الجامعة

الجزء 18

صباح الله بي بركاتو

صابر صابر

صابرمغمض عين ومفتح عين وبتثاءب 😫 مالك يا بت دايره شنو ياخ

رغد: ماما قالت لي اصحيك

صابر: خلاص امشي😖 ، امشي قولي ليها صحي

ورغد مشت ، وصابر لسه ما قام من السرير

جاءت الخاله سعاد وقالت ليه قوم انت الليله ما عندك جامعه

قوم يا ولدي

صابر : جامعه ، اي اي عندي جامعه😅 وقام مخلوع وقام جاري اجهز (صابر امبارح ما قدر انوم كويس والليل كلو اتقلب من الكلام السمعو من هيثم ) وفي اقل من ربع ساعه صابر كان واقف في موقف المواصلات ولسه نعسان وبتثاءب واشيل ايدو واختاها علي خشمو ، داير انزل ايدو عينو وقعت علي حاجه كان بالجد داير اشوفها وانسي الدنيا والعليها شويه ،شاف روان الحب😍، وصاحبنا جاتو الحاله بقي ما قادر اتحرك ولا اعمل اي شئ حتي يدو ما نزلها (اتقل شويه يا حبيبنا 😅😅) ولسه باعين لي روان ، روان اتلفت علي وري لقت صابر واقف طوالي قبلت سريع ، صابر هنا بقي افكر واكلم نفسو( يا ربي البت دي لسه شايله مني من موقف الكفتريا 😖، ياخي عليك الله ارجل وامشي صلح الهببتو امبارح 😫ياخي امشي قول حاجه) هنا صابر قرر امشي واتكلم معاها ،قرب منها وقال ليها صباح الخير ، روان وهي خاته نظرها علي الارض😅وبي خجل و اخر نفس ليها قالت ليه صباح النور ، هنا صابر ارتاح شويه لمن ردت عليه وقال ليها اسمك روان صاح ( ما عارف اسمها يعني، دا انت حافظو زي جوه بطنك😅)

روان: ايوه صاح ، وانت اسمك صابر

لمن روان نطقت اسمو، صابر من الفرحه ما كان فضل ليه الا اطير😅 وبقي اتمتم في الكلام ايوه صا صابر صاح

روان مع ابتسامه حلوه اتشرفنا

صابر: الشرف لي انا 😃

والحافله وصلت وكالعاده الشعب السوداني جري عليها 🏃🏃وصابر جري معاهم وبعد مدافره وتعب روح ، صابر قدر احجز المقعد الجمبو وبقي انده علي روان عشان تركب الحافله ، روان ركبت وقعدت جمب صابر ، ياخي صابر حاسي انو دي اسعد لحظه في حياتو كلها حب حياتو الليله قاعده جمبو ، واتحركت الحافله ، صابر اشيل واعين لي روان بي قعر عينو (بالجابس كدا😅) وروان نفس الشئ ، والصمت كان سيد الموقف😅 ، صابر حبي الطف اجو وافتح موضوع، وخش توش فيه😅 روان انتي ساكنه هنا اعني جمب الموقف

روان: ايوه

صابر: والله ، انا زاتي ساكن قريب من الموقف ، بس ما حصل شفتك

روان: اي صاح ، انا ساكنه هنا مع ناس عمتو جيتهم السنه دي للجامعه ، عشان بابا وماما واخواني في قطر

صابر: والله ، كويس شديد

وتاني جماعتنا سكتو ورجعوا لي مودهم القديم (اي واحد اعين لي التاني بالجابس😁)بس صابر مصر اتونس مع حب حياتو وما اضيع الفرصه التانيه ليه ، قال ليها بس ما صعب عليك تكوني هنا وامك وابوك بعيدين عنك