طوق الياسمين

البارت 10

طوق الياسمين

البارت ١٠

بدت فاطمه تسولف

فاطمه

من جنت صغيره جان عمري سنتين ونص تقريبا امي تمرضت وهي شابه صار بيها مرض خبيث بقت تعاني خطيه وبدت قواها وجسمها ما يتحمل ابويه تعب مخلى طبيب ولا سيد ولا مزار مرحناله بس كانت ارادة الله اقوى توفت امي وعمري ٣ سنوات واني وحيده لا اخوان ولا اخوات بقيت عايشه بيت جدي ويه ابويه جان مدللني دلال وما حسسني فد يوم اني يتيمه كلشي موفرلي وانام يمه بالغرفه لكد ما صار عمري ٥ سنوات گالت بيبي محمد الي هو ابويه لازم يتزوج ميصير يبقى بلا مره ولازم يتزوج بنت اختي مطلگه صحيح بس بعدها صغيره وحبابه ابويه قبل بعد ما بيبي خلت الفكره براسه مو شلون مجان اني جنت مدلله عند ابوي وكلمتي وحده وبيبي تقنعني تجي نرجس وتصير امج وتحبج ومن هالحجي الي يقشمرون بيه. الجهال

المهم ورى الحجي هذا ابويه تزوج نرجس بلبدايه  جانت حبابه وياي وصدگ حبيتها تعرفون الطفل من يلكه وجه من شخص وهو محروم يتعلق بيه المهم تعلقت بيها وبابا جان فرحان ويريد بس يرضيها لان مداريتني وراضيه بيه بحياتها المهم تقريبا بقينا سنه والحمدلله سجلت بالمدرسه ورى السنه يلا حملت نرجس باخويه حسن وجان بابا حيل فرحان من جابت اخوي ونرجس تغيرت حيل كانما صارت انسانه ثانيه كل الحنيه والعطف عليه انگلب ضدي ما اعرف ليش خلت كل حبها وحنانها لابنها وبس واني لا تفاجئت من تغيرها عليها كامت كوله تزمخ عليه وحجيها وياي كوله نهر وأمر ومن تريد مني شي انساه لو اغلس عليه تجي تسحبني من شعري ومن ابوي يتعارك وياها تگله وشنو يعني بنتي ودأربيها واني ما مفرقتها عن حسوني ورى فتره سوت عركه بالبيت حيل جبيره واضطر ابوي يأجرلنا ليت ونطلع من بيت جدي من انتقلنا بيت لوحدنا گامت تخلي عليه شغل البيت جنت انضف البيت كله وهي عليها بس المطبخ والطبخ واذا اتعاجز تضربني حملت مرة الخ وجابت اختي  حوري وانه استلمتها اغسلها واوكلها واغيرلها جنت فرحانه بيها لان احب البنات الصغار صار عمري تقريبا ١٤ سنه وصار عندي اثنين اخوان واثنين اخوات صرت خدامه الها ولجهالها بس ما هملت دراستي بقيت ادرس واتعلم الى ان اجيت هنا بالبدايه ابويه مقبل يدزني عنا للدار جان يخاف عليه

محمد

لا بابا ماكو انسي هالشي مستحيل اخليج ترحين لوحدج اخاف عليج

نرجس

لا عيني ابو حسوني لا تخاف عليها فطومه بألف رجال خليها تكمل دراستها

اني جنت اعرف هي تريد تفتك مني وكانما عائق بحياتها اني بس گلت مو مشكله هالشي لصالحي

محمد

والله ما ادري بعيده وغريبه ومحد وياها شلون تعيش

فاطمه

بابا والله لا تخاف اني تربايتك

محمد

اعرف بنيتي انتي وحبيبتي بس خايف عليج

  نرجس

معود وهسه هي من حورها منو يباعلها

محمد

شبيها بنيتي ماكو بحلاتها

فاطمه

تسلم حبيبي بس والله لا تخاف خليني اكمل دراستي

من بعد الحاح نرجس قبل اجي هنا وگعد يحجي وياي ويوصيني حضرت ملابسي واشترالي كم شغله وحضرتهم واني اشوف السعاده بعيون نرجس ما اعرف ليش مرة الاب متحب جهال زوجها بالرغم هم اطفال ومالهم ذنب وهي الي اجت عليهم ودخلت حياتهم بس تبقى تكرهم عشت عمري كله واني محتاجه لامي جنت يوميه اطلع صورها واشكيلها وابجي بالرغم مجنت اتذكر عليها بس ابويه جان يگولي كلش تحبني ومدللتني صدگوني اليتيم يتيم الام مو يتيم الاب 

بقينا نتناقش بسالفت فاطمه وحياتها بقينا نواسيها ونخليها تتحمل بس خطيه من ذكرت امها گامت تبجي اووف والله قهر كل وحده قصتها قصه عفيه شعب ماكو واحد بيك مرتاح رحنا لفراشنا وكل وحده منا فكرها بمكان وكل وحده منه همها لون ما اعرف شلون

تذكرت فهد اليوم مشفته يا ترى شصاير وليش افكر بيه خلي انام افضل وفعلا گعدنا ثاني يوم للدوام

لحكايتي بقيه
هذني 3 بارتات لعيونكم حبايبي 😘 😘 تصويت حبايب