💔مكسورة خاطر 💔

جزء الحادي عشر

مروة
خالة ام رنا بقت تكرر قصة الزواج واخر شي كولتله اذا تريديني ما  اطلع من بيتكم لا تكررين فكرة الزواج لان تعبت نفسيت فدوة خالة انسي الخاطري
ياحبيبتي لا تكولين هيج اني امج وتهمني مصلحتج واذا راحتج بهذا الشي خلاص انسي بعد ما اكول شي
ومرت الايام وام رنا تعبت حيل خطية وما عدها قابلية تطلع تبيع
استحيت منة واضطريت اطلع بدالها
...خالة انتي ابقي اني ابيع بدالج
...لا يمة انتي تخافين تطلعين لا يشوفج شسوين اذا اجة وتكلم وياج
....لا تشيلين هم اني اعرف اتصرف بس اهم شي راحتج
عفتها وطلعت واني خايفة لا صدك يجي مرة لخ والله ارفضة وافشلة حتى يتوب وصلت للبسطية وكل عادة بقيت ابيع
واستمر الحال اسبوع ومرة طلعت الصبح ورتبت السلعة ومدنكة وسمعت صوت صدمني
..... ليش يانور عيني كاعدة تبيعين هنا ولج ليش ما اجيتيني وحجيتيلي بلحقيقة وشسوة بيج وبينة ليش اني مو اختج وحتى لو غلطت بحقج شلون تطلكين وما تجيني تبقين بلشارع يعني
....رفعت النقاب عني واشوفة كبالي ماصدك عيني اختي اجتني وعرفت الحقيقة ودموعي تجري بدون وعي
ركضت باتجاه اختي وضميتة حيل حتى اعوض سنين الفراق والتعب وابوس بية وهي نفس الشي ونبجي بنص الشارع وما احس الاصوت رجال
.....عيني ام ادم مو بلشارع روحو للبيت وكملو البجي صرتن فرجة للناس
.....التفتت واشوف الولد نفسة علي شعرفة باختي بس ما هتميت بذيج الحظة بقدر اهتمامي باختي والفرحة غامرتني بشوفتها
...يعيني انتي عرفتي الحقيقة وعرفتي شسوة بية
طبعا احجي وياها واناشغ من البجي وهية هم
...سودة علية ولج مروة جنت وياج كلش حقيرة ونذلة شلون ما عرفت حقيقتة وصدكت كلامة وما صدكت بيج اوف يادنيا  شسوت بيج
والقاهرني اشوفج بهذا الحال
...لا هديل هذا حالي احسن بالف مرة من الي شفتة وية نزار
علي
عيني ام ادم امشو اوصلكم بدربي للبيت
...اي خوية هسة نجي
والتفتت علية يالة تعالي وياي للبيت حتى اعرف منج الصار واعرفج بعائلتي
وصعدنة السيارة وبقينة وحدة لازمة ايد لخ ما مصدكات
وصلنة لبيتهم ودخلتني للبيت هديل ما مصدكة من الفرحة معقولة
رب العالمين زرقني شوفت اختي ورضاها علية وخلاها تعرف الحقيقة
وبقينة نسولف على المرينة بي
وراها بساعة اجة زوج هديل وسلم علية ومبين خوش انسان وهديل تمدح بي وابنها ادم يخبل فديتة حبيبي سمين وابيض عمرة سنة
بعدين سالتة
هدولة شلون عرفتي مكاني وضيم الي شفتة وية نزار
ابتسمت... يعني تسوين نفسج ما تدرين وهو سوة المستحيل حتى اجي واشوفج واصدك كلامة معقولة انتي ما حاجية وياة وموصيتة
.....اوي هديل احجي ولا ترجعين تصيرين المحقق كونان
.....هههه هسة صرت المحقق كونان لا وانتي الصادقة علي من وراج
صار رأيس المحققين
هو الي شرحلي قصتج ودلاني مكانج واني اطردة اخر شي راح الزوجي وقنعة حتي اروح اشوف وضعج واصدك
وفعلا من شفتج صدكت كلام وهو مبين خوش انسان ويقدرج عكس ذاك النذل
....والله هو سوة هذا كولة
....اي وداعتج هو نفسة وازيدج من الشعر بيت راد عنوان  نزار حتى يكمل جميلة الج يعني حتى يحاسب نزار على السوى بيج بس ما اعرف شسوة بية ننتضر ونعرف بعدين
....بقيت صافنة طلع خوش انسان هو سبب هذا السعادة بجمعتي وية اختي
....شبيج مروة اشو صافنة لازم تفكرين بلحب
....عمي ياحب اني اصلا رافضتة اكثر من مرة وما منطيتة وجهة بس هسة فشلت بعد كل هذا وهو ساعدني هواية لازم اعتذر منة بس شلون اشوفة
......ههههه سهلة الحل عندي اخلي ابو ادم يعزمة عدنة وانتي اعتذري منة
....لا عيب ما اكدر لا تسوين هيج والله اخاف صدك يروح النزار وتصير مشاكل من وراية
....لا تكونين خايفة على نزار بعدج وتحبي
.....شنو لا والله بعد السواة وياي اشوفة شيطان مو بشر
....هههه عبالي
....لا حبيبتي اني قفلت قلبي من وراة وكرهني بصنف الرجال
....انتي ليش ما تسكتين يعني علي طلع مكروة فوك كل هذا السواة الج وما تقبلين ما يصير يا اختي مبين يحبج وشاريج وهو ما ناقصة شي وحلو وصدلاني وانتي مطلقة يعني بين قوسين قسمة زينة لا تروحية من ايدج
.....الله كريم بعدين افكر و اخبرج بس اريد منج  ازور مامة مازايرتة ولا اندل كبرة وبجيت واختي بقت تبجي وياية
والحمد لله انتقلت عدهم بعد ما شكرت ام رنا على موقفة الانساني وهديل خصصتلها راتب شهري حتى تردلها ولو جزء بسيط من معروفة ومرت الايام واني مرتاحة وبالي صافي وهديل مدللتني وزوجة حباب ما مقصر وياية وشايليني على اكتوف الراحة
وهديل يومية ماخذتني لو صالون لو لسوق اشتري ملابس وبليل زوجة يطلعنة يونسنة
وبيوم الصبح هديل كعدتني من الصبح كومي مروة عيالي جاين يتعرفون عليج
....لا عفية استحي
...دروحي عيني لا تستحين روحي سبحي وخلي مكياج ولبسي الفستان الاسود ما اوصيج اريدج تكشخين
....صار تدللين لعيونج اطلع انيقة حتى عيالج يكولون احلى من هديل بهواي
...اوي عابتلج يلله كملي على السريع
بدلت وتأنقت وباوعت على انعكاس صورتي على المراية  الحمد لله  والشكر على نعمتة علية ورجع ثقتي بنفسي وصرت انسانة قوية وصاحبة قرار مروة القديمة تبددت هسة مروة صاحبة ارادة وهدف وطموح
بعد ما خلصت نزلت حتى اساعد هديل تعجبت من شافتني
ولج مروة اليوم صدك صاكة لعد اني راحت علية
...لا حبيبتي انتي الخير والبركة
شوية وسمعنة صوت ولد ودخلن وياهم بنات اثنين
.....مروة حبيبتي اخذي هذا الضيافة وقدمية الهم
...لا عفية هديل استحي
...لا تستحين اني اجي وراج
تشجعت ودخلت وتقدمت اتجاة زوج اختي قدم للولد واني قدمت للبنات
...مشاء الله انتي مروة
....اي اني مروة وسلمت عليهن
بعدين نصدمت من كالت البنية  احنة جاين نتقدم لمروة وهي  تحجي ما ركزت بكد مانصدمت بحجية
والصدمة الكبرى علي اتقدملي انحرجت منهم وطلعت على السريع
بعد ما راحو اجتني هديل  وبقت تقنع بية واني اصلا زعلانة علية شلون كذبت علية المهم ماقبلت ارفض وقنعتني بس يخطبني وبفترة الخطوبة نتعرف على بعض واذا متوافقنة ننفصل
والله صعبة هديل اخاف ما اتقبلة وانتي تدرين اني تعقدت من فكرة الزواج وحتى العلاقة الجسدية صرت اشمأز منة من ورة نزار
يعني شلون يتقبلني
....لا ترفضين على مجرد مخاوف والله علي خوش انسان وما يتعوض والسواة الج اكبر دليل اقبلي بي وبعدين بلخطبة حاول تفهمينة وهو هم يفهمج وشوفي شلون تجاوزون هاي المخاوف
....يعني هيج تشوفين اذا طلع خوش انسان وافتهمني اقبل ليش لا
واني هم احاول اتغير لاجل نفسي
....اي هيج خلينة نفرح بيج والولد يريد جوابنة هسة راح اخبر ابو ادم ينطي جواب
ومر اسبوع على الموافقة  واجة يوم الخطبة اخذتني هديل للصالون وطلبت من ام الصالون تصبغ شعري من الاطراف دانتيل اشقر ثلجي واني اصلا شعري بني فاتح فطلع حلو ومكياج خفيف لان ملامحي حادة المكياج القوي موحلو علية  والفستان بنفسجي غامق بسيط  طلعت حلوة ومن ردنة نرجع اجة علي يوصلنة ما خليتة يشوفني لان طلعت مغطية نفسي كلش 
وصارت الخطوبة واجوي اهلة مبينين ناس مثقفين وبناتهم مرتبات وحبابات لان كل شوية وحدة تباوسني وتعرفني على نفسة
وعقدنة الشيخ  وكالو راح يجي علي يلبس الذهب  كلش خفت واستحيت  عبالك اول مرة متزوجة
من دخل وكعد يمي حسيتة صافن علية درت علية والتقت عيونة مع بعض تقرب من اذني وهمس
....انتي حلم جنتي عندي وبعد معانات تحقق الحلم اروح فدوة لعيونج الحلوة الي من شفتهن جافاني النوم
قاطعتة اختة بعدين علاوي تلحك على السوالف خل انلبسة الذهب
لبسني الذهب وكل شوية يهمس كلمة اول مرة اسمع هيجي كلام 
وخلصت الحفلة وراحت الناس
وبقة هو على العشة ما قبل ابو ادم يطلع وحتى يكعد يمي نتعرف
رحت بدلت فستان مفصل على الجسم حلو وصاحتني هديل اروح اكعد يمة دخلت سلمت علية وكعدت على القنفة المقابيلة ابو ادم ترخص وطلع اول ما طلع كمز بسرعة خطوتين وصار بصفي
واني مدنكة راسي لاتستحين مني صرت زوجج رفعت راسي خجلانة منة
....لا تتوترين اشو باعيني اوف اموت على اليخجلون
بعدين سحبني وقبلني على سريع
بس كردت فعل مني دفعتة حيل من صدرة وكمت بسرعة وعفتة رحت للغرفة مالتي واحس نفسي تسرعت بقرار الارتباط
.........................
اعذروني بنات بس والله مالي واهس اكتب ما اعرف باقية اتابع قصص الكاتبات ماادري لان ماكو تشجيع ومشكورة من متابعين الي يسألون 💋