مـطلـقــة عــاهــرة..

الــبارتــ الــثانــي

البارت_الثاني
بس مجان عنده غير حل لان بابا جبره وبقه يقرا براسه انو هاي بت عمتك وهي يتيمه وتكسب بيها اجر وعمتك تحبك ومتضوجك وهي احسن من الغريبه وتقبل بيك وتحمد ربها واخويه جان صغير وبعمر ينضحك علي
بسرعه وابويه جانت فرصته ووگعها براسه بس يلا الحمدلله ع كل حال ومن هي اجت جانت تحاول تسيطر ع اخويه لان تربيه عمتي المصون بس اخويه ضبها وسوالها اعداده تعديل المصنع اي مثل التلفون بالضبط 😁 وفرمتها هم 😉😂 المهم صارت زينه بس الرسول عليه افضل الصلاة والسلام شگال  (أن العرق دساس ) يعني مو صوجها خطيه ومااريد اضلم بختها واحجي عليها مايصير عوفونه منها ونروح لاحمد المسكين الثاني اللي اتورط بالبليه بت عمي 👋هاي اني غاسله ايدي منها من البدايه حت قبل متجي بس شنسوي ابوي مانگدر انكله لا  يلعب بينه طوبه واخواني فقره اله حويدر 😒😂 هذا هو اللي راح يلعب ببابا طوبه 😂وصبا عايشه بعالم ثاني اني واخواني مسوينه الها يعني مخليها عايشه حياتها بالطول والعرض بس بعلمنه طبعا يعني من تريد تطلع او شي اني احجي وي احمد ومحمد وهم يقبلون لان يگولون خطيه تاليتها تتخرج وتگعد بالبيت واتگابل بابا فمخليها براحتها بس بحدود يعني سفره عادي ولبس دائما نشتريلها جديد حت لو نضغط ع نفسنه بس المهم نخليها تتونس ومتحس انو غيرها احسن منها ولانريد شي يبقه بنفسها لان بابا شايل ايده منها ومينطيها بس فلوس الخط مع العلم بابا عنده خير من الله بس محتكره النفسه والحيدر واحتياجات البيت الضروريه . وهي طالبه جامعه من حقها تعيش هاللحضات الحلوه. وهي بالمقابل تسمع كلامنه ومن نكول لا لمصلحتها تتقبل هالشي ومتحجي بالعكس تشكرنه لان دائما احنه نكون بضهرها /ماما امي انسانه طيبه ومسالمه ولو ماحضنها وكلامها الحلو وصبرها جان خرب البيت من زمان وغيرها ميصبر ع ابوي بس هي صبرت علمودنه وكبرتنه رغم الضروف وهي جانت عايشه ملكه يم اهلها بس الحض خلاها يم ابوي 😞وانضلمت حيل ويا وبس الله يعرف شگد عانت خرب حياتها وبطلها من وضيفتها واتسلط عليها وحرمها من ابسط الاشياء التفرحها باختصار محه شخصيتها وماخله عدها ثقه بنفسها بس احنه جنه نقويها ورغم هذا متنطي بي وتكول عيب يبقه ابوكم 😓هسه خلصت وعرفتكم ع عائلتي لا لا نسيت حيدر لحضه خلي اوصفه الكم حيدر نوعا ما بي طيبه ويخاف علينه بس ميبين خوفه لا يگوم يصيح وعود رجال وكذا بالبيت ويفرض رأيه علينه احنه البنات ويدخل بالشارده والوارده بس محمد يوگف بوجهه ومرات ميگدرله لان يشكي يم بابا ومحمد يخاف من ابوي لان عنده عائله برگبته وين ايروح لو وحده جان سهله بس مره وطفلين حيدر مزاجي بشكل وميسمع كلام احد ومتعجرف ومينطاق مرات نسخه بابا ومثل مگالو (الخلف مامات وبابا خلف حيدر يعني صنفه ميموت )بس احنه هم نحن اله يبقه اخونه (هو احنه باقين هيج الصراحه هذا يبقه ابونه وهذا يبقه اخونه وهذا يبقه عمنه والخ. شنسوي لعد ماباليد حيله)هسه خلصت منهم ولازم احجيلكم عني اني اللي القصه يدور محورها حولي اني
كلتلكم اسمي هبه ومواليدي 92 صغيره ولاكني حزينه بالفعل من تصرفات مجتمعي الدنيئه اني جنت عايشه وسط اجواء عائلتي العاديه واللي معضم الناس تكون حياتها هيج وخصوصا وقتنه الحالي المهم جنت طالبه ومريت بمشاكل الحياة وقسوتها وكبرت ع هالشي وبين ملل وضجر وفرح قليل وحزن كثير ومن وصلت للخامس اعدادي واني رايحه للمدرسه شفت مره تشبه المدرسات ولابسه مثل لبسهم وشخصيتها مثل شخصيتهم  ومشينه سوه بالطريق وتعرفت عليها. جانت متيهه وتريد تشوف صديقتها وبالصدفه طلعت صديقتها مدرستي اللي احبها  وعرفت انو هي مدرسه هماتينه ورحنه سوه بس جانت نضرتها اليه تختلف وبيها كلام بس معرفت افهمه المهم من اجت مدرستي تنطينه درس دخلت هي وياها وسلمت وسوت الاستاذه الدرس مفتوح ونحجي بي عن حياتنه وكالت اليوم ماكو درس نبقه نسولف ونتعرف ع حياة بعضنه بشكل اعتيادي خالي من الكذب والمبالغه وصار هيج وحجينه عن عائلاتنه واني كأي بنيه حجيت عن عائلتي عادي بس منطيت بيهم گلبي مينطيني وهم كلهم يخبلون عدا بابا اصلا اني وامي واخواني وخواتي عايشين كعائله بعيد عن بابا بس من يجي نطش وتخرب لمتنه المهم بقت هالستاذه تباوع عليه اني نسيت اكوللكم شنو شكلي اني حنطيه وعيوني وسط شعري سرح وثخين واسود مطولته واحب اسوي ضفيره هنديه صفح جسمي حلو والانوثه طاغيه علي يعني مقدمه ابن خلدون حلوه 😁وخلفيه البحتري حلوه 😂 عرفتو شقصد اكيد 😉😂طيات جسمي اقصد وبطن ماعندي وجنت مومحجبه واحب البس صدريه طويله مگسمه ع جسمي وبيها جاك طويله بس محترمه نفسي ومحترمه سمعه اهلي واطب واطلع راسي مارفعه ومااححي وي احد المهم هي ركزت عليه وسألتني هواي اشياء حت مو من حقها تعرف نصهن واني جاوبت ع گد السوال وبقت تلح وخلص الدرس وطلعنه وهي صاحتني

يتبع