الجامعة

الجزء 11

صابر يا صابر

وهنا صابر انتبه مع الصوت البنده عليه

كانت دي (هاجر) (تتزكروها اول واحده اتعرف عليها صابر في الجامعه)

هاجر: اشي علي التقله😏 بنده عليك لي ساعه وساكاك من القاعه لي هنا ، التقول ما برلوم😏

صابر: ههههه العفو يا هاجر والله ما سمعتك

هاجر: ما مشكله يا برلوم 😅 بس مالو لونك و وشك مخطوف كدا يا ود كما تاني يوم ليك في الجامعه اها نهايه السمستر ح تسوي شنو 😂😂

صابر: ههههه الله اعيني ساي علي جامعتكم دي وامرقنا بالسلامه 😅

هاجر: يا ود هينه بس انت ما تعلب دايره ليها شده حيل شويه كدا ،انا زمان كنت بقول كلامك دا بس ما من تاني يوم 😅😅

وهنا هيثم ومحمود وصدام جوا ماشين بي جمبه ولمن شافهم صابر حس انو الجماعه ديل متجهين عليه و اتوتر ، وحاول اتصرف ابتسم وقال لي هاجر عارفه الليله انا عازمك علي الفطور عشان حليتي لي مشكله امبارح

هاجر: ياود فطور شنو ومشكله شنو الحليتها ليك ابرد يا ولدي 😅

(صابر) اترسمت علي وشو ملامح الجديه وقال لي (هاجر) دا اول طلب اطلبو منك وممكن تعتبرني زي اخوك الصغير وما ترفضي لي طلبي دا

(هاجر) ما عارفت تعمل شنو بعد ما شافت صاحبنا جادي وكميه الترجي الاترجاها ليها ، قالت ليه خلاص يا صابر انا قبلت عزومتك ، صابر قال ليها والله فرحتني😊 يلا ارح سريع انا عارف كفتريا حلوه ( هنا كان هم صابر كلو انو اتخارج من جماعتنا ديل )

هاجر: بتعرف شنو ؟؟ يا ود انت امبارح قاعتك ما عارفه 😅😅 الليله عرفت الكفتريات والله مخير الله في حكمو 😂😂

صابر ارح يا هاجر ، وقبل اصحابنا ما اصلوهم (هاجر وصابر) اتحركو

هاجر: يا ود مافي كفتريا بي جاي 😶

صابر: اصبري انتي، هسي بنصلها

ومشوا مسافه بعيده ، ولمن (صابر) حس انو بعد شديد من جماعتنا

تصدقي يا (هاجر) شكلو كلامك صاح ومافي كفتريا هنا 😅 شكلي لخبطت الاماكن

هاجر: ومن قبيل شابكني هسي بنصلها وانا بقول ليك مافي كفتريا هنا وعامل لي فيها مقطع الجامعه كلها يا برلوم

صابر: 😅لكي العتبي حتي ترضي

هاجر: بعد ما مشورتني المسافه دي كلها 😡 لا ما رضيانه

صابر: المره دي سامح يا سنيرتي وتاني كلامك هو الح اتسمع بس المره دي سامح

هاجر: قلت كدا ، خلاص المره دي سماح وتاني ما تتكرر سامع يا برلوم

صابر: حاضر يا ستي 😉

هاجر: خلاص انا وقت محاضرتي قرب وما ح اقدر اتاخر اكتر من كدا والمره الجايه تتعوض ان شاء الله وح تكون عزومتين عشان التعبي دا

صابر: حاضر يا ستهم واعفي لي عليك الله

هاجر: علي شنو يا اخوي ، ياخي العفو والعافيه لله ورسوله يلا سلام

صابر: سلام 😊👋

هنا صابر ارتاح ما عارف هو كان مقلق من شنو ، او عمل كدا ليه ، بس كان في داخلو شعور انو ناس (صدام) كان قابلوه مع هاجر ما ح احصل خير

بس قال الحمدلله انو الموضوع انتهي علي كدا 😩 واتجه علي الكفتريا طلب فطورو وقعد علي بينش و ختا شنطتو الشايلها علي جمب بس ما كان عارف القاعد جمبو منو ، صاحبنا سارح في خيالو بعيد (في الحاصل معاهو😩) يعد ما خلص داير اشيل شنطتو وفي جانب البينش اتمدت برضو يد في اللحظه دي اتشابكت الايادي من دون قصد

(صابر) رفع راسو ولقي نفسو ماسك يد

وهنا كانت لعبه القدر

كانت دي يد (روان) وبقي اعاين ليها في عيونها وجواه زي كان في بركان خامد وانفجر

و(روان) عاينت في عيونو وشفات شئ غريب ما شافتو قبل كدا في عيون بشر كانت عيونو زي البتلمع وفيها لهفه ممزوجه باشتياق ، هنا صاحبنا وعي علي نفسو وانو لسه ماسك يد (روان) سحب يدو بي هدوء من يدها وهم لسه بعاينو لي بعض قال ليها انا اسف وهي لسه متحيره في عيون (صابر) والشئ الغريب الشافتو فيها وحاولت تقيف شنطتها وقعت حاولت تنحني تشيلها و(صابر) برضو انحنا اجيبها ليها راسو اصطدم براسها، (روان)مسكت راسها من اثر الضربه وصابر من غير ما احس مسك راسها و (روان) بتعاين لسه في عيونو وشافت المره دي نظره خوف وحنان و (صابر) بقول ليها انا اسف انا اسف وهي ما قادره تتكلم شالت شنطتها ومشت

(صابر) بقي واقف في مكانو وبعاين لي روان لمن طلعت من الكفتريا وقلبو شغال (شح شح)

فجاءه جاءت يد من وري ضربته علي كتفه

يتبع.....