مـطلـقــة عــاهــرة..

البارت الثامن

البارت_الثامن
وگلي مداومين راح تصيرين ام ومن هالحجي وهذا ابني مااخلي بيد احد غير امه وكام يصير سامر لايطاق ويهتم بيه بس علمود حقه وعلمود اربي ابنه مستقبلا وميهتم بيه لكوني اني وجبت ايسر وفرحتي الاولى تخبلت علي وحمدت ربي وشكرته صار هالكائن اليه وربيته بعنايه وسامر گام ميطلع من البيت ومگابلني وگاعد ومات لحد مطلعت الاربعين حت يرجع كل شويه يتقرب مني وصار لايطاق تعبت حيل منه والطفل خطيه يحتاجله عنايه وصارت كومه مشاكل واكتشفت انو اني صرت حامل ع الاربعين وبيومها متت بجي هاي شلون هم سامر وهم ايسر خطيه صغير وانوب حمل وهو كيف وصاح يي هم ولد اريد واسمي ايمن واني بيا حال بعدين حمدت الله وشكرته ع النعمه غيري يتمناها وبدت رحمه الله المره اللي تشتغل جانت بطلت ومجابو غيرها  وصار البيت عليه وسامر وايسر والحمل وعبدلله من اشوفه محتار گلبي مينطيني مااساعده خطيه جنت اعوف ايسر يمه يهتم بي حت اكمل شغلي بس ارجع الكا شايله ويلعب بوجهه وياخذله صور مال مخابيل ويضحك علي بس جان يعتني بي حيل وحت يشربه ممه وينومه احسه مثل اختي 😂 وصار وقت اعرف جنس الجنين وطلعت ابنيه😍 كيفت حيل بيها  وتخبل سامر عليه شلون وشلون عبالك اني السبب استغفر الله وگام يتعصب عليه من اتفه الاسباب وشلني شل وايسر كام يكبر ويريد كومه اشياء واني بطني واصله الخشمي تعبت حيل وقررت اولد يم اهلي حت خواتي يهتمون بايسر وبالبنيه وسامر مقبل ويصيح اني شلون بيه ويتعارك لحد مااخذت الطفل وشردت مبقه اسبوع واولد رحت لاهلي وحجيت لامي وكالت اني احجي ويا وفعلا اجه ورايه وامي حجت ويا ووافق وراح وبيوم ولادتي سامر مااجه وماقبل حت يشوفها كوه جابو حت يسجلها باسمه وتعاركو اخواني ويا وسميتها يمن مو جان يريد ايمن مااجه ايمن اجت يمن 😍واجه شافني وسألني ع ايسر مو ع يمن بجيت هواي وكتله ليش هيج مو هي هم بنتك ميصير حرام گلي معليج بنيه شنو اني اريد ولد كتله الله نطاك الاثنين احمده وشكره وشوفها جنها عسل وبعدين اني وامك مو نسوان وبنان يعني متحبنه گلي اي انتو غير بس اني ماريد ابنيه وبقه يلغي ضوجني وراح بدون ميباوع عليها اخويه محمد كبر بأذنها وضاج حيل وگال لو يصير جان اخذتها ربتيها اني وي بنتي بس اشلون احرمج منها وشوفيها شلون ملاك جابولي ايسر واول مشافها ضربها 😂وكام يبجي وحضني وميريدها ورجعت لبيت اهلي بقيت للاربعين وصارت بنتي دبدوب وتنشال وشعرها ثخين ونازل يخبل بدلتلها وصارت لعابه فدوه العينها واجه ايسر شايل خشمه حت ياخذني امه شايله يمن وتفتر بيها مكيفه لان جانت تجنن وعبدالله يصيح وشايل ايسر ويصيح البيت جان اضلم وهسه رجعو سنافري وصارو ثنين وسامر ابد ماشال عينه وشافها دخلت للغرفه ردت ابدل وهي يمه ماوصل يمها وعافها وبجت صحت سامر فدوه بس شيلها ابدل واطلع ومشالها ونطت بجي ع ما طلعت لكيته كاعد صرت اعصاب وعيطت وبجيت وهو مانهزتله شعره ابد بقه كاعد وامه حجت ويا وماكو ومشت الايام واني كوه الحك عليهم ثلاثتهم وجانو هم نعمه بس سامر نقمه موتني وكثر مشاكلنه وكبرو الجهال وصار عمر ايسر سنتين ويمن سنه و3 اشهر وكثرت المشاكل بشكل لايطاق بحيث اذا يمن ضربت ايسر تنگلب الدنيا بالبيت ومايوم حن وشالها ابد حت كمت اضوج اذا شفت ايسر بجه من وره يمن لان مليت سنه و3 اشهر ماحن وميحن ابد وهو مو رجال طفل انهلكت وتمنيت ارجع الاهلي وزعلت ورحت وهو اجه ورجعني وهم زعلت لان جان يزيد مايقل متت من ورا اخر شي كلت لازم ابتعد عنه خلصت روحي ماخذني بس حت ياخذ حقه واربي ابنه واسوي احتياجاته واني بس كفر هيج انسانه بلا مشاعر وحت مالي وجود بحياته ويريد ولد ويلح واني گوه مدبره ذوله الاثنين ويا هو  ويگلي اذا ابنيه اموتها ومثل المخابيل يتصرف  زعلت وحجيت لاهلي الصار ابويه ضاج حيل اول مره يضوج عليه ويتأثر بيه ومحمد گلي بعد مترجعين يمه خيولي واحمد وافق محمد الرأي نسيت اكوللكم احمد ازوج من جنت حامل بيمن وابوي محجه اول مره يسكت وسامر خابرني گلي لو ترجعين هسه لو احرمج من ايسر طول عمرج سمعو اخواني وحجو ويا مقبل واطاول عليهم بس اني خفت منه مخبل وكلشي يسوي فبجيت وترجيت اخواني حت ارجع كلشي ولاايسر فرحتي الاولى وهو متعلق بيه وبعده صغير ورجعت بس سامر ذلني مذله ممشيوفه موتني وتعبني وبقيت الخاطر جهالي  بقيت وجانت. يمن كل ماتروح يمن يم ابوها يطردها ويشيل ايسر ويحرك كلبها وانى انقهر عليها واعوضها بس ايسر جان يحبها ويحاول يقربها من ابو بس لاحياة لمن تنادي وصار عمر ايسر 4اسنين ويمن 3 اسنين و3 اشهر وبدت تفهم ابوها ميحبها ويحب ايسر وكثرت المشاكل وبيوم من الايام يمن جاي تلعب يم الطباخ وابوها يمها واني وخرتها وخليتها يمه ورحت اجيب ماعون الفاكهه من الغرفه نسيته من جان ياكل سامر بي وره شويه سمعت يمن تصرخ ركضت لكيت واگع القوري مال الجاي
يتبع