مـطلـقــة عــاهــرة..

البارت التاسع

البارت_التاسع
واگع ع رجلها ومتأذيه وهي تصرخ وتبجي وسامر ولاتحرك من مكانه اجاني شعور اضربه بالقوري ع راسه البنيه احتركت وهو متحرك اخذتها للمستشفى اني وعبدالله وام سامر وجانت رجلها متأذيه بس گالو فتره وتروح لان. موحيل قوي جان القوري طافي قبل اشويه بس كالو يحتاج عنايه ومراجعه حت اتروح الاثار وهي منضرها يگطع الگلب جانت تخبل وفحطانه بجي وحمره دم ودموعها توجع الگلب حت الدكاتره حبوها وبقو شايليها ويفترون بيها حت تسكت واشترولها وگعدو من كل عقلهم يلعبون وياها هم وعبدالله واهنا اني انقهرت حيل وقارنت بينهم وبين ابوها اللي حت مااتصل وسأل عنها ونعمه وزين منه بقه ايسر يمه واني ضجت ورجعت للبيت كتله ليش هيج مو هاي بتك وهم من لحمك ودمك حالها حال ايسر وصرخت حيل وحجيت كل اللي بكلبي وكمشني سامر وكتلني كتله بحياتي ماانساها ملخني اتملخ واخذ مني ايسر وهو يبجي عليه عيوني حبيبي وطلع وشمر عليه يمن حيل وهي متأذيه وتبجي وكامت تصرخ من شمرها لان تأذت وجان يضربها حيل كامت تشهك وطلع قررت اروح لاهلي بس ايسر اشلون بقيت اتصل بي وماكو ميرد وابجي وامه تبجي وفجأ انشالت مني يمن اباوع لكيت محمد هو شالها واحمد واكف ورا شافوني شلون مكتوله ويمن رجلها ملفلفه وتبجي وضلو يصرخون ويغلطون طلع عبدالله متصل بيهم وكايللهم عمي بتكم مو مال تعيش وي الحيوان سامر راح يدمرها تعالو اخذوها واخذ احمد يمن وصعد بدللها ولم شكو شي احتاجه وبمساعده ام سامر ونزل گلي لحضه وحده متبقين مو زايده علينه انتي بقيت الطم وايسر اشلون كالو نجيبه بالمحاكم وناخذه هنا دخل سامر يفشر ويغلط عليه وع اخواني وايسر يصرخ وركض عليه حضني وحضن اخته وتجاوز سامر ع اخواني وضربهم وضربو وصارت امالخ گوه فكهم عبدالله وطلع اخواني من البيت وهو اجه سحلني وشمر يمن عليه گلي وجهج انتي وياها مااشوفه بعد وشوفي شراح اسوي واخذ ايسر كتله ودخله جوه لان يبجي واني اخواني سوده عليه اخذوني وابوي شافني وطلعت روحه واجه ركض عليه وحضني وباسني وشال يمن اتعجبت علي ونسيت اللي اني بي اول مره ابوي هيج يسوي وبقه يصيح وكلهم باجر ترفعون قضيه خلع وكلشي منريد منه بس الجهال واخواني دمهم فاير ثاني يوم راحو ورفعو قضيه اشكد توسلت مقبلو ورحت للمحكمه وشافو اثار الضرب عليه وشافو يمن وحجيت كلشي. تحت الضغط من اخواني لان جنت خايفه ع ايسر واتفاجئنه انو هو رافع قضيه على اخواني انو تهجمو علي ببيته وكتلو واخذو منه مرته وبنته واخذو اخواني للسجن وهو اجه گلي لو تسحبين القضيه وانطيج بنتج واخذ ايسر واتشوفي بالشهر مره وبعلمي واطلع اخوانج من السجن لو تبقيها واخليهم بالسجن واخذ الجهال اثنينهم منج واحرمج شوفتهم اني بقيت اتوسل بي مقبل وضربني وخفت ع اخواني عدهم عوائل شنو ذنبهم من ورايه ينسجنون واخذ واحد من جهالي بنتي اتصير اليه واكبرها واشوف ايسر بس ماانحرم منهم ثنينهم ركضت وسحبت القضيه وطلعو اخواني ورزلوني لان هيج سويت وطلقني سامر وشمر بنتي عليه واخذ فلذه كبدي وفرحتي الجبيره الاولي ايسر وبقيت يم اهلي اعالج بنتي وانتضر شوكت تجي بدايه الشهر حت اشوف ابني وجان يموتني يله يجيبه من الصبح لليل وابني يبجي ويكلي مايهتمون بيه مثلج وبيبي كوه تمشي وعبدالله يداوم وبابا بس نايم حت اجوع واني اسجل بكلامه ومحد يوكلني ويبقه ياكل ويلعب ويتعب وينام بحضني وبيوم اليجي انطي يمن الخالتها تعتني بيها حت ميحس ايسر انو مااحبه مثل اخته بس انومهم بحضني سوه ورجعت ادرس لان اهلي اصرو ع هالشي حت اكدر اخذ حضانه ايسر وحت اتوضف واعين نفسي واهلي ساعدوني حيل بس الناس كامت تنهش بعرضي ووين مااروح الگه اللي يحاول يستدرجني ويريد يرضي غريزته بيه لان مطلقه يعني سهله المنال واسمع حجي اشكال الوان وحجي بذئ بس اصبر الخاطر جهالي وبيوم راجعه من جامعتي ثنين كاعدين يمشون وشافوني وگالو يي هاي المطلقه اكيد اذا نريدها تجي ويانه للبيت لان راح الجان ضابها ولازمها وطلقها هسه تلعب بكيفها وانو هم سامعين الناس تحجي بيه وعود اني اصاحب وافتر بالبيوت واني من يوم طلقت ليهسسا بس اروح الدوامي حت بنتي من تريد شي اهلي يجيبو اليه مااطلع  بجيت حيل وغوشت عيوني من شفت هيج نضره المجتمع اليه انو اني صرت عباره عن عاهره بنضرهم لاغير ولازم اتقبل كلامهم وتحرشهم بيه وفجا شفت ابوي گدامي لزمني من ايدي ومشه بسرعه دخلني للبيت وحضني وبجه حيل گلي بويه عذريني مايوم ريحتج قبل الزواج ومن اتزوجتي ماارتاحيتي ابد وهسه رجعتي وهم مااعرف شلون اريحج ويبجي بس الشي الوحيد اللي اكدر اسوي انو انشيل منا حت متضوجين والناس تسمعج حجي وحضنته وبست ايده كتله يابه كلش كافي هسه هذا كلامك وحضنك اليه وكلش كافي حسيتك واكف بضهري وتحس بيه  گلي بويه وعد ارجع ابنج بس انجحي وخلصي دراسه وفات للبيت كلهم تعالو كعدو حواليه اريد
يتبع