.....#البارت_السادس_عشررررر......#امرأةمن_زجاج
غمزلي
....ههههه
اني فرحانه
.....متشوفين غيري
.....لا
....ابتلي بيج والله
.....هههه انت عمري
.....هلالله هلالله تعاي لعد
.....ام ياسين تنتظرني ويوسف
...انطيها اكل هسه بعد متذكرج
.....هههه خطيه دخلي اروح اكللها اليوم نظل هنا
....لا روحي للبيت
باجر اني اجيج
....متريدني ابقى يمك
....لااريدج وكلشي بيه يريدج بس باجر اليوم كله تعبانين
راح اجيج باجر من الصبح واخذج ونطلع ونروح لمكان وحدنا
ومحد يضوجنا بي وكون مااسمع صوت غير صوتج
....براحتك
....يمج
...شنو يمي
.....راحتي
.....اني اخاف منك
.....هههههه هيج اخوف
....اي هوايه
....انتي تخافين وج لسانج شطوله ويايه
.....لا اليوم كلش خفت من نظراتك
.....تعرفين اليوم جنت واصل لمرحله يمكن مافد يوم
وصلت الها
بحيث جنت مستعد اقتل واحد
....علمودي
...اي علمودج تعرفين اني كلشي مستعد اسويلج
بس احس من صدك انتي الي
وكلبج لكميل بس
....بس اني كلبي الك
...اني جنت اريدج من زمان وانتي جنتي تريدي
جنت اموت من اشوف نظراتج الهً
...ماله وجود بحياتي بعد
رفع حواجبه وحسيت ملامحه بدت تتغير
كتله
....كلبت عليه
...ههههه لا بعدني مع العلم اني صبري مثل الشمع يشتعل
ودائما بالساني وعيوني هوايه حجي
.... مو دافيه ايامي وهمي ثكل والله كميل لان انت مويمي اني مرتاحيت ابد
....بعد وراج هوايه بان هوايه
....شنو يعني
ضحك
...الله كريم روحي للبيت وباجر اني اجي الصبح واخذج
...موانت مريض
....مابيه شي بس لتصيرين مرضي
...والمسلوعه
....ههههههه هههههه
خله يده على خدودي وباسني من كصتي وباس عيني هاي
وباس عيني هاي
وباسني من شفتي
....طعمج طيب😉😉😉😉😉
يله
....دربالك على نفسك
فتحت الباب وبقيت واكفه اباع عليه واضحك
وهو هم يضحك بس عبالك بي ضحكه مكسورة
وماجان يهلي اعوفه
واروح بعيد عنه
كتلهً
....خاف تحتاجني
....لا موكتلج مابيه شي هسه راح انام
.... زين
طلعت من الصاله ورحت على ام ياسين وجانت دتغفي ويوسف ماموجود
كتلها
...ام ياسين
....ها
.... يله كومي وين يوسف
....يم محمد
..ديله
طلعت واني الابتسامه موبس على شفايفي
حتى عيوني تبتسم
طلعت برة وشفت محمد كاعد بصف يوسف
وماادري شيكله
رحت عليهم واني اضحك
....يله يوسف ماما دنروح
....هاراح تروحون
....اي
....شلونه كميل
....زين
وضحكت
....اصالحتو
....يعني تعرف كميل على غفله
....اي يتحول
شفت محمد عبالك موعلى بعضه
كتله
....بيك شي
...لا مابيه
...عبالك ضايج او اكوشي
....والله صراحه قلق على كميل من الي صار
وكميل عنادي ومايسمع كلمه
....ماكوشي ان شاءالله ولو اني هم خايفه عليه بس هو عنيد
...ماادري هاي منو منهم لو من سعد ولاغيره
....معقوله يريد يأذي كميل
...مويأذي انما لوبيده يكطعه لكميل
....اعتقد هذا بسبب شغلكم
....يمكن
وغير الموضوع
وكلي
....ليش متبقين هنا يم كميل
....موكتله كال لا
...هههههه بعد كميل
....اي والله كميل وانت الله يساعدك عليه
على كولت الدكتور
....هههههه تعرفين شكد احب كميل واخاف يصير شي واخسره
....هو هم يحبك وان شاءالله تبقون طول عمركم اصدقاء واخوه
....ان شاءالله تريدين اوصلج
...لاتسلم ارتاح انت فيصل يوصلني
....بان ترة كميل يتصرف بطريقه مختلفه اتحملي سوالفه
.....ههههه راح يخبلني يله مع السلامه
....الله وياج
صعدت ويا فيصل و وصلني للبيت
وهاي الليله
جانت فرحتي ماتنوصف برغم بيها خوف وقلق
بس هم جنت فرحانه
وجان يروح ويجي بالي
الي صار لكميل وخفت عليه
واذكرت كميل كلي باجر اجيج
وردت تمر هاي الليله بسرعه واكعد الصبح واشوف كميل كدامي
صار الوصول اله صعب رغم قربه
وجنت
تعبانه لان جان يومي طويل نمت وكعدت من
وكت
وكلي طاقه
بدلت وكعدت انتظر كميل يجي
وكعد يوسف من النوم وراد يجي ويايه
وام ياسين كالتلي
....لا بقي يمي
...اي زين
وصارت بالعشره وندك الجرس
ركضت والضحكه على وجهي وشلت الجنطه مالتي وباوعت
على نفسي بالمرايا بسرعه
وطلعت
وجبت مفتاح الباب وباوعت على البره جان كميل
واكف وداير وجه
فتحت القفل الي بالباب
وطلعت بسرعه اجى وكف كدامي
وكتله
....صباح الخير كميل
...صباح الخير بان
....يله
تمشيت وصلت يم الباب الكدام الي بصف السايق وشفت
ابتسامه حقيرة
باوعتها جانت شيرين
رجعت ليورة
كتله
....هاي شنو
...شكوو
....هاي شعدها هنا
...داوصلها لبيتهم
رجعت وكفت يم الباب مال بيت وجنت داريد
ادخل جوه
لحكني كميل
....بان
....انت ليش متقصد تسوي هيج ويايه
.....بالليل اجتي حتى تطمن عليه وبقت يمي وهسه كلت اجى اخذج واوصلها بطريقنا
....بقت يمك البارحه
....اي
...واني من كلتلك ابقى كتلي لا تعبان
واني مرتك
....وهي هم مرتي
...شنو من شوكت
....بيني وبين شيرين عقد محمكه يعني هي مرتي
....ماكلت ولاواحد بيكم كال
.سكت ومجاوبني
....امشي هسه وبعدين نحجي واكلج
....لا مااروح وياك
....اريد احجي وياج
......شنو الي تحجي كميل راح اجذب عليه
....اني ماااكذب لان مامضطر ولاخايف من اي احد
سحبت الباب مال بيت
وكتله
... روح الله وياك احنا صدك مانرهم لان اذا ابقى اني وياك اتخبل
...بان كافي اريد احجي وياج اعتبريني المدير مالتج بالشغل ورادج بشي
...عود تعال للمكتب واحجي ويايه مدامك المدير مالتي
كمش يدي وكلي
....اريد احجي وياج محتاجج
.....لا
....لتعاندين
طلعني وهو كامش يدي
وسد الباب وكلي
...يله صعدي
....اصعد ليكدام خلي تنزل تكعد ليوره
فتحت بابها
وكتلها
.....نزلي ليوره كعدي
كالت
....ماانزل اني
باوعت على كميل
كميل كال
...اوففففففف اوفففففف نزلي شيرين كعدي ليوره
....ماانزل
....شنو رأيكم ر اني اكعد ليوره وحدة بيكم اسوق
ها
اني بقيت ساكته واباوع عليه
كالت شيرين
...هي تكعد ليوره
....اني مداسئلج داكلج يله فضيني نزلي كعدي ليوره
وعاط بيها
وجان تنزل وفتحت الباب وكعدت ليوره وسدت الباب قوي
كلي كميل
.....يله صعدي
ضحكت بوجه وهو ابتسم
صعدت وهو هم صعد وكام يسوق
وبقيت ساكته
وشيرين كل شويه وكايله حاجه وكميل ميجاوبها
لحد ماوصلها للبيت
واني ماااحجي وياه
كلي
.... تريدين شي
...لا
...تريكتي
....لا ومااشتهي
مشى وكف يم مطعم كلي
...تعاي نتريك
...مااريد
نزل وسد الباب مالته واجى عليه وفتح بابي ومد يده
وكلي
....يله تعاي
كمشت يده ونزلت وبقى كامش يدي ودخلنا
جوه كعدني وبدا يطلب الاكل وماحجى شي
جان بس يباوع عليه ويبتسم
لحد ماخلصنا الريوك
وكال
....يله نروح
كتله
...رجعني للبيت
.....اوكي
دفع الحساب وكمنه طلعنا ومن وصل يم السيارة
ندار ليوره وباوع ورد اندار عليه
كلي
....صعدي للسيارة هسه اجيج
تمشى وراح على سيارة جانت واكفه ورانا ونزل واحد من السيارة بقى يحجي ويا كميل
وبعدها كميل رجع وهاي السيارة بعدها واكفه
صعد كميل
وكتله
....شكو
...ماكوشي لتهتمين
...خاف يصير شي
.....اني اموت قبل مااخلي واحد يلمسج
لتخافين
....اني خايفه عليك
....خايفه يكتلوني
.....اسم الله الرحمان بس اني خفت من الي صار البارحه
شغل السيارة وبدأ يسوق
وكلي
....العمر واحد والرب واحد اذا رايد روحي خلص بعدً
.....ليش تحجي هيج
،.... لان اني مامتوقع اعيش هوايه
.....ليش هيج كميل شبيك لتكرب كلبي
.....اني حياتي خطر بان ومااحب احد يحميني لان اني موجبان ومن احس احد يحميني ويمشي ورايه احس نفسي مو رجال
.... لازم احديحميك لان انت وحدك والدنيا تغلب
.......هاي السيارة الي جانت ورايه هاي محمد دازهم
....محمد يخاف عليك
.....اعرف
بقيت ساكته ورا شويه كتله
....كميل
.....بلي
.....انت ازوجتها
....لشيرين
....اي
....شنو لعد موضوع الخطوبه
....اني عقدت بالمحكمه قبل اسبوع
وهاي الخطوبه مثل الحفله البسيطه لان اني ماردت اسوي حفله شي مجرد كعده وبعدين نزوج
....ماكلتلي
.....هوايه شغلات ماكلت عليه اني
....هوايه كلش
...حضج وكعتي بيدنا
....اني تعبت كميل اريد ارتاح
......وإني هم تعبت هوايه
كام يمشي والشوارع مجانت ازدحاما
وكام يمشي ودخلني لفرع وبعدها
وكفني كدام البيت الي جابني بي مره فيصل وجانت
ام ياسين كاعدة بي
نزل
وصل يم باب البيت واشرلي
....تعاي
نزلت واخذت الحنطه مالتي
ورحت وكفت يمه
فتح الباب ودخل
وبعدها تمشى وصل لحد الباب السوده الي بيها جام هاي جانت باب المطبخ
فتحها ودخل وانتظرني ادخل وبعدها
قفل الباب وضم المفتاح بالكاونتر
كتله
....احنا شدنسوي هنا
.....نحجي
....بشنو
....بهوايه اشياء
دخل للهول
وفتح دكم قميصه وخله يده بشعره وخربطه
ونزع الزنجيل الي لابسه
وباوع عليه
وكلي
.....هذا الزنجيل كلش احبه واخاف ينكطع لان هذا هديه
....من منو
....من وحده
....ها
واجى عليه واخذ الجنطه من يدي
وكعدني وكعد بصفي
وكلي
.....اي احجيلي
.....اني احجي
....ها نسيت لازم اني احجي
.....كميل
.....ليش جبتني هنا
....حتى نكعد براحتنا ونحجي براحتنا
....ترة اني مرتك مو صديقتك
....شنو يعني
....يعني التصرفات الي دتصرفها ويايه مومال واحد يتصرفها ويا مرته
تبعدني عنك ويوم دكلي روحي وتعاي وهسه اجاي جايبني هنا والبارحه كتلي روحي
شنو الموضوع
.......هههههه هههههه الرجال لويفكر يعامل مرته مثل صديقته جان بعد مافكر بغيرها وجان ماتركها
..ليش
.....لان راح يحسها متلونه
....ها
.....اي
.....كميل اني مصره هالمرة دكلي انت شنو تشتغل
.....اوكي اكلج بس موهسه فدشويه
....ليش
ابتسم
كتله
.....كميل لظل ويايه بهذا طبعك
......خليني عايش اللحظه تعرفين مزاجي يتغير بسرعه
وحياتج ويايه مابين مد وجزر
....محلوه هيج حياة
غير الموضوع وكلي
....بان اني اريد طفل منج مااريد اسمي ينكطع من الدنيا
....شنو الي راح يصير شو كلبي مامرتاح
....مراح يصير شي
كمشني حيل وتقرب مني
وكلي
.....شبيج تختضين من تصيرين يمي
..... لان انت كلما تقربني منك هالكد بعدها بدقايق تعوفني وتروح
...مااعوفج هذا اليوم
....مااصدك
.....ههههههه وداعت اول نظرة الج
....ليش تلعب بيه هيج تعرف كلبي مايتحمل
.....اني الوكت لعب بيه بان وداس عليه همين
بكد ماانطاني بكد مااخذ مني
.....احس بيك
....تعرفين ليش سعد ازوجج
....لان اني كلت بان سباعيه كدامه
لان اني انعجبت بيج وبقيت احجي عنج
....يعني ازوجني عناد بيك
.....اي ورغم هذا ماسويتله شي وكلت بلكي الله ويكدر يسعدج وجنت اشوف عيونج تلحكه ومن يدخل تباعين عليه
بحب وبااهتمام
وكلما اغار وتنطفي نار غيرتي اشوف عيونج
وتجدد الغيره عندي
بس مااكدر اكول شنو سبب وجعي
وابقى ضام الحسره بكلبي وساكت بس مرات اضحك من
يجيبون طاريج لو يمر خيالج كدامي
بس كلما داتقرب منج كلما اكو شي دياخذني ويبعدني عنج
احس الدنيا ماتريد تجمعنا
...بس هسه اني يمك
....وباجر مو يمي
...شكو باجر
...مااعرف شنو الي مضموم باجر بس هسه اريد اخذ من الدنيا حضنه
جان يحجي واني دموع تنزل ومامنتبه على نفسي اني دابجي
ضحك
وكلي
...ليش هالدموع
....دموع
...اي
كمشت وجهي وجانت خدودي مبلله
خليه يده على خدي وبقى كامش وجهي ويباوع عليه
وعيونه تضحك قبل شفته
وقربني منه وباسني وبقى يضحك ويايه
كلي تعاي وداني للغرفه مال نوم
ونومني على صدره ولحظات وصرت ويا كميل بعالم مابي
بشر بس احنا وعالم بي كميه رهيبه من الشعور
احساس مشاعر لحظات فرح سعادة
ضحكه كلشي نجمع بشي واحد بخطوه وحده
موشرط حبنا يكون بالجسد حبنا يكون اقوى بالعاطفه
واني احبه بعواطفي بس القرب والاحساس لمن ينجمع
وياشخص واحد ويكون
جوةً كمره ونجمه
راح يكون مختلف
وجنت نايمه ولمن حسيت جان
كميل نايم بصفي
اتقربت منه وخليت راسي على يده
وهو كمشني
وبقى مغمض واني جنت مغمضه بس مبتسمه
وكلبي من الفرحه صاير شكبرة
كام يتحرك وكام يمشي يده على يدي
وبعدها رفع وجهي وباسني وسحب نفسه وكام
كعد على الجربايه وبقى شويه كاعد وبعدها طلع
من الغرفه
وشويه ولحكته
وجان كاعد على التخم
رحت كعدت بصفه وهو خله يده على جتفي وقربني وخله راسي على صدره وبقى ساكت مايحجي
كتله
.....اني فرحانه كلش لان اني يمك
مجاوبني وبقى ساكت
رديت كتله
...شبيك
......راح اكلج الي تريدين تعرفي
اني من قبل السقوط جنت اشتغل بالمرمر
وصار وضعي كلش زين وجان محمد وسعد هم يشتغلون ويايه
ولمن صار السقوط اكو عوائل
كامو يبعون اسلحه منها اسلحه اعتياديه ومنها
اسلحه انتيكه
تصير
اني جنت اخذهن
وجنت ابيعهن وبعدها فعلا اشتريت اسلحه
وجانت اسلحه للحمايه الشخصيه
وماجنت ابيعهن لااشخاص اعتيادين
يعني اني سويت هاي الشغله كم مرة وبعدها
ماكمت اشتغل بيها
اني جنت ابيع لشيوخ عشاير حتى يتسلحون وجنت
جنت كامش هاي الامور ومسيطر عليها
بس لمن دخل سعد
كام يبيع بكيفه ويتصرف بلا أذن مني
ماحاسبته لان حسيت انو هاي غلطتي من البدايه
