انو دا حبيبي☹
نياز:ما تشتغلي بيهم يا اروى.. اسي كانوا بضحكوا على احمد... خليهم عشان سناجل مالقين ليهم حبايب😝
فاطمه:عان دي😒انا لو عندي حبيب زي مازن ولا احمد السمين بتاعك دا.. كنت بعتهم في اقرب سوق😒✋🏻
شهد:بعدين حبيباتي نحنا سناجل بي فهم😌.. عرفتو😏
نياز:واضح واضح😆
((كلهم صحبات في بعض.. بس فاطمه واروى قريبين لي بعض شديد❤نهايه الدوام.. طلعوا طبعا في مدارس اولاد جمبهم.... هم ماشين في الشارع جوا احمد ومازن ))
مازن:يا صبايا😍
البنات:اهلين
فاطمه:ميزو ازيك... حموديني حقي براي🙈❤
نياز:😂بالنسبهه لانو دي منو القبيل الكانت....
فاطمه:كانت شنو😒
مازن:بت ابوي الشوق بحر والله❤😍
اروى:بت ابوك شنو انت صدقتا.. كما اسم لي اسم🌚
((اي دا مازن اخوها🌚بس كلهم فاكرنو اسم لي اسم💔))
مازن:لالا اختي عديل😍
فاطمه:ههههه...اروى جبهتك وين😝✋🏻
اروى:غياظين😒
احمد:ااستلم اها زعلت منك😂✋🏻
نياز:حمودي خليك معاي ما ليك دخل بيهم🙈
فاطمه:مراهقين😏شوشتي تعالي بي جاي.. نحب بعض😍
((ومسكت يد شهد.. وكل اتنين ماشين مع بعض❤فاطمه واروى ساكنين قريب بعض... ودعوا باقي الشباب ومشوا))
اروى:اسمعيني بعدين بجيك عاوزاك تشرحي لي رياضيات
فاطمه:على عيني... انتي عارفه انا نسبتي الشهر الفات كانت 90...الدور دا عاوزه اعملا95😍اجدع ليك نياز دي هناك😂
اروى:مؤؤؤفنه يلا😂✋🏻عشان هي الاولى وانتي التانيه..
فاطمه:نفسي اجرب احساس الاولى دا عشان كده ح اجتهد😌
اروى:مووفقه يااخ.. يلا سلاام لي بعدين...
فاطمه:طيب
((اروى لفت بالشارع التاني.. وفاطمه طلعت
شقتهم ..))
فاطمه:يارب ماما تكون طابخه لي مكرونه بالبشمل😍...
((دخلت غرفتا وغيرت ملابسا وجاات طالعه... مشت على اتجاه غرفه امها. .شايفااهاا راقده في السرير))
فاطمه:معقوله تكون مشت وجاات قبالي... ماما... ماما
((وجرت منها الملايه.. لقتها معرقه وبترجف... هبشت راسا لقتو نار))
فاطمه:ماما😨فيك شنو.. ولي جسمك سخن كده.. مالك.. حاسه بي شنو
صفاء:حمى وصداع...اسي بتروح
فاطمه:لالا ترووح وين... مبالغه جسمك سخن يااخ.. قومي ارح المستشفى.. يلا😢
صفاء:يابت مستشفى شنو... ح ابقى احسن
فاطمه:يوووخ بترجفي وتقولي لي ح ابقى احسن😭قومي الله يخليك
((بتتكلم معاها وبتبكي... في الاخر صفاء استسلمت ليها.. فاطمه لبستا عبايه.. وعملت ليها عصير ليمون بالنعناع تقيل شربتو.... وهي مشت لبست ليها عبايه من فوق لي بجامتا.. مفتوحه بي قدام.. ومافكرت تشيل طرحه اساسا))
فاطمه:يلاا ارح.. انزلي براحه
صفاء:يابتي اسي في داعي لي دا
فاطمه:ماما...في كيف يعني ماف... يلاا..
((ونزلت اجرت ليها امجاد.. طبعا لانو المستشفى الشغاله فيها صفاء في امدرمان.. فاطمة قالت لي بتااع الامجاد يوديها اقرب مستشفى بس))
فاطمه:اسرع بالله😢💔حاسه بي شي
صفاء:راسي تقيل... وحاساهو ح ينفجر
فاطمه:م تخافي ح تبقي كويسه اممم
((وصلوا المستشفى وصفاء،بين واعيه وما واعيه.... وفاطمه مسنداها ودخلوا جواا... طبعا مافي شاب ما عاين ليها❤😍جمالها ملفت الصراحه🌚✋🏻قعدت امها ومشت للاستقبال...كان ولد))
فاطمه:عاين اسمعني.. انا م عارفه اقوول شنو... بس ماما.. ماما دي تعبانه وعندها حمى وجسمها نار.. فهمتا علي.. وقالت راسا واجعها وعندها صدااع😭
......:طيب ممكن تهدي شويهه
.'فاطمه:يااخ..خليني اقابل اي اخصائي...
((الولد سرح فيها... طبعا الشعر فاكاهو.. ولونو اشقر كده...وعيونها من البكى لمن حمرو.... ))
فاطمه:انت سامعني بقول في شنو..لو سمحتا خليني اقابل اي اخصائي
.....:اا طيب.. في دكتور مخ واعصاب.... بس لسه م وصل بجي حوالي الساعه4كده
فاطمه:يا سلام.. وانا ح اخلي ماما للزمن داك تعاني...لسه فاضل حوالي نص ساعه ....ااووف ممكن تتصل عليهو...
.....:مافي داعي هو بكون في الشارع اسي.. بجي 4بالظبط مواعيدوا مظبووطه... اساسا استلم الشغل من الاسبوع الفات.. وياداب ح ينزل الليله.... اساسا م ح يجي غير يوم واحد في الاسبوع لانو ح يمسك مجمع طبي
فاطمه:😒انا ح استفيد شنو من الكلام دا كلو... لمن يجي كلمني
....:طيب اديني اسمك واسم المريضه
((فاطمه ملتو اسم صفاء لمن جاات لي اسمها))
فاطمه:اسمي...فاطمه طارق النوري الحسن النوري
.....:😳....انتي بت الدكتور طارق
فاطمه:😒لا.. اسم لي اسم بس
.....:اها😅طيب بعد تقابلي الدكتور بديك توقعي
((فاطمه مشت قعدت جمب امها.. ولسه بترجف والصداع ماشي لي زيااده... وفاطمه دموعا نشفوا... وهنااك اروى تشيل وتتصل ليها.. بس هي نست تلفونا في البيت💔))
فاطمه:ماما اسي كيف
صفاء:احسن
فاطمه:المتخلف دا اتأخر كدا لي.. قال مواعيدو مظبوطه...
((مشت لي بتاع الاستقبال.. سألتو من الساعه كم وكده. '.قال ليها3:55))
فاطمه:عاوز تقنعني انو في5دقايق دي ح يجي ناطي هنا😒
((فاطمه قاعده وتستغفر وتحسبن.. ويدينا في نصها... شويه كده والمستشفى دي صنت.... حتى بتاع الاستقبال اتبكم😂👊💔....))
....:اا اتفضلي اقعدي.. شويهه وبدخلك ليهو... هدا جاا..
فاطمه:وينوو...
.........:وراااك يا استاذه
((التفت وراها.. شافت ليها شاب صاري وشو... هو قوولت نضييف عليهو بسيطه😢☹❤👊اتكلم مع بتاع الاستقبال وصرا وشو... وعاين لي فاطمه بي نظره كده.. هي م قدرت تفسرا.... ومشى💔))
.....:اسي طلع مكتبوو... شويهه وبدخلكم ليهو طيب
فاطمه:سرررعه عليك الله😢
((قعدوا.. وبعد شوويهه دخلو ليهو.....وفاطمه شغاله تشرح ليهو صفاء..بتعاني من شنو وكده... قاطعها))
عبدالله:انتي المريضه ولا هي😊
فاطمه:هي طبعا
عبدالله:بس خليها هي تشرح لي حاسه بي شنو😊
فاطمه:😒طيب
((المهم سأل صفاء كم سؤال... بعدين قال ليها تعمل ليهو صوره اشعه'...وصف ليها محل الصوره...... فاطمه كانت ماشه... قال ليها انتي استني))
فاطمه:خيييير
عبدالله:صرااحه الصداع العند امك دا ما طبيعي
فاطمه:كيف يعني😳
عبدالله:لمن تعمل الصوره كل شي بتوضح... بس ادعي ليها... حاليا خليها تستعمل الادويه دي.... وتعالوني الاحد الجاي زي الزمن دا...
((فاطمه اخدت ورقه الروشته ودموعا حلفوا لو يقيفوا... اما صفاء عملت الصوره... وسلمتا لي دكتور عبدالله.... وهم طالعين من المستشفى.. فاطمه دفعت القروش.. .ووقعت... عينها وقعت على اسم المستشفى))
فاطمه:النوري الحسن النوري...دي مستشفى ابو مازن... عشان كده بتاع الاستقبال استغرب من اسمي... ((وسندت صفاء وطلعوا برا... وكانت بتحاول توقف امجاد... جاات عربيه وقفت قدام المستشفى نزل منها طارق😱جاا ماري جمب فاطمه وصفاء.. صفاء م انتبهت ليهو... بس هو عاين لي فاطمه شديد لمن شككها في روحا😂💔))
طارق:ناهد😳
فاطمه:عفوا
طارق:ااا..اسف اسف
فاطمه:غريب
((ووقفت امجااد.. وركبت امها.. اساسا ما كانت واعيه زي الناس... وطارق واقف من بعيد ويعاين ليها لحدي الامجاد ما اتحركت))
طارق:لالا دي شنو الافكار الغبيه دي... يعني ناهد ح تكون شابه زي ماهي😅... لالا يخلق من الشبه40
((فاطمه اخدت الادويه من صيدليه قريبه ليهم. بعدين طلعت مع امها الشقه.... ادتا الادويه وعملت ليها مكمدات لحدي ما نامت...... وهي فضلت بس بتبكي💔😢))
فاطمه:مالي غيرك يا ماما.. الله يخليك قومي لي بالسلامه بس.....
((اما عبدالله كان في المستشفى💔))
عبدالله:ودا الكنت خايف منو انا💔
يتبع......
✏ننس🎀
