💔مكسورة خاطر 💔

الجزء السابع

بقلمي (نور الحسيني)

بدأت خالتي تصبر بية وتواسيني لان هاي الفترة خلصتة بس بجي على امي وعلى اختي وعلى حالتي
بعدين سألت خالتي ليش نزار هيج يتصرف وياية وليش يعذبني وضعة ابد مو طبيعي وخاصتا بليل من ينام دائما يهلوس باشياء غير مفهومة
ما قبلت بعدين لحيت وياها
خبرتني قصت اختة والصار وياة وهو زغير انصدمت
زين خالة تدرين بي مريض ومو طبيعي ليش زوجتونياة اني شنو ذنبي لان فقيرة ومالي احد شنو ذنبي امي تموت واني ما اشوفة واختي تحقد علية كل هذا بسبب ابنج وبسببكم الله لا يسامحكم دنيا واخرة
وزعلت علية هية بقت تبرر وتكول ما ادري بية هيج يسوي
بعد ما يفيد اي عذر اني حياتي انتهت وانتو السبب ارجوج خالة اطلعي وبعد لا تجيني ولا تحاجيني
طلعت وبقيت مثل الانسان المريض بمرض معدي بس يجيني بليل يذب
سمة علية ويطلع ضعفت حيل وهن جسمي واحس دائما خدران عادي صار الوجع شعور المصاحب الي هاي الفترة

ومرت سنة علية نفس الوضع بعد ما رجعني للغرفة ويمارس طقوسة وياية بلاضافة منعني من الطلعة للكراج ممنوع يعني محبوسة بين قوسين
وخالتي مااحجي وياها مجرد اقوم بواجبات البيت واصعد
ومرات ما اكدر انزل جوة معناتها تعرضت لليلة حافلة من ضرب وتعذيب لان مرات يجدد وسيلة بلتعذيب اذا شافني تعودت يجدد مثل من الضرب بلحزام جددة ضرب بلواير ثخين شلون يلسع الله لا يراويكم وجعة ومرات
يدخلني الحمام ويسد الباب علية اذا الجو بارد يعني نامي بية
وبقيت اتحمل واصبر لان هذا قدري
هسة تكولون هية ضعيفة ما عدها كرامة بس انتو كولو شاسوي واني مالي احد اروحلة وهو اصلا مراقب حركاتي بابيت وقافل الباب الخارجي يعني الخروج مستحيل
فبقيت انفذ شيكول بدون مناقشة لان بس اعارضة يستمتع اكثر باذيتي
اخر شي مل مني وهذا الشي كان ايجابي الي لان ليلة من اليالي دخل للبيت وجانت وياة وحدة مبينة من بنات اليل فرحت كلت فرجت اليوم ماراح ياذيني وصدك بقى وياها بس اسمع صياحة  تطلع الصبح مزوكة من الضرب خالتي تشوفة وما تدخل ولا تحجي علية
بس القاهرني ينام وياهن بلغرفة مالتي  واني انام جوة بلصالة وبقى  يومية جايب وحدة شكل  اخر فترة سافر  لمدة 3 اشهر لخوانة واني بهل فترة مرتاحة نفسيتي كلش لان اكل اكعد اتصرف على راحتي بس ما طلع ما يقبل خالتي تطلع تجيب المسواك وغيرها ورها هاية الفترة رجع ويا ريت ما رجع
فتح الباب ودخل وياة وحدة تخبل اية من الجمال دخلها وكال هاية زوجتي ساندرا عراقية مسيحة عايشة بتركيا حبيتة وتزوجتها وبعدين سلمت على خالتي وسلتة علية جاوبة هاية خدامتج جوة رجليج واني مزوجة لان ما عدة احد واني هاجرة اصلا لان هي انسانة قذرة مجبور الفية بيتي
هية عقجت وجهه ومشت من يمي ودفعتني حيل وكعت بلكاع
وكمت اضحك على نفسي وعلى حضي اي يادنيا بعد راويني شضامتلي 
ما كتفيتي مني وكمت ورحت للمطبخ اسوي غدة الهم واني اسوي الغدة واسمع صوت شي قوي وكع واشوف اغراضي مطشرة على الارضية كلة حتى الاشياء لقابلة للكسر شامرية حتى عطري والشامبو كلشي
بعدين  سمعتة يصيح علية شيلي زبالتج وروحي للغرفة لان هاي الغرفة صارت لتاج راسج ساندرا وراها تعاي نظفي الغرفة من والوسخ مالتج
جمعت ملابسي ورتبتهن بلكاع بلغرفة لان ما بية اثاث مجرد فراش قديم متروك وبطانية ومخدة
ورجعت صعدت فوك انظف غرفتهم لكيتة نايمة على الفراش ولازمة موبايلة ونزار يمكن طالع
اول ماشافتنة سحبتني من زندي حيل
اسمعي كولش زين انت هنا مجرد خدامة وملفيج بيتنة فلا تجرءين وتتقربين لنزار لان اطردج برة فاهما
اني ضحكت ضحكة من حجية جاوبتة والله والخلق السما والارض اني اتمنى عندي اهل والله ولا ابقة هنا اصلا اتمنى لا تزوجتة ولا شفتة بلعافية عليج اخذية ولا تفكرين بية لان اني مجرد خدامة
احسة تفاجأت من كلامي وبعدين جاوبت نشوف
خلصت تنظيف الغرفة ورتبت اغراضها وبعدين سألتة تأمريني بشي جاوبت لا اطلعي وسدي الباب وراج
بقيت انفذ الي تطلبة مني ونزار كلما يشوفني لو يغلط علية ولو يضربني بدون اي سبب مرات يطلع عذر واستمر حالهم اسبوع  بهدوء واني مستغربة شعجب ما مارس ساديتة وياها وراها بيومين سمعنها تصيح وتهددة بابوها ماعرفت تكولة
اذا سويت وياي هذا الشي مرة ثاني اخلي بابا يذبك بلسجون وبعد ما تطلع لو تعالج نفسك انتة مريض مو صاحي
بعدين سمعت ركعت الباب وطلع
شردت للغرفة لا يشوفني ويطلع عصبيتة علية بس بداخلي فرحانة والله هل ساندرا مو قليلة
ثاني يوم رجع كلش عصبي صيح علية احضرلة فطور  بسرعة سويتلة ورتبتة مثل ما يحب وصحتة يدخل يتريك اول ما شاف الاكل عاط علية وشمر ترمز الجاي الحار على الحايط ونكسر والجاي الحار وكع على رجلي احسة نسلخت كمت اصيح من حرارة شاغت روحي اشو هذا فوك الحرك بقى يدفر بية ويضربني لحد ما صاحت علية خالتي يالله تركني
وبقيت بس ابجي من الحرك ومن الضرب ويومية على هل حال يفرغ غضبة علية لان ساندرا عندة اهل عزوة واني خدامة
الى ان قرر بيوم  ....................
♣♣♣♣♣♣♣♣♣♣♣♣♣♣
انشالة ما قصرت وياكم  ونهاية غذابة عن قريب يخلص لا تنسوت التصويت