عبدالله:سمعتي بيها صاح؟
صفاء:سمعتا بيها شنو،،،انا وأمك كنا عشره عمر،،،ومعانا واحده اسمها ناهد،،،نحنا ماكنا بنفترق،،،
عبدالله:بالجد،،❤،
صفاء:ايووه،،،بس من وقت امك اتزوجت الحسن مااظن تاني عرفت دربها،،،لاحولا ولا قوة الا بالله،،،،يعني امك ماتت بالمرض دا،،،،انا م كنت عارفه،،لانو كل الجابوهو في الاخبار انها ماتت بس،،،
عبدالله:اتوفت بالمرض،،،،تقريبا عانت منو شديد كمان حتى ماتت،،،الحمد لله غايتو
صفاء:لا اله الا الله.....ياحليلا امك كانت بميه راجل،،،جدك زمان حاول يمنع زواج امك وابوك،،،بس هي وقفه مع ابوك بعد جدك حرموا من التركه،،،وقفه معاهو وقفه رجال💪🏻،،،،
عبدالله:ولي جدي كان رافض فكره زواجهم
صفاء:لانو امك كانت من الطبقه الوسطى.. وابوها راجل بسيط،،،،وجدك كان متعجرف شديد،،،علشان كده حلف لي ابوك انو لو اتزوجا ح يحرموا من التركة💔،،،،،
عبدالله:فعلا جدي كان كده... ربنا يرحمو...
صفاء:وابوك..تاني م اتزوج؟؟
عبدالله:لا...اتوفى بعديها بي كم شهر...ووقتها انا مشيت اتربيت في بيت جدي
صفاء:لاحول ولاقوه الا بالله،،،،،،العشتو ماهين شكلك💔
عبدالله:عههه..الحمد لله على كل حال،،،اا صراحه اتأخرتا عن المستشفى،،،لازم امشي اسي،،
صفاء:طيب ياولدي،،،
عبدالله:وح اجيك يوم تحكي لي عن امي بالتفصيل الممل❤،،
صفاء:ان شاء الله
((فاطمه كانت في المدرسه،،،،بعد خلصت امتحان قعدت شويهه مع صحباتا وبعدين طلعت،،،،اما مازن فكان تعبان شديد،،،،كان ماشي في الشارع وشكلو مرهق،،،لمحتو فاطمه من بعيد ومشت عليهو،،،،))
فاطمه:مازن💔مالك الحاصل عليك شنو
مازن((بي توتر)):ووو.. ولاشي،،،،انا،،انا كويس
فاطمه:لا م كويس،،،والدليل وشك دا ومشيتك،،،مالك
((وقبل تتم كلاما.. مازن وقع من طولو💔))
فاطمه:مازن😱...الحقووني... مازن فتح عيونك... زول يلحقني.. ياانااس
((وبقت تصرخ وتكورك... لحدي ماجا بتاع امجاد ورفع مازن.. واخدهم اقرب مستشفى.....))
فاطمه:لو سمحتا... عاوزه دكتور.. نادوا لي اي دكتور.....
....:اهدي اهدي،،،
((وجابوا النقاله وشالوا مازن،،،،وفاطمه كانت بتبكي،،،فجأه اتذكرت امها.. وانها ممكن تقلق.. نزلت تحت اتصلت عليها وكلمتا،،،،))
صفاء:مازن منو؟؟
فاطمه:...ال.. الكان حبيب اروى
صفاء:اهااا..طيب انتي في اي مستشفى
فاطمه:مستشفى طارق النوري
صفاء:طيب،انا جاياك
فاطمه:لالا...مافي داعي.. انا ح اشوف في شنو...وح ارجع طوالي.. م تتعبي نفسك
صفاء:طيب..ولو في شي اتصلي علي،،،
فاطمه:حاضر..
((مازن اخدو منو دم.. وعملوا ليهو كم فحص،،،،وادوهو حبه منوم،،،بعد ساعه تقريبا صحى،،،لقى فاطمه قاعده جمبو،،،))
مازن:انا وين! ؟؟؟
فاطمه:في المستشفى
مازن:مستشفى😲..ااا.. انا.. انا عاوز امشي البيت.. القال ليك منو تجيبيني المستشفى...
فاطمه:مازن اهدى.. وبعدين انت كنت تعبان.. فبالتالي جبتك هنا،،،
مازن:انتي م بتفهمي... عاوز.. عاوز.. امشي،،،،
((وفي عز النقاش دا.. جا عبدالله داخل،،،،))
عبدالله:مازن😳فاطمه!! ؟
مازن:عبدالله...انتي.. انتي جبتيني مستشفى طارق النوري😳....
عبدالله:الجابكم هنا شنو..
فاطمه:وقع جمب المدرسه.. وانا جبتو.. كان باين عليهو تعبان...انت بتعرفو من وين؟؟
عبدالله:دا ولد عمي... خير يامازن مالك
مازن:لالا..دا ارهاق الامتحانات بس.. مافي شي.. انا.. انا كويس..
عبدالله:كدا اهدى،،،عملوا ليهو تحاليل؟؟
فاطمه:اي
مازن:تحاليل شنو. قلتا ليكم انا كويس... خلووني في حالي.. عاوز ارجع البيت.
عبدالله:اصبر نشوف تحاليلك وبعدين امشي البيت،،،،.
((شويهه وجاا الدكتور الكشف على مازن،،،،))
الدكتور:مازن...انت بتتعاطى شنو بالظبط؟؟
مازن:ش. شنو....
عبدالله:وضح كلامك يا الدكتور
الدكتور:صراحه ياعبدالله.. تحاليل مازن مانضيفه ابدا،،،للاسف مازن بتعاطى مخدرات،،،وما مخدرات اللي من نوع الشم... لا مخدرات بيأخدها بالحقن عبر الوريد،،،والشي دا اثر على دمو شديد
مازن: دا.. دا كلام شنو....
((طبعا فاطمه وقفت مصدومه،،،،وعبدالله م قادر يتكلم حتى💔))
الدكتور:وانا في راي... لازم يمشي مركز لعلاج الادمان...لانو وصل مرحله متأخره شديد ولازم يبدا يتعالج وإلا البحصل ماح يكون في صالحوا،،،،دي التحاليل بعد اذنكم
مازن:انا...الدكتور دا كذاب... انا.. انا كويس
((عبدالله طبعا عيونو حمروا... ومسك ليك مازن من قميصو.. وبدا يكفت فيهو💔💔وفاطمه بتحاول تزحوا منو))
فاطمه:ابعدي منو... على فكره دا ما اسلوب
عبدالله:عاوزاني اعمل ليهو شنو😡اقيف اصفق ليهو😡😡
فاطمه:لا..بس في اساليب تانيه للنقاش😒💔
عبدالله:م تتدخلي.. وبعدين انتي منو علشان تتكلمي اساسا.. او تدافعي عنو.... لو سمحتي دي مشاكل عائليه....وانا بعرف احلها بي طريقتي✋
فاطمه:ومازن زي اخوي.. وانا عارفه انو غلطاان.. بس الغلط الاكبر اكيد مامنو... من اهلو.. الما انتبهوا ليهو طول الفتره الفاتت..
عبدالله:بتتعاطى من متين😡جااوبني،،،،ليك كم شهر ولا اسبوع،،،اتكلم
مازن:يازول انت مجنون.. انا.. انا. م قاعد اتعاطى،،،انا مافبني شي،،انا كويس قلتا ليك،،،
عبدالله:كده....طيب تعال معاي...يمكن تقدر ترد على ابوك،،،لمن يسألك😡😡
((وجراهو من قميصو.. وفاطمه كانت بي وراهم... ركبوا العربيه وركب.. وكان سايق العربيه بأقصى سرعه.... فاطمه ركبت امجاد ورجعت البيت،،،اتصلت على امها،،نزلت وجابت ليها القروش،،،،،،بعد طلعوا فوق،،،،قعدت وحكت ليها💔))
صفاء:لاحول ولاقوه الا بالله...بتعاطى عديل كده
فاطمه:اي...وشكلو من فتره كمان
صفاء:واهلو كانوا وين! ؟
فاطمه:دا نفس السؤال السألتو لي عبدالله لمن بدا يشاكلوا
صفاء:عبدالله😳وهو علاقتو شنو...
فاطمه:ود عمو يا ماما.... مازن دا ولد طارق النوري...وعبدالله دا ود عمو
صفاء:مازن ولد طارق😳
فاطمه:ادعي بس انهم مايأذوهو...
((هناك عبدالله وصل البيت... نزل مازن بالغصب......اول ماوصلوا جوا... لزاهو في الارض،،،،))
اميره:سجمي،،،،مازن مالك... منو العمل فيك كده
عبدالله:انا...
اميره:وانت بأي حق تمد يدك على ولدي😡،،،،
عبدالله:اتكلم انا ولا تتكلم انت يامازن،،،
اميره:مازن،،،مالو معاك الحيوان دا😡
عبدالله:انا ماح اتكلم معاك.. لانو عارف كلامي معاك ماح يجيب نتيجه... عمي وين؟؟؟
اميره:اسمع هنا ياود صفيه هوي،،،،ماليك دخل في ولدي فاهم ولالا خليك في حالك،،،،
عبدالله:لم تكونوا انتو اهلوا.. ماجايبين ليهو خبر،،،وبعيدين منو للدرجه البتخلي يتعاطى،،،فاأكيد انا لي الحق ادخل وامنعوا،،،،
اميره:ي شنو.. يتعاطى... انت جاي تتبلى على ولدي،،،دا كلام شنو
عبدالله:دي التحاليل.. وبتأكد صحة كلامي.... وانا م متحرك شبر من هنا.. الا عمي يجي واكلموا
اميره:😳😳....مازن.. دا كلام شنو البقولوا الولد دا...اكيد الكلام دا ماصاح... رد لي...
عبدالله:متوقعه يرد ليك يعني😒...عمي وين؟؟...شكلك ماح توريني.. احسن اتصل عليهو
((وفعلا عبدالله شال تلفونو.. واتصل على طارق... رد ليهو بعد مسافه.. عبدالله طلب منو يجي البيت بأسرع وقت.....قال ليهو تمام.. وقفل))
عبدالله:شويهه وح يجي
((اميره قعدت في الارض ومسكت رأسا ومازن عيونو كانو مورمات،،،،،،،بعد نص ساعه وصل طارق،،،وقعد عبدالله وشرح ليهو الموضوع،،،طبعا كانت صدمه بالنسبه ليهو💔💔☝،،وحاول يكذب السمعو بس ماف طريقه💔))
عبدالله:ودي التحاليل...اسمعني ياعمي... مازن لازم يدخل مركز ادمان.. وفي اسرع وقت💔
طارق:عبدالله..انت عاوزني ادخل ولدي مركز ادمان...عاوز الناس تقول علي شنو... مافكرتا في منظري ومركزي وسمعتي
عبدالله:يعني اسي دا كل البهمك😳☝سمعتك ومنظرك ومركزك💔وين اسرتك من الكلام دا....مش كفايه انو انتو السبب في الحاصل ليهو اسي دا،،،وكمان ماناوي تعالجو.. وتخلي يموت بالبطئ،،،دا بدل تقيف معاهو... وتعرف منو لي عمل كده.. ومنو اساسا السمح ليهو ييعمل كده،،،،يعني انت اسي بتسمي نفسك *أب*...
طارق:ياعبدالله افهمني... الموضوع دا حساس
عبدالله:اها..يعني سمعتك ومركزك.. اهم من ولدك... طيب يا عمي... انا ح اودي مازن مركز علشان يتعالج فيهو لانو استحاله اخليهو يكمل في الطريق دا.. وماتخاف ح ادخلو بي طريقه ماف زول يعرف فيها انو دا ولدك... عشان سمعتك م تبوظ ✋
((وطلع لي مازن في غرفتو.. لمى لي ملابسو كلها في شنطه... ونزلوا معاهو تحت))
اميره:انت ح تودي ولدي وين؟؟
عبدالله:ولدك..لو كان ولدك بالجد..كان وقفتي ليهو كويس.. ومنعتي المصيبه دي... بس الظاهر انك زي عمي... اسم *ام*على الفاضي.... يلا يامازن
((وساق مازن.. وخلاهم متحيرين،،،،،،وداهو معاهو شقتو،،،دخل لي ملابسو في الغرفه التانيه،،،،وناداهو وقعد يتكلم معاهو))
عبدالله:من بكره ح اخدك المركز،،،وماتخاف مافي زول ح يعرف مكانك لحدي م تتعالج وتبقى كويس
مازن:اذا اهلي ماعاوزني اتعالج.. انت متعب روحك مالك
عبدالله:والله ليك حق،،،،انا مالي،،،،انا بعمل كده يامازن عشان عايزك تبقى زول قبل تبقى راجل،،،تفتكر انت لمن تشرب وتتعاطى كده ح ترتاح وتثبت رجولتك،،،اكيد لا،،،ح تضيع منك حاجات كتيره،،،اولها نفسك،،،ومستقبلك،،،،،وانا م عاوز شي زي دا يحصل معاك،،،،
مازن:بس انا م عاوز اتعالج
عبدالله:لا ح تتعالج وغصبا عنك كمان،،،،،،اساسا الامتحانات التجريبيه خلصت.. عندك فتره شهر تاني... الفترهه دي كلها ح تتعالج فيها،،،
مازن:.....
عبدالله:وانا حاليا م عاوز اسألك عملتا كده لي،،،بس عاوز اعرف كنت بتجيب الجرعات والحقن من منو،،،
مازن:وانت عاوز تعرف لي
عبدالله:علشان الاذاك،،،مايئذي غيرك،،،لازم يقيف عند حدو،،،فاهم،،،اديني اسمو بالكامل.. ووين ممكن القاهو
مازن:اسمو...و.. وليد تاج الدين ساكن في()،،،،
عبدالله:اممم..طيب... انا ح انزل اجيب العشاء،واجي راجع خليك هنا
مازن:طيب
((عبدالله طلع وقفل الباب بالمفتاح.. لانو ماضامن مازن،،،،،،،نزل مشى السوبر ماركت يجيب شي يتأكل،،،،اول م دخل لقى فاطمه واروى))
اروى:اللهم الثبات😿❤
فاطمه:مالك
اروى:عايني وراك😪💔
((فاطمه عاينت لقتو عبدالله... م اشتغلت بيهو كتير😏))
اروى:ووب😱انا جيت معاك ونسيت الحله في النار😱مع السلامه
((وقامت جاريه 💔😂))
فاطمه:يا بت.. اا
عبدالله:عاين لو سمحتا عاوز لي سجوك وبيض وجبنه وعيش
فاطمه:ع فكره انا واقفه قبليك😒
عبدالله:كنتي بتتونسي... مابتشتري...
((وشال حجاتو وخلاها واقفه💔😂☝))
فاطمه:اوووف😤....
((اشترت حاجاتا وطلعت بي وراهو،،،،ماشه في الشارع وضلاام وبرد،،،،عندهم جارتهم في نفس العماره مره عجوز كانت ماشه في الضلام... وضهرها منحني،،،،وبتأشر عليها،،،فاطمه شافتا وولعت عيونا،،،كانت شايفاها زي الشبح.. لانو من بعيد شكلها مخيف😂😂😂😂😂💔ومسكت عبايتا وفكتا جريه... لحدي م حصلت عبدالله ومسكتو من يدو... والمره كانت لسه بتقرب منهم.... وفاطمه بقت تصرخ وضغطت على يد عبدالله شديد😂😂💔،))
عبدالله:يابت مالك
فاطمه:ماا..ماشايف الشبح الجاي علينا دااك😨😭😭😭وااي.. ارح امشي
عبدالله:شبح شنو😂💔دي حبوبه الرايقه
الرايقه:خباارك يا فطين جاريه مني،،،،مابدور اكلك انا
فاطمه:😳😳
((عبدالله مات بالضحك😂😂💔☝........ ))
يتبع
✏ننس🎀
