طبعا قلبي دا شغال يرقع رقع ، خلاق اعصابي باظت ماده راسي من الشبك زي السلحفه علي امل اني اشوف لي شارع بعرفو ،،
فجاه لقيتو بقول لي : م كنت بعرف ان شكلك حلو شديد كدا لمن تبقي خايفه
قلت ليهو : نعم !!!! م رد قام ابتسسسسم كدا
سكتنا الاتنين ، لمن خلاص اعصابي باظت قلت ليهو انحنا ماشين وين ؟
ما رد علي ، قلت ليهو بسالك ماشين وين ؟
عشر دقايق محلات كدا بتاعت مجوهرات (صياغ) قال لي انزلي ، قلت ليهو وين ، قال لي هنا ، قلت ليهو انا مالي انت الجبتنا هنا اذا عندك شغله خلصا وتعال ،، قال لي ميس ممكن تنزلي من غير نقاش ( بي نص هرشه)
نزلت ، قالي امشي يلااا
بقيت ماشه ةيتين علامة استفهام في وشي لمن دخلنا محل من المحلات ، سلم علي الزول بي عرفه كدا و سلام حار ، الزول سيد المحل قاليهو ، هي دي ؟ هاني رد ليهو ياها زاتا ، و انا عامله كدا 😳😳😳
قام قال لي جيبي يدك ، عاينت ليهو كأن الكلام ما لي ، قام سيد المحل كررا لي قال لي جيبي يدك ، قلت لبها انا ؟
قال لي شايفه في انثي غيرك في المكان دا ؟
هزيت ليهو راسي ( لا) م تلومني مخلوعه و م بحب اكون ما فاهمة اابحصل حولي والله م عندي ثقه في ضلي ،
مديت يدي لف حاجه كدا في صباعي الجمب السعمبتوتي وكتب في ورقه هاني و الرقم ( مقاس) ، قال لي خلاص شيلي يدك و لسه عامله كدا 😳
هاني قاليهو يلا يا ابو الشباب شكرا و ما قصرت اعفي لي حتعبك معاي بس عليك الله يا مان ززي ما اتفقنا ، قاليهو ما تخاف انا كلمتي واحدة ، واختكم في الله لسه عامله كدا 😳
قال لي يلاا ،، مشينا ركبنا العربيه و برضو عامله كدا 😳 مشا زي ربع ساعه و نزلنا في مطعم قال لي انزلي ، وانا سرحانه بحاول افهم ، قال لي انتي واقعه علي اضانك ؟ قلت ليهو انا ؟ قال لي والله انتي الليله ما نصيحه ، ميييس انزلي قلت ليكي ، نزلت و انا عامله كدا 😳 ، خشينا المطعم كلايسكي وهادي و ظريف شديد اول مرة ف حياتي اخش مطعم زي دا قعدنا في طاوله بزاويه كدا ،
لحظات مافي جات واحدة طايرة من وين م بعرف ، قالت لي ميووووسه ازيك ، عاينت ليها و قمت سلمتا بس ما عرفتها ، قالت لي يا بت ما عرفتيني ولا شنو ؟ خجلت قلت ليها ما حصل لي الشرف والله انتي دفعه ولا شنو ؟ قالت لي اخسيي عليكي اتلاقبنا في عيد ميلاد عماد ياخ انا اسراء ،، انا خلاص لمن عرقتا و هاني نطط عيونو ، عماد !!!ّ
سكت م اتكلم طبعا ، قلت ليها عماد منو !! قبل ترد عشان ازوغ قلت ليها اي والله اتزكرت كيف امك واخواتك وكلكم اها نتيجتك طلعت ولالا .. كررررررر جريتو ورا بعض ههه قالت لي والله كلنا بخير والله من يومين اتزكرتك كنت قاعده مع امجد و بنسمع المقطع حقك داك والله نفسي نتجمع تاني و تغني لينا ، انا ف اللحظة دي بسري قلت خلاااص البت دي طينت الدنيااااا ،، فلت ليها ان شاءالله والله وسلمي عليهم كلهم ، فرصه سعيده ، قالت لي اديني رقمك ،
كتبتو ليها مشت و قعدت و التوتر اشتغل فيني ،، بقيت قاعده ومتوقعه هاني يسالني لمن بتوتر بقعد انقر بي اصبعي السبابه ، قال لي تتغدي شنو ، انا جعتا ، قلت ليهو
انا ما فاهمه حاجه ولا عارفه سبب وجودنا هنا شنو من غير ما تاخد راي حتي جاريني وراك ، قال لي قلت ليكي تتغدي شنو ؟
الزول دا بقيت شايفاهو عبارة عن علامات استفهام ،، قلت ليهو اي حاجه ،، قال لي تمام ، ناد الجرسون و طلب لقاويز كدا اول مرة اسمع بيها .. و طول الفترة دي ساكت دايماً بحصل لي مع الزول دا حاجات عكس توقعاتي ، جا الاكل واكلنا و طلب ليهو قهوة و طلب لي عصير ،،
قال لي : سبب رفضك لي شنو ؟ قبل اتكلم قال لي قبل تجاوبي احترمي اني بني ادم ولي عقل باختصار احترمي عقلي ،، وترني زيادة ..
قلت ليهو ما شرط اي حاجه تحصل يكون ليها اسباب ، وحتي لو في اسباب م كل الكلام بتقال .. قال لي جميل
عندك فارس احلام معين بتحلمي بيهو وما شايفاهو فيني ؟
قلت ليهو انت شايف ان وحدة في وضعي دا من حقها تحلم و تتمني ؟
قال لي م تردي لي السوال بي سوال ، قلت ليهو اجابتي لا
قال لي : شايفه اخلاقي كعبة ؟ قلت ليهو لا
قال لي : شايفه شكلي شين خجلانه مني ؟ ووواي بي قلبي قلت ليهو انت يخجلو منك وحات الله انا الشينة م انت ، قلت ليهو لا
،، قال لي اذن م عندك اسباب مقنعه و انا حأسعي ان العرس يتم في اقرب فرصه ، وانا اخدتك برا جوا البيت عشان م تاخدي قرار في لحظة ضغط ،
قلت ليهو انت سالتني بس انا للان ما سالتك ، قال لي عارف سوالك ، قلت ليهو الاخ منجم قال لي استغفر الله بس الله كرمني بعقل ،
قلت ليهو اذن جاوب ،،
قال لي سوالك انو ليه انا متمسك بيك رغم رفضك لي و انا ما بعرفك صح ولا غلط ؟ قلت ليهو صح
قال لي ، انا عن نفسي ما عارف الاجابه ، قبل ابوي يفاتحني كنت بحب وحدة ،، قاطعتو ، طيب حلو اوع تخليها و الحب مبدا وووو الخ عشان اغير رابو و اثر عليهو
قال لي ممكن اكمل ؟ قلت ليها كمل ،، قال لي بحبها لي تلاته سنة و هي في عائلتهم ما بزوجو بناتهم لرجاال من قبايل تانيه ، محتكرين داخل العيله نظام البنت ما ليها غير ود عمها ، وانا قبل ارتبط بيها هي ما كلمتني و بعد كلمتني اتمسكت اكتر ، لحد ما جا يوم كنت قاعد مع صحبي وبنحكي عن الفييس و ما الفيس حكي لي عن وحدة مرتبط بيها بت اهلو و طلعت نفس الانسانه المرتبط بيها ،، كل العملتو بعدت عن حياتها لحد اليوم لا راسلتني ولا كلمتها ، بقيت م عندي ايمان بالحب و قررت اتزوج اي وحدة القسمة تجمعني بيها ، ولمن ابوي كلمني طوالي وافقتا لانو اكيد شايف خير فيكي ،، دي كل قصتي ..
دموعي ديل جروووو و بحاول م اظهر ليهو ، قلت ليهو انا ما فيني خير و م حنفع ليك انا اتختيت ف الامر الواقع لانو عمو الامين دا ليهو علي فضل ، انا بفضلو عايشه للحظة دي والا كنت مت من بدري ، انا بحترمو والعملو معاي جميل ما حنساهو طول م انا عايشه حتي الحصل في الشركة دا انا اجتهدت عشان م تخسرو الميراث حقكم عشان ارد لو جزو بسيط من فضلو علي ،،
بالجد الجواي انت ما حتفهمو و زواجنا لو تم حيخسرني اسرة كامله ، ارجوووووووك ي هاني انا بترجاك تصرف نظر عن موضوع زواجنا انا بالجد ما عايزة ، افهمني !
قال لي قومي نتحرك بعد دا علي البيت.. انتو متخيلين م رد علي كلامي
يتبع....
