طوق الياسمين
البارت التاسع
ثاني يوم رحنا للدوام الحمدلله
اجانا السايق مالتنا وصلنا للكليه
واحنا دنفوت شفنا هوسه باب الكليه بقينا نتفرج من بعيد طلع والد احد الطالبات جاي عالكليه ينطي لبنته سجل المحاضرات واتفاجئ ان بنته صارلها يومين متداوم يگول شلون اني بيدي اشوفها تصعد بالخط وترجع من يخلص الدوام فبقى يعارك ويحجي الى ان خلوه يفوت ويدور عليها بنفسه خطيه جانت حالته تصعب عالكافر ما اعرف شلون بنات يخلون اهلهم بهيج موقف الله اعلم صارلها يومين وين تداوم وين تروح هم ضيعت مستقبلها وسمعتها وسمعت اهلها يمكن كثر الدلال يسوي هيج او رفاق السوء المهم دخلنا محاضراتنا وكانت البنيه وابوها حديث الساعه كملنا محاضرات وطلعنا اني والبنات ننتضر الخط وتفاجئت بأبو البنيه خطيه گاعد عالرصيف ينتضر بنته وخال ايديه على راسه كلش أتاثرت عليه وانقهرت وهالشي خلاني افكر الف مره قبل لا اخطي اي خطوه بتجاه فهد او غيره كملنا ورجعنا للدار وبقينا نسولف بالموضوع وتغدينا
شهد
بنات اريد اخذ رأيكم بموضوع
ياسمين
گولي حبي كلنا أذان صاغيه
شهد
قررت احجي لبراهيم عن كلشي راح اعترفله بالموضوع
فاطمه
يكون افضل على الاقل واحد يعرف ساسه من راسه
ياسمين
صحيح على الاقل تعرفين مصيرج وهذا ابن عمج ستر وغطى عليج اذا تقبلج بهالوضع يكون قمة الاخلاق واذا متقبلج مراح يفضحج اكيد
شهد
هو هم هيج لازم نلگي حل
زينب
والله ما انصحج لان ماكو رجال يقبلها لنفسه وراح يتركج وترجعين تبجين
شهد
ميهم لازم يعرف واذا متركني اليوم يتركني باجر
المهم ضلينا نتاقنش بالموضوع فقررت شهد الليله تحل الموضوع لان متگدر تنتضر المهم گعدنا ندرس ونتشاقى ونسولف الى ان صار الليل تعشينا وقبل منام نزلت شهد تحجي ويه ابراهيم وفعلا ورى تقريبا ساعه رجعت شهد وعيونها مورمه
زينب
ها شهوده بشري ولو وجهج ميبشر بخير
شهد
دگيت عليه وحجيت وياه گتله هيج وضعي وربي اني ما اكذب وداتعذب
ابراهيم
وليش هسه يلا گلتيلي جنتي تنتضريني اتعلق بيج شلون اصدگ انتي ملاعبه بشرفج
شهد
قسما بربي هذا الصار واني ضحيه ابراهيم انت تعرفني اني ما اكذب اترجاك صدگني هذا الصار
ابراهيم
شهد عوفيني هسه ما أگدر اتخذ اي قرار خلاص. خليني افكر واسال شي مو سهل عليه
سديته منه وگتله اذا من تريدني راح تلگاني موجوده بس كون مصدگني
ياسمين
لازم تعذرينه مو شي بسيط وان شاءالله ميعوفج لان انتي فقيره وحبابه
شهد
اتمنى هالشي لان والله تعبت
وگامت تشهگ بالبجي وما اجذب عليكم اني هم بجيت عليها يربي. شنو ذنبها هالمسكينه صارت ضحيه لنزوة واحد حقير وما يسوى ثاني يوم گعدنا الصبح بس كلنا مالنا خلگ ونفسيتنا تعبانه
فاطمه
شهد گومي يلا دوام
شهد
لا بنات روحوا انتم اني اليوم ما اروح تعبانه
باوعتلي فاطمه هزيتلها براسي وغمضت عيني گتلها يعني عوفيها ترتاح نزلنا ورحنا لدوامنا استغربت اليوم مشفت فهد يلاحگني اووو واني ليش اسأل عليه بس هو مو من عوايده ميجي يشوفني الصبح واغلس عليه لو اسوي نفسي ما شايفته اوو واني ليش مهتمه معقوله حبيت اهتمامه واصراره عليه لالا مستحيل اسوي هالشي لازم احفظ وصية اهلي بقيت اليوم كله عيني عالدرب اشو صدگ ماكو كملت دوام ورجعنا للدار لگينه شهد محضرتلنا الغدى خطيه بس مبين طاكه من البجي لان عيونها حمره ومورمه كعدنا نسولف ونضحك وهي تبتسم بالكذب بقينا لليل نسولف وندرس ونحضر ملابسنا للدوام ومن هالسوالف بعدها گعدنا لفقرة الليل واتفقنا هالمره فاطمه تحجي قصتها
لحكايتي بقيه
أنت تقرأ
طوق الياسمين
Romanceعندما تجمع ورود الياسمين وتصنع منها طوقا يكون غاية في الروعه ابيض كنقاء قلوبنا ومترابط يد بيد مثل ابطال قصتي مجموعة نساء ولكل منها حكايه فاجتمعن ليكونن طوق من الياسمين لكل منهن عطرها الخاص.........
