أمراة من زجاج

البارت الثاني عشر

#امرأةمن_زجاج
#ﺍﻟﺒﺎﺭﺕﺍﻟﺜﺎﻧﻲﻋﺸﺮﺭﺭﺭ .....
....... ﺍﻱ ﺗﺤﻤﻴﻨﻲ
ﺿﺤﻜﺖ ﺑﻮﺟﺔ ﻭﻛﺄﻧﻤﺎ ﺍﻧﻲ ﺑﺨﻴﺮ ﻭﻣﺎﻛﻮﺷﻲ ﺑﻴﻪ
ﻭﺩﺧﻠﺖ ﻟﻠﻐﺮﻓﺔ
ﺑﺲ ﺍﻛﻮ ﻭﺟﻊ ﺑﺪﺍﺧﻠﻲ ﻭﺍﻛﻮ ﺗﺤﺪﻱ
ﺗﻤﺸﻴﺖ ﻭﺟﺮﻳﺖ ﺍﻟﻜﺮﺳﻲ ﻭﻛﻌﺪﺕ ﻛﺪﺍﻡ ﺍﻟﻤﺮﺍﻳﻪ
ﻭﻓﺘﺤﺖ ﺷﻌﺮﻱ ﻭﺑﻘﻴﺖ ﺍﻟﻌﺐ ﺑﻲ ﻭﺍﻛﻮ ﺩﻣﻌﻪ ﻭﺍﻛﻔﻪ ﺑﻄﺮﻑ ﻋﻴﻨﻲ
ﻣﺴﺤﺘﻬﺎ
ﻭﺑﻘﻴﺖ ﺍﺑﺎﻉ ﻋﻠﻰ ﻧﻔﺴﻲ ﻭﻛﻠﺖ
ﺍﻧﻲ ﺭﺍﺡ ﺃﺗﺤﺪﻯ ﻛﻤﻴﻞ ﻭﺭﺍﺡ ﺍﺧﻠﻲ ﻳﺘﻤﻨﺎﻧﻲ
ﻭﻳﺮﻳﺪﻧﻲ ﻣﺜﻞ ﻣﺎﺳﻮﻭﻭ ﺑﻴﻪ
ﻣﺜﻞ ﻣﺎﻫﺴﻪ ﻛﻠﺒﻲ ﻧﺎﺑﺾ ﺑﺲ ﻟﺸﻮﻓﺘﻪ
ﻣﺜﻞ ﻣﺎﻫﺴﻪ ﺟﻨﺖ ﺍﺗﻤﻨﻰ ﻣﻦ ﺍﺷﻮﻓﻪ ﺍﺭﻛﺾ ﻭﺍﺧﻠﻲ ﺭﺍﺳﻲ ﻋﻠﻰ
ﺻﺪﺭﻩ
ﻟﺸﻮﻛﺖ ﺍﺑﻘﻰ ﺍﻧﻲ ﻫﺎﻱ ﺍﻟﺒﻨﺖ ﺍﻟﺒﺴﻴﻄﻪ ﺍﻟﻲ ﺗﺘﻌﺎﻣﻞ ﺑﻄﻴﺒﺔ ﻭﺍﻟﻲ
ﻣﺘﻌﺮﻑ ﺗﻜﺬﺏ
ﻟﺸﻮﻛﺖ ﺍﺻﻴﺮ ﻓﺮﺻﻪ ﺳﻬﻠﻪ ﻟﺸﻮﻛﺖ ﺍﺗﺤﻤﻞ ﺍﻟﻜﻞ
ﺍﻧﻲ ﻣﺎﺟﻨﺖ ﺿﻌﻴﻔﻪ ﻣﻦ ﺍﻧﻲ ﺻﻐﻴﺮﺓ ﺍﺷﺘﻐﻞ ﻭﺍﺗﺤﺪﻯ
ﻭﺍﺑﻂ ﻋﻴﻦ ﺍﻛﺒﺮ ﻭﺍﺣﺪ ﻟﻴﺶ ﻫﻴﺠﻲ ﻣﻦ ﻳﻮﻡ ﺍﻟﻲ ﺣﺒﻴﺖ
ﺿﻌﻔﺖ ﺑﻬﺬﺍ ﺍﻟﺸﻜﻞ
ﻟﻴﺶ ﺣﺐ ﻭﺭﺍ ﺣﺐ ﻳﻜﺴﺮﻧﻲ ﺍﻛﺜﺮ
ﺟﻨﺖ ﺍﺣﺠﻲ ﺷﻲ ﻭﺑﻜﻠﺒﻲ ﺷﻲ
ﺭﺟﻌﺖ ﺍﺑﺎﻉ ﺷﻜﻠﻲ
ﻭﻛﻠﺖ ﻟﻴﺶ ﻣﺎﻓﺪﻳﻮﻡ ﺍﻫﺘﻤﻴﺖ ﺍﻏﻴﺮ ﺷﻲ ﺑﻴﻪ
ﺟﻨﺖ ﺍﺧﺬ ﻛﻠﺸﻲ ﺑﺴﻴﻂ ﻭﺍﺳﻮﻱ ﻭﺍﻗﺒﻞ ﺑﻜﻠﺸﻲ ﺑﺴﻴﻂ
ﻟﻴﺶ ﻣﺎﻃﻤﺤﺖ ﻓﺪﻳﻮﻡ ﺍﺧﻠﻲ ﺍﻟﺮﺟﺎﻝ ﺍﻟﻲ ﺑﻘﺮﺑﻲ
ﻳﺒﻘﻰ ﻳﺘﻤﻨﻰ ﻗﺮﺑﻲ
ﻣﺎﺍﻋﺮﻑ ﺍﺫﺍ ﻫﺬﺍ ﺍﻟﻲ ﺭﺍﺡ ﺍﺳﻮﻱ ﺃﺟﻰ ﺑﻮﻛﺘﻪ
ﻟﻮ ﻣﺘﺄﺧﺮ
ﺭﺣﺖ ﻟﻔﺮﺍﺷﻲ ﻭﺑﻘﻴﺖ ﺍﻓﻜﺮ ﻭﺍﻟﻒ ﺳﺎﻟﻔﻪ ﺟﺘﻲ ﺑﺮﺍﺳﻲ
ﻭﺑﻌﺪﻫﺎ ﺗﻐﻄﻴﺖ ﻭﻧﻤﺖ ﻭﻛﻌﺪﺕ ﺍﻟﺼﺒﺢ ﻣﻦ ﻭﻛﺖ
ﻋﻠﻤﻮﺩ ﺍﻟﺤﻚ ﻋﻠﻰ ﻛﻤﻴﻞ ﺧﺎﻑ ﻳﻄﻠﻊ
ﻛﻤﺖ ﻏﺴﻠﺖ ﻭﺑﺪﻟﺖ ﺑﺴﺮﻋﻪ ﻭﻃﻠﻌﺖ
ﺑﻘﻴﺖ ﺍﺩﻭﺭ ﻋﻠﻴﻪ ﻭﻣﺠﺎﻥ ﻣﻮﺟﻮﺩ ﻻ ﺑﺎﻟﻤﻄﺒﺦ ﻭﻻ ﺑﺎﻟﺼﺎﻟﻪ
ﺷﻔﺖ ﺍﻡ ﻳﺎﺳﻴﻦ
ﻛﺘﻠﻬﺎ
.... ﺻﺒﺎﺡ ﺍﻟﺨﻴﺮ ﺍﻡ ﻳﺎﺳﻴﻦ
.... ﺻﺒﺎﺡ ﺍﻟﺨﻴﺮ ﺑﺎﻥ
.... ﻭﻳﻦ ﻛﻤﻴﻞ
ﺍﺷﺮﺗﻠﻲ ﻭﻛﻠﺘﻠﻲ
ﻫﺬﺍﻙ ﻭﺍﻛﻒ ﺑﺎﻟﺤﺪﻳﻘﻪ ﻭﻳﻤﻪ ﺍﻟﺤﺪﻗﺠﻲ
.... ﻫﺎ ﺍﻱ ﺯﻳﻦ
ﻃﻠﻌﺖ
ﻭﻛﻔﺖ ﺷﻮﻳﻪ ﺑﻌﻴﺪ ﻋﻨﻪ
ﻭﺻﺤﺘﻪ ﺍﻧﺪﺍﺭ ﻋﻠﻴﻪ ﻭﻫﺰﻟﻲ ﺑﺮﺍﺳﻪ ﻳﻌﻨﻲ ﻫﺴﻪ ﺍﺟﻲ
ﻭﺭﺟﻊ ﺣﺠﺔ ﻭﻳﺎ ﻫﺬﺍ ﺍﻟﺮﺟﺎﻝ ﺍﻟﻲ ﺟﺎﻥ ﻭﺍﻛﻒ ﺑﺼﻔﻪ
ﻭﻭﺍﺟﺎﻧﻲ ﻭ ﻣﻦ ﺟﺎﻥ ﺩﻳﻤﺸﻲ
ﺑﻘﻴﺖ ﺍﺑﺎﻉ ﻋﻠﻴﻪ
ﻭﺷﻜﺪ ﻋﺠﺒﺘﻨﻲ ﺃﻧﺎﻗﺘﻪ ﺃﻧﻴﻖ ﺩﺍﺋﻤﺎ ﺍﺑﺪ ﻣﺎﻓﺪ ﻳﻮﻡ ﺷﻔﺘﻪ ﻻﺑﺲ ﺷﻲ
ﻣﻮﺣﻠﻮ ﻟﻮ ﺟﺎﻥ ﺷﻌﺮﺓ ﻣﺨﺮﺑﻂ ﻟﻮ ﻣﺠﺎﻥ ﻻﺑﺲ ﺳﺎﻋﻪ ﺑﻴﺪﺓ
ﻟﻮ ﻧﺎﺳﻲ ﺍﻟﻤﺤﺒﺲ ﺍﻟﻲ ﺑﻲ ﻓﺼﻪ ﺳﻮﺩﺓ
ﺩﺍﺋﻤﺎ ﻣﺮﺗﺐ
ﺍﻟﻲ ﺭﺍﺡ ﺗﻌﻴﺶ ﻭﻳﺎﻫﻴﺞ ﺭﺟﺎﻝ ﺭﺍﺡ ﺗﺤﺲ ﻧﻔﺴﻬﺎ
ﻣﺨﺘﻠﻔﻪ ﻭﺭﺍﺡ ﺗﻀﻄﺮ ﺗﻜﻮﻥ ﻣﺜﻠﻪ
ﻭﺻﻞ ﻭﻛﻒ ﻛﺪﺍﻣﻲ ﻭﺣﻂ ﻳﺪﻩ ﺑﺠﻴﻮﺑﻪ
ﻛﻠﻲ
.... ﺍﻱ ﺷﻜﻮ
....ﺍﻧﻲ ﺍﺭﻳﺪ ﻓﻠﻮﺱ
.... ﺷﻨﻮ
.... ﺍﺭﻳﺪ ﻓﻠﻮﺱ
ﺑﻘﻰ ﺳﺎﻛﺖ ﻭﺍﺳﺘﻐﺮﺏ ﺑﺲ ﻣﺎﺳﺌﻠﻨﻲ ﻟﻴﺶ
.... ﻣﻴﺨﺎﻟﻒ
... ﻭﺍﺭﻳﺪ ﺍﻃﻠﻊ
ﺟﺮ ﻧﻔﺲ ﻃﻮﻳﻞ
... ﻭﻳﻦ ﺗﺮﻭﺣﻴﻦ
.... ﺍﺭﻳﺪ ﺍﺷﺘﺮﻱ ﻣﻼﺑﺲ ﺍﻟﻲ ﻭﻟﻴﻮﺳﻒ ﺍﻧﺖ ﻣﻮﺭﺟﻠﻲ ﺍﻟﻤﻔﺮﻭﺽ
ﺗﻮﻓﺮﻟﻲ ﻫﺎﻱ ﺍﻻﻣﻮﺭ
ﻇﻞ ﻳﺒﺎﻉ ﺑﻨﻈﺮﺍﺕ ﻏﺮﻳﺒﻪ
ﻭﺭﺩ ﻛﻠﻲ
.... ﻣﻴﺨﺎﻟﻒ ﺧﻠﺼﺘﻲ ﻟﻮ ﺑﻌﺪ ﻋﻨﺪﺝ ﺷﻲ
... ﺍﻱ ﻋﻨﺪﻱ
.... ﺷﻨﻮ
..... ﺍﺭﻳﺪ ﻏﻴﺮ ﻏﺮﻓﻪ
..... ﺷﻨﻮ
.... ﺍﻱ ﺍﺭﻳﺪ ﺍﺻﻌﺪ ﻓﻮﻙ ﻳﻌﻨﻲ ﺍﺧﻠﻲ ﻏﺮﻓﺘﻲ ﻓﻮﻙ ﻭﻳﺎﺭﻳﺖ ﺍﺫﺍ
ﺗﺸﺘﺮﻱ ﻏﺮﻓﻪ ﺟﺪﻳﺪﺓ ﻻﻥ ﻫﺎﻱ ﻣﻮﺣﻠﻮﺓ
ﻋﻴﻨﻪ ﺿﺎﻗﺖ ﻭﻋﺮﻓﺖ ﺑﺪﺃ ﻳﻀﻮﺝ
.... ﺧﻠﺼﺘﻲ
.... ﻻ
.....ﻣﺒﻴﻦ ﻫﺬﺍ ﺍﻟﺼﺒﺢ ﻣﺎﺭﺍﺡ ﻳﻌﺪﻱ ﻋﻠﻰ ﺧﻴﺮ
ﻛﺎﻓﻲ ﻃﻠﺒﺎﺕ ﻣﺎﻟﻲ ﻭﺍﻫﺴﺞ ﻭﺍﻧﻲ ﻣﺎﺍﺣﺐ ﺍﺣﺪ ﻳﻄﻠﺐ ﻣﻨﻲ ﺣﺎﺟﻪ
ﺍﻟﺼﺒﺢ ﻻﻥ ﺍﻛﻌﺪ ﺿﺎﻳﺞ
.... ﺍﻱ ﺑﺲ ﻫﺬﺍ ﻭﺍﺟﺒﻚ ﻭﺣﻘﻮﻗﻲ ﻫﺎﻱ
..... ﺍﻧﺘﻲ ﻟﻌﺪ ﻫﻢ ﻋﻠﻴﺞ ﻭﺍﺟﺒﺎﺕ ﻭﺣﻘﻮﻕ ﻟﻮ ﺑﻬﺎﻱ ﺻﺎﺭﺕ
ﻭﺍﺟﺒﺎﺗﻲ ﺑﺲ
..... ﻋﺎﺩﻱ ﺍﻧﻄﻴﻚ ﺣﻘﻮﻗﻚ ﻭﺍﺟﺒﺎﺗﻚ ﻣﺎﻋﻨﺪﻱ ﺍﻋﺘﺮﺍﺽ
ﻋﺾ ﺷﻔﺘﻪ ﻭﺭﻓﻊ ﺣﺎﺟﺒﻪ
.... ﺍﻟﻲ ﺗﺮﻳﺪﻱ ﻛﻮﻟﻲ ﻟﻔﻴﺼﻞ ﻳﺴﻮﻱ ﺍﻧﻲ ﻣﺎﻋﻨﺪﻱ ﻭﻗﺖ
.... ﻫﻮ ﺍﻧﻲ ﺍﺻﻼ ﻣﺎﺍﻃﻠﻊ ﻭﻳﺎﻙ
ﻭﺍﻡ ﻳﺎﺳﻴﻦ ﺍﺭﻳﺪﻫﺎ ﻭﻳﺎﻳﻪ ﺑﺎﻟﺒﻴﺖ ﻭﻓﻴﺼﻞ ﻫﻢ
.... ﻫﻤﺎﻣﻮﺟﻮﺩﻳﻦ
... ﻳﻌﻨﻲ ﺧﺎﻑ ﺍﻧﺖ ﺗﺮﻭﺡ ﺑﻐﻴﺮ ﺑﻴﺖ ﻣﻦ ﺗﺰﻭﺝ ﻣﺎﺍﺭﻳﺪﻫﻢ ﻳﺮﻭﺣﻮﻥ
...ﻣﻨﻮ ﻛﻠﺞ ﺭﺍﺡ ﺍﺭﻭﺡ ﻟﻐﻴﺮ ﺑﻴﺖ ﺍﺟﻴﺒﻬﺎ ﻫﻨﺎ ﻻﻥ ﺍﻟﺒﻴﺖ ﻋﺠﺒﻬﺎ ﻛﻠﺶ
..... ﺍﻱ ﻟﻴﺶ ﻻ ﻭﻣﺪﺍﻣﻚ ﺑﺎﻟﺒﻴﺖ ﻣﻄﺎﻟﻊ ﺑﻘﻲ ﻳﻮﺳﻒ ﻳﻤﻚ
..... ﺍﺧﺬﻱ ﻭﻳﺎﺝ ﺩﺍﻃﻠﻊ ﺍﻧﻲ
... ﺍﻟﻠﻪ ﻭﺍﻛﺒﺮ ﺷﻜﻮﺑﻴﻬﺎ ﻟﻌﺪ ﺍﺣﺒﻪ ﻭﺍﺣﺒﻪ
..... ﻳﺎﺭﺏ ﺍﻧﻄﻴﻨﻲ ﺍﻟﺼﺒﺮ
....ﺍﻧﻲ ﻫﻢ ﺍﺭﻳﺪ ﺍﻟﺼﺒﺮ
ﻭﺩﺭﺕ ﻭﺟﻬﻲ ﻭﺍﺑﺘﺴﻤﺖ
ﺍﻭﻝ ﻣﺮﺓ ﺍﺷﻮﻑ ﻛﻤﻴﻞ ﻫﻴﺞ ﻳﺘﺼﺮﻑ ﻭﻳﺮﻳﺪ ﺑﺲ ﻳﺨﻠﺺ ﻣﻨﻲ
ﻭﻳﺮﻳﺪﻧﻲ ﻣﺎﺍﻓﺘﺢ ﺣﻠﻜﻲ ﺑﻌﺪ
ﺩﺧﻠﺖ ﺟﻮﺓ ﻋﻠﻰ ﺍﻡ ﻳﺎﺳﻴﻦ
ﻭﻛﺘﻠﻬﺎ
.... ﺍﻡ ﻳﺎﺳﻴﻦ ﺍﻣﺸﻲ ﻭﻳﺎﻳﻪ ﺩﺍﺭﻳﺪ ﺍﻃﻠﻊ
... ﻭﻳﻦ ﺗﺮﻭﺣﻴﻦ
...ﻋﺎﺟﺒﻨﻲ ﺍﻏﻴﺮ ﻟﻮﻥ ﺷﻌﺮﻱ ﻭﺍﺭﻳﺪ ﺍﺷﺘﺮﻱ ﻣﻼﺑﺲ
.... ﻛﺘﻴﻠﻪ ﻟﻜﻤﻴﻞ
.... ﺍﻱ ﻛﺘﻠﻪ
.... ﻭﻗﺒﻞ
.... ﺍﻱ ﻗﺒﻞ ﺑﻘﻴﺖ ﺍﻃﻠﺐ ﻣﻨﻪ ﻓﺮﺍﺩ ﺑﺲ ﻳﺨﻠﺺ ﻣﻨﻲ
.... ﻧﺰﻭﻝ ﻋﻠﻴﺞ ﻟﻴﺶ ﺩﺗﺴﻮﻳﻦ ﻫﻴﺞ ﻣﻮ ﻛﻤﻴﻞ ﻣﻮﻣﺎﻝ ﻭﺣﺪﺓ ﺗﻌﺎﻧﺪﻩ
.... ﺳﻮﻳﺖ ﻛﻞ ﺍﻟﻄﺮﻕ ﻭﻳﺎﻩ ﺷﺴﻮﻳﻠﻪ ﺑﻌﺪ ﺍﻧﻲ ﻛﺘﻠﻪ ﺍﻧﺘﻲ ﻭﻓﻴﺼﻞ
ﺗﺒﻘﻮﻥ ﻫﻨﺎ ﻳﻤﻲ ﻭﻫﺎﻱ ﺍﻟﻐﺮﻓﻪ ﺍﻟﺠﻮﺓ
ﺍﺧﺬﻳﻬﺎ ﺍﻟﺞ ﻻﻥ ﺍﻧﺘﻲ ﺻﻌﺐ ﻋﻠﻴﺞ ﺍﺻﻌﺪﻳﻦ ﻭﺗﻨﺰﻟﻴﻦ
.... ﻫﻬﻬﻪ ﺍﻧﺘﻲ ﺗﺮﻳﺪﻳﻦ ﺗﺼﻴﺮﻳﻦ ﻗﺮﻳﺒﻪ ﻣﻨﻪ ﻣﻮ
..... ﻻ ﺑﺲ ﺗﻌﺒﺖ ﺍﻡ ﻳﺎﺳﻴﻦ ﺍﺭﻳﺪ ﺍﻋﻴﺶ ﺍﺑﻘﻰ ﻣﺸﻠﻮﻋﺖ ﻗﻠﺐ
.....ﺍﺫﺍ ﺗﺤﺒﻲ ﺣﺎﺭﺑﻲ
.... ﻭﺍﺫﺍ ﻫﻮ ﻣﻴﺮﻳﺪ
.... ﺣﺎﻭﻟﻲ
..... ﺍﻟﻠﻪ ﻛﺮﻳﻢ ﺩﻳﻠﻪ ﺍﻣﺸﻲ ﻧﻄﻠﻊ
ﺍﻧﻲ ﺍﺣﺠﻲ ﻭﻳﺎ ﺍﻡ ﻳﺎﺳﻴﻦ ﻭﺩﺧﻞ ﻛﻤﻴﻞ ﻭﻛﺎﻝ ﻻﺍﻡ ﻳﺎﺳﻴﻦ
... ﺍﻡ ﻳﺎﺳﻴﻦ ﺍﺭﻳﺪ ﺟﺎﻱ
.... ﺍﻱ ﺑﻌﻴﻨﻲ ﻭﺭﺍﺡ ﻟﻠﺼﺎﻟﻪ
ﺍﻧﻲ ﻫﻢ ﺗﻤﺸﻴﺖ ﻣﻦ ﻛﺪﺍﻣﻪ ﻭﺭﺣﺖ ﻓﺘﺤﺖ ﺍﻟﺒﺎﺏ
ﻭﻃﻠﻌﺖ ﺑﺮﺓ ﺑﺎﻟﺤﺪﻳﻘﻪ ﺍﻻﻣﺎﻣﻴﻪ ﻭﺷﻔﺖ ﻓﻴﺼﻞ
ﻳﻤﺴﺢ ﺑﺎﻟﺴﻴﺎﺭﺓ
ﺻﺤﺘﻪ
...ﻓﻴﺼﻞ ﻓﻴﺼﻞ
.... ﻫﺎ ﺍﻡ ﻳﻮﺳﻒ
..... ﻓﺪﻭﺓ ﺍﺭﻳﺪﻙ ﺗﻮﺩﻳﻨﻲ ﻟﻠﺴﻮﻙ
.... ﺍﻱ ﺗﺪﻟﻠﻴﻦ ﺑﺲ ﺍﻛﻮﻝ ﻟﻜﻤﻴﻞ
...ﻛﺘﻠﻪ ﺍﻧﻲ
.... ﺍﻱ ﻟﻌﺪ ﺍﻧﺘﻈﺮﺝ
.... ﻳﻠﻪ ﻫﺴﻪ ﺗﺒﺪﻝ ﺍﻡ ﻳﺎﺳﻴﻦ ﻭﻧﺠﻲ
....ﺍﻧﻲ ﻭﺍﻛﻒ ﻫﻨﺎ
ﺩﺧﻠﺖ ﻭﺷﻔﺖ ﻛﻤﻴﻞ ﻭﺍﻛﻒ ﻭﺭﺍﻳﻪ ﻭﻣﺘﺨﻮﺻﺮ
.... ﺷﺒﻴﺞ ﺷﺎﻳﺸﻪ ﻣﻦ ﺍﻟﺼﺒﺢ
.... ﻟﻴﺶ ﺷﺴﻮﻳﺖ
.... ﻛﻠﺒﺘﻲ ﺍﻟﺒﻴﺖ ﺗﻔﺘﺮﻳﻦ ﻣﻨﺎ ﻭﻣﻨﺎ
.... ﻣﺎﺳﻮﻳﺖ ﺷﻲ
.... ﻭﺛﺎﻧﻲ ﺷﻲ ﺷﻠﻮﻥ ﺍﻃﻠﻌﻴﻦ ﻭﻫﺬﻭﻟﻪ ﻣﻮ ﺭﻳﺎﺟﻴﻞ ﺑﺮﺓ
.... ﺷﻨﻮ ﻳﻌﻨﻲ
.... ﺩﺧﻠﻲ ﺟﻮﺓ ﻭﻟﺘﺼﺮﻓﻴﻦ ﺑﺸﻲ ﺑﺪﻭﻥ ﻣﺎﺩﻛﻮﻟﻴﻠﻲ
ﻭﻓﻴﺼﻞ ﻣﻴﺘﺤﺮﻙ ﺍﻱ ﺧﻄﻮﺓ ﺍﺫﺍ ﻣﻴﻜﻠﻲ ﻭﻣﻮﺍﻧﺘﻲ ﺩﻛﻌﺪﻳﻦ ﺍﺩﺯﻱ ﻣﻨﺎ
ﻭﻣﻨﺎ
.... ﻣﺎﺩﺯﻳﺘﻪ ﻫﻮﺍﻧﻲ ﺭﺍﺡ ﺍﺭﻭﺡ ﻭﻳﺎﺓ ﺍﻓﺘﺮ
.....ﺑﺪﺭﻳﻪ ﻟﺘﺤﺎﻭﻟﻴﻦ ﺗﺴﻮﻳﻦ ﻭﻳﺎﻳﻪ ﻫﺎﻱ ﺳﻮﺍﻟﻔﺞ ﺗﺮﺓ ﺍﻋﺮﻑ ﺷﻨﻮ
ﻏﺎﻳﺘﺞ ﻭﺣﺎﻓﻆ ﺳﻮﺍﻟﻒ ﺍﻟﻨﺴﻮﺍﻥ ﺧﺎﻑ ﺗﺮﻳﺪﻳﻦ ﺗﻐﻴﺮﻳﻦ ﺷﻲ ﺑﻴﺞ
ﺣﺘﻰ ﺍﺿﻮﺟﻴﻨﻲ ﻓﻠﺘﻌﺒﻴﻦ ﻧﻔﺴﺞ
.... ﻟﻨﻔﺴﻲ ﻣﻮﺍﻟﻚ
ﻭﺗﺮﻛﺘﻪ ﻭﻣﺸﻴﺖ ﻭﺑﺪﻟﺖ ﻟﻴﻮﺳﻒ
ﻭﺍﻡ ﻳﺎﺳﻴﻦ ﺟﺎﻧﺖ ﺩﺗﻮﺩﻱ ﺍﻟﺠﺎﻱ ﺍﻟﻪ ﻭﺑﻜﻮﺓ ﺗﻤﺸﻲ ﺍﺧﺬﺗﻪ ﻣﻦ
ﺍﻳﺪﻫﺎ
ﻭﻛﺘﻠﻬﺎ ﺭﻭﺣﻲ ﺑﺪﻟﻲ
ﻭﺩﻳﺖ ﺍﻟﺠﺎﻱ ﻭﺣﻄﻴﺘﻪ ﻛﺪﺍﻣﻪ
ﻛﻠﻲ
... ﺍﺗﺼﻮﺭ ﺍﻧﻲ ﻛﻠﺖ ﺍﻡ ﻳﺎﺳﻴﻦ
..... ﺍﻱ ﺍﻋﺮﻑ ﺑﺲ ﺩﻧﻄﻠﻊ ﻭﺭﺍﺡ ﻧﺘﺄﺧﺮ ﻭﻫﻲ ﺑﻜﻮﺓ ﺗﻤﺸﻲ ﻋﻠﻤﺎ
ﺍﺟﻴﺐ ﺍﻟﺠﺎﻱ ﻃﻮﻝ
ﻣﺪ ﻳﺪﺓ ﻭﺍﺧﺬ ﺍﻟﺠﺎﻱ ﻭﺍﺷﺮﻟﻲ ﺑﻴﺪﻩ
ﺭﻭﺣﻲ
ﻣﺠﺎﻭﺑﺘﻪ ﻭﻻﺣﺘﻰ ﺑﺎﻭﻋﺖ ﻋﻠﻴﻪ
ﺑﺲ ﻣﻦ ﻃﻠﻌﺖ ﻣﻦ ﺍﻟﺼﺎﻟﻪ ﻭﻛﻔﺖ ﻭﺭﺍ ﺍﻟﺤﺎﻳﻂ ﻭﻣﺪﻳﺖ ﺭﺍﺳﻲ
ﻭﺑﺎﻭﻋﺘﻪ
ﺟﺎﻥ ﻛﺎﻋﺪ ﻭﺑﻴﺪﻩ ﺍﻟﺠﺎﻱ
ﻣﺎﺩﺭﻱ ﻟﻴﺶ ﻣﻦ ﺷﻔﺘﻪ ﻛﻤﺸﻨﻲ ﻭﺟﻊ ﻭﺧﻠﻴﺖ ﻳﺪﻱ ﻋﻠﻰ ﺻﺪﺭﻱ
ﻭﻛﺎﻧﻤﺎ ﻛﻠﺒﻲ ﺭﺍﺡ ﻳﻮﻛﻊ
ﻭﺭﺩﺕ ﺍﻛﻤﺸﻪ
ﺟﺮﻳﺖ ﺷﻤﺖ ﻫﻮﻯ ﻭﻋﺒﺎﻟﻚ ﺷﻜﻮ ﺟﺎﻥ ﻫﻮﻯ ﺑﺪﺍﺧﻠﻲ
ﺧﺎﻧﻜﻨﻲ
ﺭﺟﻌﺖ ﻟﻠﻤﻄﺒﺦ
ﻭﺑﻘﻴﺖ ﺍﻧﺘﻈﺮ ﺍﻡ ﻳﺎﺳﻴﻦ ﻭﺟﺎﻧﺖ ﺗﻔﺖ ﺍﻟﻘﻠﺐ ﺑﻜﻮﻩ ﺗﻤﺸﻲ ﺑﺲ
ﺷﺴﻮﻱ
ﻣﺎﺍﻋﺮﻑ ﺷﻲ ﻋﻠﻰ ﺍﻻﻗﻞ ﻫﻲ ﻭﻳﺎﻳﻪ
ﻭﺻﻠﺖ ﻳﻤﻲ
ﻭﺻﺤﺖ ﻋﻠﻰ ﻳﻮﺳﻒ ﻭﻛﺘﻠﻪ
... ﻣﺎﻣﺎ ﻳﻮﺳﻒ ﺗﻌﺎﻝ ﻳﻠﻪ ﺩﻧﺮﻭﺡ
ﺍﺟﺎﻧﻲ ﻭﻓﺘﺢ ﺍﻟﺒﺎﺏ ﻭﺭﺍﺡ ﻋﻠﻰ ﻓﻴﺼﻞ ﻭﻓﻴﺼﻞ ﻛﻌﺪﺓ ﻳﻤﻪ ﻟﻴﻜﺪﺍﻡ
ﻭﻣﻦ ﺩﺍﻃﻠﻊ ﻣﺪ ﻛﻤﻴﻞ ﺭﺍﺳﻪ ﻭﺍﺷﺮﻟﻲ
ﺭﺣﺖ ﻳﻤﻪ ﻃﻠﻊ ﻓﻠﻮﺱ ﻭﻣﺎﺧﻼﻫﺎ ﺑﻴﺪﻱ
ﺧﻼﻫﺎ ﻋﻠﻰ ﺍﻟﻄﺒﻠﻪ ﻭﺭﺟﻊ ﻟﻤﻜﺎﻧﻪ ﻣﺮﺓ ﺛﺎﻧﻴﻪ
ﻭﻛﻠﻲ ﻣﻦ ﺑﻌﻴﺪ
...ﺍﺫﺍ ﺗﺤﺘﺎﺟﻴﻦ ﺑﻌﺪ ﻛﻮﻟﻲ ﻟﻔﻴﺼﻞ
ﻣﺎﻛﻠﺘﻠﻪ ﺷﻲ
ﻃﻠﻌﺖ ﻭﺟﺎﻧﺖ ﺍﻡ ﻳﺎﺳﻴﻦ ﺗﻨﺘﻈﺮﻧﻲ ﻳﻢ ﺑﺎﺏ ﺍﻟﺴﻴﺎﺭﺓ
ﻭﺻﻌﺪﻧﺎ ﺍﻧﻲ ﻭﺍﻡ ﻳﺎﺳﻴﻦ ﻟﻴﻮﺭﺓ
ﻭﻃﻠﻌﻨﺎ ﻣﻦ ﺍﻟﺒﻴﺖ ﻭﺍﻭﻝ ﻣﺎﺻﺎﺭﻧﻪ ﺑﺎﻟﺸﺎﺭﻉ
ﻛﺎﻝ ﻓﻴﺼﻞ
....ﻫﺴﻪ ﻭﻳﻦ ﺗﺮﻭﺣﻮﻥ
ﻛﺘﻠﻬﺎ ﻻﺍﻡ ﻳﺎﺳﻴﻦ
.... ﺍﺭﻳﺪ ﺍﻏﻴﺮ ﻟﻮﻥ ﺷﻌﺮﻱ
... ﻳﻌﻨﻲ ﻻﺯﻡ ﻧﺮﻭﺡ ﻟﺼﺎﻟﻮﻥ
.... ﺍﻱ
ﻛﺎﻝ ﻓﻴﺼﻞ
... ﻳﻌﻨﻲ ﻭﻳﻦ ﺻﺎﻳﺮ
ﻛﺘﻠﻪ
...ﺷﻤﺪﺭﻳﻨﻲ
ﻛﻠﻲ
.... ﻟﻌﺪ ﻣﻨﻮ ﻳﺪﺭﻱ
ﺍﻡ ﻳﺎﺳﻴﻦ ﻛﺎﻟﺖ
... ﺩﻣﺸﻲ ﻳﺎﻓﻴﺼﻞ ﻭﻧﺸﻮﻑ ﻓﺪ ﺻﺎﻟﻮﻥ ﺣﻠﻮ ﻣﺎﻝ ﺯﻧﺎﻛﻴﻦ
ﻫﻬﻬﻪ
ﺿﺤﻚ ﻓﻴﺼﻞ ﻭﻛﺎﻝ
.... ﺍﻱ ﻭﺍﻟﻠﻪ ﺍﻡ ﻳﻮﺳﻒ ﺗﺴﺘﺎﻫﻞ
.... ﺗﺴﻠﻤﻠﻲ ﻓﻴﺼﻞ ﻭﺍﻟﻠﻪ ﺍﻧﺘﻮ ﺻﺮﺗﻮ ﺍﻫﻠﻲ
...... ﻳﺎﺑﻪ ﺍﻧﺘﻲ ﻣﺮﺕ ﻛﻤﻴﻞ ﻭﺗﺪﻟﻠﻴﻦ
ﻛﻠﺖ ﻟﺮﻭﺣﻲ ﻛﻠﻬﻢ ﻳﺤﺘﺮﻣﻮﻧﻲ ﻟﺨﺎﻃﺮ ﻛﻤﻴﻞ
ﻏﻴﺮ ﻟﻮﺗﻲ ﻣﻤﺒﻘﻲ ﺍﺣﺪ ﻣﻤﺴﺎﻋﺪﺓ ﻭﻛﺎﺳﺮ ﻋﻴﻨﻪ
ﻫﻮ ﻳﺴﻮﻱ ﻫﻴﺞ ﺣﺘﻰ ﻳﻈﻠﻮﻥ ﺗﺤﺖ ﺃﻣﺮﺓ
... ﺍﻱ ﺻﺤﻴﺢ ﻛﻤﻴﻞ
ﺿﺤﻚ ﻭﻛﻠﻲ
..... ﺍﻟﻠﻪ ﻛﺮﻳﻢ ﺑﻨﺘﻲ
ﻫﺰﻳﺖ ﺭﺍﺳﻲ ﻭﺑﻘﻰ ﺍﻟﺮﺟﺎﻝ ﻳﻔﺘﺮ
ﻟﺤﺪ ﻣﺎﺷﺎﻑ ﺻﺎﻟﻮﻥ ﺻﺎﺣﺖ ﺍﻡ ﻳﺎﺳﻴﻦ
... ﺍﻱ ﻫﻨﺎ ﺍﻭﻛﻒ ﻓﻴﺼﻞ
ﻛﻠﻠﻬﺎ
....ﻫﺬﺍ ﺧﻮﺵ
.....ﻭﺍﻟﻠﻪ ﻓﻴﺼﻞ ﺷﻤﺪﺭﻳﻨﻲ ﻫﻲ ﻟﻮ ﺍﻟﻴﻮﻡ ﺑﺎﻥ ﻃﺎﻟﻌﻪ ﺣﻠﻮﺓ ﻭﺗﺨﺒﻞ
ﻟﻮ ﻃﺎﻟﻌﻪ ﻣﻦ ﻫﻨﺎ ﻛﺮﻋﻪ ﻫﻬﻬﻬﻬﻪ
ﻛﺘﻠﻬﺎ
...ﻻﻓﺪﻭﺓ ﻟﺘﺨﻮﻓﻴﻨﻲ ﺗﺮﺓ ﻣﺎﺍﻧﺰﻝ
.... ﻫﻬﻬﻪ ﻳﻠﻪ
ﻧﺰﻟﺖ ﻭﻛﺘﻠﻪ ﻟﻔﻴﺼﻞ
.... ﺗﺒﻘﻲ ﻳﻮﺳﻒ ﻳﻤﻚ
.... ﻛﺎﻝ ﺍﻱ ﺑﻌﻴﻨﻲ
...ﺗﺴﻠﻢ ﻋﻴﻨﻚ
ﻣﺸﻴﺖ ﻭﻛﻤﺸﺖ ﺍﻡ ﻳﺎﺳﻴﻦ ﻣﻦ ﻳﺪﻫﺎ ﻭﺩﺧﻠﻨﺎ ﻟﻠﺼﺎﻟﻮﻥ
ﻭﺗﻠﻜﺘﻨﻪ ﻭﺣﺪﺓ ﺷﻠﻮﻥ ﻻﺑﺴﻪ ﻟﺒﺲ
ﻭﻛﺎﻟﺖ ﺍﻱ ﺗﻔﻀﻠﻮ
ﺍﻡ ﻳﺎﺳﻴﻦ ﻛﺎﻟﺘﻠﻬﺎ
... ﺩﺷﻮﻓﻴﻦ ﻫﺎﻱ ﺍﻟﺤﻠﻮﺓ ﺗﺮﻳﺪ ﺗﻐﻴﺮ ﻟﻮﻥ ﺷﻌﺮﻫﺎ ﻳﻌﻨﻲ ﺗﺮﺗﺒﻴﻬﺎ
ﺑﺎﻋﺘﻨﻲ ﻛﺎﻟﺘﻠﻲ
... ﻭﻟﻮ ﺍﻧﺘﻲ ﻣﺎﺷﺎﺀﺍﻟﻠﻪ ﻋﻠﻴﺞ ﺑﺲ ﺭﺍﺡ ﺍﻏﻴﺮ ﺷﻜﻠﺞ ﻻﻥ ﻟﻮﻥ ﺍﻟﺸﻌﺮ
ﻳﻐﻴﺮ ﺍﻟﺸﻜﻞ ﻫﻮﺍﻳﻪ
ﺑﻘﺖ ﺍﺩﻛﻠﺐ ﺑﺎﻻﻟﻮﺍﻥ
ﻭﻛﺎﻟﺘﻠﻲ ﻫﺬﺍ ﺍﻟﻠﻮﻥ ﺣﻠﻮ
ﺑﺎﻭﻋﺘﻪ ﻛﺘﻠﻬﺎ ﺍﻱ ﺣﻠﻮ
ﻛﻠﺘﻠﻬﺎ ﻻﺍﻡ ﻳﺎﺳﻴﻦ
... ﻫﺎ ﺷﺪﻛﻮﻟﻴﻦ
... ﺍﻱ ﺣﻠﻮ ﻭﺍﻟﻠﻪ
.... ﺍﻭﻛﻲ ﻟﻌﺪ ﻧﺒﺪﻱ
ﻛﺘﻠﻬﺎ
... ﺍﺑﺪﻱ
ﻛﻠﺘﻠﻲ
.. ﺩﻛﺼﻴﻦ ﺷﻌﺮﺝ ﻫﻢ
ﻛﺘﻠﻬﺎ
... ﻻﻋﻔﻴﻪ ﻃﻮﻳﻞ ﻣﺎﺍﺭﻳﺪ ﺍﻛﺼﻪ
.... ﻻﻣﻮﻫﻮﺍﻳﻪ ﺑﺲ ﻧﺴﻮﻱ ﺑﻲ ﺣﺮﻛﻪ ﻳﻌﻨﻲ ﻳﺼﻴﺮ ﺷﻜﻠﻪ ﺍﺣﻠﻰ
... ﻳﻠﻪ ﻋﻠﻰ ﻣﺴﺆﻭﻟﻴﺘﺞ
ﺑﺪﺕ ﺗﺸﺘﻐﻞ ﺑﺸﻌﺮﻱ ﻭﺟﻨﺖ ﺍﺑﺎﻭﻉ ﻫﺎﻱ ﺍﻟﻨﺴﻮﺍﻥ ﻃﺎﺑﺎﺕ ﻭﻃﺎﻟﻌﺎﺕ
ﻭﺍﻡ ﻳﺎﺳﻴﻦ ﺗﺴﻮﻟﻒ ﻭﻳﺎﻫﺎﻱ ﻭﻳﺎﻫﺎﻱ
ﻭﻣﺎﺑﻘﺖ ﻭﺣﺪﺓ ﺑﺎﻟﺼﺎﻟﻮﻥ ﻣﺎﺣﺠﺖ ﻭﻳﺎﻫﺎ
ﻭﺗﻀﺤﻚ
ﻭﺑﻌﺪﻫﺎ ﻏﺴﻠﺘﻠﻲ ﺷﻌﺮﻱ
ﻭﻛﺎﻣﺖ ﺷﺴﻮﺭﺓ
ﻭﻣﻦ ﺧﻠﺼﺖ ﻛﺎﻟﺘﻠﻲ
...ﺷﻮﻓﻲ
ﺑﻘﻴﺖ ﺍﺑﺎﻭﻉ ﻋﻠﻰ ﺷﻌﺮﻱ ﻭﺍﻛﻤﺸﻪ ﺑﻴﺪﻱ
ﻛﺎﻟﺘﻠﻲ
... ﻫﺎ ﻋﺠﺒﺞ
... ﺍﻱ ﻛﻠﺶ ﺣﻠﻮ ﻋﺎﺷﺖ ﻳﺪﺝ
ﻭﺍﻡ ﻳﺎﺳﻴﻦ ﻛﺎﻟﺖ
.... ﻣﺎﺷﺎﺀﺍﻟﻠﻪ ﻳﻤﻪ ﻫﺴﻪ ﻛﻤﻴﻞ ﻳﺘﺨﺒﻞ ﻫﺎﻱ ﺍﻟﻠﻴﻠﻪ
ﺿﺤﻜﺖ ﻋﻠﻰ ﺳﻮﺍﻟﻔﻬﺎ
ﻭﺟﺎﻧﺖ ﻭﺣﺪﺓ ﻛﺎﻋﺪﺓ
ﻛﺎﻟﺘﻠﻲ
..... ﺣﺒﻴﺒﺘﻲ ﺍﻧﺘﻲ ﺣﻠﻮﺓ ﺑﺲ ﺷﻌﺮﺝ ﺻﺎﺭ ﻓﺪﺷﻲ
..... ﺗﺴﻠﻤﻴﻦ ﻋﻴﻮﻧﻲ
ﻭﺩﻓﻌﺖ ﺍﺍﻟﻔﻠﻮﺱ ﻭﻃﻠﻌﺖ
ﻣﻦ ﺍﻟﺼﺎﻟﻮﻥ ﺟﺎﻧﻦ ﺑﺼﻔﻪ
ﻣﺤﻼﺕ ﻣﺎﻝ ﻣﻼﺑﺲ
ﺩﺧﻠﺖ ﻭﺍﺷﺘﺮﻳﺖ ﻣﻼﺑﺲ ﻫﻮﺍﻳﻪ
ﻣﺜﻞ ﺍﻟﻤﺸﺎﻳﻔﻪ
ﻭﺍﺷﺘﺮﻳﺖ ﻟﻴﻮﺳﻒ
ﻭﺍﺷﺘﺮﻳﺖ ﻣﻜﻴﺎﺝ ﻭﻟﻮ ﻣﻮًﻫﻠﻜﺪ ﺍﻋﺮﻑ ﺍﺧﻠﻲ ﺑﺲ ﻻﺯﻡ ﺍﺗﻌﻠﻢ
ﺣﺘﻰ ﺍﻏﺚ ﻛﻤﻴﻞ
ﻭﻟﻤﻦ ﻛﻤﻠﺖ ﻭﻃﻠﻌﺖ ﻣﻦ ﺍﻟﻤﺤﻞ
ﺑﻘﻴﺖ ﺍﺭﻳﺪ ﺍﺷﻮﻑ ﻓﻴﺼﻞ
ﻟﺤﺪ ﻣﺎﺷﻔﺘﻪ
ﻭﺍﺷﺮﺗﻠﻪ ﻭﺍﻟﺘﺎﻑ ﻭﻛﻒ ﻛﺪﺍﻣﻨﺎ ﻭﺻﻌﺪﻧﺎ
ﻭﺭﺟﻌﻨﺎ ﻟﻠﺒﻴﺖ
ﻭﻟﻤﻦ ﺩﺧﻠﺖ ﻟﻠﺒﻴﺖ ﻣﺠﺎﻥ ﻛﻤﻴﻞ ﻣﻮﺟﻮﺩ
ﻭﻇﻞ ﻟﻠﻴﻞ ﻳﻠﻪ ﺭﺟﻊ
ﻭﺍﻧﻲ ﺑﻘﻴﺖ ﺑﺎﻟﻐﺮﻓﻪ ﻣﺎﻗﺒﻠﺖ ﺍﻃﻠﻊ
ﻭﺛﺎﻧﻲ ﻳﻮﻡ ﻫﻢ ﻃﻠﻊ ﻣﻦ ﺍﻟﺼﺒﺢ
ﻭﻣﻦ ﺩﺍﺭﺗﺐ ﻏﺮﻓﺘﻲ
ﺟﺘﻨﻲ ﺍﻡ ﻳﺎﺳﻴﻦ ﺑﺴﺮﻋﻪ ﻭﻛﺎﻟﺘﻠﻲ
....ﻟﺤﻜﻲ ﻋﻠﻰ ﻧﻔﺴﺞ
... ﺷﻨﻮ
.. ﻓﻴﺼﻞ ﻛﺎﻝ ﻛﻤﻴﻞ ﻛﺎﻳﻠﻪ ﻟﻴﻮﻡ ﻋﺪﻧﻪ
ﺧﻄﺎﺭ
ﻭﺑﻜﺖ ﻟِﺴَﺎﻥ ﻓﻴﺼﻞ ﻭﻛﻠﻲ ﻫﺎﻱ ﺍﻟﺒﻨﻴﻪ ﺍﻟﻲ ﺧﺎﻃﺒﻬﺎ ﻛﻤﻴﻞ
ﺭﺟﻠﻲ ﻣﺎﺷﺎﻟﺘﻨﻲ ﻭﻛﻌﺪﺕ
ﻭﺑﺎﻟﻲ ﺭﺍﺡ ﺑﺪﻧﻴﺎ ﺳﻮﺩﺓ ﻭﺣﻆ ﻣﺎﻳﻞ
....ﺷﺴﻮﻱ
....ﻣﻨﻮ ﺍﺣﻖ ﺑﻲ ﺍﻧﺘﻲ ﻟﻮ ﻫﻲ
ﺑﻘﻴﺖ ﺍﺑﺎﻭﻉ ﻋﻠﻴﻬﺎ ﻭﻣﺠﺎﻥ ﻋﻨﺪﻱ ﺟﻮﺍﺏ
ﻭﺗﺮﻛﺘﻨﻲ ﻭﻃﻠﻌﺖ
ﻓﻜﺮﺕ ﻭﻛﻠﺖ
)) ﺍﻟﻤﻮﺿﻮﻉ ﻣﻮ ﺭﺟﺎﻝ ﻋﺎﻓﻨﻲ ﻋﻠﻤﻮﺩ ﻭﺣﺪﺓ ﻳﺤﺒﻬﺎ ﺍﻟﻤﻮﺿﻮﻉ
ﻛﺮﺍﻣﻪ ﻟﻤﻦ ﺍﻟﻤﺮﺃﺓ ﺗﻨﺰﻝ ﻟﻤﻌﺘﺮﻙ ﺍﻟﺤﻴﺎﺓ ﻭﺗﺸﺘﻐﻞ
ﻭﺗﺸﻮﻑ ﻧﻈﺮﺍﺕ ﺍﻟﻲ ﻳﺒﺎﻭﻋﻮﻫﺎ ﻭﻛﻞ ﻧﻈﺮﺓ ﺗﺘﻤﻨﻰ ﺗﻨﻬﺶ ﺑﻠﺤﻤﻬﺎ
ﺷﻮﻳﻪ ﻭﺑﺮﻏﻢ ﻫﺬﺍ ﺗﺴﺘﻤﺮ ﻳﻤﻜﻦ ﺗﻀﻌﻒ ﻻﻥ ﻫﻲ ﻣﺮﺍﺓ
ﻭﻛﻠﺒﻬﺎ ﻳﺼﻴﺮ ﺭﺟﻴﺞ
ﺑﺲ ﺭﺍﺡ ﺗﺘﺤﺪﻯ ﻭﺗﻮﻛﻒ ﻭﺗﻘﺎﻭﻡ
ﺍﻟﺘﺤﺪﻱ ﺇﻟﻲّ ﺍﺗﺠﺎﺓ ﻛﻤﻴﻞ ﻏﺮﻳﺐ
ﻳﻤﻜﻦ ﺍﺟﻴﺖ ﻳﻤﻪ ﻭﺣﺒﻴﺖ ﺍﺭﺩ ﻛﻞ ﺍﻟﻲ ﻋﺸﺘﻪ
ﺍﻧﻲ ﻧﻜﺴﺮﺕ ﻭﻧﺬﻟﺒﺖ ﻭﻫﻮﺍﻳﻪ ﻭﺗﺒﻌﺖ
ﻳﻌﻨﻲ ﻣﺜﻼ
ﻣﺎﺩﺭﻱ ﻟﻴﺶ ﺳﻮﻳﺖ ﺷﻌﺮﻱ ﻫﻴﺞ
ﻭﺍﺷﺘﺮﻳﺖ ﻣﻼﺑﺲ
ﻣﺤﺎﺑﺘﻬﺎ ﻭﻗﺒﻞ ﻛﻌﺪﺕ ﺍﻗﺮﺃ ﻛﺘﺐ ﺣﺘﻰ ﺍﺗﻐﻴﺮ
ﻫﺬﺍ ﻛﻠﻪ ﺗﺤﺪﻱ
ﺍﻧﻲ ﺍﻋﺮﻑ ﻣﺮﺍﺡ ﺍﻋﻴﺶ ﻭﻳﺎﻛﻤﻴﻞ ﻻﻥ ﺭﺍﺡ ﻳﺒﻘﻰ ﻳﺸﻮﻓﻨﻲ ﺍﻗﻞ ﻣﻨﻪ
ﻭﻳﻤﻜﻦ ﺳﺎﻋﺪﻧﻲ ﺑﺲ ﻣﺎﻛﺪﺭ ﻳﺴﺎﻣﺤﻨﻲ ﻋﻠﻰ ﺯﻟﻪ
ﻭﺣﺪﺓ
ﻭﺍﻋﺮﻑ ﺍﻭﻝ ﻭﺗﺎﻟﻲ ﺍﺭﺟﻊ ﻣﻦ ﻭﻳﻦ ﻣﺎﺑﺪﻳﺖ ﻻﻥ
ﺍﻧﻲ ﻣﻮﻟﻌﺒﻪ ﺍﻧﻲ ﺍﻧﺴﺎﻧﻪ ﺍﺣﺲ ﻭﺍﺗﺄﻟﻢ
ﻭﺍﻏﺎﺭ ﻭﺍﺣﺐ ﺑﺲ ﻋﻴﺒﻲ ﻛﻠﺒﻲ ﺍﻟﻲ ﻳﺤﺐ ﺑﻘﻮﺓ ﻭﻳﻨﺠﺮﺡ ﻭﻳﺘﺄﺫﻱ
ﺍﺿﻌﺎﻑ ﺣﺒﻪ (( ؛
ﻫﺬﺍ ﻛﺎﻥ ﺍﻟﻜﻼﻡ ﻭﻳﺎﻧﻔﺴﻲ ﻭﻫﺎﻱ ﺍﺧﺮ ﻓﺮﺻﻪ ﺍﻧﻄﻴﻬﺎ ﻟﻨﻔﺴﻲ ﻭﺑﻌﺪﻫﺎ
ﺍﻛﻠﺐ
ﻫﺎﻱ ﺍﻟﺼﻔﺤﻪ ﻣﻦ ﺣﻴﺎﺗﻲ
ﺍﺧﺬﺕ ﻣﻨﺸﻔﺘﻨﻲ ﻭﺩﺧﻠﺖ ﻟﻠﺤﻤﺎﻡ ﻭﻏﺴﻠﺖ ﻭﻃﻠﻌﺖ ﻧﺸﻔﺖ ﺷﻌﺮﻱ
ﻭﺑﻘﻴﺖ ﺍﻣﺸﻂ ﺑﻲ
ﻭﺍﻧﻲ ﺻﺎﻓﻨﻪ
ﻭﺟﺘﻲ ﺍﻡ ﻳﺎﺳﻴﻦ
ﻛﺎﻟﺘﻠﻲ
..... ﺑﺪﻟﻲ ﻭﺗﻤﻜﻴﺠﻲ ﻭﻃﻠﻌﻲ ﻛﻌﺪﻱ ﻋﻠﻰ ﺍﺧﻮﺍﻧﻴﻜﻬﻢ
.... ﻻ ﻣﺎﺍﻃﻠﻊ
... ﻇﻠﻲ ﻟﺤﺪ ﻣﻴﺮﻭﺡ ﻣﻦ ﻳﺪﺝ
ﻓﻜﺮﺕ ﺑﻜﻼﻣﻬﺎ ﻭﻛﻠﺖ ﻟﻴﺶ ﻣﺎﺍﺳﻮﻱ ﻫﻴﺠﻲ
ﺷﻨﻮ ﺍﻟﻲ ﺭﺍﺡ ﻳﺼﻴﺮ
ﻓﺘﺤﺖ ﻛﻨﺘﻮﺭﻱ ﻭﺑﻘﻴﺖ ﺍﺑﺎﻉ ﺍﻟﻤﻼﺑﺲ ﺍﻟﻲ ﺍﺷﺘﺮﻳﺘﻬﻦ
ﻭﺟﺎﻧﻦ ﻛﻠﻬﻦ ﺍﻟﻮﺍﻥ
ﺭﺟﻌﺖ ﻟﺒﻮﺭﺓ ﻭﺑﻘﻴﺖ ﺍﺑﺎﻉ
ﻭﻣﺎﻋﺮﻓﺖ ﺷﺎﺍﺧﺘﺎﺭ
ﻓﺘﺤﺖ ﺑﺎﺏ ﺍﻟﻐﺮﻓﻪ ﻭﺻﺤﺖ
ﺍﻡ ﻳﺎﺳﻴﻦ ﺍﺟﺘﻲ ﻭﺻﻮﺕ ﺭﺟﻠﻬﺎ
ﻭﻛﻔﺖ ﺑﺎﻟﺒﺎﺏ ﻛﺎﻟﺘﻠﻲ
... ﺷﻜﻮ ﻣﺎﺑﻴﻪ ﺣﻴﻞ ﺍﺭﻭﺡ ﻭﺍﺟﻲ
.....ﺗﻌﺎﻱ ﺷﻮﻓﻲ ﺷﺎﺍﻟﺒﺲ ﻣﺪﺍﻋﺮﻑ ﺍﺧﺘﺎﺭ ﺍﺣﺘﺎﺭﻳﺖ
... ﻳﻠﻪ ﺑﻠﻪ ﻫﺎﻱ ﺣﺠﺎﻳﻪ ﻣﻮﺍﻧﺘﻲ ﺍﺧﺘﺎﺭﻳﺘﻴﻬﻦ ﺑﺎﻟﻤﺤﻞ
... ﺍﻱ ﺍﻋﺮﻑ ﺑﺲ ﻣﺪﺍﻋﺮﻑ ﺷﺎﺍﻟﺒﺲ ﻫﺴﻪ
... ﻫﺎﺍﻓﺘﻬﻤﺘﺞ ﺗﺮﻳﺪﻳﻦ ﺍﺿﻮﺟﻴﻬﻢ ﻫﻬﻬﻬﻪ
...... ﻳﻌﻨﻲ ﻫﻴﺞ ﺷﻲ
.... ﻫﻬﻬﻬﻪ ﺧﻠﻲ ﻧﺸﻮﻑ
ﺑﻘﺖ ﺗﺒﺎﻭﻉ ﻭﻃﻠﻌﺘﻠﻲ ﺗﻨﻮﺭﺓ ﺭﺻﺎﺻﻴﻪ ﻭﻫﺎﻱ ﻫﻲ ﺍﺧﺘﺎﺭﺗﻬﺎ
ﻭﻃﻠﻌﺖ ﻗﻤﻴﺺ ﻛﺼﻴﺮ ﻟﻮﻧﻪ ﻭﺭﺩﻱ ﻓﺎﺗﺢ ﻛﻠﺶ
ﻛﺘﻠﻬﺎ
... ﺍﻡ ﻳﺎﺳﻴﻦ ﻫﺬﺍ ﻣﺎﻛﺪﺭﺗﻪ ﺑﺎﻟﻤﺤﻞ ﺧﺎﻑ ﺍﺻﻐﻴﺮ
...... ﺩﻟﺒﺴﻲ ﻭﺷﻮﻓﻴﻨﻲ
ﺭﺍﺣﺖ ﻭﺍﻧﻲ ﻟﺒﺴﺖ ﺍﻟﺘﻨﻮﺭﺓ ﻭﻟﺒﺴﺖ ﺍﻟﻘﻤﻴﺺ
ﺟﺎﻥ ﺣﻠﻮ ﺑﺲ ﻛﻠﺶ ﺿﻴﻖ ﻋﻠﻴﻪ
ﺭﺣﺖ ﻋﻠﻰ ﺍﻡ ﻳﺎﺳﻴﻦ ﺑﺎﻟﻤﻄﺒﺦ
ﻛﺘﻠﻬﺎ
....ﺷﻮﻓﻲ
... ﺍﻟﻠﻪ ﺷﻠﻮﻧﻪ ﺫﻭﻗﻲ
ﻛﺘﻠﻬﺎ
.... ﺻﻐﻴﺮ ﻛﻠﺶ
.... ﺩﺭﺑﺎﻟﺞ ﺗﻨﺰﻋﻲ ﻫﻮ ﻫﻴﺠﻲ ﻭﺍﻧﺖ ﺑﺎﻟﺒﻴﺖ ﻣﻄﺎﻟﻌﻪ ﺑﺮﺓ ﺍﻟﺒﻴﺖ
....ﻣﺎﻣﺮﺗﺎﺣﻪ
..... ﺑﻜﻴﻔﺞ
ﺑﻘﻴﺖ ﻭﺍﻛﻔﻪ ﻭﺍﻡ ﻳﺎﺳﻴﻦ ﺗﺒﺎﻭﻉ ﻭﺗﻀﺤﻚ
....ﻭﺍﻟﻠﻪ ﺍﻧﺘﻲ ﺧﺒﻠﺘﻴﻨﻲ
....ﺍﻧﻲ ﺧﺒﻠﺘﺞ ﻟﻮ ﻛﻤﻴﻞ
.....ﻭﺍﻟﻠﻪ ﺍﻟﺪﻧﻴﺎﺧﺒﻠﺘﻨﻲ
ﺭﺟﻌﺖ ﻟﻐﺮﻓﺘﻲ ﻭﻛﻤﻠﺖ ﻭﻣﻜﻴﺠﺖ ﻭﺧﻠﻴﺖ ﺣﻤﺮﺓ
ﻭﻃﻠﻌﺖ ﻛﻌﺪﺕ ﺍﺳﻮﻟﻒ ﻭﻳﺎﺍﻡ ﻳﺎﺳﻴﻦ
ﻭﺻﺎﺭﺕ ﺳﺎﻋﻪ ﺏ 8 ﺍﻟﻤﻐﺮﺏ
ﻭﺍﺟﻰ ﻛﻤﻴﻞ ﻭﺳﻤﻌﺖ ﺻﻮﺕ ﻭﻳﺎﻩ ﺟﺎﻥ ﺻﻮﺕ ﺑﻨﻴﻪ
ﺍﻧﻲ ﺑﻘﻴﺖ ﺑﻤﻜﺎﻧﻲ ﻭﺳﻮﻳﺖ ﻧﻔﺴﻲ ﻭﻻﻳﻤﻲ ﺍﻟﻤﻮﺿﻮﻉ ﻭﻻﻫﺎﻣﻨﻲ
ﺍﻡ ﻳﺎﺳﻴﻦ ﻛﺎﻟﺖ
... ﺩﺧﻞ ﻟﻠﺼﺎﻟﻪ
ﺑﻌﺪﻳﻦ ﺳﻤﻌﺖ ﺻﻮﺕ ﺧﻄﻮﺍﺕ ﺑﺎﺍﺗﺠﺎﺓ ﺍﻟﻤﻄﺒﺦ ﻭﻛﻒ ﻭﺟﺎﻥ ﻇﻬﺮﻱ
ﻋﻠﻴﻪ
ﻭﻫﻮ ﺍﻭﻝ ﻣﺎﺩﺧﻞ ﺳﻜﺖ ﺑﻌﺪﻫﺎ
ﻛﺎﻝ ﻻﺍﻡ ﻳﺎﺳﻴﻦ
... ﺳﻮﻳﺘﻲ ﻋﺸﻪ
.... ﺍﻱ ﺳﻮﻳﺖ ﻭﻓﻴﺼﻞ ﻫﻢ ﺟﺎﺏ ﺍﻛﻞ
... ﺍﻱ ﺯﻳﻦ ﻟﻌﺪ ﻗﺪﻣﻲ ﺷﻲ ﺩﺍﺭﻳﺪ ﺍﺻﻌﺪ ﺍﻏﺴﻞ ﻭﺍﺑﺪﻝ ﻫﺪﻭﻣﻲ
... ﺍﻱ ﻋﻴﻨﻲ ﺑﺮﺍﺣﺘﻚ
ﻭﺭﺍﺡ ﻭﺳﻤﻌﺖ ﺻﻮﺕ ﺍﻟﺪﺭﺝ
ﻛﻠﺘﻠﻲ
...ﻣﻦ ﺷﺎﻓﺞ ﺑﻘﻰ ﺳﺎﻛﺖ ﻋﺒﺎﻟﻪ ﺗﻨﺪﺍﺭﻳﻦ
.... ﻭﻟﻴﺶ ﺍﻧﺪﺍﺭ
ﺑﻘﻴﺖ ﺍﻟﻮﺏ ﺑﺲ ﺍﺭﻳﺪ ﺍﺭﻭﺡ ﺍﺷﻮﻑ ﺍﻟﻲ ﺟﺎﺑﻬﺎ ﺷﻠﻮﻥ ﺷﻜﻠﻬﺎ
ﺑﺲ ﻛﻤﺸﺖ ﻧﻔﺴﻲ ﻭﻛﻠﺖ ﻻﺯﻡ ﺍﻛﻤﺶ ﻟﺴﺎﻧﻲ ﻫﻢ ﺷﻮﻳﻪ
ﺑﻘﻴﺖ ﻛﺎﻋﺪﺓ ﻭﺍﻫﺰ ﺑﺮﺟﻠﻲ ﻭﻣﺘﻮﺗﺮﺓ
ﻭﻛﻠﺒﻲ ﻣﺎﺩﺭﻱ ﺷﺒﻴﻬﺎ ﺩﻛﺎﺗﻪ
ﻭﺭﺍ ﺷﻮﻳﻪ ﺳﻤﻌﺖ
ﻳﻮﺳﻒ ﻳﺼﻴﺢ
... ﻣﺎﻣﺎ ﻣﺎﻣﺎ ﻣﺎﻣﺎ
ﻫﺮﺝ ﺍﻟﺪﻧﻴﺎ ﻫﺮﺝ
ﻛﺘﻠﻪ
.... ﻫﺎ ﺣﺒﻴﺒﻲ
ﻭﻛﻤﺖ ﺭﺣﺘﻠﻪ ﻫﺪﻭﻣﻪ ﺗﺮﺍﺏ ﻭﺟﻪ ﻭﺳﺦ
.... ﻫﺎﻱ ﺷﻨﻮ ﺍﺑﻨﻲ
ﺗﻌﺎﻝ
ﻭﺳﻤﻌﺖ ﺻﻮﺕ ﺍﻟﺪﺭﺝ
ﻭﻋﺮﻓﺖ ﻛﻤﻴﻞ ﻧﺰﻝ ﺑﺎﻭﻋﺖ ﻋﻠﻴﻪ ﻭﺩﺭﺕ ﻭﺟﻬﻲ
ﻛﻠﻲ
.....ﺗﻌﺎﻱ ﺗﻌﺎﻱ ﺗﻌﺎﻱ ﻫﻨﺎ
.... ﻫﺎ
ﺑﺎﻭﻉ ﺑﻮﺟﻬﻲ ﻭﻋﺾ ﺷﻔﺘﻪ ﻭﻋﻮﺝ ﺣﻠﻜﻪ 😒
..... ﻫﺎﻱ ﺷﻨﻮ
.... ﺷﻨﻮ
.... ﺷﻨﻮ ﻫﺬﺍ ﻟﺒﺴﺞ ﺍﻧﺘﺒﻬﺘﻲ ﻋﻠﻰ ﺟﺴﻤﺞ
.... ﺷﺒﻲ
.... ﻣﺪﺷﻮﻓﻲ ﺿﻴﻖ
... ﻻﻋﺎﺩﻱ
.... ﺑﺪﻟﻲ ﺑﺴﺮﻋﻪ
..... ﻻ
..... ﺑﺪﻟﻲ ﻛﺘﻠﺞ
... ﻟﻴﺶ ﻣﺤﻠﻮﻭﻭﻭ ﻋﻠﻴﻪ
... ﻻ ﻣﺤﻠﻮﻭﻭ
.... ﻟﻌﺪ ﻋﺠﺒﻨﻲ ﻭﺍﻡ ﻳﺎﺳﻴﻦ ﻫﻢ ﻛﺎﻟﺖ ﻃﺎﻟﻊ ﺣﻠﻮ ﻋﻠﻴﺞ
.... ﻣﻌﻠﻴﻪ ﺍﻧﻲ ﺑﻔﻼﻥ ﻭﻋﻼﻥ ﺍﺣﺠﻲ ﺣﺠﺎﻳﻪ ﺧﻠﺺ
.... ﻻ ﺍﻧﻲ ﻋﺎﺟﺒﻨﻲ ﻭﺍﻧﺖ ﺷﻨﻮ ﺩﺧﻠﻚ ﻣﻮﻛﻠﺘﻠﻲ
ﺍﻧﺘﻲ ﺿﻴﻔﻪ
.... ﺍﺣﺐ ﺍﻟﻀﻴﻮﻑ ﺍﻟﻤﺤﺘﺮﻣﻴﻦ
ﺭﻓﻌﺖ ﺍﺻﺒﻌﻲ ﺑﻮﺟﻪ ﻣﺜﻞ ﻣﺎﻫﻮ ﻳﺴﻮﻱ ﻣﻦ ﻳﺼﻴﺮ ﻋﺼﺒﻲ ﻭﻛﺘﻠﻪ
.... ﺩﺭﺑﺎﻟﻚ ﺍﻧﻲ ﻣﺤﺘﺮﻣﻪ ﺯﻳﻦ
... ﺯﻳﻦ ﻟﻌﺪ
ﻭﺩﺍﺭ ﻭﺟﻪ ﺑﻌﺼﺒﻴﻪ ﻭﺭﺍﺡ
ﻭﺭﺣﺖ ﻏﺴﻠﺖ ﻟﻴﻮﺳﻒ ﻭﺑﺪﻟﺘﻠﻪ
ﻭﺟﺎﻧﺖ ﺍﻡ ﻳﺎﺳﻴﻦ ﻫﺴﻪ ﺭﺍﺟﻌﻪ ﻣﻦ ﺍﻟﺼﺎﻟﻪ
ﻛﺘﻠﻬﺎ
.... ﻫﺎ
ﺑﻘﺖ ﺗﻔﺮ ﺣﻠﻜﻬﺎ ﻣﻨﺎ ﻭﻣﻨﺎ ﻭﺗﻠﻌﺐ ﺣﻮﺍﺟﺒﻬﺎ
.... ﺷﻜﻮ ﺍﺣﺠﻲ
.... ﻣﺒﻴﻨﻪ ﻫﺎﻱ ﻗﻮﻳﻪ ﻭﺣﻠﻮﺓ ﻫﻢ
.... ﺻﺪﻙ
.. ﺃﻱ
... ﻫﺎ
.... ﻟﻌﺪ ﻣﺮﺍﺡ ﺗﻔﻮﺗﻴﻦ ﺟﻮﺓ
...ﺷﻜﻠﻠﻬﻢ
... ﺗﺴﻠﻤﻴﻦ ﻭﻃﻠﻌﻴﻦ
... ﻻ ﻣﻮﻗﻔﻲ ﻣﺤﻠﻮﻭ
... ﻟﻌﺪ ﻫﺴﻪ ﻣﻮﻗﻔﺞ ﺣﻠﻮﻭﻭﻭ
... ﻣﺎﺩﺭﻱ
ﺑﻘﻴﺖ ﻛﺎﻋﺪﺓ ﻟﺤﺪ
ﻣﺎﺭﺟﻊ ﻛﻤﻴﻞ ﻭﺣﺠﻲ ﻭﻳﺎ ﺍﻡ ﻳﺎﺳﻴﻦ
ﻭﺧﺰﺭﻧﻲ ﻭﺭﺍﺡ
ﻭﺭﺣﺖ ﻭﺭﺍ
ﻭﺻﺤﺘﻪ
.... ﻛﻤﻴﻞ
...ﺷﺘﺮﻳﺪﻳﻦ
.... ﻣﺮﺍﺡ ﺗﻌﺮﻑ ﺿﻴﻮﻓﻚ ﻋﻠﻰ ﻣﺮﺗﻚ
.... ﻻ
.... ﻟﻴﺶ ﺗﺴﺘﻌﺮ ﻣﻨﻲ
...ﺗﻌﺎﻱ
ﺧﻄﻮﺍﺗﻲ ﻛﻠﺶ ﺛﻜﻴﻠﻪ ﺻﺎﺭﺕ ﻭﻣﻦ ﺻﺮﺕ ﻗﺮﻳﺒﻪ ﻣﻦ
ﺑﺎﺏ ﺍﻟﺼﺎﻟﻪ ﻭﻛﻔﺖ
ﻛﻠﻲ
.... ﻫﺎ ﻣﺪﺧﻠﻴﻦ
.... ﻻﺍﺩﺧﻞ
ﺩﺧﻞ ﻛﺪﺍﻣﻲ ﻭﻛﻒ
ﻭﺩﺧﻠﺖ ﻭﻛﻔﺖ ﺑﺼﻔﻪ
ﻭﺑﺎﻭﻋﺖ ﻛﺪﺍﻣﻲ
ﺟﺎﻧﺖ ﺍﻛﻮ ﻣﺮﺓ ﺟﺒﻴﺮﺓ ﻭﺑﻨﺎﺕ ﺍﺛﻨﻴﻦ
ﻛﺎﻝ
..... ﺍﻗﺪﻣﻠﻜﻢ ﺍﻡ ﻳﻮﺳﻒ
ﻭﻛﻠﻲ
.... ﺍﻗﺪﻣﻠﺞ ﺷﻴﺮﻳﻦ
ﺍﺑﺘﺴﻤﺖ ﻭﺍﻧﻲ ﺍﺑﺎﻉ ﺑﻌﻴﻮﻧﻪ ﺑﺲ ﺑﻜﻠﺒﻲ ﻧﺎﺭ
ﺑﺎﻭﻋﺖ ﻋﻠﻴﻬﺎ ﺟﺎﻧﺖ ﺣﻠﻮﺓ ﻭﺻﻐﻴﺮﺓ ﻭﻻﺑﺴﻪ
ﻟﺒﺲ ﻛﻠﺶ ﺿﻴﻖ ﺑﺲ ﺍﻧﻲ ﻛﺎﻣﺸﻨﻲ
ﻟﻴﺶ ﻻﺑﺴﻪ ﻫﻴﺞ
ﻛﺘﻠﻬﺎ
.... ﺍﻫﻼ
ﺭﺩﺕ
...ﺍﻫﻼﺑﻴﺞ
ﺳﻠﻤﺖ ﻭﻛﺘﻠﻪ ﻟﻜﻤﻴﻞ
....... ﺭﺍﺡ ﺍﺭﻭﺡ
..... ﻟﻴﺶ ﻛﻌﺪﻱ
.... ﺍﻱ ﺍﻛﻌﺪ
ﺍﺷﺮﻟﻲ ﺑﻴﺪﻩ ﻳﻌﻨﻲ ﺍﻣﺸﻲ ﻛﺪﺍﻣﻲ
ﻣﺸﻴﺖ ﻛﺪﺍﻣﻪ ﻭﻛﻌﺪﺕ ﻋﻠﻰ ﺍﻟﺘﺨﻢ ﻭﻫﻮ ﻛﻌﺪ ﻋﻠﻰ ﺍﻟﻜﺮﺳﻲ ﺍﻟﻲ
ﻛﺪﺍﻣﻲ
ﻛﺎﻣﺖ ﺗﺤﺠﻲ ﻫﺎﻱ ﺍﻟﻤﺮﺓ ﺍﻟﺠﺒﻴﺮﺓ
ﻭﺍﻧﻲ ﺳﺎﻛﺘﻪ
ﻭﻛﻤﻴﻞ ﻛﻞ ﺷﻮﻳﻪ ﻭﺍﺷﻮﻑ ﻧﻈﺮﺍﺗﻪ ﻋﻠﻴﻪ
ﻛﺘﻠﻬﻢ
...ﻣﻦ ﺭﺧﺼﺘﻜﻢ
ﻭﻣﻦ ﻛﻤﺖ ﻛﺎﻡ ﻭﺭﺍﻳﻪ ﻛﻤﻴﻞ
ﻭﺻﻠﺖ ﻳﻢ ﺍﻟﺪﺭﺝ
ﻭﺟﺎﻥ ﻳﺠﺮﻧﻲ ﻣﻦ ﻳﺪﻱ
.... ﻛﺘﻠﺞ ﻏﻴﺮﻱ ﻫﺪﻭﻣﺞ ﻣﺎﺍﺭﻳﺪ ﺍﺳﻮﻱ ﻣﺸﻜﻠﻪ
.... ﻟﻴﺶ ﻫﺎﻱ ﺍﻟﻜﺎﻋﺪﺓ ﺟﻮﺓ ﻣﺸﻔﺖ ﺷﻼﺑﺴﻪ
.... ﺍﻧﺘﻲ ﻭﺣﺪ
... ﻟﻴﺶ
.... ﻟﺘﻨﺎﻗﺸﻴﻨﻲ
.... ﺷﺒﻴﻚ ﻛﻤﻴﻞ
... ﻣﺎﺑﻴﻪ ﺑﺲ ﺧﻠﻲ ﻳﺮﻭﺣﻮﻥ ﻭﻧﺘﻔﺎﻫﻢ
... ﻋﻠﻰ ﺷﻨﻮ
..... ﺭﺍﺡ ﺍﺷﻮﻓﺞ ﻣﻦ ﻛﻤﻴﻞ ﻳﻜﻠﺐ ﻋﻠﻰ ﺷﺨﺺ
..... ﻭﺍﻧﺖ ﻛﻠﺒﺖ ﻋﻠﻴﻪ
... ﻭﻛﻞ ﺍﻟﻲ ﺳﻮﻳﺘﻲ ﻣﻤﺄﺛﺮ ﺑﻴﻪ ﺑﻜﺪ ﺍﻟﺸﻌﺮﺍﻳﻪ
ﺿﺤﻜﺖ
.... ﺍﻱ ﺍﻋﺮﻓﻚ ﺟﺒﻞ ﻳﺎﻋﺮﻳﺲ
.....ﻫﻬﻬﻬﻪ ﺍﻱ ﻋﺮﻳﺲ ﻭﺍﻟﻠﻪ ﺍﻟﻨﻔﺴﻴﻪ ﻣﺤﺘﺎﺟﻪ
.... ﺍﻱ
ﻭﺳﺤﺒﺖ ﻳﺪﻱ ﻣﻨﻪ ﻭﺭﺣﺖ ﻟﻠﻐﺮﻓﻪ ﻭﻧﺰﻋﺖ ﻣﻼﺑﺴﻲ
ﻭﻣﺎﻗﺒﻠﺖ ﻻﺍﻛﻞ ﻭﻻﺣﺘﻰ ﺑﻌﺪ ﺭﺩﺕ ﺍﺣﺠﻲ ﻭﻳﺎﺍﺣﺪ
ﻭﺍﻇﺎﻫﺮ ﺻﺪﻙ ﻣﻴﻔﻴﺪ ﺍﻟﻲ ﺍﺳﻮﻱ
ﻭﺑﺪﻳﺖ ﺍﺳﻤﻊ ﺍﺻﻮﺍﺕ ﻭﻛﻼﻡ ﻭﺻﻮﺕ ﺍﻡ ﻳﺎﺳﻴﻦ ﻭﻣﺎﺍﺩﺭﻱ ﻟﺸﻮﻛﺖ
ﻳﻠﻪ ﺭﺍﺣﻮﻭﻭﻭ
ﻭﻛﻔﺖ ﻭﺭﺍ ﺍﻟﺒﺎﺏ
ﻭﺳﻤﻌﺘﻪ ﻳﻜﻠﻠﻬﺎ ﻻﺍﻡ ﻳﺎﺳﻴﻦ
... ﺻﻌﺪﻱ ﻧﺎﻣﻲ ﻭﺣﺠﻰ ﻭﻳﺎ ﻓﻴﺼﻞ
ﻭﻧﻔﺘﺤﺖ ﺍﻟﺒﺎﺏ ﻭﺩﺧﻞ ﺷﺎﻳﻞ ﻳﻮﺳﻒ ﺟﺎﻥ ﻧﺎﻳﻢ
ﺍﻧﻲ ﻭﻻﺍﻫﺘﻤﻴﺖ ﻭﻻﺣﺠﻴﺖ ﻭﻻﺣﺘﻰ ﻛﻤﺖ ﻣﻦ ﻣﻜﺎﻧﻲ
ﺣﻄﻪ ﻋﻠﻰ ﺍﻟﻔﺮﺍﺵ
ﻭﺍﺟﺎﻧﻲ ﻭﻛﻒ ﻛﺪﺍﻣﻲ ﻣﺠﺘﻒ
...ﻛﻮﻣﻲ
.... ﺷﻜﻮ ﻫﺎﻟﻤﺮﺓ ﺷﺴﻮﻳﺖ
ﻭﻛﻤﺶ ﻳﺪﻱ ﻭﺟﺮﻧﻲ ﻗﻮﻱ
ﻛﺘﻠﻪ
..... ﺷﺒﻴﻚ
.... ﺷﺘﺮﻳﺪﻳﻦ ﺍﺳﻮﻳﻦ ﺍﻧﻲ ﺟﺒﺘﺞ ﺑﺲ ﻛﻢ ﻳﻮﻡ ﻭﺗﺮﻭﺣﻴﻦ ﻣﻮ ﻛﻠﻤﺎ
ﺗﺠﻤﻌﻨﻲ ﺍﻻﻳﺎﻡ ﺑﻴﺞ ﺗﺨﺮﺑﻄﻴﻦ ﺣﻴﺎﺗﻲ
.... ﻭﻫﺴﻪ ﺍﻧﻲ ﺷﻤﺴﻮﻳﻪ ﺣﺘﻰ ﻣﺎﻓﺘﺤﺖ ﺣﻠﻜﻲ ﻭﺣﺠﻴﺖ ﺷﻲ
...ﻭﺍﻧﻲ
... ﺍﻧﺖ ﺷﻨﻮ
...ﺍﻧﻲ ﻛﺘﻠﺞ ﻟﻈﻠﻴﻦ ﺗﻐﺮﻳﻨﻲ ﻭﺗﺴﻮﻳﻦ ﻫﺎﻱ ﺷﻐﻼﺗﺞ ﺍﻧﻲ ﻣﺎﺍﺣﺐ
ﻫﺎﻱ ﺍﻷﺳﺎﻟﻴﺐ
ﺍﻟﻲ ﻋﻨﺪﻱ ﺑﻲ ﺭﻏﺒﻪ ﺍﺧﺬﻩ
.... ﺍﻱ ﺍﻋﺮﻑ ﻭﺍﻧﺖ ﻣﺎﻟﻚ ﺭﻏﺒﻪ ﺑﻴﻪ ﺧﻠﺺ ﺍﻓﺘﻬﻤﺖ
... ﺍﻧﺘﻲ ﺗﻌﺒﺘﻴﻨﻲ
ﻭﻛﺎﻡ ﻳﻔﺮﻙ ﺑﺮﺍﺳﻪ ﻭﺧﻠﻪ ﺍﺻﺎﺑﻴﻌﻪ ﺑﻴﻦ ﺷﻌﺮﺓ ﻭﺭﺟﻊ ﻟﻴﻮﺭﺓ
.... ﺍﺷﺘﺎﻗﻴﺖ ﺃﻟﺞ
...ﺍﻧﻲ ﻫﻢ ﺍﺷﺘﺎﻗﻴﺖ ﺍﻟﻚ ﻫﻮﺍﻳﻪ ﻛﻤﻴﻞ
.... ﺟﺬﺍﺑﻪ ﺑﺎﻟﺞ ﻣﻮﻳﻤﻲ ﺍﻧﻲ ﻣﺎﺍﺭﻳﺪﺝ ﺑﺤﻀﻨﻲ ﻭﺑﺎﻟﺞ ﺑﻐﻴﺮ ﻣﻜﺎﻥ
..... ﺍﻧﺖ ﺩﻳﺎﺭﻱ ﻛﻤﻴﻞ
.... ﻧﻮﺑﺎﺕ ﺍﻛﻮ ﺷﻐﻼﺕ ﺗﺒﻘﻰ ﻋﻠﻰ ﺣﻄﺖ ﻳﺪﻧﺎ
ﻭﺍﻧﺘﻲ ﻣﻦ ﺿﻤﻦ ﻫﺎﻱ ﺍﻻﺷﻴﺎﺀ
ﺩﻓﻌﻨﻲ ﺣﻴﻞ ﻭﺗﻐﻴﺮ ﻋﺒﺎﻟﻚ ﻏﻴﺮ ﻭﺍﺣﺪ
ﻭﻛﻠﻲ
.... ﻭﺝ ﺍﻧﻲ ﻛﻤﻴﻞ ﺗﻮﻛﻔﻴﻦ ﺑﻮﺟﻬﻲ ﻭﺩﻛﻮﻟﻴﻠﻲ ﺍﻱ ﺍﺣﺒﻪ
ﻭﺝ ﻟﻮﺍﻣﻮﺕ ﺑﻴﺞ ﻣﺎﺍﺭﻳﺪﺝ ﺑﻌﺪ
ﻭﺝ ﺍﻧﻲ ﻛﻤﻴﻞ ﺗﻌﺮﻓﻴﻦ ﺷﻨﻮ ﻳﻌﻨﻲ
ﺗﺠﻴﻦ ﺍﻧﺘﻲ ﺗﺴﻮﻳﻦ ﻫﻴﺞ ﻭﻳﺎﻳﻪ
ﻋﺒﺎﻟﺞ ﻧﺴﻴﺖ
ﻻﻭﺍﻟﻠﻪ
ﻛﺘﻠﻪ
..... ﻛﺎﻓﻲ ﺗﻌﺒﺖ ﺍﻧﻲ ﻃﻮﻝ ﻫﺎﻱ ﺍﻟﻤﺪﺓ ﺍﻟﻲ ﺭﺣﺘﻬﺎ ﻛﻠﺒﻲ ﻳﻤﻚ ﺑﺲ
ﻣﺎﺭﻳﺪ ﺍﺫﻟﻞ ﻻﺍﺣﺪ ﺑﻌﺪ
.... ﺑﻌﺪﺝ ﺗﺤﺒﻲ ﺷﻜﺪ ﻛﺘﻠﺞ ﻳﺒﻴﻌﺞ ﺑﺲ ﻣﺎﻓﺎﺩ
ﻭﺟﺒﺘﻬﺎ ﻭﻳﺎﺝ ﻣﻦ ﻫﺬﺍﻙ ﺍﻟﻴﻮﻡ ﻟﻬﺬﺍ ﺍﻟﻴﻮﻡ ﻭﺍﻧﺘﻲ
ﺑﺎﻟﺞ ﻭﻻﺑﻤﻲ ﻭﻻﻓﺘﺤﺘﻲ ﻋﻴﻨﺞ ﻭﺑﺎﻭﻋﺘﻲ ﺯﻳﻦ
ﻭﻛﺘﻠﺞ ﺭﺍﺡ ﺍﺧﻠﻲ ﻛﻠﺒﺞ ﻳﺪﻙ ﻟﻜﻤﻴﻞ ﻭﻣﺜﻞ ﻣﺎﺣﺒﻴﺘﻲ ﻟﻬﺬﺍﻙ ﺍﻟﺤﻘﻴﺮ
ﺭﺍﺡ ﺍﺧﻠﻴﺞ ﺗﻜﺮﻫﻲ
ﻭﻫﻢ ﻣﺮﺡ ﺍﺧﻠﻴﺞ ﺗﺮﺗﺎﺣﻴﻦ
ﻭﻣﺒﻴﻦ ﻫﺎﻱ ﻗﺴﻤﺘﺞ ﻭﻳﺎﻧﻪ
..... ﺳﻮﻱ ﺍﻟﻲ ﺗﺮﻳﺪﻩ ﻛﻤﻴﻞ
. ﻛﻤﺸﻨﻲ ﻗﻮﻱ ﻭﻗﺮﺑﻨﻲ ﻣﻨﻪ ﻭﻗﺮﺏ ﺷﻔﺘﻪ ﻣﻨﻲ ﻭﻟﻤﻦ ﻏﻤﻀﺖ ﻋﻴﻨﻲ
ﻭﺣﺴﻴﺖ ﺑﻘﺮﺏ ﺍﻧﻔﺎﺳﻪ ﺳﺤﺐ ﻧﻔﺴﻪ
...... ﻫﻬﻬﻬﻬﻪ
ﻭﻃﻠﻊ ﻣﻦ ﺍﻟﻐﺮﻓﻪ
ﺧﻠﻴﺖ ﻳﺪﻱ ﻋﻠﻰ ﺣﻠﻜﻲ ﻭﺑﻘﻴﺖ ﺍﺑﺠﻲ ﺑﺪﻭﻥ ﺻﻮﺕ
ﺻﺤﻴﺢ
ﺣﺒﻴﺖ ﺳﻌﺪ ﺑﺲ ﻣﺎﻋﺸﺖ ﺍﻟﻲ ﻋﺸﺘﻪ ﻫﺴﻪ ﻣﺎﺟﺎﻥ
ﻛﻠﺒﻲ ﻳﻮﺟﻌﻨﻲ ﻣﺜﻞ ﻫﺴﻪ
ﻟﻴﺶ ﺍﻟﻲ ﻳﺪﺧﻞ ﻟﺤﻴﺎﺗﻲ ﻳﺄﺫﻳﻨﻲ ﻭﻳﺮﻭﺡ
ﻟﻴﺶ ﺍﻧﻲ ﺻﺮﺕ ﻣﺜﻞ ﻗﻄﻊ ﺍﻟﻐﻴﺎﺭ ﺍﺗﺒﺪﻝ ﺑﺴﺮﻋﻪ
ﻫﻴﺠﻲ ﺯﻳﻦ ﺍﻧﻲ ﻣﻨﻮ ﻳﺤﺲ ﺑﻴﻪ ﻣﻨﻮ ﺭﺍﺡ ﻳﺪﺍﺭﻱ ﻛﻠﺒﻲ ﻣﻦ ﻳﺸﺘﻜﻲ
ﻣﻦ ﺷﻲ
.........
ﺍﺗﻌﺒﻨﻲ ﺍﻟﻘﺪﺭ
ﻭﺫﻗﺖ ﺍﻧﻮﺍﻉ ﺍﻻﺣﺰﺍﻥ ﻭﻛﺎﻥ
ﻟﻴﻠﻲ ﻃﻮﻳﻼ ﻭﻛﻠﻪ ﺳﻬﺮ
ﺃﺣﺒﺒﺘﻚ ﺭﻏﻢ ﺍﺧﻄﺎﺋﻲ
ﻭﺃﺣﺒﺒﺘﻚ ﻭﺍﻧﺖ ﻛﻠﻚ ﺍﺧﻄﺎﺀ
ﺃﺣﺒﺒﺘﻚ ﺑﻄﻴﺒﺘﻲ ﺑﻀﻌﻒ ﻗﻠﺒﻲ
ﻣﺎﺫﻧﺒﻲ
ﺍﺫﺍ ﻛﺎﻥ ﺍﻟﻠﻪ ﺧﺎﻟﻘﻨﻲ ﺑﻘﻠﺐ ﺻﻐﻴﺮ
ﻻﻳﺤﺘﻤﻞ ﺃﻭﺟﺎﻉ ﺍﻟﻘﺪﺭ
ﻭ ﻗﻠﺐ ﻗﺪ ﻳﻜﻮﻥ ﻣﺨﺘﻠﻒ
ﻋﻦ ﻗﻠﻮﺏ ﺍﻟﺒﺸﺮ
ﻫﺎﺕ ﻳﺪﻳﻚ ﺣﺒﻴﺒﻲ
ﻓﻠﻘﺪ ﺗﻌﺒﺖ
ﻭﺍﻧﺖ ﺗﻌﻠﻢ ﺑﺄﻥ ﻏﻴﺮﻙ
ﻇﺎﻟﻤﻮﻥ ﻭ ﻋﻠﻰ
ﻣﺸﺎﻋﺮﻱ ﻳﻘﺴﻮﻥ
ﻭﻟﻲ ﺍﺑﺪﺍ ﻻ ﻳﻬﺘﻤﻮﻥ
ﻳﺘﺒﻊ ....
# ﺍﻟﻜﺎﺗﺒﻪ # ﺭﻭﺟﻤﺎﻥ