💔مكسورة خاطر 💔

الجزء الثاني

نزار
مرحبا اسمي نزار اني الاخ الاصغر في عائلتي عندي اثنين اخوة متزوجين ومستقرين خارج العراق اني استاذ جامعي محامي وحاليا
دا اخلص رسالتي الدكتوراء عمري ٣٥ سنة تستغربون ما متزوج لحد هسة
اني بلاصل رافض فكرة الزواج بتاتا وبسبب ضروف مولمة مريت بية واني عمري ١٢سنة خلتني انسان قاسي وخاصتا على جنس حواء
بس من كبرت واخواني بنو مستقبلهم وسافروا واستقرو بلخارج هنا والدتي بدت تلح علية ازوج اريد اشوف اطفالك قبل لا ربنه ياخذ امانتة واريد وحدة تانسني بوحدتي
وهي تدري اني من شنو اعاني بس تعرفون قلب والدة ما يطية قلبهة تشوفني وحيد طول عمري
بس مرة من المرات رجعت للبيت ولكيت الوالدة واكعة بلكاع اصحية ماكو وديتة للمستشفى كالو سكر صاعد وضغطة مو مستقر وحتمال تصير عندة جلطة
لازم تهتمون باكلة وبشربة واهم شي الحالة النفسية
حسيت نفسي ضعت من لكيت امي بهل الحال بعد ما اكدر اعوفة لوحدة
ولا اكدر اعارض كلامة لان هية يومية عايدة سالفت الزواج واحسة تنقهر علية وتتوتر وهذا الشي يسببله مشاكل صحية
فرضخت لامر الواقع وافقت تخطبلي وايضا فكرت راح تجي وحدة دير بالة علية وباكلة وخاصتا اني دائما مشغول
فرحت امي بقراري بس رادت مني اتعالج نفسيا بس اني رفض رفض تام لان اني استاذ والي سمعتي اروح اتعالج شيكولون علية مخبل جانت هاي الفكرة مسيطرة علية
مشكلتي هي اني تعرضت لصدمة واني عمري12سنة جان عندي اخت كبيرة اسمة ريام جانت كلش حلوة وجانت تحب ابن جوارينة واكثر من مرة يجي يخطبة والدي يرفض لان ناس عليهم سمعة وما عرف بوكتة هواية اسباب ومشاكل اختي جانت متمردة وما تهتم لكلام والدي وبيوم مشؤم جنت راجع من وكت من المدرسة لان عدنة مسيرة ودخلت للبيت سمعت اصوات تأوهات وحركة رحت لمصدر الصوت انصدمت للمنظر الشفتة لكيت اختي بمنظر مخل مع حبيبة وبغرفة والدي ومستمرين بوضعهم واني من شفتهم انصدمت وخاصتا اني بعدني صغير همة انتبهو الية واختي صرخت وحبيبة بسرعة لزمني وبقة يهدد بية واختي خافت كالتة بس يعرفون اهلي يكتلونة اثنينة لازم نلكة حل فحبيبة قرر يخطفني مدة يخوفني ويرجعني على اهلي
وفعلا خطفني وداني لمكان مهجور بعيد عن المدينة وبية بعض البنايات المتضررة ومتروكة فدخلني لغرفة مجهزة بسرير وكنتور بسيطة كلش وربطني علي السرير وراح تركني يوم كامل بل اكل ولا مي وماكو كهرباء واني بعدني طفل واخاف لوحدي فبوقتة كلش انرعبت حتى انغمة علي وراها بيوم اجة واجت وياة اختي حجوا وياية وهددوني انو ما احجي شي بس اني صرت اصيح عليهم فحبيب اختي صار يضرب بية ضرب قاسي واني جسمي منهك وما متغذي انغمة علية وشوية وفزيت على اصواتهم وايضا لكيتهم يمارسون الرذيلة كبالي وشمازيت منهم واتمنيت اني جبير واقتلهم
وبقى الحال اسبوع مرات ينطوني اكل واخيرا قرروا يرجعوني بس هددوني اذا حجيت اوجبت سيرتهم يقتلوني ورضخت الهم بس هم استغلو هذا الشي من رجعوني اهلي فرحو رادوني اخبرهم منو خطفني واذاني ما كدرت وكل ما اصد لختي اشوفة تخزرني فخفت اكول الهم الحقيقة المهم
مرت ايام واختي تاخذني وياها على اساس تروح لصديقتة بس هية تروح لمكانهم الخاص ويجبرني حبيبة اشاهدهم يكلي شوف شلون انتهكت عرضك ويضحك واختي همين فهذا الشي كلش اثر على نفسيتي وسواني انسان متدمر واني بعدني طفل ومرة من المرات اني بلبيت واختي وحبيبة بغرفة والدي لان امي موظفة جانت وابوية ضابط
وكلهم بلدوام فقررت اخابر والدي حتى يشوفهم على حقيقتهم فخابرتة وكتلة يابة تعال بسرعة على البيت
صدك مرت ربع ساعة والدي دخل اني تلكيتة خطية عبالة بية شي
ها نزار شبيك بابة حبيبي ليش ترجف
اني ساكت ما كدرت احجي بس سحبتة من ايدة وديتة لغرفتة خطية انصدم والدي صدمة عمرة بس بسرعة جر سلاحة وقتلهم ثنينهم واني من المنظر انغمة علية وما حسيت الااني بلمستشفى واخوية رعد اكبر مني يمي بس شنو حالتة حالة يبجي ومنهار سالتة شنو ماتو
كال عساهم بنار جهنم كال من وراهم راسنة صار بلارض كسرت وجوهنة وابوية متخربط ومودينة للمستشفى وانت همة لكيناك منغمي عليك الله لا يرحمهم عساهم نار تحرقكم حرق ويبجي
وراة بسبوع والدي توفة واخوية الجبير مهند خطية شال مسؤلية البيت وانتقلنة بيغير محافظة من حجي الناس
وبقت حالنة غالب علية الحزن على فقد والدي وعلى العار الي لحق بسمعتنة واني بقيت يومية تجيني حالة افز من النوم اصرخ واذكر الصار الى ان كبرت وصرت شخصيتي قوية وصارم مع الكل وما اهتم للمشاعر بلمختصر صرت انسان بارد اتلذذ من اشوف غيري يخاف منة وطورت حالتي مرات اريد اذي غير احس بشعور الذة وبسبب هذا الشي ما ردت اتزوج لان اني مريض ومرضي السادي
.....................................................
انطوني رئيكم حبايبي ولا تنسون التصويت وانشالة انشر كل اسبوع جزء متابعة ممتعة 👧