((فاطمه دخلت المدرسه... اول واحده لاقتا اروى😻حضنتا.. واروى كانت بتبكي زي الهبله😂💔))
اروى:ياخ وربي فاقداك😭💔
فاطمه:وانا كمان والله💔بس م شديد😂
اروى:حيوانه😒
نياز:فطوومتي😻
فاطمه:نياز حقتي اها جاهزين للامتحان🙊
نياز:والله يعني..
شهد:فطووومه😻👏ياابت الشوق الشوق❤😭
فاطمه:حبيبي ياخ😙حااصل،،،،
((دخلوا كلهم المدرسه،،،وقعدوا يذاكروا ويراجعوا لي بعض،،،بعد شويهه دخلوا الامتحان،،،،فاطمه كانت سرحانه طول الامتحان،،،بس قدرت تركز😙،،،،بعد الامتحان اروى عزمتهم بوش😻👏،،،،بعدها قاموا طالعين كلهم ع البيت،،،))
اروى:ياخ فقدتك وفقدتا مشيتنا للبيت مع بعض💔😢
فاطمه:وانا كمان والله😢بس الحمد لله
اروى:تام،،،القرض دا مستنيك😵؟؟
فاطمه:قرض منو
((والتفتت لقت عبدالله واقف🙊))
فاطمه:عبدالله😳
اروى:وي وي وي😻ابو دي انااقه ياخ😭❤
فاطمه:بطلي انبراشك دا😂👋🏻
عبدالله:اها الامتحان كان كيف
اروى:لو ما كويس،،كويس😻 ،،اا اقصد حلو والله😅
فاطمه:الحمد لله بس
عبدالله:طيب يلا اوصلك.. لانو عندي دوام في المستشفى بعد ساعتين
فاطمه:طيب
اروى:نتلاقى😁
((وفتح ليها باب العربيه،،،وطلعت،،،،مشوا بالشارع التاني،،،وقف لي مازن طلع في العربية ))
فاطمه:مازن😻ياخ وربي مشتاقين
مازن:كتييير يا جافيه😒م بتسألي من اخوك
فاطمه:وربي ع طول بسأل منك...اها اسي بقيت كيف ؟؟
مازن:الحمد لله،،،نور كيف
فاطمة:كويسه،،،ح ترجع معاي صاح؟
مازن:عههه..لالا م اظن ح انزل في شقه عبدالله،،،اساسا ح اقعد معاهو الفتره الجايه دي كلها،،،
فاطمه:اها الامتحان كان كيف؟
مازن:ظابط...نحنا ناس البخرات كمان بسألونا😻✊
فاطمه:هههه
((وبعد شويهه عبدالله وقف العربيه وطلب من مازن يكمل مشي،،،،فاطمه استغربت فيهو،،،،))
فاطمه:لي ما دخلتوا لي جووه
عبدالله:ساي بس
فاطمه:ماعاوزني اتذكر بيتنا ولاشنو
عبدالله:هه لالا😒
((،،،عبدالله وصل فاطمه لحدي البيت،،،،))
عبدالله:يلاا يستحسن تاني تطلعي لي بدري😒عشان مانختلف
فاطمه:طيب
عبدالله:وبالمناسبه،،،الكوزه حلوه فيكك💜
فاطمه:شكرا
((وغمز ليها ومشى😂👏دخلت جوا،،، لقت نور قاعده في الصاله سألتا من الامتحان وكذا،،،بعدين عملت ليها عصير منقه بارد،،شربتو ودخلت نامت،،،،،طارق لمن جا من المستشفى طلع لي فاطمه في غرفتها،،))
طارق:ممكن ادخل
فاطمه:اكيد اتفضل
طارق:اها الليله الامتحان كان كيف؟
فاطمه:حلو الحمد لله،،،
طارق:وو..ومازن لقيتيهو؟؟
فاطمه:اي..امتحن كويس،،ياعموطارق ،،يعني انتو ولامشيتو لي مازن المستشفى ولاحتى كلفتو نفسكم تسألوا عليهو بعد طلع،،،وحاليا الامتحانات بدت،،،كمان ماعاوزين تسألوا عليهو،،،انا اسفه اني بدخل،،،بس صراحه انتو ماليكم حق تعاملوا بالقسوه دي💔
طارق:والله يابتي انا ماقاسي عليهو ولاشي،،،بس بعد العملو كان لازم اعاقبو شويهه فاطمه:بس هو ما كان عندو ذنب،،،الذنب ذنبكم انكم ما انتبهتوا ليهو من الاول،،،ع العموم ياريت تمشي ليهو وتطيب خاطرو وترجعو البيت
طارق:نشوف ان شاء،الله
((طارق كان مستغرب في عقل فاطمه البوزن الامور بشكل صحيح دا،،رغم انها ماشافت تجارب في الحياه بس واعيه،،،،،مرت الايام وطارق كان بحاول يتكلم مع مازن بس مازن برفض،،،حتى اميره كانت كل يوم تقريبا بتمشي ليهو في بيت عبدالله،،،،،بس مازن كان راسو قوي وماعاوز يرجع بيت ابوهو تاني،،،لحدي ماعبدالله قعد واتكلم معاهو))
عبدالله:عاين يا مازن،،كلنا بنغلط صاح ولا ماصاح،،،وبنتعظ من اخطاءنا دي،،،وانت غلطتا لمن مشيت في السكه بتاعت المخدرات،،،بس اتعالجتا ورجعتا عقلتا،،،واهلك كذلك غلطوا لمن ما وقفوا معاك،،،بس هم حاليا اكيد فخورين بيك انك قدرتا تتخطى المرحله دي من حياتك،،،وحاليا عايزنك ترجع مازن الراجل البيعتمد عليهو،،،فاهمني انت
مازن:انا فاهمك.. بس هم اتخلوا عني في اكتر وقت احتجتهم فيهو،،
عبدالله:طيب،،وعرفوا غلطهم واعتذروا ليك بدل المره الف،،،وهم في النهايه اهلك،،،يبقى لازم تقبل اعتذارهم وترجع البيت
مازن:طيب،،،انا ح اقبل اعتذارهم بس ماعاوز ارجع البيت الا بعد الامتحانات....
عبدالله:ههه طيب اخد راحتك❤المهم تكون حاليا راضي عن نفسكك
مازن:الحمد لله...
((مرت ايام الامتحانات وجااامتحان الكيمياء😪😂💔،،،فاطمه كانت متوتره،،،عبدالله كان عارف انو اليوم التاني ح يكون كيمياء علشان كده جا لي فاطمه يوم القاب،،،اول م دخل البيت لقاها قاعده في الصاله وماسكه كتاب الكيمياء ووشها منفخ من الزعل))
عبدالله:لو عارف انو الكيمياء بتزعلك كده،،،كان خليت امتحاناتك كلها كيمياء،،،،علشان وشك المابتفسر دا
فاطمه:انن😒،،،ياخ بالجد معادلاتا صعبه😭
عبدالله:القال ليك امشي علمي منو😒
فاطمه:ماما💔😔كانت عاوزه تشوفني دكتوره
عبدالله:انا اسف... ماكان قصدي شي...ربنا يرحمها
فاطمه:لالا عادي،،،اللهم آمين
عبدالله:طيب يا ستي انا ح اشرح ليك😌بس تركزي في الكيمياء😒مافي عيوني زي المره الفاتت😏
((فاطمه قلبها عمل شحح.... ع اساس هو لسه متذكر😂👋🏻،،،))
فاطمه:طيب
عبدالله:تمام..اسي امشي جيبي قلم ودفتر... وانا ح امشي اعمل نسكافي
فاطمه:اوك...
((فاطمه طلعت فوق جابت الدفتر والقلم،،،،،وجات قعدت،،،عبدالله عمل النسكافي،،،وشال منها الدفتر وبدا يشرح ليها💜هي في الاول كانت مركزه في الكيمياء،،،،بعديها بقت مركزه في صوتو وحركاتو... وطريقه شرحو💜وهو كل مايرفع عينو يعاين ليها بلقها سرحانه فيهو😂👋🏻بعد خلصوا شرح،،،))
عبدالله:يلا بالتوفيق
فاطمه:اللهم امين،،،
عبدالله:مافي شكرا😒
فاطمه:ههه شكرا كبيره
عبدالله:احم،،،ولو بطتي💜دا واجبي😉يلا سلام لانو عندي دوام في المستشفى،،،،وبكره اطلعي بدري مفهوم،،
((وضربا ضربه خفيفه على راسا💜،،،فاطمه بقت تبتسم براها زي الهبله😂،،،،اليوم التاني طلعت ليهو بدري،،،،مالقتو واقف استنت بعد ربع ساعه حتى وصل))
عبدالله:اتأخرتا عليك بس كان عندي موضوع في المستشفى،،،خلصتوا وجيتك طوالي
فاطمه:لالاعادي
((ركبوا العربيه واتحركوا،،،في نص الطريق... تلفون عبدالله ضرب،،،))
عبدالله:فاطمه معليش ممكن تفتحي الاسبيكر علشان سايق م بقدر اختو في اضاني،،،
فاطمه:طيب
((فاطمه فتحت الاسبيكر،،،وكان صوت بت رقيق))
عبدالله:الو مين معاي
....:معقوله يا عبدالله نسيتني بالسرعه دي ولا عشان الرقم غريب
عبدالله:كده ذكريني
....:ياود انت عندك كم حبيبه👋🏻😂
عبدالله:حبييبتي واحده نسرين❤.. يابت وين انتي مشتاقين والله
نسرين:كتير وحاتك.. مابتسأل قلته اسأل انا
عبدالله:ههه مشغوليات يا زولتي... كيف عامله
نسرين:بخير والله....اسمعني عازماك خطوبه اختي يوم الخميس لو بتقدر تجي
عبدالله:ان شاء الله بجي.. مبروك ليها وعقبالك
نسرين:تسلم...عقبالي دي انا لسه مستنياك ع فكره. هه
عبدالله:ههه...اي استنيني
((طبعا فاطمه اتملت من كلام عبدالله... وخاصه انو نسرين صوتا مايع شديد،،،،بعدها عبدالله خلص مكالمتو،،،وفاطمه م اتكلمت معاهو نهائي،،،حتى هو لاحظ انو تعابير وشها اتغيرت،،،،))
عبدالله:فاطمه انتي كويسه
فاطمه:اممم..كويسه
((وفضلوا ساكتين لحدي ما وصلا المدرسه،،،،فتح ليها الباب نزلت ودخلت المدرسه حتى بدون تودعوا،،،،لاقت نياز وشهد،،،وكانت متنشنه حتى الامتحان م ركزت فيهو شديد،،،،وبعد طلعت لقت عبدالله واقف،،،وصلا البيت،،،،،دخلت جوا وجرت غرفتا طوالي،وبقت قاعده تبكي))
فاطمه:يعني هو بي حبيبتو💔طيب لي انا مالاحظتا للحاجه دي،،،،اووف،،،طيب مايكون بي حبيبتو ولا حتى بي مرتو،،،انا ببكي لي اسي
((وكل ماتمسح دموعا تاني تنزل💔،،،،،عبدالله طلع ليها في غرفتا لقاها راقده في السرير))
عبدالله:فاطمه
فاطمه:انت مابتعرف تضرب الباب قبل تخش
عبدالله:طيب واذا الباب فاتح انا ذنبي شنو
فاطمه:اها عاوز شنو اسي عبدالله:حاسك مضايقه من حاجه.،،،في شنو... انا زعلتك في حاجه؟
فاطمه:لا،،،وبعدين حتى لو زعلتني،،،ح تفرق معاك كتير يعني
عبدالله:كيف ماح تفرق اكيد ح تفرق،،مالك احكي
فاطمه:ياخ ماف شي،،،مضايقه بس
عبدالله:انتو البنات طبيعي بتنفسنوا كده😏في زول بضايق ساي،،
فاطمه:ماف شي قولنا،،،وبعدين بدل تشوف انا مالي،،،امشي لي نسرين😒
عبدالله:نسرين؟،،،الدخل نسرين هنا شنو
فاطمه:ااا.. انا قصدي،،،
عبدالله:دقيقه دقيقه،،،،فاطمه انتي بتغيري علي صاح??،،،،💜
يتبع
✏ننس🎀
