طوق الياسمين

البارت 8

طوق الياسمين

البارت الثامن

امجد

وعيونج صدك بس خلي احجي ويه امج

بعدها طلع ويه امي وحجه وياها واتفقوا على كولشي بقيت بين فتره وفتره اروح واسولفله اخباري وخلاني اكمل دراستي وهو يصرف عليه لحد الان بعدها بفتره حسيت انه احبه

زينب

امجد اريد احجي وياك وخجلانه

امجد

سولفي زنوبه محتاجه شي

زينب

لا سلامتك انت ممقصر بس بصراحه اني احبك

امجد بقى يباوع عليه وکام وانطاني ضهره وهو يحجي

امجد

زينب تعرفين هالشي ميصير ومستحيل اني ما اگدر اتزوجج اني اعترف احبج واريدج واتمناج بس كزوجه ما يتقبلج المجتمع الي اني بيه خلينا هيج احسن

زينب

ماشي اعتبرني محجيت وانسى اني اسفه

خليت وطلعت رجعت لبيتنا امي اووف يا امي بحضج وبختج شسويتي بحالي رجعت لفراشي ودموعي ما بطلت للصبح ابجي بعدها سلمت امري لله وكملت دراستي بقيت التقي بأمجد قليل بديت اتهرب منه حتى لا اتعذب بس بقى يصرف عليه وما قصر وياي وهو قدملي عالكليه واجيت هنا بس ما اگدر انساه احبه واحب كلشي بيه هو اماني هو سندي من عرفته لليوم ما حاول يلمسني
بقت زينب تسولف وتبجي واحنا نبجي وياها ياربي شنو هالناس اني وين عايشه ليش هيج العالم ما عدهم مشاعر ولا احساس ليش وصلت بينا الحياة لبيبان مسدوده بقينا هيج وحده تواسي الخ وحده تحجي ويه الخ لحد ما نمنا وراها رحنا للدوام وبقى فهد يلاحگني بنضراته وابتسامته الي كلما يشوفني يبتسمها اووف ياربي شنو هذا ميمل بقيت اداوم وحياتي بين دراسه وسوالف هوايه فد يوم من الايام جنا ننتضر الخط مالتنا يجي ماكو اتاخر وراح نتاخر على كليتنا محسيت اله فهد بوجهنا

فهد

صباح الخير بنات صعدوا اني اوصلكم الضاهر ابو الخط تاخر

ياسمين

لا شكرا ننتضر

شهد

وين تنتضرين دأمشو نصعد راح تفوت محاضراتنا علينا

البنات يصعدن ويدفعن بيه حتى اصعد واني اخزر بيهن وفهد يضحك گعدت بالمقعد الخلفي اخر شي من غير ما احجي ولا كلمه وهو يسأل ويسولف ويضحك ويه البنات وعينه عليه واني ما اباوعله اصلا طلعت كتابي وگعدت اقرى الى ان وصلنا ورحنا لگينا المحاضره الاولى هستوها باديه الحمدلله لحگنا عليها المهم كملنا محاضرات وبين سوالف ودراسه راح الوقت وهمين لگينا فهد ينتضرنا واضطرينا نصعد وياه لان السايق ما اجه لحد ما وصلنا للدار وهو ما نزل عينه من عليه من دخلنا الدار

زينب

ياسمينه شبيه فهد والله حباب ليش ما طايقته اكو شي

ياسمين

لا والله زنوبه ماكو شي بس اني ما احب هالسوالف جايه ادرس مو جايه اسوي علاقات وحبيات

شهد

لا والله شكو بيها فكي عن نفسج شوي ولا تصيرين معقده

ياسمين

لالا معوده خليني هيج ما اريد هالسوالف اني وعدت اهلي ان اصونهم واحافظ على سمعتهم مستحيل افكر بهيج شي

فاطمه

عفيه عليج والله ابقي هالشكل واذا قصده شريف ذولاك اهلج ويروح يخطبج بعد عليمن هالسوالف

ياسمين

اي والله فطومه صح كلامج

شويه ودخلت العامله الي بالدار

العامله

ياسمين تلفون من اهلج تعالي احجي وياهم

نزلت اركض ما مصدگه اووف شگد مشتاقتلهم شوكت تجي العطله واروح اشوفهم اول ما فتحت الخط لگيته بابا

ياسمين

بابا يروحي والله مشتاقتلك شلونك وشلون ماما وبيبي واخواني

بابا

هههههه حبيبتي انطيني مجال بالگوه حصلنا خط احنا كلنا بخير وبيبي وامج يسلمون عليج واخوانج همين بشريني شلونج وشلون دراستج

ياسمين

بخير يا بابا بس مشتاقتلكم

وبديت ابجي واحجي وياهم حجيت ويه امي وبيبي واخواني بعدها نگطع الخط ضليت اتصل وما احصل مو مشكله المهم اطمئنيت عليهم الحمدلله ميهم اي شي ماطول كلهم بخير صعدت يم البنات وامسح بدموعي وگعدن يسولفن وياي ويحجن عليه لان ابجي بعدها قرورا يسمعون قصتي وسولفتلهم عن كلشي بحياتي وكل حادثه وشنو احب وشنو اتمنى واكيد كلكم تعرفون قصتي بقينا لساعه متاخره من الليل وبعدها رحنا نمنا ليوم جديد ودوام

لحكايتي بقيه
تصويت وتعليق حبايب حتى اكمل