الجامعة

الجزء 36

يس ودع الحاج عبدالله وطلع ، باسل ومحمد وصلوا المستشفي بعد ما يس طلع ، والحاج عبدالله حكي ليهم كل الحصل ، وفرحوا شديد علي سلامه يس ، وبقوا اقولوا الحمدلله لك يا رب ، الحمدلله

يس وصل مكتبو ، وعرض كل الادله اللقاها ضدد صدام ،وكانت الادله بتحتوي علي (علي معالجه صوره من الكاميرا المراقبه بتاكد وجود صدام اثناء عمليه الاختطاف ، ودم صدام الكان في موقع الجريمه ، وبدل علي انو كان موجود وقت وقوع الجريمه ، اتصالات هاتفيه بينو وبين اسعد ، وكمان لقي شاهد شاف صدام واتعرف عليه هو واسعد وعادل وبقيه الشباب ، لمن كانو في العماره الكانت فيها الشقه الحصلت فيها الجريمه )

وبعد ما عرض كل الادله لي وكيل النيابه ، طلب استناءف الحكم لي القضيه في اسرع زمن ، وطلب خروج صابر من السجن

و وكيل النيابه طمنوا وقال ليه كدا انت ماشي في السليم ، وصابر ح تسقط عنو التهمه ، وح اطلع من السجن كمان

وترفعت كل الورق والادله الجديده واستناءف القضيه لي القاضي ، والقاضي حدد الجلسه الجديده في استيناءف الحكم بعد يومين

ويس اتصل علي حاج عبدالله وباسل ومحمد ومعتصم ، و وراهم كل الحاصل ، واتفقوا ازوروا صابر وابلغوا بالاخر الحلوه دي ، وفعلا زاروا صابر وكلموا بي كل الحصل ، وقالوا ليه خلاص يا بطل هانت ، وصابر سجد لله سجده شكر ، ودموع الفرح بقت تتساقط منو مطر مطر ، وكل المتواجدين معاهو من معتصم ومحمد وباسل والحاج عبدالله ويس ، عيونهم كلها بقت ترقرق وتلمع بي الدموع

المحكمه رسلت اعلان لي بيت صدام انو عليه حضور الجلسه ، بس كان مافي رد ، وصدام مختفي وما ليه اي اثر

وقبل يوم من يوم المحاكمه ، باسل قال لي محمد ارح نمشي الجامعه ، عندي موضوع كدا داير اطلع زميتي منو

محمد قال لي باسل ، عليك الله هسي العندو نفس امشي الجامعه منو ، عليك الله خلينا في مكانا دا احسن

باسل: تمشي معاي بالهداوه ولا اشيلك غصب ، وباسل بقي استعرض لي محمد في عضلاتو

محمد و هو بتافف 😩 ما دام عملت الحركه دي وريتني عضلاتك ، اخير لي امشي ساي بي رجلي ، بقي اضحك وقال لي محمد اي اخير ليك تمشي من سكات ، وبقوا اضحكوا الاتنين ، وركبوا العربيه باسل واتحركوا علي الجامعه ، في الطريق باسل حبي اقيس نبض محمد (اجيب ليه الكلام بي فوق ومن غير وضوح 😅)

وسال محمد ، قال ليه تتزكر ايه يا محمد

محمد : قصدك ايه صاحبه افنان ربنا ارحمها

باسل : ايون ، هي زاتها

محمد: كيف ما بتزكرها ، ياخي ما شاء الله عليها ادب و زوق واحترام وجمال ما شاء الله (كامله مكمله والكمال لله )