"Malia, bitiwan mo ako"
Yan ang sinabi mo nung hinawakan ko ang braso mo
Upang pigilan kang umalis,
At ako naman nagbabakasakaling hindi mo ako matitiis
Ngunit mali ang aking hinala
Tinitigan mo lamang ang aking mga mata,
Ngunit sayo ay walang ekspresyong makikita
At muli ko na namang narinig ang mga katagang "Malia, bitiwan mo ako"
Pero kahit sobrang sakit, at ubos na ubos na ako
Pinilit kong kumapit dahil hindi... Hinding-hindi ako bibitaw sayo
Dahil nangako akong sayo ko lang ibibigay ang puso ko
At gagawin ko ang lahat, para magkasama lamang tayo
Na kahit ikaw pa mismo ang pumapatay sa puso ko
Patuloy pa rin akong kumakapit sa pangako mo
Na sa tahimik at simpleng buhay ay magkakasama tayo
At tutuparin ang mga pangarap nating unti-unti ng naglalaho
Dahil umaasa pa rin akong babalik yung dating ikaw
Na nagtatago lang sa madilim na parte kung saan walang ilaw
Dahil alam kong nandyan pa rin ang Tristan na minahal ko
Kahit sinasabi nilang wala na at tuluyan ka ng nagbago
At nabalik ako sa realidad ng muli kang umimik
"Malia, bitiwan mo ako" yan ang mga huling katagang iniwanan mo
At kahit sinabi kong hindi, umalis ka pa rin at iniwan akong nakapikit,
Nanalangin na sana ay muli kang manumbalik at ito ay isa lamang panaginip.
