طوق الياسمين

البارت 5

طوق الياسمين

البارت الخامس

شهد

احنا من عائله فقيره ابويه كاسب وامي تخبز للبيوت كنا راضين بقسمة الله وكنا اثنين بنات واثنين ولد وعايشين والحمدلله كنت دائما اني الي أودي الخبز للبيوت وافتر عليهم بيت بيت انطيهم الخبز واجيب الفلوس انطيها لامي

امي

شهد تعالي ودي خبز بيت حجي عواد وجيبي الفلوس مالت البارحه واليوم

شهد

يمه والله تعبت من الفره عندي دراسه

امي

ترديني اني افتر فوگ تعبي وضيمي روحي يوم حبيبتي ولا تنسين الفلوس

وكتها كان عمري ٩ سنوات رحت لبيت حجي عواد واني متذمره دگيت الباب مره مرتين ماكو هستوني داروح وشفت رجال اجه فتح الباب رجال عمره تقريبا اربعين سنه كان ساكن عدهم يمكن ابوهم او يعودلهم ما اعرفه ضل يباع عليه من فوك ليجوه

الرجال

هاا بابا شتردين

شهد

عمو هذا الخبز واريد الفلوس مالت البارحه واليوم

الرجال

اي عمو تدللين تعالي فوتي وانطيج الفلوس وفوگهم اكراميه الج

شهد

اي عمو يلا اجيت

اني كيفت من سمعت بيها اكراميه دخلت جوه والرجال قفل الباب بالسرگي من جوه وگالي فوتي دخلني بغرفه بيها مندر كان نايم عليه ويمه بطل وگلاص اخذله رشفه من الگلاص اتضحلي بعدين انو ديشرب خمر والعياذ بالله وجرني عليه وشمرني عالمندر ضليت اصرخ خله ايده على حلگي وگالي بس تصرخين اقتلج وادفنج هنا بده يتلمس جسمي وايده على حلگي ودموعي تصب ما اعرف بيمن استنجد او منو يجي ينقضني من هالوحش السكير دموعي تصب واشهگ من البجي الخوف اكل روحي وگلبي وضليت كلي ارجف مثل السعفه حسيت اختنگت وعيوني شابحه للسگف  لحد ما اغتصبني وانه اصرخ وارجف من الالم اغتصبني بكل وحشيه ولا ضمير من خلص اخذني للحمام غسلي وفرك رجليه من الدم  ولبسني ملابسي وگالي ان شفتج بعد تجين لهنا لو تحجين شي اله اقتلج واقتل اهلج واحد واحد بهالسلاح وطلع مسدس من تحت المندر مالته اني بس اهز راسي اي اريد بس اطلع اختنگت انطاني فلوس الخبز وانطاني اكراميه ألي رجعت الطريق كله ابجي من شافتني امي

امي

شبيج يمه تبجين وجهج اصفر

شهد

وگعت يوم وكعت  وتأذت ايدي وتحرگني

امي

روحي ماما ارتاحي بعد ما اريد منج شي روحي نامي

دخلت للغرفه مالتنا واني متغطيه وارجف وصخنت وأون من الصخونه والمرض  بقيت اربع ايام مريضه لا اكل ولا شرب امي خافت عليه وكلما اصخن تدخلني تسبحني  لحد ما بديت اتحسن شوي امي رجعت تلح عليه حتى اوزع الخبز واني ما اقبل واعاندها لان خفت وما حجيت لامي السالفه خفت على نفسي وعلى اهلي منه ليليه افز واني بحلاة نومتي وارجف وابجي صرت عنوده وحشيه وعنيفه احس تغيرت ولا كانما اني هذه شهد ثانيه شهد القديمه اندفنت بيت حجي عواد هذه غير بقيت حياتي كلها محتفضه بسري الى ان كبرت وصار عمري ١٥ سنه كان يجينا ابن عمي ابراهيم  كنت اشوفه يتوددلي ويحاول يرضيني مرات يجيبلي اقلام ومرات يجيبلي نستله او علج كنت احسه مهتم بيه واشوف بعيونه حب وحنان مشايفتها عند احد كنت اداوم مدرسه مرات يوصلني ويرجعني واشوف نضراته مختلفه وبيها حجي  لحد ما فد يوم اعترفلي بحبه وقصده شريف ويريد يخطبني بقيت ابادله نفس المشاعر والحب كولش تعلقت بيه واحس هوه الهوى الي اتنفسه كل يوم يجي واشوفه لبيتنا وكل يوم حجه شكل عمره ما لمس ايدي او حسسني هو طمعان بيه كبرت وليتني ما كبرت ياريت ميته ولا هذا حالي حسيت الي صار بيت حجي عواد جريمه ما تغتفر المن احجي والمن اكول ومنو يسمعني ومنو يصدگني اصلا كلها راح تتوقع انه لاعبه لعب ميگولون طفله ومغصوبه تخرجت واجيت اداوم هنا بالكليه ودعت ابراهيم ووصاني على نفسي وگالي راح ينتضرني وهسه دگ عليه يگولي اريد اخطبج بعد ما اتحمل لازم نتزوج ونعيش سوه وما اعرف ارد عليه او شنو احجي

ياسمين

الله يعينج قصتج غريبه زين والي اغتصبج وين راح

شهد

راح لدار حقه لان مثل ما سوه وياي سوه ببنيه ثانيه جوارينهم فهي كانت قويه راحت حجت لهلها واهلها قتلوه بالشارع حاله حال الكلب

زينب

هذا جزائه الله يلعنه ويدخله نار جهنم

شهد

المشكله هسه بأبراهيم وحبنا ما اعرف شنو اسوي

فاطمه

زين اذا حجيتي لابن عمج تتوقعين شنو ردة فعله

زينب

لا طبعا كل رجال ميقبلها على نفسه لازم اكو حل ثاني خلينا نفكر

شهد

ماكو حل اعرف حضي مصخم

ياسمين

لا ان شاءالله خير خلونا نگوم انام وباجر يحلها رب العالمين لان عدنا دوام

وفعلا نمنا كل وحده بسريرها بس كل وحده بهمها ضليت افكر بشهد كولش انقهرت عليها شلون تنحل مشكلتها وشلون بحبها لابن عمها  تاليها دخت ونمت

لحكايتي بقيه