مابعد اجبارهم احببته ((الجزء الاول))

البارت 1

#سهى_الشمري
#مابعد_اجبارهم_احببته
اعتذر لان انحذفت القصة بالغلط فراح ارجع انزل البارت الاول واكتبه مرة لخ وراح انزل البارت الثاني وراه تابعوها
،،،،،،،،،،،،،،،،،،،
اعرفكم بنفسي اسمي قمر عمري 21سنة من محافظة ديالى طالبة كلية اداب ابويه متوفي عايشة وية امي واختي لين عمرها 14سنة واخويه احمد عمره 10سنوات مواصفاتي سمرة حنطاوية طويلة طولي 160طولي متناسق وية جسمي رشيقة ومحجبة شعري جوزي لنهاية ظهري مااگصه لان بابا الله يرحمه جان يحب شعري ودوم يگولي لاتگصيه وعيوني جوزي وعندي صديقة وحدة وياي بالكلية اسمها نور عندي عمي مرات ينطينا فلوس ومرات لا فاحنا معتمدين على راتب بابا التقاعدي وعنده ولد اسمه ضرغام عمره 24سنة مهندس ميكانيك بالگوة حصلها بالواسطات لان ابوه عند معارف وهو عنده اخت وحدة اسمها ضحى عمرها 23سنة هذا ابن عمي يموت علية حد الهوس والكل يعرف هالشي واني مااطيقه ولاارتاحله ودوم افشله ومايعوفني وشكد الكل حاولو وياه بس مايعوفني يگول قمر الي وبس
اعرفكم بحيى اني يحيى عمري 25سنة اني استغل بمحل كماليات وية صديقي اياد واني عايش وية امي واخواني ابويه منفصل عن امي من جنا صغار عجبته وحدة وتزوجها وامي ماتحملت وتطلگت وبقينا وية امي وماعفناها ومن هذا الوقت امي صارت عدها فتحة بالقلب لان جانت تعشقه لابوي بس خذلها اخواني مهند عمره 28سنة مدرس كيمياء خاطب بنت خالتي نهال موظفة بدائرة الكهرباء عمرها 24سنة واختي ميس عمرها 18سنة طالبة سادس اعدادي مواصفاتي طويل طولي 187سم معضل جنت اروح للجيم وابيض وشعري جوزي على اشگر وعيوني خضر طبعا اكيد راح تگولون شنو هالحمي بس لان اصولي كرد مو من ديالى واني اشرب مو بيدي من جان عمري 17سنة اشرب وادمنت عليه بس مااذي احد بس اذا جان مزاجي ضارب وعصبي اگوم اضرب والكل حاولو وياي علمود يبطلوني بس ماگدروا
،،،،،،،،،،،،،،،،
قمر:يووم اني رايحة لللكلية
ام قمر:الله وياج وديري بالج يماما
قمر:ان شاء الله باي
لبست للكلية

وماعدنا فلوس للخط لذلك اروح مشي
ضرغام:شونك ياحلو اوصلج
قمر:اهووو شعدك هنا ضرغام
ضرغام:ليش هيج تردين علية نسيتي اني ابن عمج
قمر:لامانسيت انت بلوتي
ضرغام:عادي شتسميني سميني المهم على بالج
قمر:روح منا احسنلك
ضرغام:لاتعصبين حبيبتي غير احبج ورايد اشوفج شسوي يعني
قمر:هاي شفتني عوفني يلا
ضرغام:على راحتج قمورتي
وراح
قمر:قمورة بعينك يازفر گبر حتى گبر هو بس انت نقصني
ووصلت للكلية
نور:صباحووو قمارة شو اتاخرتي اليوم
قمر:هههه قمارة؟قمارة بعينج طلعلي البلوة غير
نور:ضرغام؟
قمر:اي صخام
نور:ليش هيج كارهته اصلا خوش ولد ويحبج
قمر:حبته حية ماعنده كرامة مفشلته دوم وهو لازگلي لزكة الذبان
نور:مااعرف شأكلج يلا خل نروح للمحاضرة
قمر:افف امشي يلا
ورحنا حضرنا المحاضرات وخلصت وراح نروح
نور:قمورة اليوم ارجع وياج اخويه وليد مايجيني بالنجف
قمر:الله يكثر زيارته يارب حتى دومج تجين وياي
نور:ههههه شكد خبيثة
ودنمشي
ضرغام:هلووو يبنات
قمر:اتت المصائب اهلا خيرك شعدك
نور:اهلا خوية
ضرغام:اهلا بيج وقمورة ماجاي عليج اكو طالب بكليتكم صديقي رايده بشغلة وانطانياها وطلعتن گدامي گلت اوصلجن بسيارتي
قمر:لا مانريد بس جفينا شرك
نور:وج شنو هالسان بهمس
شكرا خوية مانريد نتعبك راح نوصل
ضرغام:قمرر بطلي هذا اسلوبج اني مو احمد حتى هيج تحاجيني ومو هسة اعلمج من نجيكم بليل
قمر:اففف هو بس هاي البقت تعلمني شون احجي بقت بس المزعطة تحاجبني
نور:عززة
ضرغام:بسيطة بسيطة ماراح احجي شي لان صديقتج هنا اني اعرف اتصرف باي
وشخط سيارته وراح
نور:بس اريد اعرف شعاجبه بيج غلطج عليه ولالسانج ولاصلافتج ولااسلوبج ولاتعجرفج لو شنو واحد يفهمني
قمر:وج خل يولي موتني يااختي اكرها اكرها لازززك موتني
نور:اففف يلا وصلت باي يامتعجرفة 😁
قمر:باي يامؤدبة
وومشيت شوي ووصلت
سبحت وبدلت ولبست تركاسود نيلي ردان لان شتى وكنكت شوي اندك الباب
قمر:فوت الباب مفتوح
لين:هلو مقمورة عندي شغلة وياج بالكيمياء مافاهمتها
قمر:مقمورة بعينج انتي ونور كل ساع طالعاتلي بتسمية هية تصيحلي قمارة وانتي مقمورة هههههه طيح الله حظجن
لين:غير نحبج 😂😂
قمر:حبجن برص تعاي يلا
وداشرحلها وراح نكمل اندك الباب
احمد:قمر لين ماما تگول انزلن لان اجو بيت عمو انور
لين:كشش
قمر:اي وربي صدك كش هم اجة وياهم صخام؟
احمد:ضرغام؟اي اجة وشكلهم يردون يحجون شي
قمر:اوك يلا روح على مانلبس شالاتنا
لين:ضروري ننزل يعني؟
قمر:شكله هيج
لين:يلا عيني اجاج المعجب
قمر:نعل
لين:هههههه شبيه ضرغام اصلا كيوت
قمر:كيوت بعينج دنزلي يلا
ونزلنا
قمر:سلام عليكم
الكل:وعليكم السلام
وگعدت
ظلو يحجون وية امي واني ساكتة اخر شي
عم قمر:صدك عمو يلي سمعته؟؟
قمر:خير
عم قمر:صدك مفشلة ابن عمج لان راد يوصلج
قمر ايا گلب من اگول زعطوط محد يصدك رجال شكبرك تگول لابوك گبل(بداخلها):عمو طگت روحي منه لازگلي لزگة والنهار كله الگيه بوجهي
ضرغام:بويه هو بس اليوم صادفت عندي شغلة وية صديقي بكليتها ومن طلعت طلعت گدامي هية وصاحبتها ردت اوصلهم ظلت ترزلني وتفشلني گدام صديقتها وگدام العالم وتگلي زعطوط قابل بيها؟
ام قمر:ولج شنو هالسان يلا اعتذري من ضرغام فورا
قمر:مااعتذر وماندمانة واذا يريد اعيدها اله 😒
ضرغام:شوفو اسلوبها شون زفر وياي بس مع ذلك اني احبها ومحترمها
قمر:حبك برص يااخي مااحبك
ضرغام:لج اني اعشقج قمر وانتي راح تصيرين مرتي تصيرين وغصبا عليج
قمر:اخخخخ
عم قمر:اهدو اهدو قمر عمو تريدين ضرغام
قمر:لالالالا ابد
ضوغام:بس
عم قمر:ولا حرف ماطول ضرغام مايعوفج احسن حل نزوجج
ضرغام وقمر:مستحيل
قمر:لاهو ولاغيره مااريد اتزوج
ام قمر:يماما احسن حل حتى تعيشين حياتج ويصير عدنا رجال بالعائلة وكذلك ينساج ابن عمج
ضرغام:مااقبل مستحيل تصير لغيري
عم قمر:ننتظر جوابج ام قمر كلميها
قمر:لاتكلمني ولااكلمها مااوافق
ضرغام:على جثتي
قمر:دااسكت انت الثاني من مساع مااقبل ومااقبل منو طالب رأيك بزواجي اصلا
وبالگوة اخذوه وراحو
ستوووووب هسة انزل البارت الثاني