من شفتو اتخلعتا ، عارفين دا منو ؟
*باك*فلاش*
تتذكرو الولد السنير المعانا في الجامعة
، لمن ضربتو بجزمتي ؟ ( اظنكم عرفتوه)
قلت ليهو انت داير مني شنو ؟
و و بعدين م مم م مزن ووووينا ، انا من الخلعه لمن بقيت برجف و بتمتم ، قال لي مزن باعتك و بقي بضحك بأستهتار ،
كيف يعني باعتني ؟ انت الحابكك هنا شنووو ؟ قال لي انتي كان م غبيه بتصدق كلام صحبتك و تجي ، تقدري توريني وينا صحبتا العيانه دي ،
شووووفي يا بت الناس ، اووووه سوووري اسف وصلتني اخبارك ياخ بت ناس شنووو انتي حي الله وحدة لقيطه ، انا ما فاهمه حاجه وبقيت ابكي جريت علي الباب عايزة افتحووو ، بي ضحك قال لي م تحاولي امتي هنا زول حيجيب خبرك مافي
قلت ليهو انت كذاب مزن اسي بتجي ، قال لي سمح ارجيها
و وبعدين انت عايز مني شنو وانت الغلط علي وسمعتني فارغ ..
*باك*فلاش*2
تتزكرو يوم مزن استلمت رساله في الواتساب من رقم غريب و لمن سالتو قاليها انا محمد عثمان !!! من هنا بدت الحكايه
و من هنا مزن اعتبرتني فار لازم تخت ليهو حتت جبنه عسان تدخلو في المصيده ،
طيب حتسالوني ليه عملت كدا ؟
حقوليكم محمد خش لي مزن بي حنك بحبك وشاريكي ودايرك حتي طه نستو تماماً محمد ذكي ، خلاها تحبو قبل ما تشوفو لانو لو سافتو خطتو حتفشل و حتعرفو ان دا الزول الاتشاكلنا معاهو ، مرت الايام بينهم في فتره وجيزة شديد ، مزن حبتو و لمن اتلاقو قدر يقنعا بي حبو وانو اساسا ما متذكر ميس دي ، لحد ما جا يوم وجاب مزن نفس الشقه و صورها صور خليعه من غير علمها ( م تسالوني كيف ) المهم الصور دي بقت سلاح ضد مزن و ف نفس اللحظة بدر ظهر في حياتا ، و الحاجه الوحيده الممكن تمرق مزن من تهديد محمد ، انه تسلمني ليهو و بكدا تكون سترت روحا ، و نست انا منو ..... شفتو الدنيا دي كيف ،، ( نرجع لي مرجوعنا )
، طبعا بعد استوعبت الموقف الانا فيهو انصدمتا ، قعدت ف اقرب كرسي لي و بكيت ببكي في حالي ، انصدمت في مزن
انا بالجد كنت غبيه هووو دا شوقا لي ؟
قلت ليهو اسي المطلوب مني شنو ؟ قعدت يضحك و يقرب مني ، قال لي سلامتك لي حق و دايرووو ، كل همي امرق من الموقف دا كيف ، ثواني مافي والباب دا خبيط ورزع بصورة هستيريه هو لمن انخلع و فحاه نسمع صوت مزن ، يا حيوان يا حقير تغشني انا الفلاشه دي كلها اغاني افتح الزفت دا و تكورك ، من مكاني م اتحركتا لانو عارفه ربنا م حيخليني وقف معاي في مواقف اسوء من دي ، بس ببكي في حال الدنيا و حال الناس دي وصلت لحد وين ،
