الرساله فيها " مساء الخير علي ميوسه "
_ ما عرفتك
* انا امجد ، اتلاقينا في حفله امس
- نسيتو قعدت فترة لمن جمعتا ،، قلت ليهو يا هلا امجد ، بس جبت رقمي من وين
* قال لي انتي اديتيني ليهو وبضحك
- ما متذكرة والله
*قال لي كنتي نعسانه بس لو ازعجتك اعتبريني ما رسلتا
- لالا عادي ي امجد حبابك اخوي ...
همي اكبر من دا ، من غير م احس نمته وهو بيرسل لي يا حليلو وانا ما جايبه خبرو ،، صحيت الصباح صليت الصبح جا اللباني اشتريت منو لبن فورتو و اديت امي ، ولبست وطلعتا كان معاي 25ج مشيت السوق برجليني قريب مننا ، خشيت البقال اشتريت اكياس اسكريم (داردمة) بي خمسه جنيه كميه كويسه ، شلت منو كيسين عصير تانج ، مشيت قدام لقيت محل الخضار حسبتا القروش المعاي في زي 17جنيه شلتا منو جوافه ،، ومشيت البيت استغفرتا واتوكلتا علي الله في فكرتي دي وقلتا ربنا يهونا ، جاتني مزن قالت لي الجامعه وكدا قلت ليها ما حمشي انا الليله و وريتا الفي بالي ، لقيتا قلعت طرحتا و شمرت اتصلت علي عماد قالت ليهو انت امشي انا بقعد مع ميس ،، البت دي ياخ الله يقدرني علي جزاها
مشيت عملتا عصير الجوافه و مزن بدت تعبي لي و عرديب و التانج ، قعدنا نعبي في الاكياس انا وهي ، عملنا كميه كبيرة شديد حمدلله 😍 والله يا ميس يدك في العصاير طاعمة انا غايتو بشتري منك كل يوم ، قلت ليها زفته انتي اووووعك 😠 ما تعملي لي حركاتك دي عشان تجبري بخاطري تشتري مني حلفتك ما تعمليها انا عايزة اقيف علي رجليني براي ، يابت هجتي فيني كدا مالك انا جادة معاكي بعدين كنته عايزة اديكي فكرة انك تعملي محل حلويات انتي يدك بالجد حلوة ، هههه انا حلمي علي قدري و بعدين قرايتي اخليها لمنو ، دا طب يا مزن ما لعبه ، مافي شي بعيد علي ربنا بس الاسكريم ما بشيل بيت ، ربنا يسهل
هند جات دا شنو العاملاهو دا ، قلت ليها شوفه عينك ، قالت لي اتكلمي بي ادب ،
قلت ليها لمن انتي الاول تتكلمي بي ادب ،انا قاعده في الواطة وهي واقفه قدامي، قالت لي حمشيها عشان صحبتك قاعده ، قلت ليها اسمعي انا ما دايرة معاكم مشاكل و انا ماعارفه بتعاملوني كدا ليه ، بس الجوة دي امكم شيلو همها معاي ، ناكل و نشرب من وين ، قالت لي هييي انتي عايزة تعلمينا الصح والغلط و تعملي فيها مسؤله عننا وضربتني بي رجلا في معدتي ، وقفتا طوالي اديتا كف يظبط زوايا وشها ، من الليله انا ما حسكت كفايه لحد هنا ، جرتني من شعري طوالي لزيتا ولا انتظرتها ومن غير ما احس ضربتها في بطنا و بقت تكورك بطني بطني
بي خلعه كدا ، انا اتخلعتا هي ضربه واحدة ، مزن قالت لي ميس خلاص روقي ، قلت ليها لحد متين حسكت يا مزن انا والله بقيت ما متحمله ، جيت بليل لقيت امجد مرسل رسايل كتيرة انا نسيتو اصلا ، اعتزرت ليهو و طلعتا من الواتساب ، خش لي اتصال من رقم ، رديت ّ
