واش مامنحقيش حشومة عليك ( دارت فيها مقلقة )
-انا: واخا مي انا دابا مامحتاجش للاهتمام بغيت غير الراحة و التيساع ممكن؟
زينب مشات بالنفخة اما انا تكلمت للواليد بعدما علماتني الخدامة بللي راه كيسايني فالمكتب
-انا : ممكن ندخل أ الحاج؟
-الواليد : تفضل ا ولدي جلس ... تبارك الله دابا راك كملتي قرايتك و تخرجتي داكشي علاش مابقى عندك حتى مانع باش تباشر المهام ديالك فالشركة او لا ؟
- انا : آه ا لحاج معاك الحق
-الواليد: و حتى انا مابقاتش عندي الصحة باش نقابل الشركة بوحدي داكشي علاش بغيتك تدخل فأقرب وقت
-انا: آه أالحاج طلباتك اوامر من غدا عتابرني فالشركة
الواليد: الله يرضي عليك ا ولدي
مشيت لبيتي و تفكرت نور خاصتي نعلمها بللي ماغاديش نكون غدا
-انا: نور ممكن ندخل
-نور : آه تفضل
-انا : ماتديش على زينب هي هاكداك دايرة و كنتعتابرها ختي لا غير
-نور : لا ماشي مشكل
-انا: المهم بغيت نقولك راه من غدا غنبدا الخدمة فالشركة ديال العائلة يعني ماغاديش نكون مسالي
-نور : آه الله يعاونك
-انا : بغيت يكون بالي مرتاح من جيهتك بلاما تخرجي خليك غير فالبيت و الا حتاجيتي شي حاجة عيطي لي من الفيكس لتحت انا نجيبها ليك
-نور : اوكي غير تهنا من جيهتي بلاما تهز الهم
-انا : ياله تصبحي على خير أحلام سعيدة
-نور : تصبح على خير
-انا : شكرا على هاد النهار داز زوين ( غمزتها و خرجت و سديت مورايا الباب )
اصبحنا و أصبح الملك لله فقت قبل من كلشي توضيت و صليت و لبست عليا كيطمة و خرجت ندير شوية دسبور شحال هادي مادرتو ... ضربات السبعة و نص رجعت للدار دوشت و نزلت نفطر لقيت نور واقفة فالكوزينة
-انا : شنو كتديري نتي هنا ؟
- نور : والو غير بغيت نعاون و صافي
-انا : لا ا نور ماتعاونيش هاد الخدامات كلهم مقابلين غير الكوزينة غادي غير تعيي راسك
-نور : واخا لي بغيتي
جريتها من يدها باتجاه الطبلة دلفطور فين كان كلشي مجموع .. فطرت بالزربة اما نور بان لي ماكلات والو باينة مقلقة سمحيلي نور مامساليش دابا العشية نهضرو ...
مشيت للشركة لقيت البيرو ديالي واجد السكريتيرة موجدة ليا الخدمة ديالي ماعندي الا نركز فخدمتي لكن شكون خلاك .. كل زوج دقايق جاية وحدة من الموضفات ترحب بيا على أساس الشركة ديال باهم هههه المهم ماكنبغيش نضسر عليا الموضفين واخا غنبان متكبر لكن هادشي لي بغات الخدمة ..
داز نهاري على هاد المنوال بادي مجهد هه حتى من البوز ديال الغدا ماشديتها ماساليت حتال 6 .. دزت عند الواليد علمتو بللي غنخرج نيت هاديك هي لوقيتة و هزيت طموبيلتي باتجاه الدار .
دخلت لبيتي دوشت و تسطحت ليا شوية من بعد نزلت ناكل شي حاجة و فطريق رجوعي دزت على بيت نور كيبان لي مقطوع فيه الحس يمكن تكون ناعسة المهم خرجت للجردة شوية حتى كتبان ليا كتطل من البالكون ... ابتسمات لي يعني مادارت فبالها والو ... بادلتها الابتسامة و طلعت ننعس .
صبح صباح جديد فقت على أشعتو لي تسللات لغرفتي ... خرجت للشرفة باش نغتانم الفرصة و ننعم بالهدوء و الجمالية لي كانت طاغية على المكان و المفاجأة كانت نور لقيتها حتى هي كتطل و طالقة شعرها الكحل و الطويل كيداعبو نسيم الصباح .. الله نهاري غيدوز مزيياان ههه
-صباح الخيير
-صباح النور نتا هنا ؟
-لا لهيه
-ههه .. كيف صبحتي
-لاباس ... راسك مابقاش كيحرقك؟
- مرة مرة لكن كندير ليه الدوا كيفوتني في ساع
- اوكي .. شنو نايضة تديري معا الصباح ؟؟
- قول قاعدة هههه .. موالفة الفياق بكري و كيعجبني الجو دصباح
- اممم مزيان مزيان
- ونتا؟
- ماعرفتش علاش فقت بكري ههه المهم ضرباتني الفيقة
-ههه مزيان
- انخليك دابا نتلاقاو فالفطور
- اوكي في أمان الله
مشيت لبست شورط و تيشرت سبور و خرجت نجري كالعادة ... رجعت فطرت بالخف و كسيريت باتجاه الخدمة .
رجعت العشية عيان لقيت الدار كتصفر هههه بدلت عليا و هبطت للكوزينة نقلب على مانخشي فوجهي لقيت نور تما
- سلام ( كنحك راسي هه)
- سلام
- واش ماكاين حتا واحد فالدار
- لا معروضين لدار جدك
- آه و علاش مامشيتيش معاهم
- ( حدرات راسها ) امم غير مابغيتش
- صافي مزيان حتا انا مافياش لي يلحق عليهم نتوانسو هه
- ( تزنكات كالعادة ) ههه
-آشنو كتديري ؟
- غير توحشت ماكلة يديا قلت ننوض نوجد شي حاجة تبغي تدوق
- اممم واخا نشوف
حطاتلي الصراحة داكشي كيشهي ... زدت دقت واااااو هادشي واعر حسن من الماكلة دالخدامات
- كيف جاك ؟
-( بغيت نشد فيها ) ماكتعرفيش تطيبي ا نور آش قربك ليه ؟
- ( حسيتها تزيرات ) سمحليا مابقيتش نعاود
خرجات من الكوزينة طاير ليها ههه تبعتها حتال بيتها و فتحت الباب
- نور واش تقلقتي ؟ غير كنضحك معاك
- لا
- أصلا أي حاجة عندها علاقة بيك كتعجبني و كتطير ليا العقل ( هزات راسها بتعجب ) عرفتي علاش ؟ حيت كنموت فيك أنور عينيا
-( الصمت )
-انا عمري سبقلي تعلقت بشي بنت قبل منك ...تعلقت بيك من نهار شفتك فالقهوة .. و نهار على نهار كنزيد نبغيك.. حتا انه صعيب عليا نعتارف بهادشي و مللي دابا درتها فهاد الشي كيعني ان مكانتك خاصة عندي
-(الصمت)
- ( حسيت بخيبة امل ماشي هادشي لي كنت كنتسنا ) انا قلت ليك باش كنحس هادشي فحد ذاتو مهم بالنسبة ليا .... نخليك دابا
درت جيهة الباب و تميت خارج حتا سمعت سميتي
- آدم
-( درت و ماقاداني فرحة ) نعام
- حتا انا
- شنو؟ عافاك قوليها
- حتا انا كنبغيك ( حنيكاتها ولاو حوومر )
هزيتها و بديت كندور بيها بقوة الفرحة
- عافاك نزلني صافي .. اصلا ماخاصناش نبقاو فنفس البيت بزوج و بوحدنا
- ياك؟ اوا هادي راه دارنا ههه
-آه معاك الصح
قلبات وجهها و تمات خارجة حتا جريتها من يدها
- لهبيلة ديالي دغيا كتقلق
- غيشوفنا شي واحد حشومة
- اوكي مي قريب نفدي فيك هادشي كامل هه
هبطت للكوزينة كملت داكشي لي قادات نور هههه و من بعد خرجت باش نخليها على راحتها فالدار بيدما جاو الدار و دزت نيت شريت ليها تيلي على أساس مفاجأة .. المهم ضربت ضويرة و دزت على البحر لي ولا مكاني المفضل من داك النهار ههه حتا ضلام الحال رجعت لقيت الدار تجمعنا على الطبلة دلعشا
-الواليد : بغيت نعلمكم ماحدنا مجموعين بللي غنسلم المهام ديالي فالشركة لولدي آدم راني عييت و بغيت نرتاح و آدم تبارك الله مكفي و موفي مانخافش عليه
- انا : و لكن ا الحاج ..
- الواليد : انا قررت مابقاش عندي فاش نتناقش غير علمتكم و الحفلة ديال التنصيب غتدار السيمانة الماجية هنا فالدار نبغي كلشي يكون على حقو و طريقو
-انا : ( تنهدت ) واخا ا الحاج مايكون غير خاطرك
الواليد ناض و بقات معايا الواليدة
- الواليدة : أ ولدي شفتك ماعاجبكش الحال
- انا : حاشا ا الحاجة
-الواليدة : راني مك ماتقدش تكدب عليا
-انا : غير جاني هادشي مزروب و انا كنت باغي ندوي معاكم فموضوع آخر
-الواليدة : خبار الخير
-انا : انشاء الله خير ... الواليدة انا كنبغي نور
- الواليدة : ( ابتسمات) و هادشي ماشي مزروب
انا : (حنيت راسي و بديت نحكو )
-الواليدة : ههه غير كنضحك ا ولدي القلب ماكايشاور ... المهم حنا ماشفنا منها غير الخير الله يكمل
طلعت لبيتي و فالطريق دزت على بيت نور كانت مازال ماجات ليه .. دخلت حطيت التيلي و خرجت ... كنت مركب فيه لاكارت .... كنتسناها تتاصل بيا مي والو حتا كنت غنستسلم للنعاس سمعت الدقان فالباب
-نور : سمحلي صدعتك فهاد الوقت
-انا: ماشي مشكل... دخلي
-لا لا غير خليني هنا (و الله مانويت فيها شي حاجة ههه ) بغيت نقولك شكرا على التيلي و لكن ماعرفتش ليه
- ماشي مشكل انا نشعلو ليك
وريتها كيفاش تخدمو و شي لعيبات آخرين
- من بعد نعلمك كتر
-انشاء الله شكرا
مشات دغيا لبيتها و انا موراها كنضحك
دازت السيمانة بزربة فالتحضيرات للحفلة و انا مشغول كتر معا الشركة همها كلو غيطيح على ضهري حتا الدار مابقيت كندخل ليها حتال الليل كنطيح كاو .. مسكينة نور هي لي مرة مرة كتعيط ليا و لا تسيفط ليميساج باش تطمأن عليا لحقاش مابقيناش
كنتشاوفو حتال النهار لي قبل من الحفلة خديتو باش نرتاح و نتفكر راسي و نور لي مسكينة هملتها
- نور نقدر ندخل
-بلاتي دقيقة ... تفضل
- سمحيلي بزاف على هاد السيمانة
-لا انا عارفة الشغل واصل فوق راسك ماتهزليش الهم
- انا ديما كنفكر فيك و هازلك الهم ماشي لخاطري
- (حدرات راسها) حتا انا
- غدا الحفلة و بغيت نشري ليا شي حاجة تعاونيني ؟
- بكل فرح
- ياله وجدي راسك انا كنساينك
ماطولتش حدا الطموبيل حتا بانت لي نور ماجية بستيل عمري شفتها بيه .. لابسة سبور كيما ديما كتهبل .. بقيت حاال فمي حتا هضرات معايا
- ههه سبحان الله مالك شفتي شي جن
- لا لا شفت ملاك
-ههه ياله نمشيو
كسيريت فمرة وحدة حتا وصلنا لمحل ديال الملابس النسائية
- واش هنا فين غنلقاو حوايجك ؟ ( قالتها باستغراب )
- ههه هبيلة .. لا غنلقاو حوايجك نتي
- ماشي هادشي علاش تافقنا
- وااا باراكا من الهضرة نزلي شوفي شنو غتلبسي غدا انا ماغاديش ندخل ماعنديش معا داكشي
-امم واخا
دخلات و بقيت انا علا برا كنساين. . ماطالش انتظاري حتا بانت لي نور خارجة
- سمحلي تعطلت عليك
- لا لا ماتعطلتيش ... عجباتك شي حاجة بعدا ؟
- آه ... سمحلي خديت كسوة غالية مابغيتش نحشم بيك فالحفلة
- هههه واايلي هي ساليتي الفلوس لي فالكارت
-لا لا و الله
-( شديت فكرشي مابقيتش قاد نصبر بالضحك) لا والله حتا نني حمقة دبصح ... الحميقة دياليي انا ... كلشيي ديالك نتي راك نور عينيا
-تخلي الكسوة حتا تشوفها نهار الحفلة ههه
- صافي وااخا ياله نوبتي دابا و غتدخلي معايا ههه
-واخا
مشينا لمحل تاني فاين تخيرنا حوايج ليا ... دوق نور صدق رائع عاوناتني بلا قياس.
دزنا تغدينا فنفس الريستو ديال ديك المرة لحقاش ولا كيعجب نور و من تما هبطنا للبحر فاين كترتاح بزاف و كتصرف على راحتها لكن غير وصلنا حدا الصخر بانت ليا نور تسمرات
-انا : نور مالك.....
