- نور: عافاك ياله نرجعو
-انا : فاين ياك لاباس
-نور :(كتبكي ) عافاك ياله فحالنا
-انا : (شديتها من كتافها ) نور هضري مالكي واش شفتي شي حاجة؟
-نور : اهئ اهئ راجل ماما لهيه ياله نمشيو (كتجرني من يدي ) غيقتلني ا آدم الا لقاني والله حتى يقتلني شوف حالتو كيف ولات
بان ليا الراجل لي كتنعت فيه نور .. باين عليه مدمن وجهو كيخلع و حوايجو قدام و باليين
-انا نور ماتخافي من والو ماغاديش نخليه يقيسك
-نور:( كترجف و دموعها هابطين حركات ليا راسها بمعنى لا ) عافاك الا كنت عزيزة عليك ياله فحالنا هادشي لي بغيت ( فنفس الوقت كتجرني من يدي)
تبعتها بلا مانهضر ركبنا فالطموبيل و كسيريت فمرة باتجاه الدار و نور الطريق كاملة و هي كتبكي و ترجف .. حتا انا مابغيتش نحكر عليها ...كان الصمت هو سيد الموقف حتا وصلنا للدار فاين لقينا الخدمة على قدم و ساق .... دخلات نور مباشرة لبيتها و انا تبعتها
- نقدر ندخل
-تفضل
- نور ماتديريش فبالك ماوقع والو .. انا كنواعدك بللي ماغاديش يقرب ليك مازال كنحلف ليك
- مابغيتش نصدعك حتا نتا بمشاكيلي لي فيك كافيك
-نور شحال من مرة كنقولك ماتقوليش هاد الهضرة
-واخا ( مازال كتبكي )
-ياله باراكا عليك ماكنبغيش نشوف دموعك
-( كتمسحهم ) واخا .....
اصبحنا و اصبح الملك لله اووف فقت معطل دوشت و توضيت و صليت و نزلت لقيت كلشي واجد الحديقة فأبهى حللها و الواليد بوحدو لي كيدور معا الخدامات هه
-الحاج صباح الخير
-صباح النور
- شفت حتا واحد ماكاين
- راه العيالات مشاو للصالون
-و نور
-(بحزم) جرينا عليها
- نعاام
-هههه غير كنضحكو ا ولدي ماتخاف ماتدهش
-(بديت نكحكح و نحك راسي عاد عقت بردة الفعل ديالي ) لا غيير ..
-الله يكمل ا ولدي
هادا هو الواليد .. انسان طيب بلا قياس و قلبو بيض .. لكن مزاجي و متقلب ... كيبغي كلمتو ماتنزلش للارض و عندو الحق .. بدا من الصفر و كون ثروتو بعرق جبينو و فلوسو كاملة حلال ...
صارم وقت الجد لكن ضحوكي مرة مرة معانا .. بالنسبة ليا هو احسن قدوة ليا و كنحتارمو لاقصى حدود .
مشا الواليد و خلاني كنضحك على راسي ههه المهم طمأنيت على التحضيرات حتا بداو يجيو الناس ... العيالات طلعو تخبية باش مانشوفوهومش ههه هادو افكار سوسن ختي الهبيلة .. طلعت لبيتي نبدل عليا و ضربت طليلة فبيت نور وهي توقف عليا سوسن
-شي مساعدة ا الاخ ؟
-لا والو
-ياله طير راني عايقة بيك خليني نعاون البنت
-هاهو غادي
نقدر نبان واعر على الدنيا كاملة الا هاد سوسن كتفهمني بزاف و كتعيق بيا فالسما .. بعد الاهانة لي تعرضت ليها من طرف البرهوشة ديال الدار دخلت تكمشت بدلت عليا بلا هضرة لبست الكومبلي لي ختارت نور ههه وقفت شعري و حلقت على الحالة و نزلت نستقبل الناس ... خصني نهضر معا كلشي لحقاش الحفلة ديال التنصيب ديالي لكن هادشي مامنعنيش نرد البال لزينب لي كانت واقفة معا راجل غريب ماقدرتش نركز فملامحو لحقاش كان داير جنب... نضراتهم كانت مركزة عليا ... مابغيتش نكبرها فعقلي اصلا ماعندو مايكون ..خاصني نركز كتر معا هاد الحفلة كتعنيلي بزاف .
مازال انا غارق فتفكيري حتا كتبان ليا نور هابطة و شادة فسوسن .. لابسة كسوة طويلة فالاخضر كلوش ابتداءا من الخضر مرضعة بالاحجار فالصدر و معرية شوية من الضهر و طالقة شعرها الطويل لي كيحمقني
اللور ..انا فديك اللحضة ترفعت مابقيت عارف راسي فاين جالس لحقاش دبصح جات فحال شي ملاك كتحمق لي شافها غيسها فيها فحالي ..لاحضت بللي انضار الناس كانت كاملة عليها ماكرهتش نخبيها لعندي و نقوليهم هي ديالي حتا واحد مايشوف فيها .. مشيت عندها بالزربة قبطت فيدها و همست فودنها
-جيتي كتحمقي
-شكرا حتا نتا جيتي زوين (الحشمة كالعادة )
نزلنا مشادين حتا وصلنا للطبلة ديالنا تما لقينا سوسن
-سوسن: جيتو كيييوووت
-انا: غتسكتينا لا
-سوسن: (دارت فيا ديك الشوفة ديال " تزيد كلمة ترعف ") و الله ا ختي نور حتى جيتي كتهبلي
-نور : شكرا ا ختي سوسن عينيك لي زوينين ... حتى نتي كتحمقي
-انا: 2 دقايق و هانا معاكم
-سوسن : أخيرا فهمتي راسك خلي لبنات يهضرو بوحدهم
-نور: هههه خود راحتك
مشيت هضرت معا الفيولونيست ( صاحب الكمان) و سيفت واحد من السربايا عند نور
-ختي عافاك ممكن تتكلمي
-نور: لمن؟
-السرباي: ماعرفتش لكن خاصك قبل تديري هاد الزيف على عينيك و انا غنوصلك
-نور: ختي سوسن شنو هادا
-سوسن:غير سيري معاه على ضمانتي ( غمزاتليها و دارت لعندي بمعنى عقنا ليك )
- نور :اوكي ياله ا خويا
غطات عينيها و درت اشارة لسرباي باش يمشي و شديت انا فيدين نور حتا وصلتها لواحد البلاصة موجدها من قبل وسط الحديقة مغطية بالورد
- انا : غير فتحي عينيك دابا
-نور : أ أ هادا صوت آدم ( حلات عينيها بالزربة و دارت يديها بزوج على فمها بالدهشة ) أ أ أ شنو هههادا
- انا : نور عينيا .. غنقولها بلا مقدمات ... (جبدت البواط من جيبي) تتزوجيني ؟
- نور : (بقات كتشوف فيا فحالي مصدومة )
-انا: نور غنكون اسعد انسان فهاد الدنيا الا قلتي آه كنحلف ليك بللي غنعوضك على كاع الالم لي عشتي و غنحميك من الدنيا كاملة--( نزلو زوج دمعات من عينيها ) عافاك واعدني ماتخلينيش بوحدي مابقا عندي حد من غيرك
- كنواعدك ا نور
-( حركات راسها بالايجاب ) ممموافقة
بدات الحفلة كلها كتصفق و ختي جات كتعنق فينا
-سوسن: قلت ليكم جيتو سوووو كييووووت
- انا : جتة بغل و عقل عصفور ياربي تستر
-سوسن : راني عارفاك كاموني و ماكيعجبكش لي يتعامل معاك فحال انسان بعقلو ... ختي نور والله حتا غتعدبي معا هاد خويا
-نور : هه لا انشاء الله منتعدبش
-سوسن : والله الا عندك الزهر ا آدم ديتي وردة مغمضة
-انا : عارف ديت احسن وريدة
-سوسن : اوا امتى العرس بفيت نشطح
-نور : هههه زربانة ا سوسن
قاطعنا صوت الواليد و الواليدة
-الواليدة : مبروك على ولدي و بنتي
نزلنا بسنا ليها يديها بزوج بينا و بسنا حتا يدين الواليد
-الواليد : ههه الله يرضي عليكم
دوزنا سهرة زوينة مجموعين حتا ادن الفجر مشينا توضينا و صلينا و تخشا كل واحد فبيتو تهلكنا ههه
صبح صباح جديد و كلشي ميت فبيتو ماتسعقلنا حتال 2 ديال النهار...
*****************************************
السلام... عارفة راسي كنتعطل عليكم كنتمنى متتقلقوش منني راه المدرسة دايا وقتي كاملو .... الصيف غيكون لينا موعظ انشاء الله و غتكمل هاد القصة
فانتظار آراءكم و ملاحظاتكم دائما و أبدا
احبكم 😙😍😍😍
