اوكي ... لكن..
-نعام ا نور
- والو والو غير كلملي الممرضة
-واخا
مشيت عند الممرضة ديالها كلمتها .. دخلات للغرفة بقات مدة قصيرة و من بعد خرجات و عاودات رجعات هازة فيدها شي حاجة و انا جالس كنساين حتا خرجات عندي نور لابسة جلابة طوييلة و عرييضة فالماغو .. نسيييت بللي حوايجها مقطعين
-ياله نخرجو من هنا و ندوزك تشري حوايج جداد
-واخا شكرا
دزنا على واحد المحل ديال حوايج البنات عطيت لنور لفلوس باش تشري دخلات هي كتقيس و تختار و انا على برا كنساين
-صافي خديتي شنو خاصك
-آه شكرا ( ابتسامة بريئة )
-ياله نمشيو للدار غنلقاوهم كيساينونا للغدا
-واخا
دخلنا للدار لقينا واليديد فاستقبالنا ماحتاجيتش نقدم ليهم نور لحقاش هما كيعرفوها من قبل .. سلمات عليهم و طلعت مع نور نوريها غرفتها لي كانت حدا غرفتي
-خودي راحتك هاهو الساروت ديالك و الا حتاجيتي ها بيتي حداك
-ماعرفتش فحالاش غنرجع خيرك معايا نتا راك ممضطرش تدير هادشي كاملو
-لبسي عليك و هبطي هاحنا كنساينوك للغدا
سبقتها لمائدة الغداء لقيت كلشي مجموع و زينب بغات تلتاهمني بنضراتها المستفسرة حتى نزلات نور لابسة نفس الجلابة باش جات و جلسات معانا .... شافت فيها زينب بشوفة دالاحتقار و قالت
-زينب : خخخخخ أش كيديرو الخدامات مع سيادهم فالطبلة .. نوضي كبي لي الشوربة ياله
- انا:(طلعلي الدم من التصرف ديالها كتر ماعصباتني نور ) شنو كتقولي نتي ؟؟ نتي راك ضيفة فهاد الدار اما نور راه من اليوم ولات وحدة منا وواجب عليك تحتارميها طول مدة جلوسك معانا فهمتي؟
-زينب : الصمت
-انا : نور ياله معايا
طلعنا انا و نور لبيتها
-انا : نور انا شنو قلت ليك هضري ؟؟ ياك قلت بدلي عليك و هبطي علاش بقيتي بديك الحالة ؟
-نور : كتبكي فصمت
-انا : ( بالغوات ) واش عجبك الموقف فاش تحطيتي دابا هضري ؟؟ عاجبك هاديك خيتي تضحك عليك قدام كلشي هااا؟9
-نور:( مازال كتبكي) سمحليا عافاك حشمت بيك قدامهم اهئ اهئ
-انا :( حنيت عندها و هزيت ليها راسها ) ماقلتش حشمتي بيا انا غير مابغيتكش تتحطي فداك الموقف قدام هاديك السفريطة هادا ما كان سمحيلي الا تعصبت عليك
- نور : انا هاكدا موالفة فدارنا اهئ اهئ هادشي غريب عليا
-انا : ( تنهدت ) عارف ا نور لكن دابا خاصك توالفي على الحياة معانا .. ياله غسلي وجهك و لبسي شي حاجة من داكشي لي شريتي انا غنخرجك تتغداي على برا
-نور : لا لا ماكاين لاش انا مافياش الجوع بلاما تعدب راسك
-انا : لكن انا فيا و بغيتك تونسيني
-نور : لي بغيتي
مشيت لبيتي دوشت و لبست عليا شي حاجة سبور و دخلت للطموبيل حتا كتبان ليا نور ماجية ... بقيت حال فمي طلعات واااو .. شوميز بيضة مخططة بالازرق و صاية كلوش زرقاء و صباط طالون ( نور عينيا قصيورة هههه نهبل انا فالقصيورات ) و شعرها مجموع ديل الحصان مع التزنيكة ديال الحشمة كان قلبي غيسكت ههه و باش زاد زيان المنظر جاية كتشطح بالطالون ماموالفاش عليه خخخخخ خرجت قبطت ليها فيدها لتصدق مفرشة ليا هنا
-نور : سي آدم واقيلا خاصني نحيد هادشي راه غير
خالتي لي بززاتو عليا
-انا : ههه لا بلاش جاك زوين
-نور : ماكنعرفش ليه
-انا : ماعليش انبقى شاد فيك
مشينا لواحد الريستو زوين كيطل على البحر بان ليا على وجه نور الفرحة
-نور: هاد البلاصة زوينة بزاف عزيز عليا البحر
- انا : امم حتى انا عزيز عليا
خدينا ماناكلو ساعة حتى واحد فينا ماكلا شي حاجة ماكناش مساليين هههه هي كانت كتمنضر فالبحر و انا كنت كنتمنضر فيها و نسبح من صورها ههه دعيتك لله ا نور حتى الماكلة مابقيتش كليت فخاطري... خرجنا من الريستو باتجاه الشاطئ. . نور حيدات الصباط لي كان حابسها و عطاتها للجرى فحال شي بنيوتة صغيورة هه و انا تابعها لاتتلف ليا حتى عيات و حنا نجلسو على الصخر
-نور : اووف سخفت سمحلي عييتك معايا
-انا : لا انا ماعييتش
-نور : شكرا على هاد الخرجة زوينة بزاف أسي آدم
-انا : نور ممكن طلب ؟
-نور : آمر أ سي آدم
-انا : ممكن ترفعي الكلفة بيناتنا .. بمعنى بلاش سي و بلاش حتى شكرا
نور : و شنو نقولك؟
- انا : آدم
- نور : اوكي
بقينا شحال ساكتين كنتأملو البحر حتى نطقات نور
-نور: البحر هو البلاصة الوحيدة لي كنحس فيها بللي ماعلياش حتى قيود... كنتصرف فيه على سجيتي و حتى حاجة ماكاتحبسني.. وهو بالنسبة ليا أأمن بلاصة نقدر نحتمي بيها ( سكتات شوية جمعات رجليها عندها و تكات راسها عليهم ) مللي ماتو واليديا بزوج وليت فينما نتوحشهم ولا نحس براسي مقهورة كنزورهم فالقبر و نبكي عند راسهم و نداعا معاهم ولا نجي لهنا لحقاش هنا فين واليديا تلاقاو اول مرة وهنا فين تولد حبهم.. بابا و ماما كانو كيبغيو بعضهم بجنون لكن ماكتابش ليهم يعيشو مجموعين بزاف .. الحمد لله على كل حال ( بداو دموعها هابطين بوحدهم ) ... مللي ماكانقدرش نعاود لبابا و ماما فقبرهم باش مايتشوشوش عليا كنعاود للبحر ...حتى نهار هربت من دوك الرجال جيت بت فالبحر لكن حليت عينيا فالسبيطار.. على الاقل هو الوحيد لي عمرو كيخون و هو لي نقدر نتيق فيه
انا بقيت ساكت و كنفكر كيفاش هاد البنت كيدوز عليها هادشي كامل و مازال محتفضة على مقاءها و ابتسامتها و براءتها ... مللي كنشوفو مشاكل دناس عاد كنفهمو دبصح الخير فاش حنا عايشينو ماحاسينش بيه
-نور: ( كتمسح دموعها) سمحلي نتا خارج ترتاح و انا كنتقل عليك بهمي .. عافاك سمحلي
-انا : ( ابتاسمت) حنا خارجين باش نرتاحو بزوج.. نتي كنرتاحي مللي كتخرجي لي فقلبك و انا كنرتاح مللي كنسمع لك
-نور : شكرا ... ( دارت يديها على فمها ) بغيت نقول اوكي
-انا : هههههه ماعيتيش؟
-نور :(حركات راسها بمعنى آه )
- انا: ياله نرجعو ضلام الحال
رجعنا للدار و معا الدخلة تلقينا استقبال مهيب من طرف جلالة الانسة زينب بدات تبحلس و تتبسل كالعادة
-زينب : شوشتينا عليك فاين كنتي ... ويلي باينة راك عيان دخل ترتاح انا نوجد ليك الدوش
-انا : ( مبحلق عينيا و معجب من الزعامة الزايدة لي ولات فيها )
-زينب : ( عنقاتني ) عمي كيسول عليك علاش طافي التيلي خلعتينا عليك
-نور : سمحولي انا نخليكم دابا في أمان الله
-انا : ( حيدت لزينب يدها ) شنو هاد البسالة تاني
-زينب : ياك كتقولي انا ختك اوا انا بغيت نهتم بخويا
كنعتادر منكم على التأخير و شكرا على تفاعلكم ❤❤❤
