Masaya ako at muli kong naramdaman ang iyong paglalambing
Kasabay ng malamig na ihip ng hangin
Mababakas ang ngiti sa aking mga labi
Habang nakatayo ka sa isang tabi
Ngunit sa pagpikit ng aking mga mata
Kasabay nito ang iyong pagkawala
At ang tanging natitira ay ang iyong alaala,
Alaala noong magkasama pa tayong dalawa
Nahihibang na ata ang kapalaran,
O baka ako ang nakakaranas ng kahibangan?
Dahil isa ka lang palang kasinungalingan
Isang anino na naglalayo sa akin sa katotohanan
Tama nga sila, nalunod ako ng pagmamahal mo
Kaya gumawa ako ng mundo kung saan meron lang na ikaw at ako
Di ko namalayang binabalot ko na pala ang sarili ko sa imahinasyon
Sa isang mundong, gawa lang ng isang ilusyon
