أمراة من زجاج

البارت العشرين

#امرأة_من_زجاج
#ﺍﻟﺒﺎﺭﺕاﻟﻌﺸﺮﻳﻦ ........
..... ﺷﻨﻮﻗﺼﺪﻙ ﺍﻧﺖ ﺗﺤﺒﻨﻲ
.... ﻫﻬﻬﻬﻬﻬﻪ
...ﺗﻌﺎﻱ ﺩﺧﻠﻲ ﺟﻮﺓ ﺧﻠﻲ ﻧﺤﺠﻲ
....ﻻﻻ ﻣﺎﺍﺭﻳﺪ ﺍﺭﻳﺪ ﺍﺭﻭﺡ
ﻭﺧﻠﻴﺖ ﻭﻃﻠﻌﺖ ﻣﻦ ﺑﻴﺘﻪ ﻭﻛﻠﺒﻲ ﻳﻮﺟﻌﻨﻲ
ﻭﺻﻌﺪﺕ ﺑﺎﻟﺴﻴﺎﺭﺓ ﻭﻳﺎﻓﻴﺼﻞ
ﻭﺑﻘﻴﺖ ﺳﺎﻛﺘﻪ ﺣﺘﻰ ﻓﻴﺼﻞ ﺍﻧﺘﺒﻪ ﻛﻠﻲ
... ﺍﻡ ﻳﻮﺳﻒ ﺑﻴﺞ ﺷﻲ
...ﻻﻻ ﻣﺎﺑﻴﻪ ﺷﻲ
ﺑﺲ ﺍﺭﻳﺪ ﻣﻨﻚ ﺣﺎﺟﻪ
... ﺃﻣﺮﻳﻨﻲ ﺃﻣﺮ
... ﻣﻴﺄﻣﺮ ﻋﻠﻴﻚ ﻇﺎﻟﻢ
... ﺍﺭﻳﺪ ﺍﺷﻮﻑ ﻛﻤﻴﻞ ﻭﻳﻨﻪ
.... ﻣﺎﺍﻛﺪﺭ ﻭﺍﻟﻠﻪ ﻋﺬﺭﻳﻨﻲ
... ﻳﻌﻨﻲ ﻫﻮ ﺑﻐﺪﺍﺩ ﻣﺴﺎﻓﺮ
... ﻫﻮ ﺳﺎﻓﺮ ﻭﺭﺟﻊ
...ﻭﻣﺎﺍﺟﺎﻧﻲ
...ﻳﺠﻴﺞ ﺑﻨﺘﻲ ﻻﺗﻘﻠﻘﻴﻦ
....ﺍﻧﻲ ﻣﺴﺘﻐﺮﺑﻪ ﻋﻠﻰ ﺑﺮﻭﺩ ﺩﻣﻪ ﻭﻋﻠﻰ ﺗﺼﺮﻓﺎﺗﻪ
ﻭﻳﺎﻳﻪ
.... ﻭﺩﻳﻨﻲ ﺍﺷﻮﻓﻪ ﺍﺭﻳﺪ ﺍﺣﺠﻲ ﻭﻳﺎﻩ
...ﻫﺴﻪ ﺍﻧﻲ ﺍﺣﺠﻲ ﻭﻳﺎﻩ ﺍﺫﺍ ﻗﺒﻞ ﻣﻴﺨﺎﻟﻒ
ﺳﻜﺘﺖ
... ﺗﺤﺠﻲ ﻭﻳﺎﻩ ﺣﺘﻰ ﻳﺠﻲ ﻳﺤﺠﻲ ﻭﻳﺎ ﻣﺮﺗﻪ
ﻋﻮﻓﻪ ﻟﻌﺪ ﻭﺍﺗﻤﻨﻰ ﻣﺪﻛﻠﻪ ﺷﻲ
ﻛﺘﻠﻪ
....ﺍﻧﻲ ﻣﺤﺘﺎﺟﻪ ﻛﻢ ﺣﺎﺟﻪ ﺍﺷﺘﺮﻳﻬﺎ ﺑﺪﺭﺑﻲ
.... ﺍﻱ ﺑﻌﻴﻨﻲ
ﻭﻛﻒ ﻳﻢ ﻣﺤﻞ ﻭﻧﺰﻟﺖ ﻭﻳﺎﻳﻪ ﺍﺷﺘﺮﻳﺖ
ﻛﻢ ﻏﺮﺽ ﻟﻠﺒﻴﺖ
ﻭﺑﻌﺪﻫﺎ ﺭﺟﻌﺖ
ﻛﻤﺖ ﺍﻟﻬﻲ ﻧﻔﺴﻲ ﻭﺍﺳﻮﻱ ﺍﻛﻞ ﻭﺍﻋﻴﺶ ﺩﻭﺭ ﺳﺖ ﺍﻟﺒﻴﺖ ﺍﻟﻲ
ﻣﺎﻋﺪﻫﺎ ﺭﺟﺎﻝ ﻭﺍﻟﻲ ﺍﻟﻤﻔﺮﻭﺽ ﺗﻌﺘﻤﺪ ﻋﻠﻰ ﻧﻔﺴﻬﺎ
ﻟﻠﻴﻞ ﺍﺟﻰ ﻣﺤﻤﺪ
ﻭﺍﻧﻲ ﺑﺎﻟﺤﺪﻳﻘﻪ ﻛﺎﻋﺪﻩ ﻭﻳﺎ ﻳﻮﺳﻒ
ﻭﺳﻤﻌﺖ
... ﺍﻟﺴﻼﻡ ﻭﻋﻠﻴﻜﻢ
ﻧﺪﺍﺭﻳﺖ ﺷﻔﺖ ﻣﺤﻤﺪ
ﺭﺟﻌﺖ ﺍﻟﺘﺎﻓﻴﺖ
ﻭﻣﺎﺭﺩﻳﺖ ﺍﻧﻲ ﺍﻟﺴﻼﻡ
ﺍﻡ ﻳﺎﺳﻴﻦ ﻛﺎﻟﺖ
... ﻭﻋﻠﻴﻜﻢ ﺍﻟﺴﻼﻡ ﺷﻮﻧﻚ ﺷﻮ ﻣﺎﻛﻮ
....ﻭﺍﻟﻠﻪ ﺷﻮﻳﻪ ﻣﻠﺘﻬﻲ
ﺍﺟﻰ ﻛﻌﺪ ﻛﺪﺍﻣﻲ ﻭﺍﺑﺘﺴﻢ
ﻭﺭﺟﻊ ﻇﻬﺮﻩ ﻭﺍﻧﺘﺠﻪ ﻋﻠﻰ ﺍﻟﻜﺮﺳﻲ
ﻭﺟﺎﻥ ﺑﻌﺪﻩ ﻳﺒﺘﺴﻢ
ﻛﺎﻝ ﻻﺍﻡ ﻳﺎﺳﻴﻦ
.... ﺍﺭﻳﺪ ﺟﺎﻱ ﻣﻦ ﻳﺪﺝ
.... ﺍﻱ ﺗﺪﻟﻞ
ﻛﺎﻣﺖ ﺍﻡً ﻳﺎﺳﻴﻦ ﻭﺍﻧﻲ ﺩﺭﺕ ﻭﺟﻬﻲ ﻭﻣﺎﺍﺑﺎﻭﻉ
ﻋﻠﻴﻪ
ﻛﻠﻲ
.....ﺷﻮﻧﺞ ﺑﺎﻥ
.... ﻣﺠﺎﻭﺑﺘﻪ ﻭﺳﻮﻳﺖ ﻧﻔﺴﻲ ﻣﻮﻳﻤﻪ
.... ﺑﻠﻪ ﺍﻧﺘﻲ ﻣﻦ ﻛﻞ ﻋﻘﻠﺞ ﺗﺤﺠﻴﻦ ﺍﻧﻲ ﺍﺑﺎﻉ ﻋﻠﻰ ﻣﺮﺕ ﺍﺧﻮﻳﻪ
ﺩﺭﺕ ﻭﺟﻬﻲ ﻋﻠﻴﻪ
ﻛﻤﻞ ﻛﻼﻣﻪ
ﺍﻧﺘﻲ ﻣﻨﻄﻴﺘﻴﻨﻲ ﻣﺠﺎﻝ ﺍﺣﺠﻲ . ﻭﻻﻓﺘﻬﻤﺘﻲ ﺍﻧﻲ ﺷﻨﻮ ﺍﻗﺼﺪ
ﺑﻜﻼﻣﻲ ﺑﺴﺮﻋﻪ ﺭﺣﺘﻲ
.... ﺷﺘﺮﻳﺪ ﺍﺑﻘﻰ ﺍﻓﺘﻬﻢ ﺍﻛﺜﺮ ﻣﻦ ﻫﺬﺍ ﺍﻟﻜﻼﻡ
.... ﺍﺳﻤﻌﻴﻨﻲ ﻟﻌﺪ
ﻣﻦ ﻛﺘﻠﺞ ﻛﻤﻴﻞ ﻳﻌﺘﻘﺪ ﺍﻧﻮ ﻫﻮ ﻳﺎﺧﺬ ﻛﻞ ﻭﺣﺪﺓ ﺍﻧﻲ ﺍﺣﺒﻬﺎ
ﻗﺼﺪﻱ ﻫﻮ ﻳﻈﻦ ﻫﻴﺞ
ﻭﻃﺒﻌﺎ ﻫﺬﺍ ﺑﺴﺒﺐ ﺍﻟﻨﺬﻝ ﺳﻌﺪ
ﻻﻥ ﺳﻌﺪ ﻣﻮﺻﻞ ﻟﻜﻤﻴﻞ ﻛﻼﻡ ﻋﻦ ﻃﺮﻳﻖ ﺳﺮﻭﺍﻥ
ﺳﺮﻭﺍﻥ ﻭﺳﻌﺪ ﻣﻦ ﻣﺼﻠﺤﺘﻬﻢ ﺍﻧﻮ ﺍﻧﻲ ﺍﺗﺨﺎﺭﺏ ﻭﻳﺎ ﻣﺤﻤﺪ ﺣﺘﻰ
ﻳﻀﻌﻔﻮﻥ ﻛﻤﻴﻞ
ﻣﻴﻌﺮﻓﻮﻥ ﻛﻤﻴﻞ
ﺑﻴﻪ ﻭﺑﺪﻭﻧﻲ ﻫﻮ ﻳﻜﻤﻞ ﻭﻳﺒﻘﻰ ﻗﻮﻱ
ﺑﺲ ﻫﻤﺎ ﻧﺠﺤﻮ ﺑﺰﻋﺰﻋﺘﺔ ﺛﻘﺘﻪ ﺑﻴﻪ
ﺍﻣﺎ ﺍﻟﺸﻲ ﺍﻻﻫﻢ ﺍﻧﻮ ﺍﻧﻲ ﺟﻨﺖ ﺍﺭﻳﺪ ﺍﻭﺻﻞ ﻛﻤﻴﻞ
ﻟﻬﺎﻱ ﺍﻟﻤﺮﺣﻠﻪ
ﺟﻨﺖ ﺍﺭﻳﺪﻩ ﻳﺒﻘﻰ ﺑﺪﻭﺍﻣﻪ ﻣﻦ ﺍﻟﺸﻚ ﻭﺍﻟﻘﻠﻖ
.... ﺷﻨﻮ ﻳﻌﻨﻲ
.... ﻳﻌﻨﻲ ﻣﻦ ﺍﻭﻝ ﻣﺎﺍﺟﻴﺘﻲ ﻟﺒﻐﺪﺍﺩ ﻭﻳﺎﺍﻡ ﻧﺎﻫﺰ ﻋﺠﺒﺘﻴﻨﻲ
ﻭﺷﻔﺘﺞ ﺣﻠﻮﻩ ﻭﻣﻮ ﻣﺜﻞ ﺑﻨﺎﺕ ﺑﻐﺪﺍﺩ ﻣﺨﺘﻠﻔﻪ ﻋﻨﻬﻢ
ﻭﻛﻞ ﻭﻟﺪ ﻳﺪﻭﺭ ﺑﺎﻟﺒﻨﻴﻪ ﻋﻦ ﺷﻲ ﻣﺨﺘﻠﻒ
ﻧﻌﺠﺒﺖ ﺑﻴﺞ ﺑﺲ ﺑﻄﺮﻳﻘﻪ ﻃﺒﻴﻌﻴﻪ
ﻭﺍﻧﻲ ﺟﻨﺖ ﺧﺎﻃﺐ ﻧﺎﻫﺰ
ﻭﺑﺪﺃﺕ ﺍﻻﺣﺪﺍﺙ ﺗﻤﺸﻲ ﻭﺑﻌﺪﻫﺎ
ﺯﻭﺟﺘﻲ ﺳﻌﺪ ﺷﻔﺖ ﺑﻴﺞ ﻫﻮﺍﻳﻪ ﺷﻐﻼﺕ ﻣﺎﺷﻔﺘﻬﺎ ﺑﻨﺎﻫﺰ
ﺍﻧﺘﻲ ﺗﺤﺒﻴﻦ ﺳﻌﺪ ﺑﺮﻏﻢ ﺍﻧﻮ ﻫﻮ ﻣﻮﺧﻮﺵ ﺍﻧﺴﺎﻥ ﻭﻳﺎﺝ
ﻭﺻﺎﺑﺮﺓ ﻭﻣﺘﺤﻤﻠﻪ ﻭﺳﺎﻛﺘﻪ ﻛﻤﺖ ﺍﻗﺎﺭﻥ ﺑﻴﻨﺞ ﻭﺑﻴﻦ ﻧﺎﻫﺰ
ﺍﻧﻲ ﺍﻭﻝ ﺯﻭﺍﺟﻨﺎ ﺣﺎﻭﻟﺖ ﻫﻮﺍﻳﻪ ﺍﺳﻮﻳﻠﻬﺎ ﺍﺷﻴﺎﺀ ﻭﺭﺩﺕ ﺍﻏﻴﺮﻫﺎ ﺑﺲ
ﻫﻲ ﻣﺎﺗﻐﻴﺮﺕ
ﻭﻣﺎﺭﺩﺕ ﺗﺎﺧﺬ ﺍﻟﻤﺸﺎﻛﻞ ﺑﻴﻨﻨﺎ ﺣﻴﺰ
ﺍﻛﺒﺮ ﻣﻦ ﺣﺠﻤﻬﺎ ﻟﻬﺬﺍ ﺍﻟﺴﺒﺐ ﺍﻧﻔﺼﻠﺖ ﻋﻨﻬﺎ ﻭﻟﻠﻌﻠﻢ ﻟﺤﺪ ﺍﻻﻥ ﺗﺠﻲ
ﻋﻠﻰ ﺑﺎﻟﻲ ﻧﺎﻫﺰ
ﺑﻌﺾ ﺍﻟﻤﺮﺍﺕ ﺍﻟﺪﻟﻴﻞ ﺳﺌﻠﺘﺞ ﻋﻨﻬﺎ
ﻗﺒﻞ ﻓﺘﺮﺓ ﻣﻦ ﺭﺟﻌﺘﻲ ﻟﺒﻴﺖ ﺍﺑﻮﺝ ﺗﺬﻛﺮﻳﻦ
... ﺍﻱ ﺍﺫﻛﺮ ﻭﻛﺘﻠﻚ ﻫﻲ ﻫﻢ ﺳﺌﻠﺖ ﻋﻠﻴﻚ
ﻭﺑﻬﺎﻱ ﺍﻻﺛﻨﺎﺀ
ﺍﺟﺘﻰ ﺍﻡ ﻳﺎﺳﻴﻦ ﻭﻛﺎﻟﺖ ﻫﺬﺍ ﺍﻟﺠﺎﻱ ﺧﻠﺖ ﺍﻟﺠﺎﻱ ﻛﺪﺍﻡ
ﻣﺤﻤﺪ
ﻭﺧﻠﺘﻪ ﻛﺪﺍﻣﻲ ﻭﺭﺍﺣﺖ
ﺩﺧﻠﺖ ﺟﻮﻩ ﺍﺧﺬ ﺍﻟﻜﻮﺏ ﻣﺎﻝ ﺟﺎﻱ ﻭﺷﺮﺏ ﻣﻨﻪ
ﻭﺑﻌﺪﻫﺎ ﺭﺟﻌﻪ ﻟﻤﻜﺎﻧﻪ ﻭﻛﻠﻲ
.... ﺍﻱ ﻧﺮﺟﻊ ﻟﻮﻳﻦ ﻣﺎﻭﻛﻔﻨﻪ
...ﻛﺘﻠﻪ ﺍﻱ
ﻛﻠﻲ
.... ﺍﻟﻤﻬﻢ ﺑﻌﺪ ﻃﻼﻛﻲ ﻣﻦ ﻧﺎﻫﺰ ﺍﻧﺘﻲ ﺟﻨﺘﻲ ﺗﻌﺮﻓﻴﻦ ﺍﻧﻲ ﻭﺳﻌﺪ
ﻧﺸﺘﻐﻞ ﻭﻳﺎ ﻛﻤﻴﻞ ﺑﻐﺪﺍﺩ
ﻭﺑﻌﺪﻫﺎ ﺳﺎﻓﺮﻧﻪ ﻟﻼﺩﺭﻥ ﻫﻨﺎﻙ ﺍﺗﻘﺮﺑﺖ ﻣﻨﺞ ﺍﻛﺜﺮ
ﻭﺟﻨﺖ ﺍﺷﻮﻓﺞ ﺗﺘﺄﻟﻤﻴﻦ ﻭﻛﻠﺒﺞ ﻳﻨﻜﺴﺮ
ﻛﺎﻡ ﺧﺎﻃﺮﻱ ﻳﻨﻜﺴﺮ ﻋﻠﻴﺞ ﻭﺭﺟﻌﺖ ﺃﻗﺎﺭﻥ ﻭﺍﻛﻮﻝ
ﺷﻮﻓﻮ ﻫﻮﺷﻠﻮﻥ ﻳﻌﺎﻣﻠﻬﺎ ﻭﻫﻲ ﺷﻠﻮﻥ ﺗﻌﻤﺎﻣﻠﻪ
ﻭﺑﺪﻳﺖ ﺍﺭﻳﺪ ﺍﺳﺎﻋﺪﺝ
ﻛﻤﺖ ﺍﺣﺘﻘﺮ ﺳﻌﺪ ﻻﻥ ﺍﺷﻮﻓﻪ ﺩﻳﺴﺘﻐﻞ ﺿﻌﻔﺞ
ﻭﻳﺤﺎﻭﻝ ﻳﺠﺮﺣﺞ ﺑﺎﺍﻱ ﺷﻜﻞ ﻣﻦ ﺍﻻﺷﻜﺎﻝ
ﻭﻛﻤﺖ ﺍﺣﺲ ﺍﻧﻮ ﺍﻧﻲ ﻣﺴﺆﺭﻝ ﻋﻦ ﺯﻭﺍﺟﺞ ﺑﺎﺍﺱ ﺷﻜﻞ
ﻻﻥ
ﻟﻮ ﻣﻮ ﺍﻧﻲ ﻭﺯﻭﺍﺟﻲ ﻣﻦ ﻧﺎﻫﺰ ﺟﺎﻥ ﻳﻤﻜﻦ ﻣﺎﺍﺟﻴﺘﻲ ﻟﺒﻐﺪﺍﺩ ﻭﺟﺎﻥ
ﻣﺎﺷﻔﺘﻲ ﺳﻌﺪ ﻭﻻﺯﻭﺟﺘﻲ ﻭﻻﻋﺸﺘﻲ ﻫﺎﻱ ﺍﻟﺤﻴﺎﺓ
ﺟﻨﺖ ﺩﺍﺋﻤﺎ ﺍﻛﻮﻝ ﻫﻴﺞ ﻟﻨﻔﺴﻲ ﻭﺃﻟﻮﻡ ﻧﻔﺴﻲ
ﻭﺑﻌﺪﻫﺎ ﻛﺎﻣﺖ ﺍﻟﻤﺸﺎﻛﻞ ﺗﻜﺒﺮ ﺑﻴﻨﻜﻢ ﻭﺳﻌﺪ
ﺍﻧﺴﺎﻥ ﺣﻘﻴﺮ ﻣﻬﻤﻞ ﻣﻴﻬﺘﻢ
ﻣﻴﺪﻳﺮ ﺑﺎﻝ ﻻﺍﻱ ﺍﻧﺴﺎﻥ ﺣﺘﻰ ﺍﺑﻨﻪ
ﻭﻃﻮﻝ ﻫﺎﻱ ﺍﻟﻔﺘﺮﺓ ﺍﻧﻲ ﺟﻨﺖ ﻣﺎﺍﻋﺮﻑ ﺑﻜﻤﻴﻞ ﺟﺎﻥ ﻳﺠﺒﺞ ﻣﻦ ﺍﻭﻝ
ﻳﻮﻡ ﺷﺎﻓﺞ ﺑﻲ ﻣﺎﻛﻠﻲ ﺑﺮﻏﻢ ﺍﻟﻌﻼﻗﻪ ﺍﻟﻘﻮﻳﻪ ﺍﻟﻲ ﺗﺠﻤﻌﻨﺎ
ﻻﻥ ﻫﻮ ﻣﻦ ﺯﻭﺟﺘﻲ ﺳﻌﺪ ﺳﻜﺖ ﻭﻣﺎﻛﺪﺭ ﻳﺤﺠﻲ ﺑﻌﺪ ﺷﻲ
ﺑﺲ ﺍﻛﺘﺸﻔﺖ ﺍﻧﻮ ﻛﻤﻴﻞ ﺑﻲ ﺷﻲ ﻃﻮﺍﻝ ﺍﻟﻮﻛﺖ ﻣﺸﻐﻮﻝ ﻭﻋﺒﺎﻟﻚ
ﻣﻜﺴﻮﺭ ﺑﺲ ﻫﻮ ﻳﺮﻓﺾ ﻳﺤﺠﻲ ﺷﻨﻮ ﺑﻲ
ﻭﻻﻥ ﺍﻋﺮﻑ ﻃﺒﻌﻪ ﺍﻧﻮ ﺍﺫﺍ ﺍﺳﺌﻠﻪ
ﻣﺮﺍﺡ ﻳﺠﺎﻭﺑﻨﻲ ﻟﻮ ﺍﻣﻮﺕ ﻛﺪﺍﻣﻪ
ﻣﺎﺯﺍﻝ ﻫﻮ ﻣﻴﺮﻳﺪ ﻳﺤﺠﻲ
ﻓﺴﻜﺘﺖ
ﺑﺲ ﻛﺎﻣﺖ ﺍﻛﻮ ﺍﻣﻮﺭ ﺗﺜﺒﺖ ﺣﺐ ﻛﻤﻴﻞ ﺍﻟﺞ
ﻣﺜﻼ ﺑﻴﻮﻡ ﺍﻟﻲ ﺟﻨﺖ ﺍﺑﻴﺘﻜﻢ ﺍﺫﺍ ﺗﺬﻛﺮﻳﻦ
ﻭﺳﻌﺪ ﻛﺎﻡ ﻳﺤﺠﻲ ﻋﻠﻴﺞ ﻛﺪﺍﻣﻲ ﻭﻛﺪﺍﻡ ﻛﻤﻴﻞ ﻭﺭﺍﺩ ﻳﻀﺮﺑﺞ
ﺷﻔﺖ ﻛﻤﻴﻞ ﺛﺎﺭ ﻭﺣﺠﻰ ﻋﻠﻰ ﺳﻌﺪ ﻭﻣﻦ ﺑﻌﺪﻫﺎ ﻛﺎﻡ ﻣﻴﺘﻘﺒﻠﻪ ﺳﻌﺪ
ﻭﺑﻌﺪﻫﺎ ﺑﺎﺍﻳﺎﻡ ﺳﻌﺪ ﺭﺍﺡ ﻭﺍﻳﻀﺎ ﺍﺳﺘﻐﺮﺑﺖ ﻣﻦ ﺗﺼﺮﻑ ﻛﻤﻴﻞ ﻭﺍﻟﻲ ﻫﻮ ﺟﺎﻥ ﻣﺎﻳﻘﺒﻞ ﻳﺸﻮﻓﺞ
ﺑﺲ ﺟﺎﻥ ﻃﻮﻝ ﺍﻟﻮﻛﺖ ﻳﻜﻠﻲ ﺭﻭﺡ ﺷﻮﻑ ﺑﺎﻥ ﺷﻨﻮ ﻣﺤﺘﺎﺟﻪ
ﻭﻛﻞ ﺷﻮﻳﻪ ﻳﺨﺎﺑﺮﻧﻲ ﻭﻳﻜﻠﻲ ﺭﺣﺖ ﺷﻔﺘﻬﻢ ﺑﻴﻬﻢ ﺷﻲ
ﻫﻨﺎ ﻋﺮﻓﺖ ﺍﻧﻮ ﻛﻤﻴﻞ ﻳﺤﺒﺞ ﺑﺲ ﻣﻴﺤﺠﻲ
ﻭﺍﻟﺸﻲ ﺍﻟﺜﺎﻧﻲ ﺍﻧﻲ ﺟﻨﺖ
ﺑﺎﻟﺒﺪﺍﻳﻪ ﺍﺗﺼﺮﻑ ﻭﻳﺎﺝ ﻛﻠﺶ ﻃﺒﻴﻌﻲ ﻭﻛﺘﻠﺞ ﺍﺣﻨﺎ ﺍﻫﻠﺞ ﻭﺍﺧﻮﺗﺞ
ﻭﺍﻧﺘﻲ ﺍﻳﻀﺎ ﺩﺍﺋﻤﺎ ﺟﻨﺘﻲ ﺩﻛﻮﻟﻴﻦ ﺍﻧﺘﻮ ﻣﺜﻞ ﺍﻫﻠﻲ
ﻭﻳﻤﻜﻦ ﺑﻌﺪ ﻣﺎﺳﻌﺪ ﺭﺍﺡ ﺭﺩﺕ ﺍﺣﻤﻴﺞ ﺍﻛﺜﺮ
ﻻﻥ ﺟﻨﺘﻲ ﻭﺣﺪﺝ ﻭﺑﻤﻜﺎﻥ ﻏﺮﻳﺒﻪ ﻋﻨﻪ ﻭﻳﺎﺝ ﻃﻔﻞ
ﻭ
ﺍﻛﺬﺏ ﻟﻮ ﺍﻛﻠﺞ ﻣﺎﺭﻏﺒﺖ ﺑﻮﺣﺪﺓ ﻣﺜﻠﺞ
ﻭﻳﻤﻜﻦ ﺍﺫﺍ ﺍﺳﺌﻞ ﻧﻔﺴﻲ ﻟﻴﺶ
ﻳﻤﻜﻦ ﺍﻛﻮﻝ ﺣﺒﻴﺖ ﺍﻟﻀﻌﻒ ﺍﻟﻲ ﺗﻤﻠﻜﻲ ﻳﻤﻜﻦ ﺣﺒﻴﺖ ﺷﻲ ﻣﺤﺪﺩ
ﺑﺸﺨﺼﻴﺘﺞ ﺣﺒﻴﺖ ﻃﻴﺒﺘﺞ ﻭﻳﺎﺍﻟﻜﻞ
ﺑﺲ ﻣﺎﺣﺒﻴﺘﺞ ﻛﺄﺍﻣﺮﺍﺓ
ﻻﻥ ﻣﺴﺘﺤﻴﻞ ﺍﺩﺧﻞ ﻳﺪﻱ ﺑﺼﺪﺭ ﻛﻤﻴﻞ
ﻭﺍﻃﻠﻊ ﻛﻠﺒﻪ
ﻭﺍﺭﺩ ﻭﺍﻛﻠﺞ ﺍﻱ ﺻﺢ ﺍﻧﻲ ﺗﻘﺮﺑﺖ ﻣﻨﺞ ﺑﺲ ﻣﻮﺑﺎﻟﻄﺮﻳﻘﻪ ﺍﻟﻲ ﺍﻧﺘﻮ
ﻓﻬﻤﺘﻮﻫﺎ
ﺗﻘﺮﺑﺖ ﻣﻨﺞ ﻻﻥ ﺟﺎﻥ ﻳﺠﺬﺑﻨﻲ ﺍﻟﺞ ﻭﻟﻴﻮﺳﻒ ﻣﻮﺣﺐ ﺻﺪﺍﻗﻪ
ﺷﻔﺖ ﺑﻴﺞ ﺻﺪﻳﻘﻪ
ﺗﺮﺗﺎﺡ ﻣﻦ ﺗﺤﺠﻲ ﻭﻳﺎﻳﻪ ﻭﺍﻧﻲ ﻭﻳﺎﻫﺎ ﺍﻛﻮﻥ ﺑﻼﻗﻴﻮﺩ
ﻭﺍﺣﺠﻲ ﺑﺮﺍﺣﺘﻲ
ﺟﻨﺘﻲ ﻃﻮﻝ ﺍﻟﻮﻛﺖ ﺍﺩﻛﻮﻟﻴﻦ ﺍﻟﺤﻤﺪﻟﻠﻪ ﺍﻧﺖ ﻣﻮﺟﻮﺩ ﺑﺤﻴﺎﺗﻲ
ﻭﻟﻮ ﺍﻧﺖ ﻣﻮﻣﻮﺟﻮﺩ ﺷﻨﻮ ﺟﺎﻥ ﺳﻮﻳﺖ
ﺟﻨﺘﻲ ﺗﺤﺴﺴﻴﻨﻲ ﺑﺎﺍﻫﺘﻤﺎﻡ
ﻭﺗﺤﺴﺴﻨﻲ ﺍﻧﻮ ﺍﻧﻲ ﻭﺟﻮﺩﻱ ﺍﻟﻰ ﻗﻴﻤﻪ
ﺑﺲ ﺑﻌﺪﻫﺎ ﻋﺮﻓﺖ ﻛﻤﻴﻞ ﻳﺤﺒﺞ ﻓﻮﻙ ﺍﻟﻤﻌﻘﻮﻝ
ﻭﺑﺮﻏﻢ ﻫﺬﺍ ﺍﻟﺤﺐ ﻣﻴﻌﺮﻑ ﻳﺼﺮﻑ ﻭﻳﺎﺝ
ﻛﻤﻴﻞ ﻟﻮﺑﻴﺪﻩ ﻳﺴﺠﻨﺞ ﺑﻲ
ﺍﻧﺘﻲ ﻏﻴﺎﺑﺞ ﻳﻠﻌﺐ ﺑﺄﺣﻮﺍﻟﻪ
ﺑﺲ ﻣﺸﻜﻠﺘﻪ ﻣﻴﻌﺮﻑ ﻳﻌﺒﺮ ﺍﻻ ﺑﻄﺮﻳﻘﺘﻪ
ﻭﺟﺎﻥ ﺍﻏﻠﺐ ﺍﻻﺣﻴﺎﻥ ﻳﺠﺮﺣﺞ
ﻭﻛﻤﺖ ﺍﺣﺲ ﺑﻜﻤﻴﻞ ﻛﺎﻡ ﻳﺘﻨﺤﺲ ﻣﻦ ﻭﺟﻮﺩﻱ
ﺑﺮﻏﻢ ﺛﻘﺘﻪ ﺑﻴﻪ
ﻭﺑﻬﺎﻱ ﺍﻟﻔﺘﺮﺓ ﺑﺎﻟﺬﺍﺕ ﻛﻤﺖ ﺍﺷﻮﻑ ﺍﻟﺪﻧﻴﺎ
ﺷﻜﺪ ﺩﺗﻘﺴﻲ ﻋﻠﻴﺞ
ﻓﺘﻘﺮﺑﺖ ﻣﻨﺞ
ﻟﺴﺒﺒﻴﻦ
ﺍًﻭﻟﻬﻢ ﻻﻥ ﺍﻧﻲ ﻣﻮﺣﺒﻴﺒﺞ ﻭﻻﺍﺧﻮﺝ ﻓﺮﺍﺡ ﺗﺤﺠﻴﻦ ﺍﻟﻲ ﺗﺮﻳﺪﻱ
ﺑﺮﺍﺣﺘﺞ
ﻻﻥ ﺍﻟﺤﺒﻴﺐ ﺭﺍﺡ ﺗﺨﺎﻓﻴﻦ ﻋﻠﻰ ﻣﺸﺎﻋﺮﺓ ﻭﺍﻻﺥ ﺭﺍﺡ ﺗﻨﺤﺮﺟﻴﻦ ﻣﻨﻪ
ﻭﺍﻟﺴﺒﺐ ﺍﻟﺜﺎﻧﻲ ﺣﺘﻰ ﺍﻟﻌﺐ ﺑﺎﺍﻋﺼﺎﺏ ﻛﻤﻴﻞ
ﻭﺍﺣﺴﺴﻪ ﺍﻧﺞ ﺍﺫﺍ ﻫﻮ ﺃﺫﺍﺝ ﻭﺗﺮﻛﺞ ﺍﻛﻮ ﻏﻴﺮﻩ
ﻣﻦ ﻳﺤﺒﺞ
ﻭﻣﻤﻜﻦ ﻳﺴﻮﻱ ﺍﻱ ﺷﻲ ﻟﺨﺎﻃﺮﺝ
ﻭﻫﺬﺍ ﺍﻟﻲ ﺭﺩﺕ ﺍﻭﺻﻠﻪ ﻟﻜﻤﻴﻞ ﻭﻓﻌﻼ ﻧﺠﺤﺖ
ﺑﻠﻲ ﺭﺩﺕ ﺍﺳﻮﻱ ﻻﻥ ﻛﻤﻴﻞ ﻋﺎﺵ ﺑﺪﻭﺍﻣﻪ
ﺑﻴﻦ ﻣﺎﻫﻮ ﻣﺘﺄﻛﺪ ﺍﻧﻮ ﺍﻧﻲ ﻣﺎﺍﺳﻮﻱ ﻫﻴﺞ ﺷﻲ
ﻭﺑﻴﻦ ﺍﻧﻮ ﺍﻧﻲ ﻣﻤﻜﻦ ﺍﺑﺎﻉ ﻋﻠﻰ ﻣﺮﺗﻪ
ﻭﺍﻧﻮ ﺍﺳﻮﻱ ﻣﻌﺎﺩﻟﻪ ﻗﺪﻳﻤﻪ
ﻭﺍﻟﻲ ﻫﻲ
)) ﻛﻤﻴﻞ ﺍﺧﺬ ﺍﻟﻲ ﺍﺣﺒﻬﺎ ﻣﻦ ﺯﻣﺎﻥ ﻭﺳﻌﺪ ﺍﺧﺬ ﺍﻟﻲ ﻳﺤﺒﻬﺎ
ﻛﻤﻴﻞ ﻭﻣﺤﻤﺪ ﺭﺍﺡ ﻳﺎﺧﺬ ﺍﻟﻲ ﺗﺤﺐ ﻛﻤﻴﻞ ((
..... ﺍﻭﻑ ﺷﻨﻮ ﻫﺎﻱ
...ﻫﻬﻬﻬﻪ ﺷﻔﺘﻲ ﻣﻌﺎﺩﻟﻪ ﻻﻥ
ﺍﺣﻨﺎ ﻣﺎﻋﺸﻨﺎ ﺣﻴﺎﺓ ﻃﺒﻴﻌﻴﻪ ﻣﺜﻞ ﺍﻟﺸﺒﺎﺏ ﺍﻟﻲ ﻳﻔﺘﺮﻭﻳﻦ ﻋﻠﻰ ﺍﻟﺒﻨﺎﺕ
ﻭﺍﻟﻲ ﻳﺼﺎﺩﻗﻮﻥ ﻃﺎﻟﺒﺎﺕ ﻣﺪﺭﺳﻪ
ﻭﺍﻟﻲ ﻳﺴﻬﺮﻭﻥ ﺑﻤﻠﻬﻰ ﻟﻴﻠﻲ ﺣﺘﻰ
ﺩﻳﺴﻮﻱ ﻋﻼﻗﻪ ﻭﻳﺎﻭﺣﺪﻩ ﺭﺧﻴﺼﻪ
ﺍﺣﻨﺎ ﻋﺸﻨﻪ ﺣﻴﺎﻩ ﻣﺨﺘﻠﻔﻪ ﻭﻛﻤﻴﻞ ﻣﻴﻔﻜﺮ ﺑﺸﻲ ﺍﻋﺘﻴﺎﺩﻱ
ﻻﺯﻡ ﻛﻞ ﻣﻮﺿﻮﻉ ﻳﺨﻠﻴﻠﻪ ﻭﺟﻮﻩ ﻫﻮﺍﻳﻪ ﻭﻳﻔﺴﺮﻩ ﻣﺜﻞ ﻣﺎﻫﻮ ﻳﺸﻮﻓﻪ
... ﺯﻳﻦ ﻟﻴﺶ ﻫﻮ ﺭﺍﺡ ﻭﻫﻮ ﻳﻌﺮﻑ ﺑﻴﻪ ﺍﺣﺒﻪ
..... ﻛﻤﻴﻞ ﻣﻴﺎﺧﺬ ﻛﻼﻡ ﺍﺣﺪ ﻋﻠﻰ ﻣﺤﻤﻞ ﺍﻟﺠﺪ ﺩﺍﺋﻤﺎ
ﻳﺸﻚ ﺑﻜﻼﻡ ﺍﻟﻲ ﻛﺪﺍﻣﻪ
ﻭﺍﺫﺍ ﺗﺮﻳﺪﻳﻦ ﺗﻌﺮﻓﻴﻦ ﺷﻠﻮﻥ ﻛﻤﻴﻞ ﻣﻴﺼﺪﻙ ﺑﻴﺞ
ﻣﻦ ﺗﻮﻛﻔﻴﻦ ﻛﺪﺍﻣﻪ ﻭﺗﺤﺠﻴﻦ ﻭﻳﺎﻩ . ﺷﻲ ﻛﺬﺏ ﺍﻭ ﻫﻮ ﻣﺎﺍﻗﺘﻨﻊ ﺑﻲ
ﺭﺍﺡ ﻳﺒﻘﻰ ﻳﺒﺎﻭﻉ ﻋﻠﻴﺞ
ﺑﺪﻭﻥ ﻣﺎﻳﺮﻣﺶ ﺍﻭ ﺗﺸﻮﻓﻲ ﻳﺼﻐﺮ ﻋﻴﻮﻧﻪ ﻭﺑﻌﺪﻫﺎ ﻣﺎﻳﺤﺠﻲ ﺷﻲ
ﻣﻌﻨﺎﺗﻪ ﻫﻮ ﻣﺎﺻﺪﻙ ﻭﻣﻌﻨﺎﺗﻬﺎ ﻭﺭﺍ ﻫﺎﻱ ﺍﺍﻟﺤﺮﻛﻪ
ﻋﺎﺻﻔﻪ
...ﻫﻬﻬﻬﻪ ﺣﺎﻓﻆ ﻛﻞ ﺣﺮﻛﺎﺗﻪ
.... ﻛﻠﺸﻲ ﻳﺴﻮﻱ ﻛﻤﻴﻞ ﺍﻋﺮﻓﻪ ﺷﺎﻳﻔﻪ ﻫﻴﺞ ﻋﻼﻗﻪ ﺑﻴﻦ ﺍﺻﺪﻗﺎﺀ ﺍﻭ
ﺍﻗﺎﺭﺏ
.... ﺻﺮﺍﺣﻪ ﻻ ﻣﺎﺷﻔﺖ ﻭﻻﺳﻤﻌﺖ
ﺍﺑﺘﺴﻢ
... ﺯﻳﻦ ﻫﻮ ﻟﻴﺶ ﺭﺍﺡ ﻟﻴﺶ ﻣﻮﺍﺟﻬﻨﻲ
.... ﻛﻤﻴﻞ ﺍﻧﻄﺎﺝ ﻓﺮﺻﻪ ﺗﺨﺘﺎﺭﻳﻦ ﻻﻥ ﻳﻌﺮﻑ
ﺍﻧﺘﻲ ﻫﻮﺍﻳﻪ ﺗﺄﺫﻳﺘﻲ ﻭﺍﺗﺼﻮﺭ ﻗﺮﺑﻲ ﻣﻨﺞ ﻭﻟﺪ ﻋﺎﻃﻔﻪ
ﺑﺪﺍﺧﻠﺞ
ﻭﻛﻮﻧﻲ ﻋﻠﻰ ﻳﻘﻴﻦ ﻛﻤﻴﻞ ﻟﻤﻦ ﺭﺍﺡ ﻳﺮﺟﻊ
ﺭﺍﺡ ﻳﺴﺌﻠﺞ ﺍﻭ ﺭﺍﺡ ﻳﻨﺘﻈﺮ ﺭﺩﺕ ﻓﻌﻞ ﻣﻨﺞ
ﻭﻣﻦ ﺑﻌﺪﻫﺎ ﺭﺍﺡ ﻳﻘﺮﺭ
.... ﺷﻴﺴﻮﻱ
...ﺍﺫﺍ ﻛﻠﺘﻴﻠﻪ ﺍﺭﻳﺪ ﺍﻧﻔﺼﻞ ﻋﻨﻚ ﻣﻌﻨﺎﺗﻪ ﺍﻧﺘﻲ ﺍﺧﺘﺎﺭﻳﺘﻲ ﻏﻴﺮﻩ
ﺭﺍﺡ ﻳﻨﺴﺤﺐ ﺑﺲ ﺍﺫﺍ ﻛﻠﺘﻴﻠﻪ ﺍﻧﻲ ﺍﺭﻳﺪﻙ ﺍﻟﻚ ﻭﺍﺣﺒﻚ
ﺍﻟﺪﻧﻴﺎ ﺭﺍﺡ ﺗﺼﻐﺮ ﻭﺭﺍﺡ ﻳﺸﻮﻓﻬﺎ ﻣﺮﺍﺡ ﺗﺴﻌﻨﻲ ﺍﻧﻲ ﻭﻳﺎﻩ
ﻭﻫﺬﺍ ﺍﻟﻲ ﺧﺎﻳﻒ ﻣﻨﻪ
... ﺻﺪﻙ ﺗﺤﺠﻲ
... ﺍﻱ ﻭﺍﻟﻠﻪ
... ﻳﻌﻨﻲ ﺗﺼﻴﺮ ﻛﺎﺭﺛﻪ ﻫﻴﺞ ﺯﻳﻦ ﻟﻴﺶ ﻟﻌﺪ ﺧﻠﻴﺖ ﻧﻔﺴﻚ ﺑﻬﺎﻱ
ﺍﻟﻤﺸﻜﻠﻪ ﻣﻦ ﺍﻟﺒﺪﺍﻳﻪ
...ﺍﻟﺮﺟﺎﻝ ﻣﻴﻌﺮﻑ ﻧﻔﺴﻪ ﻳﺤﺐ ﻣﻦ ﺻﺪﻙ ﺍﻻ ﻟﻤﻦ ﻳﻐﺎﺭ ﻋﻠﻰ ﺍﻟﻲ
ﻳﺤﺒﻬﺎ
ﻭﻳﺸﺘﻌﻞ ﻛﻠﺒﻪ ﻧﺎﺭ ﻭﺣﺘﻰ ﻳﻌﺮﻑ ﺍﻟﺤﺐ ﻣﻮﺳﻠﻌﻪ
ﺍﻟﺤﺐ ﺍﻣﺘﻼﻙ ﺍﻧﻲ ﺳﻮﻳﺘﻠﻪ ﺧﺪﻣﻪ ﺭﺍﺡ ﻳﺸﻜﺮﻧﻲ ﻋﻠﻴﻬﺎ
ﻃﻮﻝ ﻋﻤﺮﻩ
.... ﻣﺪﺍﻗﺘﻨﻊ ﺑﻜﻼﻣﻚ ﺻﺮﺍﺣﻪ ﻻﻥ ﺟﺎﻧﺖ ﻫﻮﺍﻳﻪ ﺍﺷﻴﺎﺀ
ﺗﺜﺒﺖ ﻋﻜﺲ ﺍﻟﻲ ﺩﻛﻮﻟﻪ
ﺣﺘﻰ ﺍﻟﻴﻮﻡ ﻣﻦ ﺍﺟﻴﺖ ﻟﺒﻴﺘﻚ ﺷﻔﺘﻚ ﻣﺨﺘﻠﻒ
.... ﻻ ﻣﻮﻣﺨﺘﻠﻒ ﺑﺲ ﺍﻧﺘﻲ ﻳﻤﻜﻦ ﻣﺎﻓﻬﻤﺘﻴﻨﻲ
ﺳﻜﺘﺖ ﻭﺣﺴﻴﺖ ﺍﻛﻮ ﺷﻲ ﺑﺪﺍﺧﻠﻪ ﻣﺨﺘﻠﻒ ﻋﻦ ﺍﻟﻲ ﺩﻳﻜﻮﻟﻪ
ﻣﺎﺍﺩﺭﻱ ﻫﻴﺞ ﺷﻌﺮﺕ ﺍﺗﻤﻨﻰ ﻳﻜﻮﻥ ﺍﺣﺴﺎﺳﻲ ﻏﻠﻂ
... ﺷﻨﻮ ﺍﻟﻲ ﺭﺍﺡ ﺍﺳﻮﻱ ﻭﻳﺎﻛﻤﻴﻞ
.... ﺍﻟﻲ ﻻﺯﻡ ﻳﺼﻴﺮ
... ﺷﻨﻮ
.... ﺍﻧﺘﻲ ﺗﺤﺒﻴﻦ ﻛﻤﻴﻞ ﻭﺣﺎﻣﻞ ﻭﻛﻤﻴﻞ ﻳﺤﺒﺞ ﺷﻨﻮ ﺍﻟﻲ ﻻﺯﻡ ﻳﺼﻴﺮ
ﻏﻴﺮ ﺍﻧﻜﻢ ﺗﻌﻴﺸﻮﻥ ﺳﻮﺍ
... ﺯﻳﻦ ﺍﻧﺖ
....ﺍﻧﻲ ﺷﻨﻮ
... ﺷﻨﻮ ﻣﻮﻗﻔﻚ ﺷﺮﺍﺡ ﺩﻛﻮﻝ ﻟﻜﻤﻴﻞ
.....ﺍﻧﻲ ﺍﺣﺠﻲ ﻭﻳﺎﻩ
.... ﻳﻌﻨﻲ ﻛﻤﻴﻞ ﻳﻌﺘﻘﺪ ﺑﺎﻧﻮ ﻫﻮ ﻳﺎﺧﺬ ﻣﻨﻚ ﺍﻱ ﻭﺣﺪﺓ ﺗﺤﺒﻬﺎ
ﺯﻳﻦ ﻫﻮ ﺍﻛﻴﺪ ﻳﻌﺮﻓﻚ ﻣﺜﻞ ﻣﺎﺍﻧﺖ ﺗﻌﺮﻓﻪ ﻛﻠﺶ ﺯﻳﻦ ﻟﻴﺶ ﻣﺪﻳﻔﻬﻢ
ﺍﻧﻮ ﺗﻔﻜﻴﺮﻩ ﻏﻠﻂ
.....ﻻﻥ ﻫﻮ ﻳﺮﻳﺪ ﻳﻔﻬﻢ ﺍﻟﻲ ﻳﻔﻬﻤﻪ
..ﺍﻧﻲ ﻣﺎﺍﺭﻳﺪﻙ ﺗﺒﻌﺪ ﻋﻦ ﻛﻤﻴﻞ ﻻﻥ ﻛﻤﻴﻞ ﻳﺤﺒﻚ
.....ﻭﺍﻧﻲ ﻫﻢ ﺍﺣﺒﻪ ﻭﻣﺎﺍﻛﺪﺭ ﺍﺑﻌﺪ ﻋﻨﻪ ﻭﻻﺍﻛﺪﺭ ﺍﺷﺘﻐﻞ ﺍﺫﺍ ﻣﻮ ﻭﻳﺎﻩ
ﺑﺲ ﺍﺭﻳﺪ ﻣﻨﺞ ﺷﻲ
.... ﺷﻨﻮ
...ﻟﻤﻦ ﻳﺮﺟﻊ ﻛﻤﻴﻞ ﻟﺪﻛﻮﻟﻴﻠﻪ ﺷﻲ ﺍﺑﺪ ﻭﺧﻠﻲ ﻳﻔﻜﺮ ﻭﻳﺨﻠﻲ ﻳﺒﺎﻭﻉ
ﺑﻌﻴﻮﻧﺞ ﺑﻠﻜﻲ ﻳﻠﻜﻲ ﻣﻨﺞ ﺭﺩ ﻓﻌﻞ
.... ﻟﻴﺶ ﻫﻴﺞً ﺍﺳﻮﻱ ﻭﺍﺯﺭﻉ ﺍﻟﺸﻚ ﺑﻜﻠﺒﻪ
..... ﺍﻧﺘﻲ ﻣﺪﺯﺭﻋﻴﻦ ﺍﻟﺸﻚ ﺍﻧﺘﻲ ﺩﺯﺭﻋﻴﻦ ﻧﻔﺴﺞ ﺑﻲ
... ﻣﺎﺍﺩﺭﻱ
..... ﺍﻧﺘﻲ ﺍﺧﺘﻲ ﻭﺻﺪﻳﻘﺘﻲ ﻣﻮﺍﻛﺜﺮ ﺍﺳﺘﻮﻋﺒﻲ ﻫﺬﺍ ﺍﻟﺸﻲ ﻭﺧﻠﻲ
ﺑﺎﻟﺞ
ﻭﺑﻜﻤﻴﻞ ﻭﺑﺪﻭﻧﻪ ﺍﻧﻲ ﻭﻳﺎﺝ ﻭﺍﺳﺎﻋﺪﺝ
ﺯﻳﻦ
ﺍﺑﺘﺴﻤﺖ ﺍﻟﻪ ﻭﻛﺘﻠﻪ
.... ﺍﻋﺮﻑ ﻟﻬﺬﺍ ﺍﻟﺴﺒﺐ ﺣﺰ ﺑﻨﻔﺴﻲ ﻣﻦ ﻛﺎﻡ ﻛﻤﻴﻞ ﻳﻠﻤﺤﻠﻲ ﻋﻠﻴﻚ
ﻛﻠﺶ ﺿﺠﺖ ﻻﻥ ﻣﺎﻓﺪﻳﻮﻡ ﺑﺪﺭ ﻣﻨﻚ ﺷﻲ ﻭﺍﺣﺪ ﻏﻠﻂ
....ﻭﻻﺭﺍﺡ ﺗﺸﻮﻓﻴﻦ ﻣﻨﻲ ﺷﻲ ﻏﻠﻂ
..... ﺯﻳﻦ ﻫﻮ ﺭﺍﺡ ﻳﺮﺟﻊ ﻛﻤﻴﻞ
.... ﺍﻛﻴﺪ ﻻﻥ ﻛﻤﻴﻞ ﻫﻮﺍﻳﻪ ﻳﺤﺒﺞ
.... ﻣﺎﺍﺗﺼﻯﻮﺭ
... ﺍﺫﻥ ﺍﻧﺘﻲ ﺑﻌﺪﺝ ﻣﺎﻋﺮﻓﺘﻲ ﺯﻳﻦ
ﻛﻤﻴﻞ ﻣﺤﺐ ﻣﻦ ﻗﺒﻞ ﺟﺎﻥ ﻳﺴﻮﻱ ﻋﻼﻗﺎﺕ ﺑﺲ ﻭﻻ ﻣﺮﺓ ﺷﻔﺘﻪ
ﺧﺎﻳﻒ ﻋﻠﻰ ﻭﺣﺪﺓ ﻭﻗﻠﻖ ﻋﻠﻴﻬﺎ ﻭﻻﻣﺮﺓ ﺷﻔﺘﻪ ﻳﺒﺎﻭﻉ ﻋﻠﻰ ﻭﺣﺪﺓ
ﻣﺜﻞ ﻣﻴﺒﺎﻭﻉ ﻋﻠﻴﺞ
ﻛﻤﻴﻞ ﻋﺎﺵ ﻭﺍﻟﻨﺴﻮﺍﻥ ﺩﺍﻳﺮ ﻣﺪﺍﻳﺮﺓ
ﻭﺍﻟﻲ ﻳﺮﻳﺪﻫﺎ ﺟﺎﻧﺖ ﺗﺠﻲ ﻟﺤﺪ ﻋﻨﺪﺓ ﻻﻥ ﺟﺎﻥ ﻋﻨﺪﺓ ﻛﻞ ﺍﻟﻤﻐﺮﻳﺎﺕ
ﺍﻟﻲ ﺗﺤﺒﻬﺎ ﺍﻟﻨﺴﻮﺍﻥ
ﺍﻟﻔﻠﻮﺱ ﺍﻟﺸﻜﻞ ﺍﻟﺸﺨﺼﻴﻪ
ﻓﺠﺎﻥ ﺳﻬﻞ ﺟﺪﺍ ﻳﺴﻮﻱ ﻋﻼﻗﻪ ﻭﻳﺎ ﻭﺣﺪﻩ
.... ﺯﻳﻦ ﻟﻴﺶ ﻣﺮﺓ ﻛﻠﺘﻠﻲ ﻛﻤﻴﻞ ﻳﺤﺐ ﺧﻄﻴﺒﺘﻪ ﺍﻟﻲ ﺑﺎﻛﺖ ﻓﻠﻮﺳﻪ
ﻭﻛﺘﻠﻲ ﻳﺪﻭﺭ ﻋﻠﻴﻬﺎ
.... ﻻﻥ ﺍﻧﺘﻲ ﺟﻨﺘﻲ ﺑﻌﺪﺝ ﺗﺤﺒﻴﻦ ﺳﻌﺪ ﻣﺠﺎﻥ ﻳﺮﻫﻢ ﺍﻛﻠﺞ ﻛﻤﻴﻞ
ﻳﺤﺒﺞ
..... ﺗﻌﺮﻑ ﻛﻤﻴﻞ ﻭﻻﻣﺮﻩ ﻛﻠﻲ ﺍﺣﺒﺞ
.... ﻫﻬﻬﻬﻪ ﺍﻱ ﻫﺬﺍ ﻫﻮ ﻛﻤﻴﻞ
.... ﻳﺨﻮﻓﻨﻲ ﺍﺣﺴﻪ ﻋﻠﻰ ﻏﻔﻠﻪ ﻳﺘﺮﻛﻨﻲ ﻭﻳﺮﻭﺡ ﻻﻥ ﺩﺍﺋﻤﺎ ﻳﺒﺘﻌﺪ
..... ﻣﻴﺮﻭﺡ ﺍﺫﺍ ﻛﻤﺸﺘﻲ ﻛﻠﺒﻪ ﻗﻮﻱ
.... ﻣﺎﺍﻋﺮﻑ ﺷﻠﻮﻥ ﺭﺍﺡ ﺗﻨﺘﻬﻲ ﻭﻳﺎﻩ ﻭﺷﻠﻮﻥ ﺭﺍﺡ ﺍﺧﻠﺺ
ﻣﻦ ﻛﻞ ﻫﺬﺍ ﺍﻟﻌﺬﺍﺏ ﺍﻟﻲ ﻋﺎﻳﺸﺘﻪ
ﻭﺻﺮﺍﺣﻪ ﻳﺎﻣﺤﻤﺪ ﻧﻮﺑﺎﺕ ﻣﻦ ﻳﻄﻠﻊ ﻛﻤﻴﻞ ﻛﻠﺒﻲ ﻳﻨﻘﺒﺾ
ﻭﺍﺧﺎﻑ ﻳﺼﻴﺮ ﺑﻲ ﺷﻲ
ﺍﺣﺲ ﺍﻟﺴﺎﻋﺎﺕ ﺍﻟﻲ ﻫﻮ ﻣﺎﻣﻮﺟﻮﺩ ﺑﻴﻬﺎ ﺻﻌﺐ ﺗﻤﺸﻲ
.... ﺍﺣﻨﺎ ﻛﻠﻨﺎ ﻋﺎﻳﺸﻴﻦ ﻫﻴﺞ ﺷﺎﻳﻠﻴﻦ ﺟﻔﻨﻪ ﺑﻴﺪﻧﺎ ﻭﻧﻤﺸﻲ ﻭﻣﺎﻋﺪﻧﺎ
ﻏﻴﺮ ﺳﺘﺮ ﺍﻟﻠﻪ
ﻭﺣﻤﺎﻳﺘﻪ ﺍﻟﻨﺎ
ﻭﻛﻠﻪ ﺑﻴﺪ ﺭﺑﺞ ﻫﻮ ﺍﻟﻴﺮﺯﻕ ﻭﻫﻮ ﺍﻟﻲ ﻳﻨﻄﻴﻨﻪ ﺍﻟﺮﻭﺡ ﻭﻫﻮ ﺍﻟﻲ ﻳﻤﻮﺗﻨﺎ
..... ﻟﻴﺶ ﻣﻨﺴﺎﻓﺮ ﻭﻧﺒﺘﻌﺪ ﻋﻦ ﻛﻠﺸﻲ ﺷﻨﻮ ﺍﻟﻲ ﻣﻨﺘﻈﺮﻱ
.... ﻛﻤﻴﻞ ﻣﻴﺤﺐ ﺍﻟﺴﻔﺮ
.... ﺍﻋﺮﻑ ﻛﻠﻲ ﺍﺧﺘﻨﻚ ﻣﻦ ﺍﻃﻠﻊ ﻣﻦ ﺍﻟﻌﺮﺍﻕ
....ﺍﻧﻲ ﺍﺿﻮﺝ ﻣﻦ ﺍﻟﺴﻔﺮ ﺑﺲ ﻣﻦ ﺍﺿﻄﺮ ﺧﻠﺺ
ﺃﻋﻮﺩ ﻧﻔﺴﻲ ﺑﺲ ﻛﻤﻴﻞ ﺻﻌﺐ ﻳﺘﻌﻮﺩ
.... ﺍﻭﻑ ﻳﺎﻛﻤﻴﻞ ﻣﺤﺪ ﻳﻔﻬﻢ ﺷﻴﺮﻳﺪ ﻭﻻﺷﻮﻥ ﻳﻔﻜﺮ
ﻣﺘﻌﺐ ﻫﺬﺍ ﺍﻻﻧﺴﺎﻥ ﻭﺍﻟﺤﻴﺎﻩ ﻭﻳﺎ ﻣﻐﺎﻣﺮﺓ ﺻﻌﺒﻪ
... ﺿﺤﻚ
ﻭﻛﺎﻡ ﻭﻛﻒ ﻭﻛﺎﻝ
... ﺭﺍﺡ ﺍﺭﻭﺡ ﻫﺴﻪ ﻭﺣﺎﻭﻟﻲ ﺗﺨﺎﺑﺮﻳﻦ ﻛﻤﻴﻞ ﻭﺗﺤﺠﻴﻦ ﻭﻳﺎﻩ
ﻭﻣﻦ ﻳﺠﻲ ﻛﻤﻴﻞ ﺍﺟﻲ ﺍﺗﻌﺸﻪ ﻳﻤﻜﻢ ﻋﻮﺩ
.... ﻫﻼﺑﻴﻚ ﻫﺬﺍ ﺑﻴﺘﻚ
.... ﺗﺴﻠﻤﻴﻦ ﻣﻊ ﺍﻟﺴﻼﻣﻪ
..... ﺍﻟﻠﻪ ﻭﻳﺎﻙ
ﺭﺍﺡ ﻣﺤﻤﺪ ﻭﺑﻘﻴﺖ ﻛﺎﻋﺪﺓ ﻭﻧﺘﺒﻬﺖ ﺍﻧﻮ ﺍﻧﻲ ﻣﺎﺷﺮﺑﺖ ﺍﻟﺠﺎﻱ
ﻭﺻﺎﺭ ﺑﺎﺭﺩ
ﺷﻠﺖ ﺍﻟﻜﻮﺏ ﻣﺎﻟﻲ ﻭﻛﻮﺏ ﻣﺤﻤﺪ ﻭﺩﺧﻠﺘﻬﺘﻦ ﻟﻠﻤﻄﺒﺦ ﻭﺑﻘﻴﺖ ﻛﺎﻋﺪﺓ
ﻭﻳﺎ ﻳﻮﺳﻒ ﻭﺍﻡ ﻳﺎﺳﻴﻦ
ﻭﻃﻠﻌﺖ ﻋﻠﻰ ﻓﻴﺼﻞ ﻟﻠﺤﺪﻳﻘﻪ ﻭﺻﺤﺘﻪ ﻭﺟﺎﻥ ﻛﺎﻋﺪ ﻳﻢ ﺍﻟﺤﺮﺱ
ﺍﺟﺎﻧﻲ ﺑﺴﺮﻋﻪ ﻭﻛﻠﻲ
.... ﻫﺎﺍﻡ ﻳﻮﺳﻒ ﺭﺍﻳﺪﺓ ﺷﻲ
... ﺍﺭﻳﺪﻙ ﺗﺨﺎﺑﺮﻟﻲ ﻛﻤﻴﻞ ﻭﺍﺭﻳﺪﻙ ﺗﺸﺘﺮﻳﻠﻲ ﺗﻠﻔﻮﻥ ﻫﻢ
... ﺍﻱ ﺗﺪﻟﻠﻴﻦ
... ﺩﺧﺎﺑﺮ ﻫﺴﻪ ﻛﻤﻴﻞ
... ﺍﻱ
ﻃﻠﻌﺖ ﺗﻠﻔﻮﻧﻪ ﻭﺑﻘﻰ ﺣﺎﻁ ﺍﻟﺘﻠﻔﻮﻥ ﻋﻠﻰ ﺍﺫﺍﻧﻪ
ﻭﻟﻤﻦ ﻧﻔﺘﺢ ﺍﻟﺨﻂ ﺍﻧﻄﺎﻧﻲ ﺍﻟﺘﻠﻔﻮﻥ
ﺳﻤﻌﺖ ﺻﻮﺕ ﻛﻤﻴﻞ ﻳﻜﻮﻝ
.... ﻫﺎﻓﻴﺼﻞ
.....ﺍﻧﻲ ﺑﺪﺭﻳﻪ
ﺳﻜﺖ ﻭﻣﺎﺣﺠﻰ ﻛﺘﻠﻪ
... ﺍﻟﻮ ﺍﻧﺖ ﻭﻳﺎﻳﻪ
... ﻭﻳﺎﺝ ﺍﻛﻮ ﺷﻲ
.... ﻻ ﺑﺲ ﺍﺷﺘﺎﻗﻴﺘﻠﻚ ﻭﻳﻨﻚ ﺷﻮﻛﺖ ﺗﺮﺟﻊ
... ﻋﻨﺪﻱ ﺷﻐﻞ
ﺳﻤﻌﺖ ﺻﻮﺕ ﺑﻨﻴﻪ ﻳﻤﻪ
..... ﻫﺎﻱ ﺷﻨﻮ ﺍﻟﺼﻮﺕ ﺍﻧﺖ ﻭﻳﻦ
.... ﺷﺘﺮﻳﺪﻳﻦ
.... ﻫﺎﻱ ﻋﺎﻳﻔﻨﻲ ﻭﻛﺎﻋﺪ ﺗﺘﻮﻧﺲ ﻭﻳﺎ ﺍﻟﻨﺴﻮﺍﻥ
.... ﻳﺎﺻﺨﺎﻡ ﺍﻧﻲ ﺑﺎﻟﻤﻄﻌﻢ
.... ﺍﻱ ﻭﻣﻄﻠﻊ ﻭﺣﺪﻩ ﻭﻳﺎﻙ
ﻛﻠﻲ
...ﺩﻗﻴﻘﻪ ﺧﻠﻲ ﺍﻃﻠﻊ ﺑﺮﻩ ﻭﺍﺧﺎﺑﺮﺝ
ﻭﺳﺪ ﺍﻟﺘﻠﻔﻮﻥ
ﻭﺑﺎﻭﻋﺖ ﻓﻴﺼﻞ ﺭﺍﺡ ﻫﻨﺎﻙ ﻳﻢ ﺍﻟﺤﺮﺱ
ﺩﻙ ﺍﻟﺘﻠﻔﻮﺕ ﻭﻓﺘﺤﺘﻪ
ﻛﺘﻠﻪ
.... ﺍﻟﻮﻭﻭﻭ
.... ﺍﻟﻮﻭﻭﻭﺍﻱ ﺍﺣﺠﻲ
.... ﺷﻮﻛﺖ ﺗﺮﺟﻊ
... ﻣﺎﺍﺩﺭﻱ
.... ﻟﻌﺪ ﻣﻨﻮ ﻳﺪﺭﻱ
...ﺍﻛﻮ ﺷﻲ ﺿﺮﻭﺭﻱ
.... ﺍﻱ ﺍﻛﻮ
... ﺷﻨﻮ
....ﺍﻧﻲ ﻭﺍﻧﻲ ﻭﺣﺪﻱ ﻭﺗﻌﺒﺖ ﻭﻣﻠﻴﺖ ﻭﺍﻧﻲ ﺍﻧﺘﻈﺮﺗﻚ
.... ﻭﺑﻌﺪ
..... ﺷﻠﻮﻥ ﺍﺧﻄﻔﻚ ﺑﺨﻴﺎﻟﻲ ﻳﻌﻨﻲ
... ﺷﻨﻮ
.... ﺑﻜﻴﻔﻚ ﻛﻤﻴﻞ ﺭﺩﺕ ﺑﺲ ﺍﻃﻤﻦ ﻋﻠﻴﻚ
ﻻﻥ ﻛﻠﺒﻲ ﻳﻮﺟﻌﻨﻲ ﻣﻦ ﺍﻧﺖ ﻣﻮ ﻳﻤﻲ ﻭﺍﻧﺖ ﻗﺎﺳﻲ ﻭﻣﻴﻬﻤﻚ
ﺑﺎﻥ ﺷﺒﻴﻬﺎ ﻣﻴﻬﻤﻚ ﺑﺎﻥ ﺗﻨﻘﻬﺮ ﺗﺒﺠﻲ ﺗﻀﺤﻚ ﺗﺘﻤﺮﺽ
...ﺍﻧﻲ ﻣﻴﻬﻤﻨﻲ
...... ﺍﻱ ﺍﻧﺖ ﻣﻴﻬﻤﻚ
..... ﺷﺒﻴﺞ ﺍﻟﻴﻮﻡ
.... ﺿﺎﻳﺠﻪ
.... ﻫﺎﻱ ﺍﻟﺤﻤﻞ ﻣﺄﺛﺮ ﻋﻠﻴﺞ ﺭﻭﺣﻲ ﺍﺭﺗﺎﺣﻲ
.....ﻫﺬﺍ ﺟﻮﺍﺑﻚ ﻭﻗﻠﻘﻚ ﻋﻠﻴﻪ ﻫﺬﺍ ﺍﻫﺘﻤﺎﻣﻚ
ﻟﻴﺶ ﻛﻞ ﻣﺮﻩ ﺍﺩﻛﻠﻲ ﺍﺟﻴﺞ ﻭﺍﻧﺖ ﻣﺘﺠﻲ
ﺍﺭﻳﺪﺝ ﻭﺍﻧﺖ ﺗﺒﺘﻌﺪ ﻋﻨﻲ
ﺍﻧﺖ ﻟﻴﺶ ﺗﻔﺎﺭﻛﻨﻲ ﻭﺍﻧﺖ ﺗﻌﺮﻑ ﺍﻻﺣﺴﺎﺱ ﺷﻠﻮﻥ ﻳﺼﻴﺮ
ﻟﻴﺶ ﺩﺗﺨﻠﻲ ﺍﻟﻠﻴﻞ ﺑﺪﻭﻥ ﻳﻜﻮﻳﻨﻲ
.... ﺗﺮﻳﺪﻧﻲ ﺍﺟﻴﺞ
.... ﻻ
.... ﺍﻭﻑ ﻟﻌﺪ ﺷﻨﻮ
... ﺍﻟﺤﺎﺟﻪ ﺍﻟﻲ ﻣﺎﺗﺠﻲ ﻣﻦ ﺩﺍﺧﻞ ﻗﻠﺒﻨﻪ ﻣﺎﺗﺮﺍﺩ
.... ﺑﺮﺍﺣﺘﺞ
.... ﺩﺭﺑﺎﻟﻚ ﻋﻠﻰ ﻧﻔﺴﻚ ﻛﻤﻴﻞ
.... ﺑﺎﻥ ﺍﺭﺗﺎﺣﻲ ﺷﻮﻳﻪ
....ﺍﻧﻲ ﻣﺪﺍﻛﺪﺭ ﺍﺭﺗﺎﺡ ﻻﻥ ﺍﻧﻲ ﺑﻴﻚ ﻣﺨﺪﺭﺓ ﻭﻋﻮﺍﻃﻔﻲ ﻣﻴﺘﻪ
.... ﻟﻴﺶ ﺩﺗﺤﺮﻛﻴﻦ ﻛﻠﺒﻲ ﺑﻬﺬﺍ ﺣﺠﻴﺞ
..... ﻛﻤﻴﻞ ﻣﺎﺍﻛﺪﺭ ﺍﺗﺮﻛﻚ ﺍﻧﺖ ﺍﺣﺴﺎﺳﻲ ﻭﺍﻧﺖ ﺗﻌﺮﻑ ﺷﻮﻓﺘﻚ ﻣﺜﻞ
ﺍﻟﻌﻴﺪ ﻋﻨﺪﻱ
ﻛﻠﻲ
.... ﻣﻊ ﺍﻟﺴﻼﻣﻪ ﺑﺎﻥ
ﻭﺳﺪ ﺍﻟﺘﻠﻔﻮﻥ
ﺗﻤﺸﻴﺖ ﻭﺍﻧﻲ ﻋﺒﺎﺭﺓ ﻋﻦ ﻛﺘﻠﻪ ﻣﻦ ﺍﻟﺤﺰﻥ ﻭﻣﻦ ﺍﻻﻫﻤﺎﻝ ﻭﻣﻦ ﺑﺮﻭﺩ
ﺑﺮﻏﻢ ﻛﻼﻡ ﻣﺤﻤﺪ ﺍﻟﻲ ﻛﺎﻟﻪ ﺍﻟﻲ ﻭﺑﺮﻏﻢ ﻛﻠﻲ ﻛﻤﻴﻞ ﻳﺤﺒﺞ
ﺑﺲ ﻫﻤﻴﻦ ﻣﺎﻣﺮﺗﺎﺣﻪ ﻭﻣﺎﻓﺮﺣﺎﻧﻪ
ﻭﺻﻠﺖ ﻗﺮﻳﺐ ﻣﻦ ﺍﻟﺤﺮﺱ ﻭﺍﺟﺎﻧﻲ ﻓﻴﺼﻞ ﻭﻛﺎﻝ
.... ﻫﺎﺍﻡ ﻳﻮﺳﻒ ﺣﺠﻴﺘﻲ ﻭﻳﺎ ﻛﻤﻴﻞ
... ﺍﻱ ﻫﺎﻙ ﺍﻟﺘﻠﻔﻮﻥ ﻭﺍﺷﻜﺮﻙ
ﻭﺑﺎﻭﻋﺖ ﺍﻟﺤﺮﺱ ﻭﺍﻧﻜﺴﺮ ﻛﻠﺒﻲ ﻋﻠﻴﻬﻢ
ﻛﺘﻠﻬﻢ
... ﺗﺮﻳﺪﻭﻥ ﻋﺸﺔ
ﺑﺎﻭﻋﻮ ﻋﻠﻰ ﻓﻴﺼﻞ
ﻛﻠﻲ
.... ﻻ ﻫﺴﻪ ﻫﻤﺎ ﻳﺸﺘﺮﻭﻥ ﻣﻦ ﺑﺮﻥ
ﺑﺎﻭﻋﺘﻬﻢ
ﻭﻛﺘﻠﻬﻢ
....ﻫﺴﻪ ﺍﺳﻮﻳﻠﻜﻢ ﻋﺸﻪ
ﺩﺧﻠﺖ ﺟﻮﺓ ﻭﻛﻤﺖ ﺍﺳﻮﻳﻠﻬﻢ ﻋﺸﻪ ﻭﺧﻠﺼﺘﺘﻪ ﻭﻃﻠﻌﺘﻪ ﺑﺮﺓ ﺧﻠﻴﺘﻪ
ﻋﻠﻰ ﺍﻟﻤﻴﺰ ﺍﻟﺒﺮﺓ
ﻭﺻﺤﺘﻬﻢ
ﺍﺟﻮﻱ ﻛﻌﺪﻭ ﻭﻛﺎﻟﻮﻟﻲ
... ﺭﺣﻢ ﺍﻟﻠﻪ ﻭﺍﻟﺪﻳﺞ
... ﻭﺍﻟﺪﻳﻚ
ﺩﺧﻠﺖ ﺟﻮﺓ ﻭﺻﻌﺪﺕ ﻟﻐﺮﻓﺘﻲ ﻏﺴﻠﺖ ﻭﺑﺪﻟﺖ
ﻭﻟﻤﻦ ﺗﻤﺪﺩﺕ ﻋﻠﻰ ﺍﻟﺠﺮﺑﺎﻳﻪ
ﺧﻠﻴﺖ ﻳﺪﻱ ﻋﻠﻰ ﺑﻄﻨﻲ ﻭﺿﺤﻜﺖ ﻭﻛﻠﺖ
ﻫﺬﺍ ﺷﻠﻮﻥ ﺭﺍﺡ ﻳﻄﻠﻊ ﺷﻜﻠﻪ ﺍﻭ ﺷﻜﻠﻬﺎ ﺍﻛﻴﺪ ﺍﺫﺍ ﻭﻟﺪ ﻳﻄﻠﻊ ﻳﺸﺒﻪ
ﻛﻤﻴﻞ ﺣﻠﻮﻣﺜﻠﻪ
ﻭﻋﻴﻮﻧﻪ ﻣﺜﻞ ﻋﻴﻮﻥ ﻛﻤﻴﻞ ﻭﺷﻌﺮﻩ ﻣﺜﻠﻪ ﻭﺑﻘﻴﺖ ﺍﻓﻜﺮ ﻭﺑﻌﺪﻫﺎ
ﻧﻤﺖ ﻣﻦ ﻭﻛﺖ ﻭﺣﺴﻴﺖ ﻋﻠﻰ ﺻﻮﺕ ﻃﻜﻄﻜﻪ ﺑﺎﻟﻐﺮﻓﻪ
ﻓﺘﺤﺖ ﻋﻴﻨﻲ ﻭﺷﻔﺖ ﻛﻤﻴﻞ ﺩﻳﻨﺰﻉ ﻫﺪﻭﻣﻪ
ﻛﻤﺖ ﻛﻌﺪﺕ ﺑﺴﺮﻋﻪ ﻭﺭﺣﺖ ﻋﻠﻴﻪ ﻭﺣﻀﻨﺘﻪ
ﻣﺎﺣﺴﻴﺖ ﻫﻮ ﺣﻀﻨﻲ ﺷﻔﺖ ﻳﺪﻩ ﻣﺠﺎﻧﺖ ﻛﺎﻣﺸﺘﻨﻲ
ﻛﺘﻠﻪ
.... ﻛﻤﻴﻞ
.... ﻫﺎ
ﺭﺣﺖ ﻓﺘﺤﺖ ﺍﻟﻀﻮﻩ ﻭﺭﺟﻌﺖ ﻛﻌﺪﺕ ﻋﻠﻰ ﺍﻟﺠﺮﺑﺎﻳﻪ ﻭﺑﺎﻭﻋﺖ ﻋﻠﻰ
ﺍﻟﺴﺎﻋﻪ ﻛﺘﻠﻪ
.... ﺳﺎﻋﻪ ﺑﻼﺭﺑﻌﻪ ﻫﺴﻪ ﻳﻠﻪ ﺍﺟﻴﺖ ﻭﻳﻦ ﺟﻨﺖ ﻣﻌﻘﻮﻟﻪ ﺑﺎﻟﻤﻄﻌﻢ
ﻭﻫﺬﺍ ﻳﺎﻣﻄﻌﻢ ﻟﻬﻴﺞ ﻭﻗﺖ
.... ﻣﺠﺎﻭﺑﻨﻲ
ﻭﻛﻠﻲ
.... ﺷﻠﻮﻧﺞ
..... ﻣﻮﺯﻳﻨﻪ
... ﻟﻴﺶ
.... ﻻﻥ ﺍﻧﺖ ﻣﺎﻛﻮ
.... ﺷﺮﺍﺡ ﺍﻏﻴﺮ ﺍﺫﺍ ﻣﻮﺟﻮﺩ
... ﻛﻠﺸﻲ ﺗﻐﻴﺮ ﻛﻤﻴﻞ
...... ﻓﻜﺮﺗﻲ ﺯﻳﻦ
.... ﺑﺸﻨﻮ
....ﺑﻠﻲ ﺣﺠﻴﺘﻪ ﻗﺒﻞ ﻣﺎﺍﺭﻭﺡ
ﺍﺫﻛﺮﺕ ﻛﻼﻡ ﻣﺤﻤﺪ ﻭﻣﺎﻋﺮﻓﺖ ﺷﺴﻮﻱ
ﺍﻣﺸﻲ ﻭﺭﺍ ﻛﻼﻡ ﻣﺤﻤﺪ ﻭﻻﻻ ﺑﺲ ﺍﺧﺎﻑ ﺍﺧﺴﺮ ﻛﻤﻴﻞ
ﺑﻘﻴﺖ ﺳﺎﻛﺘﻪ ﻭﺑﻌﺪﻫﺎ ﻛﺘﻠﻪ
...ﺍﻧﻲ ﻧﻌﺴﺎﻧﻪ ﺭﺍﺡ ﺍﻧﺎﻡ ﺗﺼﺒﺢ ﻋﻠﻰ ﺧﻴﺮ
ﻃﻠﻌﺖ ﻣﻦ ﺍﻟﻐﺮﻓﻪ
ﻭﺭﺣﺖ ﻟﻐﺮﻓﻪ ﻳﻮﺳﻒ ﻭﺗﻤﺪﺩﺕ
ﺑﺼﻒ ﻳﻮﺳﻒ ﻭﺑﻘﻴﺖ ﺍﺑﺎﻉ ﻋﻠﻰ ﺍﻟﺴﻜﻒ ﻣﺎﻝ ﻏﺮﻓﻪ
ﻭﻣﺎﺳﻤﻌﺖ ﺻﻮﺕ ﻭﻣﺎﻧﻤﺖ ﺑﻌﺪ ﻟﺤﺪ ﻣﺎﻃﻠﻌﺖ ﺍﻟﺸﻤﺲ
ﻛﻤﺖ ﺑﺎﻭﻋﺖ ﻣﻦ ﺷﺒﺎﻙ ﺍﻟﻐﺮﻓﻪ ﺷﻔﺖ ﻛﻤﻴﻞ
ﻳﻔﺘﺮ ﺑﺎﻟﺤﺪﻳﻘﻪ ﻭﻳﺤﺠﻲ ﺑﺎﻟﺘﻠﻔﻮﻥ
ﺭﺣﺖ ﻟﻐﺮﻓﺘﻲ
ﻟﺒﺴﺖ ﻣﻼﺑﺲ ﻣﺮﺗﺒﻪ ﻭﺷﻠﺖ ﺷﻌﺮﻱ ﻣﺜﻞ ﻗﺒﻞ
ﺍﻋﺮﻑ ﻛﻤﻴﻞ ﻳﺘﺨﺒﻞ ﻣﻦ ﺍﺷﻴﻞ ﻫﻴﺠﻲ ﺷﻌﺮﻱ
ﻭﻛﻌﺪﺕ ﺍﻡ ﻳﺎﺳﻴﻦ ﻭﻧﺰﻟﺖ ﺟﻮﺓ
ﻭﺩﺧﻠﺖ ﻟﻠﻤﻄﺒﺦ ﺍﺳﻮﻱ ﺭﻳﻮﻙ
ﺍﺟﻰ ﻛﻤﻴﻞ ﺩﺧﻞ ﻭﺑﺎﻭﻋﻠﻲ ﺑﺲ ﻣﺎﺣﺠﻰ ﻭﻳﺎﻳﻪ
ﺭﺍﺡ ﻛﻌﺪ ﻭﺑﻘﻰ ﻳﺒﺎﻭﻉ ﺑﺲ ﻣﻴﺤﺠﻲ ﺍﺑﺪ
ﻭﻧﺰﻟﺖ ﺍﻡ ﻳﺎﺳﻴﻦ ﻭﺳﻠﻤﺖ ﻋﻠﻰ ﻛﻤﻴﻞ
ﻭﺍﺟﺘﻲ ﻛﺎﻣﺖ ﺗﺴﺎﻋﺪﻧﻲ
ﺍﻡ ﻳﺎﺳﻴﻦ
ﻛﺎﻟﺘﻠﻲ
.... ﺩﻓﺘﺤﻲ ﻋﺒﺪ ﺍﻟﺤﻠﻴﻢ ﺷﻜﺪ ﺍﺣﺐ ﺍﺳﻤﻌﻪ ﻣﻦ ﺍﻟﺼﺒﺢ
... ﺍﻱ
ﻓﺘﺤﺖ ﻋﺒﺪﺍﻟﺤﻠﻴﻢ ﻭﺟﺎﻧﺖ ﺍﻏﻨﻴﻪ ﺑﻼﺵ ﻋﺘﺎﺏ
ﺑﻘﻰ ﺻﺎﻓﻦ
ﺑﻘﻴﺖ ﺍﺩﻧﺪﻥ ﻭﻳﺎ ﺍﻻﻏﻨﻴﻪ
ﻭﺍﺟﻴﺖ ﻭﻛﻔﺖ ﻛﺪﺍﻣﻪ ﻭﺧﻠﻴﺖ ﺍﻻﻛﻞ ﻋﻠﻰ ﺍﻟﻤﻴﺰ
ﻭﻛﻤﺶ ﻳﺪﻱ ﻭﺟﺮ ﺍﻟﻘﺮﺍﺻﻪ ﺍﻟﻲ ﺑﺸﻌﺮﻱ
ﻭﺷﻌﺮﻱ ﻧﻔﺘﺢ ﻭﺟﺎﻥ ﻳﻌﻮﻑ ﻳﺪﻱ
ﻭﻛﺎﻡ ﻳﺎﻛﻞ ﻋﻠﻰ ﻛﻴﻔﻪ ﻭﺑﺪﻭﻥ ﺻﻮﺕ
ﻭﻛﻌﺪﺕ ﻛﺪﺍﻣﻪ ﺍﻧﻲ ﻣﺎﺟﻨﺖ ﺍﺷﺘﻬﻲ ﺍﻛﻞ ﻻﻥ ﺍﻧﻲ ﺟﻨﺖ ﺷﺒﻌﺎﻧﻪ
ﺑﺎﻟﻘﻬﺮ
ﺑﺲ ﻛﻌﺪﺕ ﺍﻛﻠﺖ ﺷﻮﻳﻪ
.....ﻛﺘﻠﻪ
.... ﺳﻤﻌﺘﻪ ﺷﻮﻥ ﺣﻠﻮ ﻳﻜﻮﻝ ﻳﻜﻮﻝ ﺍﻧﻄﻴﺘﻚ ﺍﺣﻠﻰ ﻣﺎ ﺑﺎﻟﺪﻧﻴﺎ ﻫﻮ
ﺣﺒﻲ ﻭﺍﻣﻨﺘﻚ ﻋﻠﻰ ﺭﺍﺣﻪ ﺑﺎﻟﻲ ﻭﻓﺮﺣﻪ ﻗﻠﺒﻲ
..... ﺍﻱ ﺩﺍﺳﻤﻊ ﻣﻮﺍﻃﺮﺵ
.... ﻋﺒﺎﻟﻲ ﻣﺘﺴﻤﻊ
ﺍﻡ ﻳﺎﺳﻴﻦ ﺣﺴﺖ ﺍﻻﺟﻮﺍﺀ ﻣﺘﻜﻬﺮﺑﻪ
ﻛﺎﻟﺖ ﺭﺍﺡ ﺍﻃﻠﻊ ﺭﻳﻮﻙ ﻟﻠﺤﺮﺱ ﻭﻟﻔﻴﺼﻞ ﻭﺭﺍﺣﺖ
ﺑﻘﻴﺖ ﺻﺎﻓﻨﻪ ﻋﻠﻴﻪ
ﻭﺳﻜﻮﺗﻪ ﺧﺒﻠﻨﻲ ﻭﻧﻈﺮﺍﺗﻪ ﺑﻴﻬﺎ ﺍﻟﻒ ﺳﺆﺍﻝ
ﺑﺲ ﻣﺎﺳﺌﻞ ﻭﻻﺳﺄﻝ ﺷﻲ
ﻛﺘﻠﻪ
.... ﺍﺫﺍ ﺟﻴﺘﻚ ﻟﻠﺒﻴﺖ ﻫﻴﺞ ﻓﻼ ﺗﺠﻲ ﺍﺣﺴﻦ
ﻣﺠﺎﻭﺑﻨﻲ ﺭﺩﻳﺖ ﻛﺘﻠﻪ
ﻛﻤﻴﻞ ﻭﺍﻟﻠﻪ ﺍﻟﻌﻈﻴﻢ ﻫﺎﻱ ﺍﻟﻤﺮﺓ ﺍﺫﺍ ﺭﺣﺖ ﺑﻌﺪ ﻣﺎﺍﺭﺟﻊ
ﻻﻥ ﻫﺎﻟﻤﺮﺓ ﺍﻧﻲ ﺩﺍﺷﻮﻑ ﻭﺟﻮﺩﻱ ﻣﺎﺑﻲ ﻣﻨﻔﻌﻪ
ﻓﻤﺴﺘﺒﻴﻌﻪ ﻫﺎﻱ ﺍﻟﻤﺮﻩ
ﻟﻴﺶ ﺍﺑﻘﻰ ﺍﻟﻮﺍﺣﺪ ﻳﻮﻡ ﻳﺼﻌﺪﻧﻲ ﻟﺴﺎﺑﻊ ﺳﻤﺎ
ﻭﻳﻨﺰﻟﻨﻲ ﻟﺴﺎﺑﻊ ﻛﺎﻉ
ﻣﺠﺎﻭﺑﻨﻲ ﻭﺑﻘﻰ ﻳﺸﺮﺏ ﺍﻟﺠﺎﻱ ﻣﺎﻟﺘﻪ
.. ﻣﺮﺍﺡ ﺍﺟﺎﻭﺑﻨﻲ ﻛﻤﻴﻞ . ﻣﻮً ﻟﻴﺶ ﻫﻴﺞ ﺍﻧﻲ ﻋﺒﺎﻟﻲ ﺣﻴﺎﺗﻲ ﺍﺗﺤﻤﻠﻬﺎ
ﻋﻠﻤﻮﺩﻙ
ﻋﺒﺎﻟﻲ ﺍﻧﺴﻨﺪ ﻋﻠﻴﻚ
ﺑﺲ ﻃﻠﻌﺖ ﻏﻠﻄﺎﻧﻪ
ﺧﻠﺺ ﺍﻟﺠﺎﻱ ﻣﺎﻟﺘﻪ ﻭﻛﺎﻡ ﻭﻛﻒ ﻭﺗﻤﺸﻰ
ﻭﻛﻒ ﻛﺪﺍﻡ ﺍﻟﻤﺮﺍﻳﺎ ﺍﻟﻲ ﺑﺎﻟﻤﻤﺮ
ﻭﻟﺒﺲ ﺳﺘﺮﺗﻪ ﻭﻋﺪﻝ ﺷﻌﺮﺓ
ﻭﻃﻠﻊ
ﺧﻠﻴﺖ ﻳﺪﻱ ﻋﻠﻰ ﺭﺍﺳﻲ
ﻭﻣﺎﻋﺮﻓﺖ ﺷﺴﻮﻱ ﺍﻧﻮ ﺷﻨﻮ ﺍﻟﻲ ﺭﺍﺡ ﺍﻛﺪﺭ ﺍﺳﻮﻱ
ﻭﻣﺎﻋﻨﺪﻱ ﺍﺣﺪ ﺍﺣﺠﻴﻠﻪ ﻋﻦ ﺍﻟﻲ ﺑﻴﻪ
ﺍﺟﺘﻲ ﺍﻡ ﻳﺎﺳﻴﻦ ﻛﺎﻟﺘﻠﻲ
.... ﺷﻜﻮ ﺷﺒﻴﺞ ﺑﻨﺘﻲ
ﻣﺎﺗﺤﻤﻠﺖ ﺑﻌﺪ ﻃﻔﺮﺕ ﺍﻟﺪﻣﻌﻪ ﻣﻦ ﻋﻴﻨﻲ
ﻭﺳﻮﻟﻔﺘﻠﻬﺎ . ﻛﺎﻟﺖ
.... ﻣﻌﻘﻮﻟﻪ ﻛﻤﻴﻞ ﻫﻴﺞ ﻳﺘﺼﺮﻑ
... ﺍﻱ ﻣﻌﻘﻮﻟﻪ ﻭﻫﺴﻪ ﺍﻧﻲ ﻣﺎﺍﻋﺮﻑ ﺷﺴﻮﻱ ﻛﻮﻟﻴﻠﻲ
...... ﺟﺮﺑﻲ ﻟﺘﻬﺘﻤﻴﻦ ﺍﻟﻪ ﻫﻮ ﺩﻳﺸﻮﻓﺞ ﺩﺗﺮﺿﻴﻦ ﺩﺍﺋﻤﺎ ﻭﺗﺴﺎﻣﺤﻲ
ﺧﻠﻴﺞ ﺑﺤﺎﻟﺞ ﻭﻧﺎﻣﻲ ﺑﻐﺮﻓﻪ ﺍﺑﻨﺞ ﻭﻟﺘﺤﺠﻴﻦ ﻭﻳﺎﻩ
ﺧﻠﻲ ﻳﻌﺮﻑ ﻗﻴﻤﺘﺞ ﺑﺲ ﺍﻧﺘﻲ ﻛﺪﺍﻣﻪ ﻟﺤﺪ ﻣﺎﻳﻌﺮﻑ ﺍﻥ ﺍﻟﻠﻪ ﺣﻖ
.... ﻛﻮﻥ ﺍﺭﻭﺡ ﻣﻨﺎ ﻭﺍﻋﻮﻑ ﺍﻟﺪﻧﻴﺎ ﺗﻀﺮﺏ ﺗﻜﻠﺐ
... ﻭﻳﻦ ﺗﺮﻭﺣﻴﻦ ﺍﻧﺘﻲ ﻭﻫﺬﺍ ﺍﺑﻨﺞ ﻭﺣﺎﻣﻞ ﻭﺍﻟﻨﺎﺱ ﺭﺍﺡ ﺗﻨﻬﺶ
ﺑﻠﺤﻤﺞً
ﺍﻧﺘﻲ ﻫﻨﺎ ﻛﻠﺸﻲ ﻣﺘﻮﻓﺮﻟﺞ ﺍﺭﺿﻲ ﺑﻬﺪﺍ ﺍﻟﺸﻲ ﻭﻛﺎﻓﻲ
..... ﺑﺲ ﺍﻧﻲ ﺍﺣﺒﻪ
....ﻭﺍﻟﻲ ﻣﻴﻘﺪﺭ ﺣﺒﻨﻪ ﺷﻠﻮﻥ ﺷﻨﺴﻮﻳﻠﻪ ﻭﻟﻮ ﺍﻧﻲ ﻣﺘﺄﻛﺪﺓ ﻫﻮ ﻫﻢ
ﻳﺤﺒﺞ ﺑﺲ ﺍﻛﻴﺪ ﺍﻛﻮ ﺷﻲ ﺑﺮﺍﺳﻪ
.... ﺷﻮﻛﺖ ﻳﺒﻄﻞ ﻫﺎﻱ ﺳﻮﺍﻟﻔﻪ
.... ﻫﻢ ﺷﻔﺘﻲ ﻏﻴﻢ ﻳﻮﻛﻊ
.... ﻭﻫﺬﺍ ﺍﻟﻐﻴﻢ ﻟﺸﻮﻛﺖ ﺍﺗﺤﻤﻞ ﻇﻼﻣﻪ
...ﻟﺤﺪ ﻣﺎﺗﻨﺠﻠﻲ ﺍﻟﺪﻧﻴﺎ ﻭﺗﺒﻄﻞ ﺗﺤﺠﺐ ﺍﻟﺮﺅﻳﺎ ﻋﻦ ﻛﻠﺸﻲ ﻭﻛﻠﺸﻲ
ﻳﺼﻴﺮ ﻭﺍﺿﺢ
....ﺍﻧﻲ ﻣﺮﺗﻪ ﻭﻳﻤﻪ ﻳﻌﻨﻲ ﻣﺎﺑﻴﻨﻪ ﻋﻮﺍﺋﻖ ﻳﻌﻨﻲ ﺍﻟﻤﺴﺄﻟﻪ ﻛﻠﺶ
ﺑﺴﻴﻄﻪ ﻫﺴﻪ ﺑﺲ ﻳﺠﻲ ﻭﻳﻜﻠﻲ ﺳﻮﻱ ﻫﻴﺞ ﻭﻟﺴﻮﻳﻦ ﻫﻴﺞ ﺭﺍﺡ
ﺍﻗﺒﻞ ﻭﺍﺭﺿﻰ ﻭﺭﺍﺡ ﻳﺮﻭﺡ ﺍﻟﺰﻋﻞ ﺑﺲ ﻫﻮ ﺩﻳﻜﺒﺮ ﺑﻴﻨﻨﺎ ﺍﻟﻤﺴﺄﻟﻪ
...... ﻳﺎﺑﻨﺘﻲ ﺍﻛﻮ ﺷﻐﻼﺕ ﺑﻘﻠﺐ ﺍﻟﺮﺟﺎﻝ ﺻﻌﺐ ﺗﺘﻐﻴﺮ ﻣﻦ ﺗﺘﻐﻴﺮ ﺭﺍﺡ
ﺗﻬﺘﺰ ﺍﻟﺪﻧﻴﺎ ﺑﻌﻴﻨﻪ
ﻭﻛﻠﺸﻲ ﻳﺘﻐﻴﺮ ﺭﺍﺡ ﻳﺎﺧﺬ ﺍﻟﺴﻜﻮﺕ ﺣﻞ ﻟﻜﻠﺸﻲ ﻳﺸﻌﺮ ﺑﻲ
ﺍﻟﺮﺟﺎﻝ ﺍﻟﻲ ﻣﻦ ﺻﺪﻙ ﻳﻜﻮﻥ ﻋﻜﺲ ﺍﻟﻤﺮﺃﺓ
ﺗﺸﻮﻓﻲ ﺳﺎﻛﺖ ﻭﻣﺎﻳﺤﺠﻲ
ﻋﻦ ﺍﻟﻲ ﻳﻀﻮﺟﻪ ﻭﻋﻦ ﺍﻟﻲ ﻳﺰﻋﺠﻪ ﻭﺍﺫﺍ ﺍﺟﻰ ﺣﺎﺳﺒﺞ ﻭﻻﻋﺎﺗﺒﺞ
ﺭﺍﺡ ﻳﻜﻮﻥ ﻋﺘﺎﺑﻪ ﻭﺣﺴﺎﺑﻪ ﺛﻜﻴﻞ
ﻣﺜﻠﻪ
.... ﻭﺍﻟﻤﺮﺍﺓ ﻣﻦ ﺗﺠﻲ ﺗﺤﺎﺳﺐً ﺍﻟﺮﺟﺎﻝ ﻟﻌﺪ
... ﺍﻭﻑ ﻣﻦ ﺍﻟﻤﺮﺍﺓ ﺑﻌﺪ ﺗﻔﺘﺢ ﺣﻠﻜﻬﺎ ﻣﺎﺗﺴﺪﻩ ﺗﺮﻭﺡ ﻭﺗﺠﻲ ﻭﺫﺏ
ﺣﺠﺎﻳﻪ
ﺗﺮﻭﺡ ﻭﺗﺠﻲ ﻭﺫﺏ ﻛﻠﻤﻪ ﺍﻛﺒﺮ ﻣﻨﻬﺎ
ﻟﺤﺪ ﻣﺎﺗﺘﻌﺪﻯ ﺣﺪﻭﺩﻫﺎ ﻭﺗﻨﻄﻲ ﻣﺠﺎﻝ ﻟﻠﺮﺟﺎﻝ ﻳﺠﺎﻭﺯ ﻋﻠﻴﻬﺎ
.... ﺍﻱ ﻟﻌﺪ ﻣﻦ ﺍﻟﻤﺮﺍﺓ ﺭﺟﻠﻬﺎ ﻣﺎﻳﺤﺘﺮﻣﻬﺎ ﻭﻳﺄﺫﻳﻬﺎ ﺷﺴﻮﻱ
.... ﻟﻮ ﺗﺴﻜﺖ ﻭﺗﺤﺴﺴﻪ ﺑﻐﻠﻄﻪ ﻭﺗﺤﺎﻓﻆ ﻋﻠﻰ ﻛﺮﺍﻣﺘﻬﺎ ﻟﻮ ﺭﺍﺡ
ﺗﻔﻜﺮ ﻭﺗﻌﺮﻑ ﻧﻔﺴﻬﺎ ﻭﺻﻠﺖ ﻟﻤﺮﺣﻠﻪ ﺑﻌﺪ ﻣﺘﻜﺪﺭ ﺗﻜﻤﻞ ﻭﻳﺎﻩ ﻭﺑﻬﺎﻱ
ﺍﻟﺤﺎﻟﻪ ﺗﻄﻠﻊ ﻣﻦ ﺑﻴﺘﻪ
ﻭﺗﻬﺪﻡ ﺍﻟﺠﺴﺮ ﺍﻟﻲ ﺟﺎﻥ ﺭﺍﺑﻄﻬﻢ
ﻛﺘﻠﻬﺎ
...ﻭﺍﻟﻠﻪ ﻛﻼﻣﺞ ﺩﺭﺭ ﺑﺲ ﺷﻠﻮﻥ ﺑﻴﻪ ﻣﺎﺍﻛﺪﺭ ﺍﺫﺍ ﻣﺎﺍﺍﺣﺠﻲ
.... ﺟﺮﺑﻲ ﺍﺳﻜﺘﻴﻦ
....ﺍﻧﻲ ﺍﺭﻳﺪ ﺍﻓﺘﻬﻢً ﻟﻴﺶ ﺍﻟﻤﺸﺎﻋﺮ ﺗﺨﻠﻲ ﺍﻟﻮﺍﺣﺪ ﻣﻴﺸﻮﻑ ﺯﻳﻦ
ﻭﻳﻜﻮﻡ ﻳﺨﺒﻂ ﺑﻨﻔﺴﻪ
ﻭﻳﻔﺘﺮ ﺑﺪﺍﻳﺮﻩ
ﻭﺑﻘﻴﺖ ﻛﺎﻋﺪﺓ ﻭﺍﻡ ﻳﺎﺳﻴﻦ ﻛﺎﻟﺖ . ﺭﺍﺡ ﺍﺭﻭﺡ ﺍﺳﻮﻙ ﻭﻳﺎﻓﻴﺼﻞ
ﻛﺘﻠﻬﺎ ﺭﻭﺣﻲ
ﻃﻠﻌﺖ
ﻭﺑﻘﻰ ﻳﻮﺳﻒ ﻳﻠﻌﺐ ﺑﺎﻟﺤﺪﻳﻘﻪ ﺍﻟﺠﻮﻩ
ﻭﺭﺍ ﻧﺺ ﺳﺎﻋﻪ
ﺳﻤﻌﺖ ﺍﻟﺒﺎﺏ ﺗﻨﺪﻙ
ﻛﻠﺖ ﺍﻡ ﻳﺎﺳﻴﻦ ﻋﺪﻫﺎ ﺍﻟﻤﻔﺘﺎﺡ ﻟﻴﺶ ﻣﺘﻔﺘﺢ
ﺭﺣﺖ ﻟﻠﺒﺎﺏ ﻓﺘﺤﺘﻬﺎ ﻭﺟﺎﻥ ﺍﺷﻮﻑ ﺳﻌﺪ
ﻛﻠﺒﻲ ﻛﺎﻡ ﻳﺪﻙ ﻋﺎﻟﺴﺮﻳﻊ ﻭﻳﺪﻱ ﻛﺎﻣﺖ ﺗﺮﺟﻒ
ﺟﺎﻥ ﺿﻌﻔﺎﻥ ﻛﻠﺶ ﺑﺤﻴﺚ ﺑﺎﻗﻲ ﺟﻠﺪ ﻋﻠﻰ ﻋﻈﻢ ﻭﺷﻌﺮﻩ ﻛﺎﺻﻪ
ﺧﻔﻴﻒ ﻛﻠﺶ
.... ﺑﺪﺭﻳﻪ
....ﺍﻃﻠﻊ ﺑﺮﺓ
ﺭﺍﺩ ﻳﺪﺧﻞ ﺟﻮﺓ ﺩﻓﻌﺘﻪ
ﻭﻃﻠﻌﺖ ﻟﻠﺤﺪﻳﻘﻪ ﻭﺭﻛﻀﺖ ﻋﻠﻰ ﺍﻟﺤﺮﺱ ﻭﻛﺘﻠﻬﻢ
ﺧﺎﺑﺮﻭ
...ﻛﻤﻴﻞ
ﻭﻃﻠﻊ ﺍﻟﺘﻠﻔﻮﻥ ﻭﺍﺣﺪ ﻣﻦ ﻋﺪﻫﻢ ﻭﻛﺎﻡ ﻳﺨﺎﺑﺮ
ﻛﻤﺖ ﺍﺻﻴﺢ ﻭﺍﻛﻠﻪ ﻛﻠﻪ ﺳﻌﺪ
ﻭﻫﻮ ﻳﺘﻤﺸﻰ ﻋﻠﻰ ﻛﻴﻔﻪ ﻭﻳﻀﺤﻚ
ﻛﻠﻲ
.... ﻭﻳﻦ ﺍﺑﻨﻲ ﻟﻌﺪ
... ﺭﻭﺡ ﻣﻨﺎ ﺍﺫﺍ ﺍﺟﻰ ﻛﻤﻴﻞ ﻳﻄﻴﺢ ﺣﻈﻚ
... ﻫﻮ ﺍﻧﻲ ﺍﺭﻳﺪﻩ ﻳﺠﻲ ﻭﻳﺸﻮﻓﻨﻲ ﺷﻠﻮﻥ . ﺭﺍﺡ ﺍﻛﻤﺸﺞ
.... ﺩﺭﺑﺎﻟﻚ ﺍﻣﻮﺗﻚ ﻳﺎﻧﺬﻝ ﺷﻠﻮﻥ ﻓﺘﺖ ﻫﻨﺎ
... ﻫﺬﻭﻟﻪ ﺍﻻﻏﺒﻴﺎﺀ ﻓﻮﺗﻮﻧﻲ
ﻭﺃﺷﺮ ﻋﻠﻰ ﺍﻟﺤﺮﺱ
ﻭﺍﺟﻰ ﻭﺍﺣﺪ ﻣﻦ ﺍﻟﺤﺮﺱ ﻭﻛﻤﺸﻪ ﻛﻠﻪ
... ﺍﻧﺖ ﻣﻮﻛﻠﺖ ﺍﻧﻲ ﺍﺧﻮ ﻣﺤﻤﺪ
ﺻﺤﺖ ﺑﻴﻬﻢً
ﻛﺘﻠﻪ
... ﺷﻠﻮﻥ ﺩﺧﻠﻪ ﻫﺬﺍ ﺳﻌﺪ
...ﻭﺍﻟﻠﻪ ﻣﺎﻧﻌﺮﻑ ﺷﻜﻠﻪ ﻣﺎﺷﺎﻳﻔﻲ ﺍﺣﻨﺎ ﺟﺪﻳﺪﻳﻦ
.... ﻃﻠﻌﻪ
ﻛﺎﻡ ﻳﺼﻴﺢ
...ﻣﺎﺍﻃﻠﻊ ﺍﺭﻳﺪ ﺍﺷﻮﻑ ﺍﺑﻨﻲ ﻭﻛﻒ
ﺑﻤﻜﺎﻧﻪ ﺑﻘﻴﺖ ﻭﺍﻛﻔﻪ ﺍﺑﺎﻋﻪ ﻭﻣﺎﺍﺍﺩﺭﻱ ﻟﻴﺶ ﺷﻜﻠﻪ ﻛﺴﺮ ﺧﺎﻃﺮﻱ
ﺍﺟﻰ ﺍﻟﺤﺮﺱ ﺍﻟﺜﺎﻧﻲ
ﻭﻛﺎﻡ ﻳﻌﻴﻂ
ﻛﻠﻪ
....ﺍﻃﻠﻊ ﺑﺮﺓ ﺑﺴﺮﻋﻪ
....ﻛﺘﻠﻪ
..... ﺧﻠﻲ ﺑﺠﻲ ﻛﻤﻴﻞ ﻭﻳﺤﺎﺳﺒﻜﻢ
.....ﻭﺍﻟﻠﻪ ﻛﺎﻝ ﺍﻧﻲ ﺍﺧﻮ ﻣﺤﻤﺪ ﻭﺍﺣﻨﺎ ﻣﻨﻌﺮﻑ
ﺻﺎﺡ ﺑﺼﻮﺕ ﻋﺎﻟﻲ
.... ﺍﺑﻨﻲ ﺍﺭﻳﺪ ﺍﺷﻮﻓﻪ
.... ﻻ ﻣﺘﺸﻮﻓﻪ
.... ﺑﺎﻥ ﺍﻧﺘﻲ ﻛﻠﺒﺞ ﻃﻴﺐ
.... ﺳﻌﺪ ﺍﻃﻠﻊ ﻗﺒﻞ ﻣﻴﺠﻲ ﻛﻤﻴﻞ ﺍﻧﺖ ﻣﺘﺤﺐ ﺍﺑﻨﻚ ﺣﺘﻰ ﺗﺠﻲ
ﺗﺸﻮﻓﻪ
ﺑﺲ ﺷﻮﻑ ﺷﺘﺮﻳﺪ ﺗﺴﻮﻱ ﻣﻜﺴﻮﺭﺓ ﺟﺪﻳﺪﺓ ﻫﺴﻪ ﺍﺫﻛﺮﺕ ﺗﺴﻮﻱ
ﻫﺎﻱ ﺍﻟﻔﻌﺎﻟﻴﺎﺕ
ﺻﺤﺖ ﺑﺎﻟﺤﺎﺭﺱ
ﻛﺘﻠﻪ
...ﺧﺎﺑﺮﺕ ﻛﻤﻴﻞ
... ﻛﺎﻝ ﺍﻧﻲ ﺧﺎﺑﺮﺗﻪ ﻛﺎﻝ ﺍﻧﻲ ﻫﺴﻪ ﺭﺍﺟﻊ
ﻛﺘﻠﻪ ﻟﺴﻌﺪ
...ﺍﻃﻠﻊ ﺭﻭﺡ
ﻛﺎﻣﻮ ﻳﺠﺮﻭﻥ ﺑﻲ ﺍﻟﺤﺮﺱ ﻭﺷﻜﻮ ﻗﻤﻴﺼﻪ ﻣﻦ ﺍﻟﺠﻮ
ﻭﺍﺣﺪ ﺑﻴﻬﻢ ﺭﺍﺩ ﻳﻀﺮﺑﻪ
ﻛﺘﻠﻪ
... ﻻﻟﻀﺮﺑﻪ
ﻛﺎﻡ ﻳﺼﻴﺤﻨﻲ ﻳﻮﺳﻒ ﻣﺎﻣﺎ
ﺭﻛﻀﺖ ﺩﺧﻠﺖ ﺟﻮﺓ ﻋﻠﻴﻪ
ﻭﻛﺘﻠﻪ ﺭﻭﺡ ﺍﻟﻌﺐ ﺟﻮﺓ ﻟﺘﻄﻠﻊ ﺍﺑﺪ
ﻭﺩﺧﻠﺖ ﻭﺳﺪﻳﺖ ﺍﻟﺒﺎﺏ ﻭﺑﻘﻴﺖ ﺍﺑﺎﻉ ﻣﻦ ﺍﻟﺸﺒﺎﻙ
ﺷﻔﺘﻪ ﻃﻠﻊ ﺑﺮﺓ
ﻭﺑﻘﻰ ﻭﺍﻛﻒ ﻭﺍﻟﺤﺮﺱ ﺩﺧﻠﻮ ﻭﺳﺪﻭ ﺍﻟﺒﺎﺏ
ﺑﻘﻴﺖ ﺍﺑﺎﻋﻪ
ﻳﺎﻟﻠﻪ ﻫﺬﺍ ﻧﺎﻭﻱ ﻋﻠﻰ ﻣﻮﺗﻪ ﺍﻟﻴﻮﻡ ﻟﻴﺶ ﻭﺍﻛﻒ
ﺧﻠﻲ ﻳﺮﻭﺡ ﻳﺎﺍﻟﻠﻪ ﺭﻭﺡ ﻳﺎﺍﺛﻮﻝ
ﺑﻘﻰ ﻭﺍﻛﻒ ﻭﻳﺮﻭﺡ ﻭﻳﺠﻲ
ﻟﺤﺪ
ﻣﺎﺳﻤﻌﺖ ﻭﺭﺍ ﺷﻮﻳﻪ ﺻﻮﺕ ﺍﻟﻬﻮﺭﻥ ﻭﺍﻟﺒﺎﺏ ﻧﻔﺘﺤﺖ ﻭﻧﺴﺪﺕ ﻗﻮﻱ
ﺟﺎﻥ ﻛﻤﻴﻞ
ﻧﺰﻝ ﺑﺴﺮﻋﻪ
ﻭﺍﻭﻝ ﻣﺎﻧﺰﻝ ﻣﻦ ﺍﻟﺴﻴﺎﺭﺓ ﻃﻠﻌﺖ ﺭﻛﺾ
ﺷﺎﻓﻨﻲ
ﻛﻠﻲ
.... ﺩﺧﻠﻲ ﺟﻮﻩ
....ﻋﻮﻓﻪ ﻛﻤﻴﻞ ﻓﺪﻭﺓ ﻫﻮ ﻳﺮﻳﺪ ﻳﺸﻮﻑ ﻳﻮﺳﻒ
ﺧﻨﺰﺭ ﻋﻠﻴﻪ
، ... ﺩﺧﻠﻲ ﺟﻮﺓ
.... ﻛﻤﻴﻞ ﻟﺨﺎﻃﺮﻱ
ﺿﺮﺏ ﻋﻠﻰ ﺍﻟﺒﺎﺏ ﻣﺎﻝ ﺑﻴﺖ ﻭﻋﻴﻮﻧﻪ ﺗﺠﺪﺡ
ﻭﻭﺍﻟﺤﺮﺱ ﻓﺘﺤﻮﻫﺎ ﻋﻠﻰ ﺍﻟﺴﺮﻳﻊ
ﺍﺟﻰ ﻛﺪﺍﻣﻲ ﻛﻠﻲ
.... ﺳﻜﺘﻲ ﻭﺩﺧﻠﻲ
.... ﻛﻤﻴﻞ ﺷﻮﻓﻪ ﺷﻠﻮﻥ ﺻﺎﻳﺮ ﺧﻠﻲ ﻳﺸﻮﻑ ﺍﺑﻨﻪ
ﺍﻧﺖ ﻭﺍﻛﻒ
.... ﺍﺫﺍ ﺷﺎﻑ ﺍﺑﻨﺞ ﻣﻌﻨﺎﺗﻪ ﻃﻼﻛﺞ
ﺳﻜﺘﺖ ﻭﺩﺭﺕ ﻭﺟﻬﻲ ﻭﺩﺧﻠﺖ ﺟﻮﻩ
ﻭﺑﻘﻴﺖ ﺍﺑﺎﻉ ﻣﻦ ﺍﻟﺸﺒﺎﻙ
ﻭﺷﻔﺖ ﻛﻤﻴﻞ ﺟﺮﻩ ﺣﻴﻞ ﻣﻦ ﻫﺪﻭﻣﻪ ﻭﺩﻓﻌﻪ ﻋﻠﻰ ﺍﻟﺮﺻﻴﻒ ﺍﻟﻲ
ﻛﺪﺍﻡ ﺍﻟﺒﻴﺖ
ﻭﺟﺎﻥ ﺩﻳﺄﺷﺮ ﺑﻴﺪﻩ
ﻭﺑﻌﺪﻫﺎ ﺩﺧﻞ ﺣﺘﻰ ﺑﺎﺏ ﺳﻴﺎﺭﺗﻪ ﺟﺎﻧﺖ ﻣﻔﺘﻮﺣﻪ ﻭﻣﻦ ﺩﺧﻞ ﻟﻠﻜﺮﺍﺝ
ﺷﻤﺮ
ﻣﻔﺘﺎﺡ ﺍﻟﺴﻴﺎﺭﺓ ﺑﺎﻟﻜﺎﻉ ﺍﺧﺬﻭ ﺍﻟﺤﺮﺱ ﻭﻃﻠﻊ ﻭﺍﺣﺪ ﻣﻨﻬﻢ ﺻﻌﺪ
ﺑﺎﻟﺴﻴﺎﺭﺓ
ﻭﺩﺧﻠﻬﺎ
ﻭﻫﻮ ﻓﺘﺢ ﺍﻟﺒﺎﺏ ﻭﺳﺪﻫﺎ ﻗﻮﻱ
ﻭﺭﺍ ﻫﺖ
ﺻﺎﺡ ﺑﻌﺼﺒﻴﻪ
... ﺑﺎﻥ ﺑﺎﻥ
.... ﺍﻱ ﺟﻴﺖ
ﻭﻛﻔﺖ ﻛﺪﺍﻣﻪ
.... ﺍﻧﺘﻲ ﺷﻠﻮﻥ ﺗﻮﻛﻔﻴﻦ ﻫﻴﺞ ﻛﺪﺍﻣﻲ ﻭﻛﻮﻟﻴﻠﻲ ﺧﻄﻴﻪ ﻫﺎ
ﻛﻤﺸﺘﻪ ﻣﻦ ﻳﺪﻩ ﻭﻛﺘﻠﻪ
...ﻛﻤﻴﻞ ﺣﺒﻴﺒﻲ ﺍﻟﺪﻧﻴﺎ ﺗﺎﺧﺬ ﺣﻘﻨﻪ ﻣﻨﻪ ﺧﻠﻲ ﻳﺸﻮﻑ ﺍﺑﻨﻪ
ﺣﺴﻴﺘﻪ ﻣﻜﺴﻮﺭ ﻭﻣﺬﻟﻮﻝ
.... ﺍﻧﻘﻬﺮﺗﻲ ﻋﻠﻴﻪ
... ﺑﺼﺮﺍﺣﻪ ﺍﻱ
....ﻫﺬﺍ ﺟﺬﺍﺏ ﻭﺣﻴﺎﻝ ﺷﻜﺪ ﻣﻬﺘﻢ ﻻﺍﺑﻨﻪ ﻭﺍﺣﺪ ﻗﺬﺭ ﺗﺮﻳﺪﻱ ﻳﺸﻮﻑ
ﺍﺑﻨﺞ ﺍﺧﺬﻱ ﺍﺑﻨﺞ ﻭﺭﻭﺣﻲ
ﻭﺗﺮﻛﻨﻲ ﻭﺻﻌﺪ ﻓﻮﻙ
ﺍﺟﺘﻲ ﺍﻡ ﻳﺎﺳﻴﻦ ﻭﻛﺎﻟﺖ
... ﻫﺎﻱ ﺷﻜﻮ ﺍﻟﺪﻧﻴﺎ ﻣﻜﻠﻮﺑﻪ
.... ﺳﻌﺪ ﺟﺎﻥ ﻫﻨﺎ ﺭﺍﺩ ﻳﺸﻮﻑ ﻳﻮﺳﻒ ﻭﻛﻤﻴﻞ ﻛﻠﺐ ﺍﻟﺪﻧﻴﺎ
.....ﻭﺍﻟﻠﻪ ﺣﻘﻪ ﺧﻠﻲ ﻳﺮﻭﺡ ﻫﺬﺍ ﺍﻟﺤﻘﻴﺮ
...ﺍﻧﻘﻬﺮﺕ ﻋﻠﻴﻪ
.... ﻳﺒﻮﻭﻭﻭ ﻫﺴﻪ ﻳﺸﻮﻓﺞ ﻣﻘﻬﻮﺭﺓ ﻳﺘﺨﺒﻞ ﺩﺭﻭﺣﻲ ﺭﺍﺿﻲ ﺭﻭﺣﻲ
ﻭﻧﺎﻣﻲ ﺑﺤﻀﻨﻪ ﺍﻇﻠﻴﻦ ﻓﺎﻫﻴﻪ ﻭﺭﺍﺡ ﺍﺿﻴﻌﻴﻦ ﺍﻟﺮﺟﺎﻝ ﻣﻦ ﻳﺪﺝ
.... ﺍﻧﺘﻲ ﻣﻮﻛﻠﺘﻴﻠﻲ ﻟﺘﺤﺠﻴﻦ ﻭﻳﺎﻩ
.... ﻏﻴﺮﺕ ﺭﺃﻱ ﺭﻭﺣﻲ ﻫﺴﻪ ﻳﻤﻪ ﻻﻥ ﻫﺴﻪ ﻫﻮ ﻋﺼﺒﻲ ﺑﻌﺪﻳﻦ ﻳﻜﺐ
ﺑﻴﺞ
... ﺯﻳﻦ ﺭﺍﺡ ﺍﺭﻭﺣﻠﻪ
... ﻳﻠﻪ ﺭﻭﺣﻲ
ﺻﻌﺪﺕ ﻭﻓﺘﺤﺖ ﺍﻟﺒﺎﺏ ﻋﻠﻰ ﻛﻴﻔﻲ ﺟﺎﻥ
ﻛﺎﻋﺪ ﻛﻤﻴﻞ
ﻋﻠﻰ ﺍﻟﻜﺮﺳﻲ ﺍﻟﻲ ﻳﻢ ﺍﻟﺸﺒﺎﻙ ﻭﺣﺎﻁ ﻳﺪﻩ ﻋﻠﻰ ﺣﻠﻜﻪ
ﺟﺮﻳﺖ ﺍﻟﻄﺎﺑﻮﺭﻳﻪ ﻭﺣﻄﻴﺘﻬﺎ ﻛﺪﺍﻣﻪ
ﻭﻛﺘﻠﻪ
.... ﻛﻤﻴﻞ
... ﺷﻜﻮﻭﻭ
..... ﺍﻧﺖ ﻟﻴﺶ ﻫﻠﻜﺪ ﺻﺎﻳﺮ ﻋﺼﺒﻲ
... ﻭﺷﻨﻮً ﺍﻟﻲ ﻣﺪﻳﺨﻠﻴﻨﻲ ﺍﺻﻴﺮ ﻋﺼﺒﻲ
ﻛﻠﺸﻲ ﻳﻤﺸﻲ ﻋﻜﺲ ﻭﻳﺎﻳﻪ
.... ﻃﻮﻝ ﺑﺎﻟﻚ
ﺑﻘﻰ ﺳﺎﻛﺖ ﻣﺪﻩ ﺑﻌﺪﻫﺎ ﺑﺎﻭﻋﻠﻲ ﻭﻛﻠﻲ
.... ﻣﺤﻤﺪ ﺭﺍﺡ ﻳﺠﻲ ﻳﺘﻌﺸﻪ ﻳﻤﻨﻪ
... ﺍﻟﻴﻮﻡ
... ﺍﻱ
.... ﺯﻳﻦ
ﺑﻘﻰ ﻳﺒﺎﻭﻉ ﻋﻠﻴﻪ
ﻭﺭﺩ ﻛﻠﻲ
.... ﺑﺎﻥ ﺳﻌﺪ ﻣﺴﺤﻲ ﻣﻦ ﺣﻴﺎﺗﺞ ﻭﻣﻦ ﺣﻴﺎﺕ ﺍﺑﻨﺞ ﻃﻠﻌﻲ
.... ﺑﺲ ﻫﻮ ﺍﺑﻮ
....ﻣﻦ ﻳﻜﺒﺮ ﻋﻨﺪﻩ ﺣﺮﻳﻪ ﺍﻻﺧﺘﻴﺎﺭ ﻫﺴﻪ ﻻ ﻋﻠﻤﻮﺩﺓ ﺍﺭﻳﺪ ﻳﻮﺳﻒ
ﻳﻄﻠﻊ ﺍﻧﺴﺎﻥ ﺟﻴﺪ
ﻭﻟﺪﺍﻓﻌﻴﻦ ﻋﻨﻪ ﺑﻌﺪ ﺗﺮﺓ ﺍﻋﺼﺎﺑﻲ ﺩﺗﺤﺘﺮﻙ
ﻣﺎﺍﺍﺭﻳﺪﺝ ﺗﺒﺎﻋﻴﻦ ﻟﻐﻴﺮﻱ ﻭﺗﻬﺘﻤﻴﻦ ﻻﻱ ﺍﺣﺪ ﻏﻴﺮﻱ
.... ﺗﺄﻣﺮﻧﻲ ﺃﻣﺮ
ﺍﺑﺘﺴﻢ ﻭﻛﻠﻲ
.... ﺃﺣﺒﺞ ﺃﺣﺒﺞ
،،،،، ........ ،،،،،،،،،
ﻟﻘﺪ ﻗﺎﻟﻬﺎ ﻭﺩﻗﺎﺕ ﻗﻠﺒﻲ
ﺍﻟﻜﻞ ﺳﻤﻌﻬﺎ
ﻗﺎﻟﻬﺎ ﻭﻟﺤﻈﺎﺕ
ﻋﻤﺮﻱ ﺯﺍﺩﻫﺎ
ﻗﺎﻝ ﺃﺣﺒﻚ
ﻭﺍﻧﺎ ﺍﺻﺒﺤﺖ ﻛﺎﻟﻌﺼﻔﻮﺭﺓ
ﻃﺎﺋﺮﺓ ﻫﺎﺋﻤﻪ ﻋﺎﺷﻘﻪ
ﻛﻤﺮﺍﻫﻘﻪ
ﺗﻜﺘﺐ ﺍﺣﺒﻚ ﺑﺪﻓﺎﺗﺮ
ﻣﺬﻛﺮﺍﺗﻬﺎ
ﻗﺎﻝ ﺍﺣﺒﻚ
ﻗﺎﻟﻬﺎ ﺳﻴﺪ ﺍﻟﺼﻘﻮﺭ
ﻗﺎﻟﻬﺎ ﻭﻧﺒﻀﺎﺕ
ﻋﺸﻘﻲ ﺍﺿﺎﻋﻬﺎ
ﻗﺎﻝ ﺍﺣﺒﻚ ﻭﺍﺑﺘﺴﺎﻣﺔ
ﻗﻠﺒﻲ ﺍﺿﺎﺀﻫﺎ
ﻳﺘﺒﻊ ....
# ﺍﻟﻜﺎﺗﺒﻪ # ﺭﻭﺟﻤﺎﻥ