مـطلـقــة عــاهــرة..

البارت العاشر والاخير

:
النهاااااااايه
البارت_العاشر
اريد احجي كلهم اجو وكعدو يمه كلهم بويه لاحد يقاطعني كالوله اامر كلهم بويه اني جنت افرق بينكم هواي احب حيدر ومااحبكم واصرف علي وحارمكم وقبل فتره حيدر ضربله واحد بدراجه اني اشتريتها اله بس ضميناها عنكم حت لا تضوجو هو مصار بي شي بس اهله عراكه و هدو علينه جنتو انتو الولد طالعين وبس اني والبنات بالبيت واني خفت ورحت ركض وسحبتهم بالتواسيل ورحت وياهم البيتهم وكتلهم فدوه لاتحجون وشتردون اسوي وانطيتهم فلوس كومه شغل سنين حت مايسوون الحيدر شي وخفت لا يسوون شي الكم وترحون بذنبي اني وحيدر ع هالدراجه ومن حليت سالفه الدراجه حيدر ماحترمني ابد ولاجني مسويله شي وجان بس خايف منكم بس مخاف مني ويكلي صوجك انت شتريتها اليه وايصيح اذا درو اخواني شراح يسوون بيه ويبجي الحاصل من كلامي انتو الربتكم امكم طلعتو رفعه راس وينخاف منكم ومابيوم سويتو مشكله بره وغلطتو بس حيدر الربيته اني طلع مو ادمي ويخاف منكم همزين والاجان يسوي مصايب واريدكم تحاللوني وتواهبوني لان اني وحيدر سوينه اهواي اشياء تغثكم واريدكم تسامحوني وهاي اخر ايامي اريد اعيش بنصكم وتعتبروني ابوكم وبجه اخواني گامو يبجون وحضنو وگالوله يابه محالل وموهوب وبري الذمه وكلنه كلنه هيج حت امي وسكتنا وگناله لاتحجي هيج بعد ميصير تبقه تاج راسنه انت وحيدر احنه راح انأدبه الك من يجي گام ابويه وجاب صندوك متروس فلوس كلهم هذا تعبي وشقايه الضميته منكم كل هالسنين بنفس مو طيبه هسه راح انطي الكم بنفس طيبه واريدكم تتصرفون بي بس اهم شغله تعرضون البيت للبيع وتشترون بيت جبير بحيث الكل واحد بيكم يصير غرفتين ومطبخ وحمام وتواليت يعني مثل الشقق واختكم اللي هي اني هم اليه شقه حت تستقر بيها هي وجهالها وايسر توعدوني اذا خاف الله اخذ امانته ومالحكت اسوي شي وارجعه الحضنها انتو تجيبو الها اهلي تعجبو حيل من ابوي واخذ محمد الصندوك وخلا بحضن ابوي وكله النفس بعده بيك انت تسوي كل اللي كلته تفصل واحنه نلبس واحنه بضهرك ونساعدك واجه حيدر بهاللحضات واخدو اخوانه بره تبين بعدين انووهم ضاربي كم راشدي وعادلي دخل ع ابويه وباسه من راسه وبجه وحضنه احنه واحد واحد وباسنه ومشت الايام واني انتضر اشوكت اشوف ابني ومرات جنت اشوفه مرتين بالشهر من يطلع ايسر عبدالله يتصل بيه واروح اشوفه ونكله لاتحجي واصبره انو اني راح اخده ويسكت بس ابني ضعف حيل ومياكل ابد وابوي عرض البيت للبيع وباعه وجابلنه بيت اكبر وصار مثل الشقق اليه والاحمد والمحمد وحيدر هم وبابا وماما واختي بشقه وضارت اختي صبا قريبه ع بابا ويحبها ويعوضها عالفات وخطبنه الحيدر واني ادرس حت اكمل واخذ ابني لان بعد المحكمه ماعدها عذر اذا اتوضفت وعندي بيت وبيوم اتصل عبدالله وهو يبجي كلي لحكي ابنج راح يروح من ايدنه وانطاني اسم المستشفى ركضت بله نعال تكرمون وحيدر ركض ورايه وصعدني سياره وبالطريق كوه عرف شبيه وصلنه للمستشفى وشفت سامر ودفعته لكيت ابني فاقد الوعي ومشكليله اجهزه كومه بي فقر دم حاد ومتأذي وضغطه هابط وطلع مماكل صار اسبوع وابو هامله اني شفته هيج احترك دمي وحيدر ركض ورفع دعوه ع سامر حت ترجع الحضانه اليه وبقيت اسبوع بالمستشفى لامبدله ولامتحركه من مكاني وبس ابجي واكول بسببي لو متحمله واضرب بسامر كل مااشوفه وكعد ايسر وكمت اوكله بيدي ورجعت صحته شويه شويه تصير احسن واخذته البيتي غصب ع سامر لان ميكدرله وامه جبيره والمحكمه من عرفو عندي بيتي الخاص وشغلي لان كمت اشتغل بروضه اهليه الصبح والعصر جامعتي مسائي وشافو بنتي شلون مهتمه بيها وايسر شلون تمرض من قله اهتمام ابو والمحاميه جانت شاطره حيل صارت الحضانه اليه ورجع ايسر الحضني وصارت عندي نفقه الجهالي وعشنه ابيتنه عيشه تخبل وايسر رجعت روحه وعافيته ومشت الايام والسنين وتخرجت وكبرو جهالي وضارو مدارس وكل هذا بفضل اهلي عليه وماانسا الهم الا يوم يبعثون لو ماهم قووني واتحركو وياي وعانوني اني مجان تحركت خطوه لان الناس مارحمتني ابد وكل همهم شلون ينهشون ويهتكون عرضي. وسمعت هواي هالكلمه عاهره كوني مطلقه وهالشي لاعيب ولاحرام ولااني اللي جبته النفسي لا بس هذا قدري واني راضيه بي والحمدلله ع كل حال واتمنه من كل مطلقه انو تجاهد مثلي وتوصل للي تريده وتعوف كلام الناس وراها لان لايقدم ولايأخر بس يهدم امانينه واحلامنه واذا اطلقت يعني شنو هاهيه قابل خلصت حياتي انتهه كالشي بحياتي لا بالعكس لازم ابدا حياة جديده واشوف شسوي بعمري الجاي ومااوكف يم كلمه من الناس لو موقف وخصوصا اذا عندي جهال اربيهم تربيه يحسدوهم الناس عليها لان اكرس كل حياتي الهم ويارب يرزق كل مطلقه عائله مثل عائلتي حت يساعدوها وميصيرون هم والزمن عليها
واخر شي والاهم انو لازم يصير عدنه يقين انو رب_العالمين_سبحانه_وتعالى ميترك عبد ويسد باب بوجهه الا ويفتح10غيرها