مـطلـقــة عــاهــرة..

البارت الخامس

البارت_الخامس
مستحيل اخلي احد غيري يجي ويسوي نفس السويته اني ويكمل عليج بقيت ساكته فكرت اسد التلفون بس اذكرت كلامه من گلي دير بالج اسدي اصرف تصرف ميعجبج  وخفت مادري ليش گلي شو سكتي مجاوبين بقيت ساكته وهو بقه يحجي انو اني عجبته وحبني وشغلت تفكيره ومن هالكلام مال كل اثنين مقبلين عالزواج واللي كله جذب او لان كبدايه جديده وشي بعده ممجرب من قبل الطرفين وبعدين يصير شي عادي ويروح وي وقته وتبدا الحياة الزوجيه والملل مالتها ولحد يگول الحياة الزوجيه مو ممله مستحيل هالشي ✋نرجع لوين موصلنه/  جان كلامه وتصرفه اللي سوا ويايه اول مره من كسر سيارته عليه  جريء بالنسبه اليه لان جنت كلشي مااعرف ومنعزله عن البنات اللي بعمري بس ماخذه هالسوالف مال الزواج جزء من تفكيرهم وجنت كلشي مااعرف عن اول يوم بالزواج وشيصير بي بس عبالي انو هو راح يشاركني الغرفه وانو اكثر شي يسوي ايبوسني حت اصير حامل 😏(جنت غبيه بمعنى الكلمه او بالاحرى فقيره ومااعرف شي من هالقبيل لان جنت كل مااسمع شي يخص الزواج اشرد ومااحب اسمع مااعرف  ليش واكيد راح تكولون معقوله انتي هيج او انتي جذابه ماكو بنيه مطفيه هيج بس اني صدك هيج مطفيه وفقيره وع نياتي جنت شاغله نفسي بغير امور ومااحب اسال عن شي مجان وقته بعده جاي واحب هالمقوله كلشي بوقته حلو )
كمل كلامه المعسول واجه وقت يسد التلفون وسلم ورديت وسديته وصاحتني امي ونزلت سلمت ع خاله لان راحت واجه بابا عالغده ويمدح بالناس وطلع رايح سائل عليهم وكال موافق رجعو خبر بس اخويه محمد كالهم لاترجعون خبر هسه عيب شيكولون ممصدكين ميصير هيج هاي بتنه وغاليه (واني كل تصرف يسوي محمد افرح بي لان احس صدك عندي اب من بعد ابويه ويخاف عليه وضهر وسند اليه)وگال فد اسبوع او اكثر يلا ترجعون خبر ومصير الخطبه اله بعطله نص السنه ومااريد اعتراض لاتضوجونه خلونه نفرح بالبنيه وصدك وره اسبوع كامل من مسائلات اخواني عالولد ويدورون ورا بس طلع سجله نضيف 😂 ورجعو خبر لاهل سامر انو موافقين واني كل هالفتره سامر يتصل بيه يسأل عليه ومن يجيب طاري البوسه وانو يريد يعيدها ابقه ساكته واضوج ويعرف ويسكت وميحجي حجي زايد مجان يريد يضوجني ويعرفني فقيره حت جان يمشي ورايه بسيارته للحد مااوصل للمدرسه بدون ماادري  ويشوفني شلون جبانه ويگلي شبيج ليش هيج فقيره ومو مثل بنات عمرج واكله هذا طبعي وهاي تربيتي ويضل يعرفني بحاله وكمت اتعود علي يوم عن يوم وبيوم النطينه موافقه اتصل بيه فرحان ويهلهل ويگول واخيرا راح اتزوج وتصيرين يمي واني بس اسمع واضحك بعدين حسيت وسكتت وخجلت من ضحكتي وگلي شبيج مو جنت اسمع ومندمج ليش سكتي كتله كافي لاتخجلني اكثر تره اسد التلفون كال لا لا بس خلي حت لو متحجين بس اسمع صوت نفسج السريع وبقه اخر شي كال ماكو مجال اليوم اجي لبيتكم حت نتفق كتله لافدوه خليها عالجمعه لان عندي باجر امتحان ونفسه اللي رسبت بي بيوم اجيتني بسيارتك وب ...وسكتتت كام يضحك فهم شقصدت وسديت التلفون مستحملت غبائي شحجيت اني هسه يگول ممصدكه ونزلت جوه يم اهلي وعفت تلفوني فوك وبقيت الا ان صاحتني اختي فوك حت اشرحلها ولكيته داك عليه 22 مره ودازلي 4 رسائل وكلها تدل ع تنرفزه من سديت التلفون ويتهدد ويتوعد وفرحت وعجبني هالشي لان حسيت اكو من راح يحس بوجودي بحيياته وانو حكون مهمه وتصرفاتي تكدر ترفعه للسما او تنزله لسابع طبقه بالارض واكون ملكه اله وحده وشاركه حياته ويخاف عليه وابتسمت واتقصدت ماارد ع رسائله وكملت شرح لاختي وصار الليل اتصل بيه وجان التلفون بيدي فزيت وبدون قصد فتحت خط بسرعه وگلي هيج منتضره اتصالي وفتحتي خط بسرعه كتله لا والله وبررت موقفي وهو يضحك واني معصبه كلي شگد جنت معصب ع تصرف الصبح بس من سمعت صوتج نسيت كلشي وبده حجي اللي يخلي الواحد ينسطر ويتوهم 😂سديت التلفون واني فرحانه وامتحنت ونجحت بامتحاني واجه يوم الجمعه وكالعاده ضفرت ضفيرتي الهنديه اللي اعشقها ولبست نفنوف طويل تركوازي واكسسوارات ناعمه وبقيت منتضره واجت اختي وزعاطيطها عشقي احمد وامجد وعلي وعلوش جان صغير ويحبني اكثر من اخوانه ويجلب بيه بعدين اجه سامر وكعدو حجو وصاحوني اقدم الضيافه دخلت وعيونه ابد موراحه خجلني حيل وبعدين گالو نتركهم وحدهم شويه يحجون بقيت جامده بمكاني وتقرب مني كلي اريد ارجع اسوي نفس السويته ذاك اليوم منعته بس هو سمين شويه ومگدرتله ميندفع بس الحمدلله اجه علوش ونقذني وهو غلط علي وتعاركت ويا 😂 وگلي بسيطه وين ترحين اليه اليه اكمشج اكمشج كتله ماشي بس كافي واجو اهله وكعدو بعدين راحو واتفقنه الخطبه بنص السنه مشت الايام وبقينه نسول كل فتره عالحياتنه وتعرفنه ع بعض وكمت احبه ويحبني اكثر وخلصت واجت العطله مال نص السنه وتحدد موعد الخطبه ورحت اجرت بدله چويتي حيل حلوه وسويت شعري تسريحه بسيطه
يتبع