الجامعة

الجزء 19

محمد بقي اسمع في كلام صابر مع هيثم ، وهنا اتاكد انو الموضوع خطير ، صابر انتهي من المكالمه لقي محمد قدامو ، صابر قال لي محمد لازم تسمع كلامي وتوصلو لي باسل صدام ناوي شر لي باسل، محمد لازم انت و باسل تعرفوا الكلام دا ، محمد قال ليه انا سمعت كل كلامك مع هيثم وفهمت الحاصل ولازم نحذر باسل ولازم انت تكلموا ، صابر قال ليه هو ما ناوي اسمع مني وقايلني انا تبع صدام

محمد: ما تخاف انا بعد سمعت كلام مع هيثم اتاكدت انك خايف علي باسل وداير مصلحتو ، ولازم باسل اعرف الكلام دا

صاير: ياريت يا ابو حميد اعرف كدا ، محمد قال ليه ارح عليه ، واتحركو علي الكافتريا لقوا باسل قاعد هناك ، محمد قال لي باسل صابر داير اقول ليك كلام وياريت يا باسل تسمع كلامو لي النهايه

باسل: محمد عليك الله انا هسي ما فاضي ومزاجي براهو ما رايق😤

محمد: باسل انا حصل غصبت علي شئ قيل كدا

باسل: امممم ، داير تبدا لي

هنا صابر قاطعهم وقال لي باسل ممكن تسمع كلامي وبعدين كان داير اجدعو البحر ،بس المهم انا اكون عملت العلي وحزرتك من صدام والناوي ليك عليهو

محمد قال لي باسل عليك الله اول اسمع الراجل دا ،هو داير مصلحتك بس ما داير منك شئ تاني

باسل بقي اتاافاف 😤ومدي بوزو ، وقال لي محمد عشانك بس انت ح اسمع كلام اخونا دا لاني عارفك راسك قوي والبتختوا في راسك بتسوي وانا ما ناقص نقتك ، واتلفت علي صابر وقال ليه احكي يا حبيبنا ، وهنا صابر بدا احكي لي باسل من اخر مره شافهم فيها هو ومحمد ، وكيف اتعرف علي صدام ومحمود وهيثم ، وكمان قال ليه انا عارف انو انا مفروض ما ادخل في خصوصياتك بس انا عرفت القصه القديمه وسبب كرهك لي صدام واي زول بتعامل معاهو

باسل بقي منطط عيونو😳 وبسمع في كلام صابر من غير ما اقاطعو ، بعد ما صابر انتهي محمد قال لي باسل شفت صابر عمل شنو عشانك وعشان خايف عليك وداير مصلحتك وانت بالمقابل حتي سلام الله ما داير تدي ليه ، دائما انت يا باسل متسرع

صابر قال لي محمد مافي مشكله انا المهم عملت العلي والبملي علي ضميري واصلي

وقبل ما اتم كلامو باسل حضن صاير وقال ليه معليش يا اخوي انا ظلمتك معاي اعفي لي يا اخوي وطالب منك السماح

صابر: يا اخوي العفو والعافيه لله ورسوله ، مسامحك يا اخوي

باسل: عليك الله سامحتني ولا بتمشي فيني ساي

صابر: والله عافي ليك ومسامحك

باسل: من جوه قلبك

صابر: و من صمصمو الصغير كمان 😁

هنا محمد قعد اضحك في صاير وباسل وقال ليهم دي شنو حركات الشفع البتسوا فيها دي ، يلا يا باسل بالمناسبه دي انت عازمنا فطور الليله😁